|
Re: ***** وجدي صالح دا ما اقتنعت بيه ابدا ***** (Re: اخلاص عبدالرحمن المشرف)
|
الوثيقة الدستورية نصت على مفوضية مكافحة الفساد ومفوضية إصلاح الخدمة المدنية... لجنة التمكين وقانونها المعيب ماعندها اي اساس دستوري وماتجي تتكلم عن سيادة حكم القانون. البلد دي اذا كان فيها سيادة لحكم القانون كانت المحكمة الدستورية حكمت ببطلان هذه اللجنة وإلغاء قانونها وكل القرارات الصادرة بموجبه... لكن للأسف نحن محكمة دستورية ذاتو ماعندنا
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: محمد بابكر احمد)
|
و عليكم السلام و رحمة الله و بركاته دكتورتنا بت المشرف قلت اشوف المؤتمر لقيت اللي ما يتسماش دا في وشي و غلبني اتابع المؤتمر حولت طوالي اصبحت اغلب مؤتمراتهم نفي اتهامات للجنة او دفاع عنها ... كثر الحديث عن ادائها و دا دليل على انها اصبحت غير مقنعة للبعض و اللي ما يتسماش اصبح كثير المدح للعساكر و لي الجنجويد .... كان في مقطع فيديو لافي قبل فترة ليه و هو بتكلم عن الجنجويد زمان و مقطع ليه حديث برضو بتكلم عن الجنجويد 180 درجة الظاهر روضوه كويس .... سلام كتير في البداية و في النهاية و بين كل السطور .....
تحياتي
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: ABUHUSSEIN)
|
توجد حسب قانون التفكيك لجنة استئنافات تنظر في طعون المتضررين من قرارت اللجنة, حسب السيدة رجاء نيكولا عضو مجلس السيادة و الرئيس المناوب للجنة الاستئنافات ان اللجنة لم تجتمع بسبب عدم تسمية الحرية و التغيير لممثليها في اللجنة بعد اعتذار المناديب المختارين! لو اشنغلت لجنة الاستئنافات شغلها لكفتك يا وجدي حرج الاعتذار و قوّمت القرارات الخاطئة أو أيدّت الصحيح منها! تأخير العدالة في حد ذاته ظلم!
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: محمد البشرى الخضر)
|
غايتو محاضرتو حقت امس ضيعا لينا في الورجغة دغمس لينا موضوع الشفيع دغمسة شديدة ، دخلنا بى حمد ومرقنا بخوجلى خالين الوفاض ما قاله غير مقنع البتة انت أصلا كلجنة ما مفروض تتدخل في إدارة القناة تعين واحد وتشيلو وتعين واحد تانى ، ليه ما سلمتو القناة الى وزارة الثقافة من قولة تيت ، تجرجرو في الموضوع عشان تمارسو سلطاتكم في الإقالة والاحالة والتعيين والتوظيف في شأن انتم غير مؤهلين له ثم يقول احضرنا الشفيع ، شنو احضرنا دى ، قول فتحنا فيهو بلاغ وتم القبض عليه ، وكلامك عن اننا ما بنهين دة كلام تقولو لى زول ما عندو حديدة . موضوع الشفيع دة ياهو الفنقل الريكة بتاعتكم ثم ثانيا ، ما قمت به امس دة نسميهو شنو ، هل دة مؤتمر صحفى ولا محاضرة ، لماذا لا تسمحوا للتلاميذ الحاضرين ديل يسألو ، وجودهم لزومو شنو عشان يتصلبو ساعة وانت تورجغ . ما قاله عن موضوع الشفيع غير مقنع تماما
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: wadalzain)
|
Quote: الوثيقة الدستورية نصت على مفوضية مكافحة الفساد ومفوضية إصلاح الخدمة المدنية... لجنة التمكين وقانونها المعيب ماعندها اي اساس دستوري وماتجي تتكلم عن سيادة حكم القانون. البلد دي اذا كان فيها سيادة لحكم القانون كانت المحكمة الدستورية حكمت ببطلان هذه اللجنة وإلغاء قانونها وكل القرارات الصادرة بموجبه... لكن للأسف نحن محكمة دستورية ذاتو ماعندنا |
أخونا محمد بابكر أهلاً بيك لا قانون و لا دستور الناس ديل شغالين عشوائي علشان كدا حا يضيعو كل شي .... لا قانون و لا دستور
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: ABUHUSSEIN)
|
Quote: توجد حسب قانون التفكيك لجنة استئنافات تنظر في طعون المتضررين من قرارت اللجنة, حسب السيدة رجاء نيكولا عضو مجلس السيادة و الرئيس المناوب للجنة الاستئنافات ان اللجنة لم تجتمع بسبب عدم تسمية الحرية و التغيير لممثليها في اللجنة بعد اعتذار المناديب المختارين! لو اشنغلت لجنة الاستئنافات شغلها لكفتك يا وجدي حرج الاعتذار و قوّمت القرارات الخاطئة أو أيدّت الصحيح منها! تأخير العدالة في حد ذاته ظلم! |
الزول دا تحديداً أخطاءه حا تكون كتيرة و المؤكد حا يكون ورط اللجنة في تجاوزات و تعديات لا حصر لها ... و هو بتكلم ظاهر جدا كمية الحقد الجواه و الشماته التي يحملها تجاه الكيزان و دا أبداً ما مفيد لي زول في موقعه تحس بيه زي كأنو بنتقم لي نفسو أكتر من بحثه عن الحقيقة و إنصاف الآخرين .... حقد و تشفي و شماته في حتة زي دي مُضرة جدا و نتائجها كارثية ....
