***** مجلة أمريكية: إغلاق بورتسودان يؤدى إلى انهيار الحكومة الانتقالية *****

طلاب اعرق و اعظم جامعة بامريكا يتظاهرون من اجل السودان و ضد الانقلاب
السودانيون في كندا يخرجون في ١٢ مدينة يوم ٣٠ أكتوبر..من المحيط إلى المحيط
مرحبا Guest
اخر زيارك لك: 10-28-2021, 11:05 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-11-2021, 08:58 AM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 37407

للتواصل معنا

FaceBook
تويتر Twitter
YouTube

20 عاما من العطاء و الصمود
***** مجلة أمريكية: إغلاق بورتسودان يؤدى إلى انهيار الحكومة الانتقالية *****

    08:58 AM October, 11 2021

    سودانيز اون لاين
    ABUHUSSEIN-السعودية الرياض
    مكتبتى
    رابط مختصر



    الخرطوم: سودان برس

    حذرت مجلة (قلوبال فايناناس) الأمريكية من انهيار الحكومة الانتقالية حال استمرار إغلاق ميناء بورتسودان .
    وقال تقرير للمجلة العالمية التي تصدر من (نيويورك) إن إغلاق ميناء بورتسودان يعد من أكبر الأخطار التي تواجه الانتقال في السودان.
    وأشارت إلى أن حظر الشحن بسبب الاضطرابات السياسية ينجم عنه اكتظاظ الميناء بالحاويات والعزلة والاقتصادية وزعزعة ثقة شركات النقل والتمويل العالمية.
    ونوهت إلى إلى أن إغلاق الميناء ضاعف الأوضاع السيئة التي يعيشها المواطنون وعرض الكثير من العمل الشاق الذي قامت الحكومة الانتقالية إقليمياً ودولياً للخطر بسبب الاضطرابات في الإمدادات.
    وقال التقرير: (هذه الاضطرابات لا تعيق الصادرات فقط، بل تمهد الطريق إلى المشاكل والنقص فيما يتعلق بتزويد البذور والمعدات والمساعدات الدولية والغذاء وأنشطة المزارعين والمستوردين)، ونوه الموقع إلى أن إغلاق الميناء أدى إلى خنق ميناء جدة بالسعودية.
    وأشارت إلى معظم خطوط الشحن لا تصل بورتسودان مباشرة، بل تستخدم موانئ جدة كمركز ومنه تم نقل الشحنات إلى بورتسودان وذلك بسبب انخفاض تكلفة التخزين فى الميناء السعودي، وأشار التقرير إلى إغلاق ميناء بورتسودان أدى لتكدس الشحن بميناء بورتسودان.






                  

10-11-2021, 09:25 AM

Asim Ali
<aAsim Ali
تاريخ التسجيل: 01-25-2017
مجموع المشاركات: 11889

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: ABUHUSSEIN)

    اقتصاديات ناس البحر الاحمر ذاتو فى مشكله وهى معتاده على دورها كثغر للسودان فى انشطتها الاقتصاديه -وبعض السياحه- مؤسسات وشركات وافراد وحكومه ولائيه جباياتها من النشاط دا
    لو تقصى الاعلام واستقصى اثرالاغلاق ا على مواطن الشرق العادى ونشاطو فى المستويات المذكوره ؟
    .
    التعيدل مراجعه اخطاء طباعيه

    (عدل بواسطة Asim Ali on 10-11-2021, 10:55 AM)

                  

10-11-2021, 10:35 AM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 37407

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: Asim Ali)

    Quote: اقتصادويه البحر ذاتو فى مشكله وهى معتاده على دورها كثغر للسودان فى انشطتها الاقتصاديه -وبعض السياحه- مؤسسات وشركات وافراد وحكومه ولائيه جباياتها من النشاط دا
    ل تقصى الاعلام واستقصى اثرالاغلاق ا على مواطن الشرق العادى ونشاطو فى المستويات المذكوره ؟

    زول جاهل اضر بي ناس الشرق الآن و حتى في المستقبل
    الناس تبني و الجاهل ترك يهدم ...
                  

