(معليش للتكرار): "إعتقال صحافي" قال يحدث في السودان, قال

بروف محمد الأمين التوم رجل بقامة أمة بقلم:عمر القراي
مرحبا Guest
اخر زيارك لك: 04-22-2021, 02:08 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-06-2021, 11:04 PM

مازن سخاروف
<aمازن سخاروف
تاريخ التسجيل: 03-10-2021
مجموع المشاركات: 232

للتواصل معنا

FaceBook
تويتر Twitter
YouTube

20 عاما من العطاء و الصمود
(معليش للتكرار): "إعتقال صحافي" قال يحدث في السودان, قال

    11:04 PM April, 06 2021

    سودانيز اون لاين
    مازن سخاروف-UK
    مكتبتى
    رابط مختصر



    موضوع نشره الأخ عمر التاج. وزي ما قلنا معليش للتكرار. لكن فتحت موضوع تاني, عشان ما نخرب لود التاج موضوعو:

    أولا, بشأن إنشاء القاعدة العسكرية الروسية في بورتسودان, فالخبر ده أعلن ليهو قريب خمسة شهور :)

    الكلام في مدير القناة.إتنين, تقديري, وقد أكون مخطئا, إنو دي مجرد فرقعة إعلامية من القناة المستضيفة عشان تشعل الموضوع. تكتيك لفتح الموضوع و"تدوير" الناس. ممكن جدا يكون الإعتقال نفسه جزء من الفرقعة الإعلامية؛ لمزيد من الإثارة والحبكة. وعشان مافي زول ينط لي في حلقي, مذيع القناة مجرد مقدم برنامج. وليس مالك أو من يضع سياسة القناة.

    يمكن القول, جهاز الأمن السوداني (أو مهما تكن جهة الإعتقال) تنسق مع السي آي إي, كما تنسق السي آي مع القناة 9. سمها شطحة إن شئت. لكن أساليب السي آي إيه تتعدد وتتنوع. بالنسبة لجهاز الأمن والمخابرات العامة "الوطني" فمهمته الكبرى بجانب التنكيل بالسودانيين, هي "التعاون" في مجال الإرهاب, وإرضاء عيون السي آي إيه. وكما يعلم, أو قد لا يعلم البعض, أكبر محطة للوكالة المركزية الأمريكية موجودة في السودان. قبلها كانت في بلد "مولاي" داك :)


    فاشنو, الليلة الـ جقور في الإعلام السوداني حيدوروا الخبر القديم ده على أساس إنه حاجة حصلت مؤخرا. وإنو الناس تصحا والحاضر يكلم الغايب والذي منو.

    نأسف للتكرار. لكن إذا الواحد عندو وجهة نظر مختلفة جدا عن وجهة نظر صاحب الموضوع الأصلي, فالأفضل فتح بوست جديد. وهاك الفيديو ده بس, عشان مافي زول يقول منو قاصد شنو:





    وشكرا








                  

04-06-2021, 11:10 PM

مازن سخاروف
<aمازن سخاروف
تاريخ التسجيل: 03-10-2021
مجموع المشاركات: 232

للتواصل معنا

FaceBook
تويتر Twitter
YouTube

20 عاما من العطاء و الصمود
Re: (معليش للتكرار): andquot;إعتقال صحافيandquot; قال يح (Re: مازن سخاروف)

    تصويب
    Quote:
    وكما يعلم, أو قد لا يعلم البعض, أكبر محطة للوكالة المركزية الأمريكية في الشرق الأوسط موجودة في السودان. قبلها كانت في بلد "مولاي" داك :)


    معليش, سقط سهوا.
    ==
                  

04-07-2021, 04:12 AM

أحمد محمد عمر

تاريخ التسجيل: 03-03-2010
مجموع المشاركات: 5459

للتواصل معنا

FaceBook
تويتر Twitter
YouTube

20 عاما من العطاء و الصمود
Re: (معليش للتكرار): andquot;إعتقال صحافيandquot; قال (Re: مازن سخاروف)

