ياابوحسين ديل منو مايكونوا الصهاينه اسياد الاسم سجمنا كان كدا انا بحب ماييرا المناضلة مايرا طول وسمرة زينا بس راقاصة شديد لكنها لن تلتزم في علاقة زوجة وهي جزء من لعبة جذب الصغار امثالنا لحضن الحزب وجمال بناتو الله يهديك يا حبيب مستمتع في الروسي دا انت الي زي بوست كدا مع التجديد في المعياد
06-05-2021, 00:52 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: ياابوحسين ديل منو مايكونوا الصهاينه اسياد الاسم سجمنا كان كدا انا بحب ماييرا المناضلة مايرا طول وسمرة زينا بس راقاصة شديد لكنها لن تلتزم في علاقة زوجة وهي جزء من لعبة جذب الصغار امثالنا لحضن الحزب وجمال بناتو الله يهديك يا حبيب مستمتع في الروسي دا انت الي زي بوست كدا مع التجديد في المعياد
ماييرا بتاعة فنلتك ...؟؟ يا ابو الزهور ياخ إنت زول رجافة كان شفت ليك فستان معلق في الحبل بترجف كلك ... 🤣🤣🤣
06-05-2021, 01:48 AM
كمال عباس كمال عباس
تاريخ التسجيل: 03-06-2009
مجموع المشاركات: 17154
سلام أخ أبو الحسين لابد من ا لديموقراطية والتعددية والحريات العامة ـ إنجلترا وأمريكا وتحديدا إنجلترا وصلت لهذه الدرجة من التطور والنضج الديموقراطي بعد عدة قرون من الممارسة والتجريب ـ وقد مرت بحروب أهلية وأخفاقات جمة في البدايات تفوق ما نحن عليه - حاليا لايوجد حزب حاكم ـ وإنما هناك فترة إنتقال تمر بتعثر وفترة مخاض عسير -وفترة الإنتقال ليست غاية في حد ذاتها وإنما وسيلة وكبري يقودنا لديموقراطية حرة ونزيهة يختار فيها الشعب من يحكمه لفترة أو دورة تحتاج لمزيد من الصبر والتحمل ـ ** الأحزاب الكثيرة التي نراها ستنحسر ويتلاشي بعضها بفعل التطور والصراع وغياب السند الإجتماعي و الحداثي و لننتهي لخمسة أو ستة أحزاب لو إستمرت الديموقراطية بلا إنقطاع لمدة 20 عام ........ 00 المهم هنا هو بناء دولة المؤسسات والقانون وإستقلال القضاء وفصل السلطات 00 وبناء جهاز خدمة وطنية قوي وقومي ومحائد ـ وجيش قومي ومهني بعيد عن التسيس والأطماع السياسية ! 00 والإستقرار والسلام * كثيرا ما أستخف بعض المثقفيين والناس بالديموقراطية الغربية ( وقرونها بالفوضي ،وسيطرة الأثرياء وتهميش عامة الشعب أو الزعم أن الشعب لايستحقها أو إنه لم ينضج ليصل لمستوي تطبيق الديموقراطي -وراهن البعض علي نظام الحزب والديموقراطية أو حكم العسكر *لتثبت التجارب بإنهيار المنظومة الشرقية فشل تجربة الحزب الواحد والشمولية وتثبت التجارب فشل حكم العسكر ومصادرة إرادة الشعوب 00 فالديموقراطية علي علاتها وبطء عملية التغيير والتطور تظل هي الصيغة الأفضل ...