10-11-2021, 10:40 AM

Biraima M Adam
<aBiraima M Adam
تاريخ التسجيل: 07-04-2005
مجموع المشاركات: 19230

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: ABUHUSSEIN)

    عاصم ..
    Quote: اثرالاغلاق ا على مواطن الشرق العادى ونشاطو فى المستويات المذكوره ؟

    ما ح يحصل لأهل الشرق أي شيئ .. الشرق عايش علي الكفاف منذ أن خلقت البسيطة ..

    القطط السمان في الخرطوم .. خليها تفطس بالأول.


    بريمة
                  

10-11-2021, 10:55 AM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 37407

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: Biraima M Adam)

    Quote: القطط السمان في الخرطوم .. خليها تفطس بالأول.


    بريمة

    دا فهمك ...... ؟؟؟؟؟؟
    ترك مرق
                  

10-11-2021, 11:06 AM

Biraima M Adam
<aBiraima M Adam
تاريخ التسجيل: 07-04-2005
مجموع المشاركات: 19230

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: ABUHUSSEIN)


    Quote: دا فهمك ...... ؟؟؟؟؟؟
    ترك مرق
    يس ..

    أطفال الشرق .. لو لم يشربوا الحليب المبستر الما بسبب السل مثل بقية أبناء الشعب السوداني .. ما في رفع لإغلاق الميناء.

    إلي متي يهان أبناء الشرق في وطنهم؟

    بريمة
                  

10-11-2021, 11:32 AM

Dr. Ahmed Amin

تاريخ التسجيل: 02-20-2007
مجموع المشاركات: 7592

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: Biraima M Adam)

    سلام ناحية ابو حسين

    فعلا المقصود من إغلاق الشرق انهيار الحكومة المدنية فقط
    ليستلم العسكر الحكم

    ترك من القطط السمان التي استفادت من الانقاذ
    ولم يفتح الله عليه بتبني مشكلة الشرق وهو عضو
    في المؤتمر الوطني
                  

10-11-2021, 11:40 AM

محمد جبره
<aمحمد جبره
تاريخ التسجيل: 01-12-2013
مجموع المشاركات: 907

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: Dr. Ahmed Amin)

    Quote: القطط السمان في الخرطوم .. خليها تفطس بالأول.

    وباقي الشعب السوداني البرا الخرطوم سببه شنو يفطس؟
                  

10-11-2021, 11:54 AM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 37407

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: محمد جبره)

    Quote: أطفال الشرق .. لو لم يشربوا الحليب المبستر الما بسبب السل مثل بقية أبناء الشعب السوداني .. ما في رفع لإغلاق الميناء.

    إلي متي يهان أبناء الشرق في وطنهم؟

    بريمة

    ادوهم قروش تشربهم حليب في كبابي من ذهب اكلها ترك دا زاتو
    انت قايلو بهر و بظرط من لجنة إزالة التمكين ليه ... ؟؟؟؟
    حوالي ٢ مليار راحت شمار في مرقة ....
                  

10-11-2021, 11:56 AM

Asim Ali
<aAsim Ali
تاريخ التسجيل: 01-25-2017
مجموع المشاركات: 11889

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: Biraima M Adam)

    Quote:
    ما ح يحصل لأهل الشرق أي شيئ .. الشرق عايش علي الكفاف منذ أن خلقت البسيطة ..

    القطط السمان في الخرطوم .. خليها تفطس بالأول.

    يا بريمه
    الخرطوم ذاتها خشم بيوت وفيها اماكن وناس تستغرب انو دا فى السودان ذاتو مختلفين عن باقى الشعب كان الفى الخرطوم او باقى السودان
    ما عندك صناعه عشان تكون واثق انو باقى السودان ممكن يعيش من غير ضرر
    مدخلات الصحه والتعليم والوقود للنقل والانتقال دا ما للخرطوم بس
    الخرطوم اليومين ديل بين اضراب المعلمين فى التعليم العام واضراب اساتذه الجامعات-فى جميع جامعات السدان مش الخرطوم بس- (لاحظ فيها 8 جامعات حكوميه حسب تقدير الوزيره ودا مامشكله المواطن مشكله الدوله فى ادارة التوازن)
    ديل يابريمه شريحه لا سياسيين ولا تجار ولا سماسره سوق اسود ......
    ناس صبرت وبتحترق دى تجى تعانى برضو من حصار حيخلى الناس زى حصار مكه ومجاعه سنه 6 ؟
    خايف البلد تفوت حاله سنه ومن اكلات مستحدثه بسبب الغلاء والندره نفوت قصه (جوع الشوت رحطها) من مجاعه سنه 6
    دايما يابريمه لما بناقش موضوع بكون انا برا الصوره واتكلم بلسان المواطن البسيط العادى وديل قصص تقطع القلب من المعاناه
                  