    Quote: دي مجرد فرقعة إعلامية من القناة المستضيفة عشان تشعل الموضوع. تكتيك لفتح الموضوع و"تدوير" الناس. ممكن جدا يكون الإعتقال نفسه جزء من الفرقعة الإعلامية
    أهاااااا
    طيب المؤامرة بادية من وين؟
    يعني القناة اتفقت مع رجل الأمن الاعتقل الصحفي؟ قالوا ليه أدخل للزول في البث واتعامل معاهو بالهمجية دي عشان نفرقع إعلامياً؟
    وكيف كنت عاوز القناة والمذيع يتصرفوا إزاء اعتقال مواطن على الهواء مباشرة؟ يعني مفروض يعملوا شنو؟
    يقولوا نأسف لهذا العطل وبالله تاني البعتقلوهو يقفل لينا الكاميرا؟
                  

04-07-2021, 01:22 PM

مازن سخاروف
<aمازن سخاروف
تاريخ التسجيل: 03-10-2021
مجموع المشاركات: 232

للتواصل معنا

FaceBook
تويتر Twitter
YouTube

20 عاما من العطاء و الصمود
Re: (معليش للتكرار): andquot;إعتقال صحافيandquot; قال (Re: أحمد محمد عمر)

    Quote: أحمد محمد عمر
    أهاااااا
    طيب المؤامرة بادية من وين؟
    يعني القناة اتفقت مع رجل الأمن الاعتقل الصحفي؟ قالوا ليه أدخل للزول في البث واتعامل معاهو بالهمجية دي عشان نفرقع إعلامياً؟
    وكيف كنت عاوز القناة والمذيع يتصرفوا إزاء اعتقال مواطن على الهواء مباشرة؟ يعني مفروض يعملوا شنو؟
    يقولوا نأسف لهذا العطل وبالله تاني البعتقلوهو يقفل لينا الكاميرا؟


    أها وهاي يكا ويكو كمان :)
    يا معلم, الصحافي شكلو فك آخرو بكلام خارم بارم في حوالي التايم 23 ثانية من الدقيقة الأولى من عمر الفيديو: "الزميل محمد أبو سالم, هناك تصرفات عسكرية الآن داخل المكان الذي أتحدث فيهو (يقصد منه)"

    تصرفات عسكرية يعني شنو؟ شبكنا ليك "المكان" والصحافي بعدها شبكنا "المبنى" و"من هذه الجهات التي إعتقلت, أو يعني منعت السيد أحمد علي عبد القادر بالظهور معنا في ذاك المكان" (التايم 3.20 إلى 3.27) من الفيديو

    لو لاحظت في التايم 49 ثانيةالأولى الجماعة كانوا بيضحكوا بعد مخاطبة الصحافي لمن إعترض اللقاء بينه وبين القناة, "بلا حضرة الضابط بلا نايل(؟) بلا بتاع".

    وواضح إنو "المكان" ده كلو وهمة كبيرة, إنو القصة هيئت لتفتح المجال للتأويل .

    الخلاصة إنو الصحافي كان يسجل دون إذن (تابع الفيديو كويس) في مكان خاص أو جهة رسمية, ربما بهو فندق مثلا, لكن القصة أخرجت لكي يظهر كاعتقال من جهات غير معروفة

    وواضج إنو الفيديو تم تعديله وإضافة الترجمة على الشريط (بين الصحافي والجهات المعترضة) بعد إنقطاع البث. ممكن تشوف فيديو الأطول يوضح التسجيل منذ بدء المحادثة, لكي تعرف التقطيع والمونتاج في هذا الفيدوي السجمان.

    1. إئت بصحافي معادي لروسيا
    2. تظاهر بأنك تناقش معه الإتفاقية التي "وقعتها روسيا مع السودان", وكأنها شيئ وليد الساعة, مع إنو قلنا إنو لها قرابة الخمسة أشهر
    3. رتب لإعتراض الصحافي من قبل حاج عبداللاي وخلف الله الوهمي على أساس إنو اعتقال. ويكون بعد داك مشروع دراما كبير, "يحدث فقط في السودان".


    الوقت البتصرف على شمارات القنوات "المهتمة بشؤون السودان" جزء من مسللسل العبث العرباني. أي مصري, قطري, إماراتي وفنطوط شامي يتحدث في شؤون السودان. نلقاها من ديل ولا من "شيخ" التفاف داك.