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: محمد بابكر احمد)
|
Quote: لكن للأسف نحن محكمة دستورية ذاتو ماعندنا |
عندك في شارع البلدية من 2005 للاسف فيها قضاة الدرك الاسفل من النار وجماعة قحت المايويين المجرمين ديل لجنو كل البلد باللغاء دستور 2005 وعملو اعلان دستوري شرعن وجود الجنرالات الفاسدين ديل في حكاية مصالح مصر ودول الخليج في نهب السودان وفضحهم ابراهيم منعم منصور وما في فرق اصلا بين الجنرالات ديل وساطع ومدني عباس مدني في تجيير السودان حتي الان لمصالح قرود السيرك الامريكي اخمسةة\ مصر والسعودية والامارات وقطر وتركيا وثمثليات وجدي بقت مملة لو رجعو المال العام لبنك السودان ليه الجنيه يمارس السقوط العمودي الي الاسفل قلنا ليكم في البورد ده ما عندكم ثورة ولا حاجة اعادة تدوير بعاعيت مايو بي علمهم ونفس الناس والهرولة لي مصر ولازالت المخابرات المصرية تتحكم في السودان بي الحثالة حتي رجع دستور 2005 وولاية المحكمة الدستورية فقط
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: adil amin)
|
Quote: غايتو محاضرتو حقت امس ضيعا لينا في الورجغة دغمس لينا موضوع الشفيع دغمسة شديدة ، دخلنا بى حمد ومرقنا بخوجلى خالين الوفاض ما قاله غير مقنع البتة انت أصلا كلجنة ما مفروض تتدخل في إدارة القناة تعين واحد وتشيلو وتعين واحد تانى ، ليه ما سلمتو القناة الى وزارة الثقافة من قولة تيت ، تجرجرو في الموضوع عشان تمارسو سلطاتكم في الإقالة والاحالة والتعيين والتوظيف في شأن انتم غير مؤهلين له ثم يقول احضرنا الشفيع ، شنو احضرنا دى ، قول فتحنا فيهو بلاغ وتم القبض عليه ، وكلامك عن اننا ما بنهين دة كلام تقولو لى زول ما عندو حديدة . موضوع الشفيع دة ياهو الفنقل الريكة بتاعتكم ثم ثانيا ، ما قمت به امس دة نسميهو شنو ، هل دة مؤتمر صحفى ولا محاضرة ، لماذا لا تسمحوا للتلاميذ الحاضرين ديل يسألو ، وجودهم لزومو شنو عشان يتصلبو ساعة وانت تورجغ . ما قاله عن موضوع الشفيع غير مقنع تماما |
غايتو أنا ريحت نفسي و حولت طوالي لم لقيتو بتكلم طريقة كلامو بتستفزني شديد و كلامو عن العساكر و تطبيلو ليهم و للجنجويد كرهني فيه و بقيت ما بطيق أسمع منو كلمة واحدة ...