10-11-2021, 05:47 PM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 37407

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: Asim Ali)

    Quote: سلام ناحية ابو حسين

    فعلا المقصود من إغلاق الشرق انهيار الحكومة المدنية فقط
    ليستلم العسكر الحكم

    ترك من القطط السمان التي استفادت من الانقاذ
    ولم يفتح الله عليه بتبني مشكلة الشرق وهو عضو
    في المؤتمر الوطني

    و عليكم يا دكتور
    اول مطلب ليه كان حل الحكومة و تشكيل حكومة عسكرية قالها بكل وضوح
    و قال هو تحت حماية العسكر و الجنجويد و الاستخبارات اكتر من كدا يقول شنو ؟؟؟
    حل لجنة إزالة التفكيك دا مطلبو هو لأنهم حا يفضحو قروش المساكين اللي اكلوها هو و جماعتو ....
                  

10-11-2021, 06:32 PM

Biraima M Adam
<aBiraima M Adam
تاريخ التسجيل: 07-04-2005
مجموع المشاركات: 19230

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: ABUHUSSEIN)


    Quote: وباقي الشعب السوداني البرا الخرطوم سببه شنو يفطس؟

    ليس هم أفضل من أهل الشرق .. يفطسوا معهم!

    بريمة
                  

10-11-2021, 09:04 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 11889

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: ABUHUSSEIN)

    بوست للهادى ود البورت قبل 4 ساعات يوضح تماما خطوره الاغلاق على مؤانى الشرق خاصه مع رخص تكلفه الاستيراد عبر ميناء العين السخنه المصرى

    Quote:
    الزيت ده يوم الليلة 11-10-2021م
    في ناس كتار من بورتسودان ما صدقوا حكاية إنو تجيب تراسيت عبر ميناء السخنة المصري ممكن يكون بديل لميناء بورتسودان بالذات الناس المؤيدين أغلاق الميناء وتصرف ترك و مجلس البجا
    * تعديل ترانسيت الحاوية تكون مقفولة مبرشمة ومعاها حرس لحدي ما تطلع معبر ارقين ولاتدفع جمارك أو أي مصاريف غير المدفوع لمناولة الميناء السخنة
    ....
    طبعا أنا كزول شغال في المجال ده عارف أصلا السخنة أفضل من بورتسودان من السنة الفاتت من ناحية سرعة وفرق بسيط في السعر
    وبما أنو عندنا حاوية حقت الواح طاقة شمسية قلت الليلة أجيب ليها أسعار السخنة وبورتسودان
    ..
    بالمناسبة أمس قلنا 4 خطوط وقفت شحن لبورتسودان الآن خط CMA وقف بعد أدوني أسعار لاحظ في الأسكرين رقم 2 قالو في أضطرابات أمنية في بورتسودان
    لكن ما أختلفنا نحسب عليه من الصين شنزن لبورتسودان والسخنة:-
    ...
    بورتسودان : 11720 دولار أجرة الشحن + مصاريف السودان 400الف جنيه مواني بدون أرضيات + 600 الف نولون نقل حاوية ماشي وجاي من بورتسودان الخرطوم مع المصاريف يعني كلو داخلي 2200دولار يبقى الحاوية تقريبا تكلف 13000 دولار
    ...
    مصر السخنة : من شنزن النولون 8800 دولار + مصاريف قالو شامل 80ألف جنيه مصري ده الليقتو لحدي هسه لكن أنا متأكد الرقم ده مبالغ فيهو قبل العيد الشحن أتجاه واحد من كان مصر بي 24ألف جنيه مصري لكن خلينا نحسب عليهو تبقى 80ألف مصري يعني 5الف ولار يبقي الحساب 13800 دولار
    ...
    خط COSCO من ميناء نينغبو من شرق الصين الي الخرطوم شغال حاليا مالم يطرأ جديد
    بورتسودان : 14700دولار واصل بورتسودان +2200 داخلي في السودان كما مبين أعلاه يبقى تكلفة حوالي 17000 دولار تقريبا
    خط السخنة : 9000 دولار + 5000 دولار كما أعلاه يبقى تكلفة حوالي 14000 دولار
    يعني السخنة أقل من بورتسودان بي 3000 دولار تقريبا واسرع طبعاً
    ...
    الكلام ده ما قلناه عشان نغري الناس يشتتو مننا .. قلناه لأنو كتير من المتطرفين مالين رأس البسطاء أنو مافي خيارات تاني ونقفل الحكومة تنهار .. وما عارفين أنو راس المال والتجارة ديل لا يمكن تسيطر عليهم
    وأنت لمن تقفل أول حاجة بتهد المعبد على راسك مش على راس الحكومة