    لكن من يهن يسهل الهوان عليه. العيب في الناس البتدي العربان ديل حجما أكبر من حجمهم.





                  

04-07-2021, 02:50 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 12633

للتواصل معنا

FaceBook
تويتر Twitter
YouTube

20 عاما من العطاء و الصمود
Re: (معليش للتكرار): andquot;إعتقال صحافيandquot; قال (Re: مازن سخاروف)

    سلامات اخ مازن .. ومرحبا بك اضافة للمنبر
    Quote: دي مجرد فرقعة إعلامية من القناة المستضيفة عشان تشعل الموضوع. تكتيك لفتح الموضوع و"تدوير" الناس. ممكن جدا يكون الإعتقال نفسه جزء من الفرقعة الإعلامية؛ لمزيد من الإثارة والحبكة.

    فرقعة بالطريقة دي في اعتقادي ما بيعملها الا من كان في راسه خلل
    لانه ده موضوع بيمس سمعة الاعلام والشرطة والبلد باكمله
    وبكل سهولة يمكن ان تعتبره الشرطة قضية تمس الامن وجريمة تتطلب التحقق وتكشف ملابساته للجميع
    وتبقى فرضيتك دي محل شك كبير حتى يخرج بيانا فصيحا للشرطة يوضح ملابسات القضية ..
    اما موضوع القاعدة الروسية دي فهو موضوع خطير له تبعاته فعليا على العلاقات السودانية مع المجتمع الغربي
    وكلنا يعرف حجم التواصل الخفي بين حكومة حمدوك وروسيا المبنية على التوجه العقدي وفرص الوجود الروسي في المنطقة
    ولعلك يا سخاروف افضل من يحدثنا عن مستقبل هذه العلاقة
                  

04-07-2021, 03:00 PM

طلحة عبدالله
<aطلحة عبدالله
تاريخ التسجيل: 09-14-2007
مجموع المشاركات: 16368

للتواصل معنا

FaceBook
تويتر Twitter
YouTube

20 عاما من العطاء و الصمود
Re: (معليش للتكرار): andquot;إعتقال صحافيandquot; قال (Re: عمر التاج)

    يا أحمد محمد عمر
    أبدا القناة ما تعمل القلتو دا
    في حالة زي دي وبما أنو المذيع ما عارف الحاصل
    لزميلو شنو طوالي تقطع البث إلى حين التحرى والتأكد
    من الواقعة لكن المذيع طوالي وكأنو كان منتظر حاجة
    زي دي شبك الدنيا هناك اعتقال.. لقد تم اعتقال
    الزميل في السودان.. ورراك عوك عاك بلا بلا بلا ورجغ
    فرجغ سرجغ الخ الخ الخ
    ياخ نحن كان ما اشتغلنا مذيعين ومخرجين وممثلين ووهم شفنا
    الحاجات دي بعملوها كيف خخخخخخ
    .............
    شكرا جدا يا سخاروف
                  

04-07-2021, 03:08 PM

طلحة عبدالله
<aطلحة عبدالله
تاريخ التسجيل: 09-14-2007
مجموع المشاركات: 16368

للتواصل معنا

FaceBook
تويتر Twitter
YouTube

20 عاما من العطاء و الصمود
Re: (معليش للتكرار): andquot;إعتقال صحافيandquot; قال (Re: طلحة عبدالله)

    بالمناسبة المذيع انتشر في كل الأسافير تويتر
    فيس بوك الخ الخ الخ يحكى ويؤلف ويطمبجا موية
    في غباء مضحك جدا لأنو الناس البحكي ليهم دا شايفين
    وسامعين مقطع الفيديو
    وكل ما يحكى لزول جديد يشبكو ليك يا حليل الزمن القديم
    وزمان ما كان في حاجة زي دي ( يعنى الاعتقالات)
    وزمان بقصد بيهو ( زمن البشير) هههههههههه
    والله ما فاضل ليهو إلا يقول ليهم أنا كوز مرسلني
    عبد الحي بتاع الخمسة مليون داك خخخخخخخ
    ..........
    عمر التاج يا حبيب شوف زولك دا وين اديهو كورس
    في كيفية تعمل فيها معانا وأنت ضدنا ولو ما اتعلم
    قول ليهو اعمل نفسك ميت أحسن خخخخخخخ

