كتب الكاتب الفاتح جبرا المتوفرة بمعرض الدوحة
|
Re: : والله مهما كان .. مافي أجمل من شعب السودان (Re: محمد أبوجودة)
|
ياسلاااام .. يا سلااااام ياأخانا علي ..
أهووو دا الكلام ال بيفتح النفس! على غلاء السوق! ونُدرة الرغيف، غاز الطبخ، وانقطاع الكهرباء، وسوء المواصلات وبقية الجربنات آل-حاصلة لكن كمان ما ننسى، بعض المحاولات الجادة في إصلاح الحال الخراب! وهذه الحُرية التي تُخيف آل-بُعاد وال قُراب! وذا الشعب الجميل يطرُق لأجل الإصلاح والانصلاح باباً فَــباب ..
وقد تُفتَح الأبواب بعد الطرق.. وتبرأ الجّراح بعد الحــــــرق.. وتُــلــغَــى الصفقات السيادية والوزارية الخاسرة بعد الشــَّق ..
وإنّه لــَــ شـــَق، يُسمِعهم وَقَراً وَ طَق!!
| |
|
|
|
|
|
|
Re: : والله مهما كان .. مافي أجمل من شعب السودان (Re: محمد أبوجودة)
|
تحياتي وسلامي أخي الأستاذ أبوجودة وعيدك وأهلك ورباعتك ووطنك مبارك وكل البداقشك وبارك ربنا في عمر دكتور الكوباني غايتو فضلَّنا شباب الثورة ولجان المقاومة وربنا يدارق عليهم وكضّاب البقول فاهم شي في البحصل علي الثورة دي بلا (سجن البشير ودعافيس لجنة إزالة التمكين شوية أراضي ومزارع وأوراق مبعثرة وبهبرة كلام) وأقيف مني وأقيف منّك وعلي قول العمدة حمد:(يقولوا ليك بلّة كتل الحبارة بلّة كتل الحبارة أها دي قصّة بلّة الكتل بيها الحبارة) ومافي أي قصة بس بلّة عنده قصة كتل بها الحبارة... والله ثورة ماتستاهل الإنرخاية والهولة وعلي قول شيخنا الحرك: (ماتستاهل الكمرة وسكون اليوي تستاهل تنازل الوهوه مع الدامبوي) الثورة دي سنة علي عرسها هساع مفروض بكرها ولد وبوشها وطربها طرب أهااا ل هسّاع لابرّول ولا علج ولابطيخ ،ولا درار أسأله لم أجد لها إجابة هل رئيس الوزراء دكتور حمدوك رجل نابه وعميق وسياسي خبير،ويحلل في الخيوط المتشابكة بكل روية ودراية؟ قلبي يقول ذلك وعقلي يرفض!!! أم دكتور حمدوك سياسي أدور وكثير اللجلجة؟ أم دكتور حمدوك مكتوف أم زوير من المجلس العسكري والحرية والتغيير وأهل الفساد القدام؟ لا أدري ولكنني أري زمن القيمان ونهيط السلطنة والقبلية والجهوية تتشكل من جديد وربنا يحفظ الوطن وينجح هذه الثورة العظيمة الواعية
| |
|
|
|
|
|
|
Re: : والله مهما كان .. مافي أجمل من شعب السودان (Re: محمد أبوجودة)
|
ازيك أبو جودة
دي لفتت نظري:
Quote: طلب الخليفة العادل امير المؤمنين عمر بن عبد العزيز من امين بيت مال المسلمين راتب شهر مقدم عشان يشتري ملابس لطفلته بعد ان احست بالدونية من الفقر امام بقية الاطفال |
دحين زمن الخليفة دا مش قالوا الأموال فاضت لغاية ما اتعدم زول يدوه الزكاة؟
| |
|
|
|
|
|
|
Re: : والله مهما كان .. مافي أجمل من شعب السودان (Re: MOHAMMED ELSHEIKH)
|
Quote: دحين زمن الخليفة دا مش قالوا الأموال فاضت لغاية ما اتعدم زول يدوه الزكاة؟ |
مرحب بيك عزيزنا الباش.مهندس ودالشيخ،
الخبر أليَق بعصر أمير المؤمنين عُمر بن عبدالعزيز (حفيد ابن الخليفة عمر بن الخطاب، عاصم) بن مروان بن الحكم بن أبي العاص؛ ثم إنّ "الخبر" في المقال، استشهادي ثانوي من الدرجة الثانية وكدا؛ ولذا أُرجّح صدقه..! ذلك أن زمن ذاك الأمير(والذي منحه بعض مؤرّخي الدولة الإسلامية الميّالين للأمويين ومتمالئين على العبّاسيين، لقب الخليفة الراشدي الخامس!!) لم يكن كله رفاه اقتصادي! بل اعترى ســَــنــَــتــَــيه الضِّيقان. فلا تستبعد إذن، أن ملابس بنته بنت فاطمة بنت الخليفة عبدالملك (أبّوكبير!في السياسة والفهلوَة والقندلة ال ما حصلتش!) قد اهترأت بعض الشيء عمّا كانت عليه في الزمن الأسبق من خلافة أبيها؛ ولعلّ الحكاية مستولَدة من قصة سيدنا عمر بن الخطاب "رض": لما اشتكت زوجه الحلوى فقال لها ,,, من أين لي ثمن الحلوى فأُشريها ..؟ (حسبما شَعَر مُمَجــِّداً شاعر النيل، حافظ إبراهيم) ..