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: ABUHUSSEIN)
|
اللجنة كلها ما مقنعة وطريقة تشكيلا وشغلا كلو عشوائي ساي. الموضوع ده كبير جدا ومتشعب وبحتاج اتيام موسعة جدا وخطة عمل واضحة، وويب سايت يستقبل وينشر كل شي موثق وما يدي فرصة لاي طعون. عدة لجان فرعية كل واحدة تكون متخصصة في حاجة معينة، اراضي سكنية، زراعية، بنوك، مشتريات الدولة ومناقصاتا، الموتمر الوطني، الخدمة الالزامية وشركاتا، المنظمات، ذمم السياسيين والنافذين وحتي رجال الاعمال المتحالفين مع السلطة السابقة، شركات الدولة الخ الخ، كل لجنة لازم يكون فيها مدققين ماليين وفنيين في نفس المجال ومحققين وقانونيين. بعد يكون في خطة واضحة مشفوعة بي قانون او تشريع يوضح تماما الاصول دي حيتخلصوا منها كيف ومتين وعوائدا تنشر رسميا. بي طريقتهم البدائية الاستعراضية دي بعد شوية اموال الفساد كلها حتتغسل او تهاجر زي ماحاصل اسي.
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: علي عبدالوهاب عثمان)
|
الحبيب أبوحسين .. تحياتي وقبل قليل في مواقع الاخبار
صوت الهامش من جنيبف ( لا أعرف مدى مصداقية صوت الهامش ):
Quote: جنيف _ صوت الهامش
قال تقرير لمجلس حقوق الإنسان التابع للأمم المتحدة ، إنه ثمة مخاوف من أن تتحول لجنة إزالة التمكين واسترداد الأموال في السودان ، إلى عزل سياسي، وتقويض فرص المصالحة بدلا عن تعزيز حقوق الإنسان وسيادة القانون.
بالإضافة إلى ذلك أشار التقرير أنه يخلف شعورا بالاستياء في صفوف المتضررين من العملية .
وحث تقرير للخبير المستقل المعني بحقوق الإنسان في السودان، الحكومة على كفالة احترام المعايير الدولية لحقوق الإنسان، خلال مراحل العملية.
ولفت التقرير الذي حصلت عليه (صوت الهامش) إلى ضرورة وضع الإطار اللازم لعملية تدقيق تتقيد بحقوق الإنسان تجنبا لإساءة استعمالها سياسيا وضمان وصول المضررين من قرارات اللجنة إلى العدالة.
مؤكدا أن قرارات لجنة إزالة التمكين، تخضع لقانون النظام العام وهو ليس قانونا وطنيا، إنما مجموعة من القوانيين السارية على صعيد الولايات والصادرة عن المجالس التشريعية على مستوى الولايات.
وأشار التقرير، إلى أن الأطراف المتضررة من قرارات لجنة إزالة التمكين، لا تزال تنتظر الحصول على المعلومات بشأن نتيجة طعونها. |
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: اخلاص عبدالرحمن المشرف)
|
Quote: اللجنة كلها ما مقنعة وطريقة تشكيلا وشغلا كلو عشوائي ساي. الموضوع ده كبير جدا ومتشعب وبحتاج اتيام موسعة جدا وخطة عمل واضحة، وويب سايت يستقبل وينشر كل شي موثق وما يدي فرصة لاي طعون. عدة لجان فرعية كل واحدة تكون متخصصة في حاجة معينة، اراضي سكنية، زراعية، بنوك، مشتريات الدولة ومناقصاتا، الموتمر الوطني، الخدمة الالزامية وشركاتا، المنظمات، ذمم السياسيين والنافذين وحتي رجال الاعمال المتحالفين مع السلطة السابقة، شركات الدولة الخ الخ، كل لجنة لازم يكون فيها مدققين ماليين وفنيين في نفس المجال ومحققين وقانونيين. بعد يكون في خطة واضحة مشفوعة بي قانون او تشريع يوضح تماما الاصول دي حيتخلصوا منها كيف ومتين وعوائدا تنشر رسميا. بي طريقتهم البدائية الاستعراضية دي بعد شوية اموال الفساد كلها حتتغسل او تهاجر زي ماحاصل اسي. |
دا الكلام النجيض اخونا عبدالله إدريس علشان نصل لي شي مفيد و مقنع للجميع ابقى نجيب لجنة متمرسة و عارفة و فاهمة الشغلانية كويس
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: اخلاص عبدالرحمن المشرف)
|
المسالة الغريبة هي:
تنصل من مسئوليتهم عن الاخطاء وووضعها علي مسئولية ( للجان فرعية في المؤسسات) اللجان الفرعية لم يتم تعشكيلها بواسطة لجنتهم وانما ( لجان مكونة جاهزة)
كيف اتكونت ؟ متين اتكونت؟ منو الكونها؟ عشرين سؤال بضرب في مصداقية اللجنة نفسها قدرتها علي تحمل المسئولية معقول بس لجان جاهزة يبصموا بالعشرة علي قرارتها ياخي ختي لو لجان كونوها هم نفسهم ما مفروض يمرروا كل شئ يجي منها
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: Gafar Bashir)
|
Quote: قال حاولوا يرشونا ب٢ مليون دولار وشنطة دهب، |
مع التحية للاحباب كان المفروض يتم القبض على الراشي وتتم مصادرة المبالغ والذهب 2 مليون دولار كان حل مشكلة الغرق في 20 قرية
لماذا لم يتم القبض على الشخص المعني ؟؟
ومن هو الشخص من المفترض توضيح أكثر
تحياتي ابوحسين الحبيب
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: علي عبدالوهاب عثمان)
|
Quote: الذين لا يجرؤ على تسميتهم أحد لأسباب غير
|
أتفق معاك تماماً يا أستاذنا علي
المقتبس الفوق كتبته لأني اشك في ان الخوف هو سبب عدم الشفافية.
