|
|
|
 Re: ***** بدأ الآن بل يوم الثلاثاء 2020/6/9 ***** (Re: ABUHUSSEIN)
|
موظفين تم إنهاء خدماتهم:-
٢٣٠ ديوان الزكاة
١٤٨ للوحدات التابعة لوزارة شئون مجلس الوزراء
٩٨ مستشار وزارة العدل
٥٦ الامانة العامة لمجلس الوزراء
٤٢ مفوضية العون الانساني
٢٦ الصندوق القومي للتامين الصحي
٢١ العمل والتنمية الاجتماعية
١٦ الصندوق القومي للمعاشات والتامينات الاجتماعية
٧ المجلس القومي للسكان
٧ الامانة العامة لمجلس السيادة
| |
 
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: muntasir)
|
Quote: موظفين تم إنهاء خدماتهم:-
٢٣٠ ديوان الزكاة
١٤٨ للوحدات التابعة لوزارة شئون مجلس الوزراء
٩٨ مستشار وزارة العدل
٥٦ الامانة العامة لمجلس الوزراء
٤٢ مفوضية العون الانساني
٢٦ الصندوق القومي للتامين الصحي
٢١ العمل والتنمية الاجتماعية
١٦ الصندوق القومي للمعاشات والتامينات الاجتماعية
٧ المجلس القومي للسكان
٧ الامانة العامة لمجلس السيادة
|
علي ما اذكر بأنهم قبل رمضان ذكروا بأن عدد الذين سيتم فصلهم حوالي الألف والعدد المذكور هنا 531 فأين البقية.
| |
|
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: عبدالمنعم الطيب حسن)
|
والله يا جماعه فعلا حاجه مقلافه جدا والله والله انهم الناس ديل ما عادييين ياخى رئيس دوله يسرق ويغسل اموال ويرقص ويوق هى لله هى لله انا شخصيا بطرح فكره
انو اول حاجه ناس المؤتمر الوطنى ديل كلهم يعرضوهم على لجان طبيه مختصه فقط فى العلاج النفسى عشان نعرف نوع المرض العندهم ده لانو ده مرض والله اخطر
من الكرونا والكانسار وكمان لسه الجاى اعظم لانو لسه كمان الخبير الوطنى ربيع الواطى يمتلك 3 عمارات ورئيس اركان الجيش السابق الفريق ابراهيم سليمان عمارتين
ضخمات وعدد من قطع الاراضى وكذلك مدير الشرطه ايضا الفريق عمر جعفر اكثر من 12 بيت مابين حى الزهور والمنشية والديوم الشرقية يعنى حاجه تحير عديييل
كده السرقه زمان تسرق بيت بيتين تسكن وتاجر التانى لكن ده بس مرض نفسى لازم وال يعين البلد غايتو لعنة الله عليك يالبشير وعصابتو
| |
|
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: ABUHUSSEIN)
|
حاجة غريبة في الناس دي
ياخ السوداني العادي لو عندو مليون زيادة يدخل ويمرق لحدت ما يصرفو
وبعدين يرتاح
الكيزان ديل القروش دي كلها بععملوا بيها شنو اساسا
يعني بشة دا ساكن في قصر الحكومة كهرباء موية اكل شراب
كلو مجاني
وبعد دا كلوياخد 20 مليون دولار شهريا
هسا دا شيء طبيعي؟
| |
|
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: عبدالمنعم الطيب حسن)
|
بشه ده اصلا ما طبيعى والله انا استشرت دكتور نفسانى صديق رحمه الله قالى الزول ده لازم يحتاج ل علاج نفسى
الكلام ده قبل كم سنه لانو بكون ماسك المايك فون ويلعن مايخلى معارض لمان زبدو يرغى فجاة يقلب ل رقيص
دى نقطه المفروض اى زول يلاحظ ليها لانو مش ممكن من لحظة زعل زى ل رقيص طوالى فى حاجه هنا ما
طبيعية ابدا علاج نفسى وحتى الحرامية المعاهو ديل برضو الواحد عمرو فوق السبعين ولسع بيسرق ويقتل كانو
بيعيش مخلد فيها لعنة الله عليهم يارب العالمين
| |
|
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: ABUHUSSEIN)
|
| Quote: بشة ٢٠ مليون دولار ومقعدينك في اصلاحية يا حرامي يا معفن |
قارن بي ايامو الكان شايل عصايتو و يرقص و بين جلستو في كوبر اتخيلو بي لباس و فنلة ....