                  

10-11-2021, 09:59 PM

AMNA MUKHTAR
<aAMNA MUKHTAR
تاريخ التسجيل: 07-31-2005
مجموع المشاركات: 13261

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: ABUHUSSEIN)

    أبو الحسين سلامات .

    طالبوا بإلغاء ( البقرة المقدسة) المسماة بمسار الشرق بس ..وتحل المشكلة .

    Quote: ادوهم قروش تشربهم حليب في كبابي من ذهب اكلها ترك دا زاتو
    انت قايلو بهر و بظرط من لجنة إزالة التمكين ليه ... ؟؟؟؟
    حوالي ٢ مليار راحت شمار في مرقة ....

    دليلك شنو إنه ترق من القطط السمان ؟
    ولماذا إذن تحدى لجنة التمكين..إنها تبدأ بيهو هو الأول ؟

    لجنة (التطمين وكتائب حنين) هم القطط السمان الجدد .

    ومجموعة من المهرجين الحزبيين..وليسو من ذوي الكفاءات المستقلين.

    ثم، ثانيا ..صندوق إعمار الشرق دا أصلا ثمرة الكفاح المسلح لمؤتمر البجا.
    وياما تظاهر البجا وإعتصم مسرحي مؤتمر البجا أمام مقرات الصندوق..
    مطالبون بفتح التحقيق حول مصير أمواله.

    .....

    وحاليا نحنا نطالب الدولة المانحة بإنها تلم باقي قريشاتها عليها..
    فما ممكن الصندوق دا ياكلوه الكيزان مرتين..
    مرة كيزاننا..
    ومرة كيزان إريتريا🤣

    ....

    نحنا تاني ما عايزين شحدة وتسول بإسم نضالاتنا..
    مواردنا بتكفينا..فقط وين نلقى حكومة تدير هذه الموارد التي تسلبها منا كل يوم دول المحاور ؟!

    .......

    الصندوق العملتو لينا بيهو صداع إنتو والجداد الإريتري والقحاتي..زي المدعو ( ود البورت)..
    أصلا المسؤولين منه لم يكن الإدارة الأهلية..

    بل ديل 👇
    مصطفى عثمان إسماعيل
    ومدير الصندوق أبو عبيدة الدج ..

    والولاة ، حاتم الوسيلة، ومحمد طاهر إيلا ، والوالي الباهت الجا بعده ( نسيت إسمه).

    وكذلك موسى محمد أحمد وآمنة ضرار .

    وديل كلهم هسه قاعدين متجدعين بره وجوه..

    بالذات مدير الصندوق أبو عبيدة الدج ..حااايم بعربيته الفارهة في شوارع الخرطوم..

    فأين لجنة ( التطمين) من كل هؤلاء ؟!

    ....

                  

10-12-2021, 04:01 AM

Biraima M Adam
<aBiraima M Adam
تاريخ التسجيل: 07-04-2005
مجموع المشاركات: 19230

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: AMNA MUKHTAR)

    الأخ عاصم،
    أقرأ مداخلتي التالية في بوست أخر ..