و غياب الشفافية سيتسبب في التعميم، سيتشابه الخائف مع الخائن.
حقيقة لا أبرر و لكن لا أتهم ،فقط أتساءل و أعطي benefit of the dought
و أوجه اللوم بشكل مبطن.
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: نعمات عماد)
|
مناظير
✍🏽زهير السراج
جمهورية إزالة التمكين ! * استمعت أمس الى )المؤتمر الصحفي( لعضو لجنة إزالة التمكين )وجدي صالح( الذي شرح فيه طبيعة عمل اللجنة ومصير الأموال التي تقوم بمصادرتها لصالح الدولة، والأخطاء التي وقعت فيها وعلاقتها بلجان الوزارات، والخلاف بين اللجنة والمفوض السابق لقناة الشروق المخرج التلفزيوني )الشفيع ابراهيم(، ومستقبل اللجنة التي فهمنا أنها ستتحول الى اخطبوط له أذرع في الولايات والمحليات وكل مؤسسات الدولة ! * أبدأ تعليقي على المؤتمر، بأنني لم أر )مؤتمراً صحفياً( في الدنيا منذ أن تفتحت عيناي على الحياة لا يُسمح فيه للصحفيين بإلقاء الاسئلة، وانما مشاهدة البطل وهو يستعرض مواهبه في الحديث وهم صامتون صمت القبور وكأنهم في مسرح اوبرا، ولا ادري ما جدوى وجود الصحفيين في المؤتمر إلا إذا كان الاستمتاع بالعرض الاوبرالي الذي يقدمه البطل! * لا يقلل هذا بالطبع من المجهود الذي تبذله اللجنة في التنقيب عن مفاسد النظام البائد وتعريتها، ولكنني أعترض، كما ذكرتُ من قبل، على قيامها بدور الخصم والحكم في نفس الوقت واعتدائها على اختصاصات القضاء، مما ينسف العدالة نسفا كاملا، ويمكن لأي قاضِ مبتدئ أن يلغي كل القرارات التي اصدرتها منذ بداية عملها بغض النظر عن الفساد الذي مارسته عناصر النظام البائد في الحصول على الأموال التي تقرر فيها اللجنة! * كان من الممكن، ما دام المسألة هايصة، ان ينص القانون على أن قرارات اللجنة نهائية لا تخضع للاستئناف أو التقاضي ولو كان ذلك منافياً لقواعد العدالة وحقوق الانسان، ولقد فعلها من قبل نظام )جعفر نميري( والنظام البائد نفسه الذي قام بالكثير من المصادرات بدون أن يسمح بالطعن في قراراته أمام المحاكم، ولكن أن تخدع نفسها وتحاول خداعنا بأنها تمثل دور الشاكي فقط، بينما هي تدين وتحكم وتصادر وتقوم بعمل القضاء وتنكر ذلك فهي مسرحية سخيفة لا تخيل على احد ! * تحدث الاستاذ وجدى عن وقوع اللجنة في أخطاء بفصل عدد من العاملين في الدولة بالاعتماد على تقارير من لجان الوزرات، وهو أمر خطير جدا فكيف يمكن للجنة تعمل بموجب قانون أن تعتمد على تقارير من أشخاص ليس لهم أي صفة قانونية أو رسمية، وقد يكون منبع هذه التقارير خلافات شخصية أو شكوك لا أساس لها، وتُصدر بناء ً عليها قرارات خطيرة يتوقف عليها مصير ومستقبل وسمعة العاملين، وهو ما ينسف عمل اللجنة بكامله، ويضع مصداقيتها على المحك! * كما تحدث في )المونو دراما( التي قدمها أول أمس عن )قناة الشروق(، وتوقعت منه أن يذكر الحقيقة كاملة ويعترف أنهم قاموا بتعيين مفوض جديد للقناة بعد اعفاء المفوض القديم )الاستاذ الشفيع( رغم صدور قرار سابق من اللجنة بأيلولة القناة لوزارة المالية، وهو ما يؤكد انها ليست لجنة تفكيك فقط، ولكنها تهيمن على مؤسسات الدولة التي