06-05-2021, 02:31 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
و عليكم السلام اخي كمال كلامك سمح شديد و نعم غالبية الشعب تأكد من فشل العسكر و الشمولية و الدكتاتورية و الغالبية دي مقتنعة تماما بالديمقراطية لكن عندنا احزاب عمرها اكثر من ٧٠ او ٨٠ سنة و لا زالت تحبو على ركبتيها احزاب هي نفسها محتاجة لأن تمارس الديمقراطية داخل الحزب نفسه لا زالت الاحزاب نفسها تصنع الدكتاتور فيها و تطبل له لا زالت تقدم مصلحتها على مصلحة البلد لا زالت غير قادرة على ان تخرج لنا الشخصية القدوة في الوطنية القادرة على قيادة الوطن المنهار
و لي عودة لكلامك
تسلم كتير
06-05-2021, 02:53 AM
كمال عباس كمال عباس
تاريخ التسجيل: 03-06-2009
مجموع المشاركات: 17154
Quote: .......... و الغالبية دي مقتنعة تماما بالديمقراطية لكن عندنا احزاب عمرها اكثر من ٧٠ او ٨٠ سنة و لا زالت تحبو على ركبتيها احزاب هي نفسها محتاجة لأن تمارس الديمقراطية داخل الحزب نفسه لا زالت الاحزاب نفسها تصنع الدكتاتور فيها و تطبل له لا زالت تقدم مصلحتها على مصلحة البلد لا زالت غير قادرة على ان تخرج لنا الشخصية القدوة في الوطنية القادرة على قيادة الوطن المنهار
منطق الحياة يسري علي الأحزاب ـ من لايتطور وينمو ـ ويتسم بالفعالية سيندثر ويتلاشي ـ --الديموقراطية مفترض أن تمارس داخل الأحزاب ـ من القاعدة للقمة مؤتمرات ـ برامج وإنتخابات وتجديد القيادة وتداول السلطة الحزبية - وبناء حزب المؤسسات لا الأفراد والأسر وحسب .. ولابد من ضخ دماء جديدة ـ وتجديد البرامج ـ * للأسف فإن لم تتدارك الأحزاب هذه الفرصة لإعادة البناء والتنظيم فإن من يملك المال والذهب قد يحكم ويتحكم عبر الديموقراطية -وأعني حميدتي فمؤسسته وتنظيمه قائم منذ عهد الإنقاذ وهو يعمل علي إحتواء وتجنيد الإدارة الأهلية والقوي التقليدية ـ وربما تحالف مع بعض الفصائل المسلحة ـ الإنتخابات ـ تنظيم وإعلام وحملات إنتخابية فكل هذا يحتاج لمال فمن يملك المال ـ دونك الآن الأندية الكبري أصبح يحكمها ويتحكم فيها من يملك المال ـأو بالأحري من يغسل مالا أويحوز ثروة مشبوهة ـ الوطن قد يمضي في هذا الإتجاه إن لم تتحرك القوي السياسية وتتصالح مع قواعدها وشعبها وتطرح خطابا جاذبا بل وتبني وتنظم نفسها قبل ذلك ....
06-05-2021, 05:42 AM
adil amin adil amin
تاريخ التسجيل: 08-01-2002
مجموع المشاركات: 37012
Quote: منطق الحياة يسري علي الأحزاب ـ من لايتطور وينمو ـ ويتسم بالفعالية سيندثر ويتلاشي ـ --الديموقراطية مفترض أن تمارس داخل الأحزاب ـ من القاعدة للقمة مؤتمرات ـ برامج وإنتخابات وتجديد القيادة وتداول السلطة الحزبية - وبناء حزب المؤسسات لا الأفراد والأسر وحسب .. ولابد من ضخ دماء جديدة ـ وتجديد البرامج ـ * للأسف فإن لم تتدارك الأحزاب هذه الفرصة لإعادة البناء والتنظيم فإن من يملك المال والذهب قد يحكم ويتحكم عبر الديموقراطية -وأعني حميدتي فمؤسسته وتنظيمه قائم منذ عهد الإنقاذ وهو يعمل علي إحتواء وتجنيد الإدارة الأهلية والقوي التقليدية ـ وربما تحالف مع بعض الفصائل المسلحة ـ الإنتخابات ـ تنظيم وإعلام وحملات إنتخابية فكل هذا يحتاج لمال فمن يملك المال ـ دونك الآن الأندية الكبري أصبح يحكمها ويتحكم فيها من يملك المال ـأو بالأحري من يغسل مالا أويحوز ثروة مشبوهة ـ الوطن قد يمضي في هذا الإتجاه إن لم تتحرك القوي السياسية وتتصالح مع قواعدها وشعبها وتطرح خطابا جاذبا بل وتبني وتنظم نفسها قبل ذلك ....