    الحاج وراق .. كب الكول ..!

    الحاج وراق وبقية أذيال اليسار السوداني .. يبكون أو لا يبكون لايهمنا نحن سكان الهامش السوداني ..

    ما يهمنا أن يحيي الهامش السوداني حياة كريمة كما تحيي الخرطوم. ولا يهم من يحكم ولا يهم من أي جهة أو غيرها، ما يهم هو كيفية إعادة ترواث الأقاليم للأقاليم لتبتدر بها التنمية ... والحكومة المركزية تجبي الضرائب للقيام بواجبات الأمن والسياسية الخارجية ..

    إستئثار الخرطوم بثروات الأقاليم .. أدي إلي فتح شهية الفساد والجشع والمحسوبية في المركز .. علي الأقل بأعادة التحكم في الثروة في الاقاليم يحد الفساد القومي برقابة الأقاليم علي توزيع ثروتها .. وهذا يقلل إهدار المال العام ويوجه العائد للفائدة العامة أكثر مما تحاول الخرطوم أن تفعله وهى مكبلة بالفساد والمحسوبية والطفيلية المركزية.

    بمثل هذه الخطوات يمكننا أن نفكر في كسر الجمود والركوض .. وأعادة البناء والثقة في أنفسنا كشعب من الأقاليم .. فصاعداً .. بل تجيمع الثروات في العاصمة وسرقتها مما يفقدنا الثقة في مركز القرار في الخرطوم.


    بريمة
                  

10-12-2021, 11:50 AM

Asim Ali
<aAsim Ali
تاريخ التسجيل: 01-25-2017
مجموع المشاركات: 11889

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: Biraima M Adam)

    Quote:
    ما يهمنا أن يحيي الهامش السوداني حياة كريمة كما تحيي الخرطوم. ولا يهم من يحكم ولا يهم من أي جهة أو غيرها، ما يهم هو كيفية إعادة ترواث الأقاليم للأقاليم لتبتدر بها التنمية ... والحكومة المركزية تجبي الضرائب للقيام بواجبات الأمن والسياسية الخارجية ..


    يابريمه انا كلامى بلسان المواطن السودانى المسحوق المحروم من ابسط الحقوق الانسانيه الى اصبح من مسلمات هذا الزمان
    كمواطن سودانى
    وتعلم من كتاباتى موقفى من التنميه المتوازنه من دون شعارات هامش ومركز
    انا مؤمن بالعواصم النوعيه لتنميه واستغلال موارد الولايات فى اطار سودان موحد
    لو بارينا السياسه لى سنه 3000 ماحنصل لى حل
    لما نركز على الوعى بالتنميه المتوازنه وتفاصيلها والبحث عن وسائل وحلول افضل
    صدقنى كل الجوطه فى المشهد السياسى واللى المنبر جزء منها شايفو زى الدوران فى ساقيه جحا
    حتى فى التناول السياسى والمعالجات الناس شغاله من زوايا غير زاويه الرؤيه الاقرب للواقع
    .
    المطلوب حد ادنى من الديمقراطيه حريه تعبير وتداول سلمى للسلطه ونهضه اقتصاديه على اساس تنميه متوازنه
    دى مفاهيم اساسيه مادايره عشان تتطبق كل زول يجى ببطاقه جهه او قبيله ما (روكيت سينس)
    ايوه
    كل زو يشمر ويبدا شغل
    بجهدو وعلمو ومعرفتو
    ويقدم اقصى ماعندو ومايعاين فى ورق الجنبو ذاتو
    مرات بحس انو الوطن دا البلد دى خساره نكون نحنا شعبها
    تحياتى

    (عدل بواسطة Asim Ali on 10-12-2021, 12:44 PM)

                  

10-12-2021, 12:30 PM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 37407

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: Asim Ali)

    بواخر كتيرة حولت للعين السخنة و شحناتها دخلت السودان
    ارخص
    تخليص اسرع
    باي باي ترك ........
    و الخسران السودان و خصوصا اهل الشرق .....
    ترك مرق ..... 🤣🤣
                  