تقوم باستعادتها، وإلا فكيف نفهم تعيين مفوض جديد للقناة بواسطة اللجنة، وليس وزارة الإعلام بحكم تخصصها في ادارة الاجهزة الاعلامية نيابة عن الدولة، بينما يكون لوزارة المالية الولاية على الأصول والمال! * جاء في الخطاب الذي أرسلته اللجنة للشفيع واخطرته فيه بإنهاء تفويضه، "ان قرار تعيين مدير للقناة صار بيد وزير الاعلام"، وعلى هذا الاساس انتظر )الشفيع( صدور قرار من وزير الاعلام بتعيين مدير حتى يباشر معه اجراءات التسليم والتسلم، حسب القانون والعرف، وإلا فإنها تكون زريبة مواشي يدخل إليها من يدخل ويخرج من يخرج بلا ضابط ولا رقيب، ولكنه فوجئ بخطاب آخر من اللجنة تعلن فيه تعيين شخص آخر )مجاملة لعضو اللجنة صلاح مناع(، وتأمره بتسليم القناة إليه، بل وترسل إليه قوة مسلحة لترغمه على ذلك، فكيف نفسر ذلك لو لم تكن اللجنة هي الآمرة والناهية في المؤسسات المصادرة رغم أن القانون وقرار المصادرة ينصان على أيلولتها الى الدولة، إلا إذا كانت اللجنة هي الدولة، وان المتحكم في اعمال ووزارات الدولة ليس رئيس الوزراء، وانما معالي رئيس اللجنة الموقرة وأعضاؤها الكرام ! * بل إنها تمارس نفس التضليل والمراوغة والخداع الذي كان يمارسه النظام البائد علينا وكأننا قطيع من الأغنام، وكان من الاجدى ان تختصر الطريق على نفسها وعلينا، وتعلن حالة الطوارئ وقيام جمهورية إزالة التمكين ومسح العقول وتطويل الذيول! الجريدة
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: خضر الطيب)
|
السلام عليكم أخانا أبوحسين، وسلام لضيوف البوست، ومع شكري وتقديري وإكباري "كمان" لما قامت وتقوم به لجنة تفكيك نظام التلاتين من يونيو89 وإزالة تمكينه واسترداد الأموال العامة فيما مضي من مؤتمراتها الدعائية - وليست الصحفية كما درجوا يُعلنون - إلّا أن طريقة الأخ وجدي صالح، فيما أسماه "مؤتمر صحفي للّجنة" وما هو بمؤتمر صحفي ولا شيتّين..! أمسية لقائه الSUNAـــوي الدّعائي؛ وكذلك طرائق زميله باللجنة التفكيكية وإزالية تمكين الإنقاذويين الأخ صلاح منّاع فيما أُخِذ عليه من لقائه بقناة الهلال الفضائية ومحاولته - بلا معنى ولالازمة!- تسكين وليس تفكيك "ظاهرة قوش الهارب وWanted عديل كدا" وُ "كمان" معاهو الملياردير البريطاني من "أصول سودانية كما علي الحاج، ربما..!" مـــو إبراهيم، في بيدر الثورة الديسمبرية المجيدة..! ولو بالفهلوة ساي كدا واستكياش الشعب الثائر، لم يعُد هذان العضوان المحترمان، يستحقّان شكراً ولا تقديرا ناهيك عن "إكبارا" بسبب ما أصبحوا يعوسون ويعيثون هُلامية وسمسرة وغَتغَتَة وتشاطراً غبياً على الناس وتذاكٍ لا تسنده حقيقة وإنما يقوم على الوهم السياسي القتّال؛ لكأنّ لجنة تفكيك نظام الثلاثين من يونيو89 وإزالة التمكين، قد راح ليها الدرب في الموية، وإذن، فلابُدّ من محاسبتهم على هذا آلعوس للعجين النّيْ، وللغتغتة والتوهيم والفهلوة الغبيانة فليركزوا للجايييييهم! وليرتدعوا عن حِسبان شخوصهم أنهم في مقام "لويس السادس عشر" في قوله: أنا الدولة .. فأرداه الشعب الفرنسي من حالق ومات كمدا.