يديك العافية كيمو مشكلة الاحزاب مشكلة عويصة الطائفية منها مشكلتها التعصب الاعمى لأفراد او لعائلة ممارسة الديمقراطية داخلها معدومة و فاقد الشيء لا يعطيه مصلحة الحزب فوق كل شي لكل الاحزاب لا تقبل النقد ابدا تحارب بعضها البعض بشتى السبل و بدون اي وازع اخلاقي و في حربها مع بعضها البعض لا تراعي تدمير او هدم حتى املاك الشعب او مصلحته لا تعمل على تطوير او تثقيف او تدريب كوادرها حتى يكونو مؤهلين لأداء دورهم الوطني حتى داخل الحزب كل فرد يبحث عن مصلحته الخاصة الاحزاب محتاجة للكثير حتى تقوم بدورها لقيام ديمقراطية سليمة ترضي طموح الشعب و تخدمه و تثبت الديمقراطية نفسها تقدم مثال طيب للديمقراطية السليمة التي يحلم بها كل مسكين طيب نادى بها
تحياتي
06-05-2021, 12:46 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
مافي حزب واحد عندو برنامج أو رؤيا أو إستراتيجية واضحة لبداية نهضة وطنية سياسية وإقتصادية وإجتماعية تعم البلد ويستفيد منها عامة الشعب السوداني ... كل الأحزاب عقائدية أو طائفية أو علمانية أو بقية العقد الفريد من الحركات المسلحة أو سماسرة السياسة الإنتهازيين كلهم لاعب لصالح قيادة (جميع) الشعب السوداني لفكره وأيدولوجيته وهذه مبلغ غاياتهم بغض النظر عن كيف يخدم هذا الشعب أو ينهض بهذا البلد ... تبدأ نهضة السودان ديمقراطيا وسياسيا واقتصاديا واجتماعيا يوم تبدأ هذه الأحزاب والمكونات السياسية في التحاور والتنافس في تقديم برنامج وطني للنهضة الشاملة لمصلحة هذا البلد إنسانا وحيوانا وحجرا ويتركو التنافس والتكاجر في كيف يقسمو (قطيع) الشعب السوداني بيناتم أيديولوجيا لخدمة مصالحهم الضيقة ... حاج العوض ... لقيتني كيف؟ قتا لي جيت بالغلط هنا ... ههههههه ... صعب جدا توعي زول اولريدي غسلو ليهو مخو وركبو ليهو شريحة الأيدولوجيا المشفرة التي يصعب اختراقها ...
06-05-2021, 02:00 PM
جلالدونا جلالدونا
تاريخ التسجيل: 04-26-2014
مجموع المشاركات: 9390
اقتباس (مافي حزب واحد عندو برنامج أو رؤيا أو إستراتيجية واضحة لبداية نهضة وطنية سياسية وإقتصادية )انتهي الاقتباس
بالله يا ربع الدماغ ؟؟؟مافي يعني الانجليز طفو النور ومشو ما خلو افضل ديمقراطية ودولة مؤسسات في افريقيا وبشهادة نيوز ويك الامريكية شفت القرد الزيك لمن يباري جقود وما يوعا في ثلاثة برنامج وطنية في السودان غير العفن الوافد الشيوعي والبعثي والناصري والكوز والسلفي وديل برنامج الاقليات المشوهة والمازومة في المركز فقط 1- الحزب الجمهوري اسس دستور السودان 1955 2- اتفاقية اديس اابابا الحكم الاقليمي اللامركزي دستور 1973 وقوانين 1974 3- الحركة الشعبية اتفاقية نيفاشا ودستور 2005 والمحكمة الدستورية وكلها وحد الدولة الديمقراطية الفدرالية المدنية واخر انتخابات سجل ليها 18 مليون سوداني 2010 واجضها ايتام الترابي اهل الرجس وايتام بابكر عوض الله اهل السفاهة وحزب الامة نسخة الصادق المهدي الفاقدة البوصلة والليلة فضحكم منعم منصور يا نعال المصريين والمخابرات المصرية والشركة القابضة ودرويلات الامارات والسعودية وقاعد يتفشخر كمان الازمة في السودان في القرود الخمسةديل يعد الاستقلال والصعود الي الهاوية مستمرة بي نوعك ده الشيوعي البعثي الناصري الكوز السلفي وفي البورد قال ام ضر مان قال كنت مباريني حاصل فارغ ساكت زي خضر الطيب وقرد الطلح جلادونا هسة البرنامج في صورة البروفايل بتاعي ده عاش ابو هاشم والحركة االشعبية شمال وبلا سيرك جوبا بلا كلام فارغ العودة لي دستور1973 وقوانين 1974 امشي اقراها الحاجات الجيدة ما بتعفن واجدع الوثيقة الدستورية العفنت قبل تنتهي الفترة الانتقالية ذاتا وانشمط الجيش مع الحنجويد والشيوعيين مع قحت وكلو تحت احذية مصر ودول الخليج وليس عشان الشعب الفضل وفتر...