10-12-2021, 07:01 PM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 10629

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: ABUHUSSEIN)

    Quote: بواخر كتيرة حولت للعين السخنة و شحناتها دخلت السودان
    ارخص
    تخليص اسرع


    حبيبنا ابوحسين .. تحياتي
    كلامك صحيح 100% قبل قليل في قناة الشمالية
    النشرة الرئيسية الساعة 9 مساء بتوقيت السعودية
    من اهم الاخبار تضاعف عدد الشاحنات القادمة من مصر
    من اربعين شاحنة الى مائة في اليوم عبر معبر اشكيت
    من دول شرق آسيا عبر ميناء العين السخنة وسفاجا
    وكمان الخبر برضو يقول سهولة الاجراءات والانسياب
    الآن على شريط الاخبار في قناة الشمالية
    المصري يتحدث عن تسليم البضاعة خلال 24 ساعة والشاحنات جاهزة
    يا رب نحن في الشمالية عندنا نسبة أو الدخل للمركز

    =========
    كمان بدأ التنظير بأن الشحنة من الاسكندرية
    للخرطوم 11يوم نفس الشحنة كانت تأخذ 40 يوم


    تحياتي الحبيب ابوحسين .. ياحظ المصريين






                  

10-12-2021, 07:15 PM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 10629

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: علي عبدالوهاب عثمان)

    حبيبنا ابوحسين .. معليش احتلال للبوست
    قلنا احسن نواصل هنا بدل بوست جديد
    لأنك ما شاء الله ماركة تجارية في البورد
    ====================

    يبدو أن الموضوع سوف يستمر حتى بعد انتهاء موضوع بورتسودان
    لأن المتحدثين يؤكدوا عن السهولة في الاجراءات وسرعة خروج البضائع
    من الموانيء المصرية

    تحياتي الحبيب ابوحسين
    يا رب حلفا ترجع لعزها

                  

10-12-2021, 07:38 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 14275

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: علي عبدالوهاب عثمان)

    ا لناظر ترك عمدة وخالي أطيان !
    يهدد الناظر ترك بفصل شرق السودان ...هل يملك شرق السودان مقومات دولة؟هل يملك أ ترك غلبية تمكنه في حال إقرار تقرير المصير هل يملك أغلبية تقرر فصل الشرق ؟- كرت الميناء ـ سلاح ذو حدين نبدأ بكرت الميناء الميناء هو هو مركز فدرالي ـ أنشأ علي هذا الأساس ـ عوائد الميناءوكما هو العرف جزء يذهب للحكومة الفدرالية وجزء للشرق تقسيم عادل\ ـ مركز وإقليم ....طيب أفورقي فصل إرتريا وأخذ الموانئ ـ وبالمناسبة أصبحت شبه خاويةالان ـ وإستحدثت أثيوبيا بدائلها ولم تخنق ـ وتضررت إرترياأها قول يا ترك فصلت وأخذت الميناء ـ حاتتحول المدينة لبيت أشباح والميناءحايشتغل بطاقة متدنية خالص خالص ـصادرات وواردات شرق السودان فقط وراح دخل الميناء وتفشت العطالة وتعطلت التجارةثانياهل يملك ترك أغلبية تدعمه في خياره الإنفصالي ؟ ثالثا لا عتقد أن الشرق ولعوامل طبيعية وإهمالية يملك مقومات وموارد دولةـ الميناء وإيرادته برة المعادلة ـ وقد ينطبق هذا علي أقاليم أخريـ مواردك شنو ؟ وصادراتك إيه؟بقية السودان كما أثيوبيا ستشوف خيارات أخري في موضوع الميناء لن تقع في رحمة ترك ـ أقفل الميناء أفتح الميناء ـ !بعدين للناس اللي بتتكلم عن عوائد الميناء ـ رسوم الميناء والخدماتبتختلف عن الجمارك واللي إشرافها وتحصيلها فدرالي ـ مركزيـ عندك نسبة كإقليم في رسوم الميناء والخدمات والأرضيات بس الجمارك دي وضعها مختلف ثالثا لا عتقد أن الشرق ولعوامل طبيعية وإهمالية يملك مقومات وموارد دولةـ الميناء وإيرادته برة المعادلة ـ وقد ينطبق هذا علي أقاليم أخري .. ـ مواردك شنو ؟ وصادراتك إيه؟ بقية السودان كما أثيوبيا ستشوف خيارات أخري في موضوع الميناء لن تقع في رحمة ترك ـ أقفل الميناء أفتح الميناء؟ ـ !بعدين للناس اللي بتتكلم عن عوائد الميناء ـ رسوم الميناء والخدماتبتختلف عن الجمارك واللي إشرافها وتحصيلها فدرالي ـ مركزيـ عندك نسبة كإقليم في رسوم الميناء والخدمات والأرضيات بس الجمارك دي وضعها مختلف....