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: محمد أبوجودة)
|
Quote: * تحدث الاستاذ وجدى عن وقوع اللجنة في أخطاء بفصل عدد من العاملين في الدولة بالاعتماد على تقارير من لجان الوزرات، وهو أمر خطير جدا فكيف يمكن للجنة تعمل بموجب قانون أن تعتمد على تقارير من أشخاص ليس لهم أي صفة قانونية أو رسمية، وقد يكون منبع هذه التقارير خلافات شخصية أو شكوك لا أساس لها، وتُصدر بناء ً عليها قرارات خطيرة يتوقف عليها مصير ومستقبل وسمعة العاملين، وهو ما ينسف عمل اللجنة بكامله، ويضع مصداقيتها على المحك! |
ِشرحو
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: Gafar Bashir)
|
قالوا غلطنا في كيت وكيت وسنعمل علي اصلاح الخطأ ياتو مؤسسة ولا هيئة قالت غلطنا ولا حمدوك زاتو ولا مدني القال الرغيف بتوفر بعد اسبوعين ولا القراي القال مجانية وتوفر الكتاب ولا حميدتي القال بداوس الدولار ولا ولا وختاها واضحة من حقك تحاسبهم كمواطن وتكتب وتشتكي عديل وياهون ديلك بظبطو في مواد تجرم الكتابة في السايبر حتي موضوع الرشوة ولا الدهب اتقال بدون تفاصيل من يدري بالتفاصيل
| |
|
|
|
|
|
|
Re: ***** وجدي صالح دا ما اقتنعت بيه ابدا ***** (Re: عبدالحفيظ ابوسن)
|
Quote: حبيبنا أبوحسين .. تحياتي وضعت يدك على الجرح .. في مثل هذه الموافق لا بد اخفاء الاحساس والعاطفة .. شماتة وتشفي تكون في المجالس الخاصة لأن المهام الموكلة إليه اشبه بالقضاء .. ولا بد أن يظهر نوع من الحياد حتى ولو على سبيل التمثيل لا يعبر عما في دواخله فقط يكون التصريح من خلال النظام والمستندات وبلغة جادة وجدي يحتاج الى دورة تدريبية في طريقة التصريحات .. ألاحظ أن هناك عشوائية في مهام اللجنة .. كيف لوزارة المالية إدارة كل هذه الأملاك ( صيانة ومراقبة وتحكم وترميم وتقييم وتثمين وبيع ... إلخ ) كان المفروض يطلبوا أموال ( كاش ) تودع في الخزانة المالية .. حبيبنا وجدي يحتاج الى وقفة طويلة وكذلك حبيبنا مناع .. أو يتركوا حبيبنا الفكي يتحدث بالنيابة عنهم
أيام مصادرة اراضي ناس علي كرتي وباقي الجماعة كنا متعاطفين جداً مع اللجنة ولكن بدأت تتحول الى ممارسات شخصية مثال ( الشفيع موظف التلفزيون )
المهمة اكبر من الشفيع .. والاشخاص وموظفي الكهرباء وغيرهم هناك ترليونات من أملاك وأموال ..
تحياتي أبوحسين الحبيب |
اخونا الحبيب استاذ علي فعلا الناس اتحمست و فرحت في الايام الاولى و تعشمو فيها خيرا و لكن ادائها اصبح ضعيفا و تقريبا كل مؤتمراتهم اصبحت تبدأ بدفاع اللجنة عن ادائها و انتقادات و اتهامات وجهت لها ... نسوا انهم لجنة لرد المظالم و اصبحو هم نفسهم متهمين بالظلم ... و مداخلات الاخوان وضحت كثير من العيوب التي شابت عمل اللجنة و بدلا من المراجعة و التصحيح كانو يدافعون عن عملهم بالنفي و الإنكار ...
تحياتي و مودتي
| |
|
|
|
|
|
|
|