06-06-2021, 04:56 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: عاش ابو هاشم والحركة االشعبية شمال وبلا سيرك جوبا بلا كلام فارغ العودة لي دستور1973 وقوانين 1974 امشي اقراها الحاجات الجيدة ما بتعفن
امسك في الهلب ده بس ****
Quote: دا شنو يا كعوك؟ اخلص الفي يدي وأبقى مردف للجلد ... شوفلك شومارات سليمة تغطي بيها شومارتك المقطعة المطلعه جع...تك في السهلة دي ...
تجلد شنو جب جب جب بكره الهبوب بتهب وبجو اولاد ام ذب الما عنده هلب يرقد علي بطنو ويستعد للقلب
من ذكريات الدويم والفيلسوف جونقا الله يرحمه والايام الطيبة والله ما تمسك(( هلب )) جقود ده يجوك التتار زي زمان من الشمال المرة دي غزو مصري امريكي ويلحقوك امات طه وفي رواية اخري بعثيين العراق السفلة والله شيخ العير ذاتو ما يداويك يا صلاح الزبير ونشوف جع...ك في فضائية الجزيرة
06-06-2021, 09:45 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
هوي يا جقر الحوثي البباريك منو؟ خبوبك المعتلو وتوزع فيهو في البوستات دا ممكن كان بينفع في ستينيات القرن الماضي ... معظم الناس الهنا مفتكرنك بعاتي مهضرباتي ساي ...
Quote: في ثلاثة برنامج وطنية في السودان غير العفن الوافد الشيوعي والبعثي والناصري والكوز والسلفي وديل برنامج الاقليات المشوهة والمازومة في المركز فقط 1- الحزب الجمهوري اسس دستور السودان 1955 2- اتفاقية اديس اابابا الحكم الاقليمي اللامركزي دستور 1973 وقوانين 1974 3- الحركة الشعبية اتفاقية نيفاشا ودستور 2005 والمحكمة الدستورية
عليك شيخ العير إنتا زول عندك ذرة مخ في دقنوسك دا؟ حزب جمهوري بتاع فنلتك ... قوم يا عاطل ... ٢ و٣ ديل تشيلم وتعمل تأشيرة خروج من مطار الخرطوم وتقطع تذكرة طيارة لي جوبا وتمشي بي هناك ممكن تلقى من يحتفل معاك بالوثائق دي ... هنا في سودانا دا الحاجات دي ودوها دار الوثائق ...
Quote: وكلها وحد الدولة الديمقراطية الفدرالية المدنية واخر انتخابات سجل ليها 18 مليون سوداني 2010 واجهضها ايتام الترابي اهل الرجس وايتام بابكر عوض الله اهل السفاهة وحزب الامة نسخة الصادق المهدي الفاقدة البوصلة
الله يسألني كضاب ... ١٨ مليون في عينك ... إنتا هسع فرقك من القرود الخمسة شنو ... ياكا القرد السادس المتابع الهالكين محمود وقرنق ...