    (عدل بواسطة كمال عباس on 10-12-2021, 07:43 PM)

                  

10-12-2021, 08:00 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 27609

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: كمال عباس)

    Quote: يبدو أن الموضوع سوف يستمر حتى بعد انتهاء موضوع بورتسودان
    ستنتهي الازمة على خير بإذن الله عاجلا ام آجلا, لكنها فرصة و درس للسودان و مستقبله, لابد عشان تنافس في عالم المستقبل ان تحسن من مستواك والا العالم ما ح يستناك
    الميناء و الخدمات تنسى انها مرافق حكومية و تفكر كالشركات الخاصة التي تطور من خدماتها لكي تنافس, نشوف المصريين عملوا شنو و انشأوا كم ميناء و طوروا الموانئ القائمة و انشؤوا الطرق الحديثة كيف
    وقبل ذلك لابد ان نصل لعقد اجتماعي حقيقي بين كل اهل السودان و التنمية المتوازنة و استغلال الموارد المحلية و القومية لابد ان يكون الاصل و الحق وليس هبة من الحكومة, حتى يقوم اهل الشرق انفسهم بحماية و تطوير الموانئ و الطرق باعتبار انهم المستفيد الاول و الاكبر منها و كذلك اهل غرب كردفان في البترول و اهل الشمالية و الجزيرة و كل الاقاليم, دي الوسيلة الانجع لحفظ الامن بتحقيق العدالة لا بالجيوش
    نقطة تانية بالنسبة للتخوف من منافسة الموانئ و الطرق المصرية دي يمكن للحكومة فرض رسم ضريبي عالي نسبيا او تخفيض الرسوم على مستخدمي بورتسودان لكي تتحقق المنافسة لكن يجب ان يطور الميناء و يقدم الخدمات الاساسية بشكل وفي زمن مقبول.
                  

10-12-2021, 08:09 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 14275

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: محمد البشرى الخضر)

    Quote: متفرقات
    إتخيلو لو النيل ينبع من جهات الناظر ترك كان عمل شنو؟
    ولو كهربة السودان منبعها أو ممرها جهات ترك كان عمل شنو؟
    ولو طرق تصدير الإبل والماشية من غرب السودان لي مصر تمر عبره كان عمل شنو ؟
    ولو المواني والنيلية والبرية ـ من وإلي مصر تمر عبر طين ترك كان عمل إيه؟

    +**
    لسنا بطبيعة الحال مع انفصال اَي. جز من تراب الوطن

    ولكن فلنجاري الناظر ترك في منطقه الانفصالي دا

    يأ ترك الغبيان
    انت وبالخلفية التي تستند عليها دي
    ماعندك أغلبية. تقف معك في خيار الانفصال ان خضع لتصويت - سيسقط هذا الخيار سقوطا مدويا في راي
    ولو
    حدث الانفصال لا قدر الله انت ماعندك موارد لإقامة دولة مستقلة والميناء حا يصبح زي مواني ارتريا بعد انفصال إثيوبيا
    انت زي البوم اللي بعجبو الخراب مجرد جاهل ومحرض يتلاعب بمصيره أهله ومنطقته - الزول ماعندو مستشاريين ؟
                  

10-12-2021, 10:42 PM

Biraima M Adam
<aBiraima M Adam
تاريخ التسجيل: 07-04-2005
مجموع المشاركات: 19230

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: كمال عباس)