و اضحك ملء فاهك ...... 😂😂😂😂
سبحان الله
| Quote: بعدين الجاز ونافع وباقي الحبرتجية بتدوعلوا فيهم للعيد السنة دي حج بي اعداد رمزية وضحية مافي |
غايتو بكونو كملو ميزانية سجن كوبر كلها في البامبرز للكبار .... 😂😂😂
البياكلو بنزل طوالي للمستقيم من الراجيهم ....
و العيون مزهللة 24 ساعة ... 😂😂😂😂
| |
|
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: ABUHUSSEIN)
|
Quote: الزناتي في الفيسبك عامل مقارنة لطيفة
بين دخل الرئيس الامريكي والرئيس السوداني
فهو يقول ان دخل الرئيس الامريكي طوال 8 سنين حوالي 8 مليون مثلا
ودخل الرئيس السوداني في الشهر 20 مليون دولار
ايهما اغنى امريكا ام السودان
.................
الكتراااااابل |
و الله السودان غني بدليل انو المعفنين ديل اكلو مليارات الدولارات ....
الفرق في المؤسسية و ضمائر الناس ...
الله ينتقم منهم دنيا و آخرة ...
| |
|
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: ABUHUSSEIN)
|
Quote: والله يا جماعه فعلا حاجه مقلافه جدا والله والله انهم الناس ديل ما عادييين ياخى رئيس دوله يسرق ويغسل اموال ويرقص ويوق هى لله هى لله انا شخصيا بطرح فكره
انو اول حاجه ناس المؤتمر الوطنى ديل كلهم يعرضوهم على لجان طبيه مختصه فقط فى العلاج النفسى عشان نعرف نوع المرض العندهم ده لانو ده مرض والله اخطر
من الكرونا والكانسار وكمان لسه الجاى اعظم لانو لسه كمان الخبير الوطنى ربيع الواطى يمتلك 3 عمارات ورئيس اركان الجيش السابق الفريق ابراهيم سليمان عمارتين
ضخمات وعدد من قطع الاراضى وكذلك مدير الشرطه ايضا الفريق عمر جعفر اكثر من 12 بيت مابين حى الزهور والمنشية والديوم الشرقية يعنى حاجه تحير عديييل
كده السرقه زمان تسرق بيت بيتين تسكن وتاجر التانى لكن ده بس مرض نفسى لازم وال يعين البلد غايتو لعنة الله عليك يالبشير وعصابتو |
يا سنجك يا اخوي دا كلو بي اسم الدين ...
يمهل و لا يهمل و الحاصل ليهم الآن دا جزء من العقاب
مرميين بين اربعة حيطان
كان الحرس بحميهم من إنو ما حد يأذيهم الآن محروسين عشان ما يهربو
كانو في قصور و الآن في سجن مع الحرامية و النشالين و المجرمين ...
دنيا .....
| |
|
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: ABUHUSSEIN)
|
Quote: حاجة غريبة في الناس دي
ياخ السوداني العادي لو عندو مليون زيادة يدخل ويمرق لحدت ما يصرفو
وبعدين يرتاح
الكيزان ديل القروش دي كلها بععملوا بيها شنو اساسا
يعني بشة دا ساكن في قصر الحكومة كهرباء موية اكل شراب
كلو مجاني
وبعد دا كلوياخد 20 مليون دولار شهريا
هسا دا شيء طبيعي؟ |
يا منعم المعفنين ديل دي سياستهم لم استلمو الحكومة ما عندهم قاعدة جماهيرية كبيرة
و المأكلة بتجيب الناس الطماعين اللي ما عندهم ضمير يسرق ينهب يقتل
و فتحو ليهم كل الطرق للثراء و بالتالي يحافظو على مصدر سرقتهم و فسادهم
ياكلو و يعملو اي شي لبقاء النظام
القشير دا تور الله في برسيمو زول عرة ساكت و هم عايزنو كدا لإستمرارهم ....