Quote: الازمة في السودان في القرود الخمسةديل يعد الاستقلال والصعود الي الهاوية مستمرة بي نوعك ده الشيوعي البعثي الناصري الكوز السلفي وفي البورد
وأنت سادسهم يا كعوك يا معولق ... زيك زيهم بل إنتا الأسوء لأنك غاشي رقبتك بأنو الهالكين بتاعنك ديل هم أنبياء زيهم وزي البنا وماركس وعفلق وناصر ... إلخ
Quote: كنت مباريني حاصل فارغ ساكت زي خضر الطيب وقرد الطلح جلادونا هسة البرنامج في صورة البروفايل بتاعي ده
إذا برنامجك الحلو فقد خسئت ... الحلو الكوز عايز يفرض مشروعه العلماني زيو وزي الكيزان ومشروعهم الحضاري ... نحنا ناس أحرار مافي ود مرا بيفرض علينا دين بقوة السلاح وسوف يذهب لمزبلة التاريخ زي المشروع الحضاري ...
06-06-2021, 09:58 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
لو سمحت يا بروف شؤال عشان نقدر نتابع معاك البوست المهم دا هل الاعتراض على الاحزاب الحالية و أداءها أم على فكرة وجود أحزاب من الأساس؟ أرج كريم تفضلكم بالاجابة وتجسير ما استغلق علينا
06-06-2021, 03:59 PM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
انت يا صلاح بشير عندك مخ بالله نقبل عفن المصريين الناصرية والاخوان المسلمين والسعوديين السلفية والعراقيين والسوريين البعص ونرفض حاجات بلدنا والجنوبيين عليك الله انت بن ادم سؤال شخصي قعد تتمسح الكريمات زي الطيب مصطفي ولي لا ؟؟
ياصلاح ...انت ريد ولي ريدة
كسرة حيدرالزين كفيلك منو الايام دي ما كتر ليك الموز يظهر
06-07-2021, 05:46 AM
adil amin adil amin
تاريخ التسجيل: 08-01-2002
مجموع المشاركات: 37012
اول حاجة فرقو بين الاحزاب والتنظميات الاحزاب اطر سياسية وجزء من اكسسوارات الديمقراطية العلمنا ليها كتشنر التنظيمات امراض نفسية واقليات مشوهة من افرازات الاستعباد التركي المصري في المركز بس وليس لها ادني علاقة بالديمقراكية كلاب حر في خدمة المخابرات المصرية اللئيمة وبراعم الخليج ايتام ترامب ومفضوحة الان نقطة سطر جديد ابو الحصين زمان كنت ماشي جنب مدرسة خور عمر زمن نميري لقيت متشرد بحك في حاجة في الحيطة بكوز صلصة لمن شافني جرا مشيت لقيت كتابة من تراهات حزب البعث ضد نميري والحاجة الكان بحكها المتشرد حرف الحاء فقط في توقيع حزب البعث العربي الاشتراكي والله المتشرد ده عبر عني كويس فعلا راكبين بي المقلوب زي ذب الجمل في القرن21 وقاعدين في راسنا بي المحاصصة ويصفو حسباتهم مع المؤتمر الوطني علي حساب تاسيس الدولة نفسها
Quote: لو سمحت يا بروف شؤال عشان نقدر نتابع معاك البوست المهم دا هل الاعتراض على الاحزاب الحالية و أداءها أم على فكرة وجود أحزاب من الأساس؟ أرج كريم تفضلكم بالاجابة وتجسير ما استغلق علينا
Quote: يا ود البشري متين الفقر الشهير ب ابوحسين نال درجة الاستاذية تعرف انا طبعا هو عندو اعتقد اني زير نسا لكين اخير من شغل ديك العدة ربنا يصلحك ياابوحسين
ابو الزهور انت عشان ابو حسين ما ضوقك يدو الطاعمة بتعمل معاي كدا ... صبرا ابو الزهور ......🤌🤌🤌
06-07-2021, 08:05 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
الراجل يبكي بأعلى صوت طالبا من قحت ترجع البلد لأسوء أيام البشير يناير ٢٠١٨ حيث الرغيفة بي جنيه وجالون البنزين بي ٢٨ جنيه ... بعدين يا راعي البوست بطل تشتمني ... كلامك دا تقويض لأدائي في البوستات السابقة لي بوستينيك المهبب دا يا قول (أب سطر) ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ABUHUSSEIN
Salah Zubeir
زهير عثمان حمد
كمال عباس
adil amin
جلالدونا
HAIDER ALZAIN
محمد البشرى الخضر
عبدالحفيظ ابوسن
فيس بوك
تويتر
انستقرام
يوتيوب
بنتيريست