مع التحايا،،
| |
|
|
|
|
|
|
Re: : والله مهما كان .. مافي أجمل من شعب السودان (Re: محمد أبوجودة)
|
جاء في مقال الأخ د. الكوباني:
Quote: أمس قاعد بفكر ومدبرس ورغم اني قلت اوقف الكتابة والمفاققة مع الاحباب عشان ما احبط زول معاي...فكرت وقلت هل يا ربي كنت ساذج زي بعض اهلي في السودان…؟ لما اتخيلت انو الحكومة بشقيها السيادي والتنفيذي حيبدوا سياسة التقشف وكريب الاحزمة على البطون من اول ساعة في السلطة.. هل كنت عبيط لما دمعت وانا شايف التعايشي واقف في صف الجوازات في المطار مع المواطنين العاديين ولا مشى صالة رئاسية ولا يحزنون..وقلت خلاص بدينا الطريق الصح..وحنبقى زي الخواجات |
وأقول:
والله، دبرسوبينا .. آل-غشغشونا وصالوا ..! جهجهوا لعقلانيتنا .. وليي دموعنا آل-سالوووووو .. وبالليكزيسات يااااا حليلُم .. نكروا كُل آل-قالوووووهـ
| |
|
|
|
|
|
|
Re: : والله مهما كان .. مافي أجمل من شعب السودان (Re: محمد أبوجودة)
|
ويقول أخونا الدكتور علي:
Quote: دحين يا ناس السيادي كلكم حتى العندو دهب ولا غيرو..ويا ناس حمدوك وحكومتو..ابدوا بنفسكم وكونوا قدوة لباقي الشعب..بيعوا كل الهتش بتاع الفارهات وانكربوا واعملوا تقشف جد..اعملوا برامج اقتصادية عاجلة وخلونا من الشحدة ..شجعوا المصدرين واقفلوا البلد من الاستيراد الا الدواء ومدخلات الانتاج..اخدوا مثال من الثورة الصينية..اعلنوا عن الثورة الزراعية والتعليمية وبعدين الصناعية ..شوية شوية ما قلنا طوالي.. وطلعوا الناس تمشي مواقع الانتاج وانتوا قدامهم..انزلوا من البيوت العاجية دي ..لو اتقشفتوا جد الناس بتتحمل معاكم..وبعدين عيب كبير لمن يطلب موظف تمويل لعربات بقريب 500 مليار وكلكم برئيسكم ونائبه وباقي الجماعة تقولوا يطرشنا ويعمينا..😡 لا لا ..ده مال الشعب وانتم حراس عليهو مفروض اي شي يتصدق منكم بالاول يا وكلاء الثوار.. |
وأقول: لقد أخلصتَ لهم في النصيحة والله..
وليتهم ينتصحوابها وهم ما زالوا قادرين ..! وقُبّال ما يكوسوها بلا مُلاح، ولا يلقوها..! وذاك يومٌ عذابه مُنهَمِر، لو كانوا يسمعون..
| |
|
|
|
|
|
|
|