| |
|
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: ABUHUSSEIN)
|
Quote: وضع اليد وحجز اموال وحسابات الصرافات التالية :-
1- شركة اليمامة
2- الهجرة
3- ارجين
4- الفجر
5- ديرة
6- الرازي
7- باب المندب
8- الافريقية |
أبوحسين وضيوفه الكرام ... لكم التحايا النواضر
سبق لي أن تساءلت عما هو دور مناديب الصرافة الذين أجتمع بهم مدير جهاز
المغتربين بصدد الإعداد للبطاقة الذكية للمغتربين في البوست الخاص بذلك ولم
أحصل على إجابة وكان في ذهني أن هذه الصرافات يملكها جبهجيون .. فهل
ياترى سيراجع مدير الجهاز مابدأه مع هؤلاء الفاسدين .. لا بارك الله فيهم ....
| |
|
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: ABUHUSSEIN)
|
Quote: شفت كيف .. ما قلت ليك
بل الثلاثاء غير ..
وكمان لو بقى يوم الاربعاء .. حايكون اربحا وعقاب شهر |
و قلت ليك خشمك فيه العسل ...
Quote: الكيزان المصريين القاعدين في السودان بيوت و شركات و مزارع و عربات
-------------------------------------
اختي نعمات
ديل انا عندي ليهم بوست خاص بحضر فيهو من زمن
بعد استئذان حبيبنا ابوحسين
ديل عاملين عمايل في بري ..
وانا ود بري
تحياتي |
يا خالد يا اخوي شوت العفن ما حكر لي او لي غيري....
شوتهم شاتم بلا يخمهم ....
| |
|
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: ABUHUSSEIN)
|
حبيبنا أبوحسين .. تحياتي يا جميل
عمك علي ده زول عندو وسواس قهري .. في قمة الفرحة أحياناً
أفكر بعد الفرحة ثم ماذا .. الحكاية دي عاملة لي مشكلة مع الكورونا
((( سبب الشك في آخر المداخلة )))
لي كم يوم فرحان من انجازات لجنة التمكين .. أقسم بالله حاجة تريح الضمير
عمنا ابراهيم الزين رحمه الله كان مع عزيز كافوري في كوبر وكان معهم والد عمر البشير
الى اليوم زوجته خالتنا محشورة في بيت غرفتين .. في اجازاتي عندما أزورها كانت تحكي لي
بالنسبة لوالد البشير هم كانوا درجة أولى .. ست النساء خالتنا دي كانت أكثر وحدة مستغربة
من تحولات عائلة البشير ..
حالياً حسب عمرها هي خارج السياق
============================
أما قصة الوساس :
قرارات التمكين مهمة جداً لضرب الحكومة العميقة
ولكن السؤال
كيف ستدير وزارة المالية اسهم الافراد في الشركات
وكيف سوف تتعامل مع اراضي السكنية والمباني
والصرافات ؟
بعض المنظومات لا يمكن للحكومة ادارتها ولا تدار إلا عن طريق
القطاع الخاص
أما بيعها فسوف يكون صعباً لأن المشتري سوف يتردد لأنه ربما بعد سنوات
يتم استئناف الحكم ... الخ وراس المال لا يغامر
بعد تجربة نميري من المصادرة اختفت كل الشركات من الخارطة
بعد الفرحة الغامرة بدأت أفكر في الموضوع
بالله فهموني بكل هدوء
حبيبنا أبوحسين .. يا ريت ناس عندهم خبرة في القانون والمال
| |
|
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: مهدي صلاح)
|
عم علي: قالوا إرجين دا بالرطانة يعني المرتاح المريش ... مرت عليك الكلمة؟
============================
تحياتي الحبيب مهدي
نعم إرجين هو الغني
وبعض يقول ( دونقي كولا ) على نفس نغمة ووزن ( كوكا كولا )
يمكن ان نطالب شركة كوكا كولا ( بحقوقنا الادبية في لفظ كولا ) وكذلك ناس البيبسي كولا ) ههههه
كولا كلمة نوبية خالصة ,,
ابوحسين الحبيب معليش ابننا مهدي دخلنا في متاهات النوبية
| |
|
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: ABUHUSSEIN)
|
Quote: أبوحسين وضيوفه الكرام ... لكم التحايا النواضر
سبق لي أن تساءلت عما هو دور مناديب الصرافة الذين أجتمع بهم مدير جهاز
المغتربين بصدد الإعداد للبطاقة الذكية للمغتربين في البوست الخاص بذلك ولم
أحصل على إجابة وكان في ذهني أن هذه الصرافات يملكها جبهجيون .. فهل
ياترى سيراجع مدير الجهاز مابدأه مع هؤلاء الفاسدين .. لا بارك الله فيهم .... |
و عليكم السلام اخونا بابكر
اكيد حا يتغير كل شي طالما ظهرت الحقائق دي ....