    حبيبنا علي عبد الوهاب
    سلام ..
    Quote: يا رب نحن في الشمالية عندنا نسبة أو الدخل للمركز
    دا الكلام الذي اتحدث عنه .. الناس ما محتاجة توزع قروش للأقاليم .. بس تديها نسبة من الموارد الموجودة لديها ..
    من اليوم لو خصصنا 50% من رسوم الشاحنات عبر معابر الشمال للشمال .. ح نكون حلينا مشكلة من المشاكل التنموية .. حتى لو تحضروا بيها خلايا شمسية لتساعد في توفير الطاقة للمزارع يكون تقدمنا كلنا في الوطن خطوة لقدام .. بدل القروش تورد في خزينة الخرطوم وتسرقها القطط السمان هناك ..

    بريمة
                  

10-12-2021, 10:57 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 11889

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: علي عبدالوهاب عثمان)

    Quote:
    يبدو أن الموضوع سوف يستمر حتى بعد انتهاء موضوع بورتسودان
    لأن المتحدثين يؤكدوا عن السهولة في الاجراءات وسرعة خروج البضائع
    من الموانيء المصرية

    عمنا الحبيب على
    الخوف بعد نهايه الازمه يصبح عبور بضائع جايهمن موانى مصريه اصعب مش وطنيه ومحاوله عوده الخطوط لبورتسودان
    لكن للاسف طبع السودانيين بعد تربيه الانقاذ الفاسده ليهم
    حيستغلو الفرصه وتبقى مجال للاتاوات والرشاوى فى النقاط والاجراءات عموما
                  

10-13-2021, 05:42 PM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 37407

للتواصل معنا

FaceBook
تويتر Twitter
YouTube

20 عاما من العطاء و الصمود
Re: ***** مجلة أمريكية: إغلاق بورتسودان يؤدى إلى (Re: Asim Ali)

    Quote: دليلك شنو إنه ترق من القطط السمان ؟
    ولماذا إذن تحدى لجنة التمكين..إنها تبدأ بيهو هو الأول ؟

    لجنة (التطمين وكتائب حنين) هم القطط السمان الجدد .

    ومجموعة من المهرجين الحزبيين..وليسو من ذوي الكفاءات المستقلين.

    ثم، ثانيا ..صندوق إعمار الشرق دا أصلا ثمرة الكفاح المسلح لمؤتمر البجا.
    وياما تظاهر البجا وإعتصم مسرحي مؤتمر البجا أمام مقرات الصندوق..
    مطالبون بفتح التحقيق حول مصير أمواله.

    .....

    وحاليا نحنا نطالب الدولة المانحة بإنها تلم باقي قريشاتها عليها..
    فما ممكن الصندوق دا ياكلوه الكيزان مرتين..
    مرة كيزاننا..
    ومرة كيزان إريتريا🤣

    ....

    نحنا تاني ما عايزين شحدة وتسول بإسم نضالاتنا..
    مواردنا بتكفينا..فقط وين نلقى حكومة تدير هذه الموارد التي تسلبها منا كل يوم دول المحاور ؟!

    .......

    الصندوق العملتو لينا بيهو صداع إنتو والجداد الإريتري والقحاتي..زي المدعو ( ود البورت)..
    أصلا المسؤولين منه لم يكن الإدارة الأهلية..

    بل ديل 👇
    مصطفى عثمان إسماعيل
    ومدير الصندوق أبو عبيدة الدج ..

    والولاة ، حاتم الوسيلة، ومحمد طاهر إيلا ، والوالي الباهت الجا بعده ( نسيت إسمه).

    وكذلك موسى محمد أحمد وآمنة ضرار .

    وديل كلهم هسه قاعدين متجدعين بره وجوه..

    بالذات مدير الصندوق أبو عبيدة الدج ..حااايم بعربيته الفارهة في شوارع الخرطوم..

    فأين لجنة ( التطمين) من كل هؤلاء ؟!

    و عليكم السلام اختنا امونة
    لجنة إزالة التمكين الدخلها شنو في مشاكل شرق السودان .... ؟؟؟
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de