و لسه حقائق كتيرة حا تظهر للجميع و حا تغير الكتير
تحياتي
| |
|
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: ABUHUSSEIN)
|
Quote: حبيبنا أبوحسين .. تحياتي يا جميل
عمك علي ده زول عندو وسواس قهري .. في قمة الفرحة أحياناً
أفكر بعد الفرحة ثم ماذا .. الحكاية دي عاملة لي مشكلة مع الكورونا
((( سبب الشك في آخر المداخلة )))
لي كم يوم فرحان من انجازات لجنة التمكين .. أقسم بالله حاجة تريح الضمير
عمنا ابراهيم الزين رحمه الله كان مع عزيز كافوري في كوبر وكان معهم والد عمر البشير
الى اليوم زوجته خالتنا محشورة في بيت غرفتين .. في اجازاتي عندما أزورها كانت تحكي لي
بالنسبة لوالد البشير هم كانوا درجة أولى .. ست النساء خالتنا دي كانت أكثر وحدة مستغربة
من تحولات عائلة البشير ..
حالياً حسب عمرها هي خارج السياق
============================
أما قصة الوساس :
قرارات التمكين مهمة جداً لضرب الحكومة العميقة
ولكن السؤال
كيف ستدير وزارة المالية اسهم الافراد في الشركات
وكيف سوف تتعامل مع اراضي السكنية والمباني
والصرافات ؟
بعض المنظومات لا يمكن للحكومة ادارتها ولا تدار إلا عن طريق
القطاع الخاص
أما بيعها فسوف يكون صعباً لأن المشتري سوف يتردد لأنه ربما بعد سنوات
يتم استئناف الحكم ... الخ وراس المال لا يغامر
بعد تجربة نميري من المصادرة اختفت كل الشركات من الخارطة
بعد الفرحة الغامرة بدأت أفكر في الموضوع
بالله فهموني بكل هدوء
حبيبنا أبوحسين .. يا ريت ناس عندهم خبرة في القانون والمال |
حبيبنا ابو علوة سلام
وساوس شنو كمان يا شيخنا ؟؟؟
إتذكر نحن كنا وين و بقينا وين
إتذكر الكيزان كانو في الحكم و الآن في كوبر
إتذكر الأموال اللي رجعت للشعب السوداني و اللي لسه حا ترجع
أملأ نفسك بالتفائل و اطرد التشائم و عيش حياتك يا راجل
البلد فيها خير كتير و الجيل الحالي قادر على عمل المستحيل ....
تحياتي
| |
|
|
|
|
|
|
|
|
|
Re: ***** بدأ الآن بل يوم الثلاثاء 2020/6/9 ***** (Re: ABUHUSSEIN)
|
Quote: تحية وسلام
البل كان متجه نحو سودانير:
Quote: حريق يلتهم مكاتب سودانير أثناء تواجد لجنة إزالة التمكين بالمبنى |
و عليكم السلام اخونا مهدي
قطعت قلبي ياخ سودانير قريتا سودانيز ... 😂😂😂😂😂
ناس سودانير شكلهم ما مستعدين لم داهموهم ناس لجنة إزالة التمكين قالو يحرقوها احسن و اسرع ....
بقت شوفتك غالية يا حبيب ....
| |
|
|
|
|
|
|
| |
ABUHUSSEIN
صديق مهدى على
Hamid Elsawi
ابو جهينة
Arif Nashed
عبدالمنعم الطيب حسن
السنجك عثمان
خالد العبيد
نعمات عماد
جلالدونا
بابكر قدور
عمر سعيد علي
علي عبدالوهاب عثمان
مهدي صلاح
فيس بوك
تويتر
انستقرام
يوتيوب
بنتيريست