    (عدل بواسطة طلحة عبدالله on 04-07-2021, 03:15 PM)

                  

04-07-2021, 03:27 PM

مازن سخاروف
<aمازن سخاروف
تاريخ التسجيل: 03-10-2021
مجموع المشاركات: 232

للتواصل معنا

FaceBook
تويتر Twitter
YouTube

20 عاما من العطاء و الصمود
Re: (معليش للتكرار): andquot;إعتقال صحافيandquot; قال (Re: طلحة عبدالله)

    Quote: ´طلحة عبدالله
    يا أحمد محمد عمر
    أبدا القناة ما تعمل القلتو دا
    في حالة زي دي وبما أنو المذيع ما عارف الحاصل
    لزميلو شنو طوالي تقطع البث إلى حين التحرى والتأكد
    من الواقعة لكن المذيع طوالي وكأنو كان منتظر حاجة
    زي دي شبك الدنيا هناك اعتقال.. لقد تم اعتقال
    الزميل في السودان.. ورراك عوك عاك بلا بلا بلا ورجغ
    فرجغ سرجغ الخ الخ الخ
    ياخ نحن كان ما اشتغلنا مذيعين ومخرجين وممثلين ووهم شفنا
    الحاجات دي بعملوها كيف خخخخخخ
    .............
    شكرا جدا يا سخاروف


    سلام يا طلحة,

    ولا شكرا ولا حاجتين. والله أكتر حاجة مغتاظ منها الوقت المصروف على شمارات القنوات "المتهمة بشؤون السودان" دي.

    أي بنجوز خليجي, مصري أو شامي ممكن يفتح قناة بإسم السودان. وينقل من لايفات الفيس بوك ويعدل العنوانين على كيفو, ويخش بحمد ويمرق بخوجلي.

    والناس تنفعل معاو وكأنو الشغل ده كلو لأجل وصالح السودان. ما شفت أمة تنبهر بالآخر أكتر من الأمة السودانية. وعلى شنو؟ المافي عندنا شنو كان ما الدنيا بت كلب.

                  

04-07-2021, 03:16 PM

مازن سخاروف
<aمازن سخاروف
تاريخ التسجيل: 03-10-2021
مجموع المشاركات: 232

للتواصل معنا

FaceBook
تويتر Twitter
YouTube

20 عاما من العطاء و الصمود
Re: (معليش للتكرار): andquot;إعتقال صحافيandquot; قال (Re: عمر التاج)

    Quote:
    فرقعة بالطريقة دي في اعتقادي ما بيعملها الا من كان في راسه خلل
    لانه ده موضوع بيمس سمعة الاعلام والشرطة والبلد باكمله
    وبكل سهولة يمكن ان تعتبره الشرطة قضية تمس الامن وجريمة تتطلب التحقق وتكشف ملابساته للجميع
    وتبقى فرضيتك دي محل شك كبير حتى يخرج بيانا فصيحا للشرطة يوضح ملابسات القضية ..
    اما موضوع القاعدة الروسية دي فهو موضوع خطير له تبعاته فعليا على العلاقات السودانية مع المجتمع الغربي
    وكلنا يعرف حجم التواصل الخفي بين حكومة حمدوك وروسيا المبنية على التوجه العقدي وفرص الوجود الروسي في المنطقة
    ولعلك يا سخاروف افضل من يحدثنا عن مستقبل هذه العلاقة


    ود التاج

    قول كلام معقول. فعلا "قضية تمس الأمن", لكن وينو الأمن ده؟ خليمهم يفضوا بالأول من فبركة القصص الوهمية لجريدة الإنتباهة.
    أنا غايتو النوم غلبني أول ما ما ذكرت اقتراحك بخروج "بيان للشرطة يوضح ملابسات القضية".
    قلت لي روحي, كييييييف الواحد ما فكر في حاجة زي دي؟ هسع بطلت أي حاجة وقاع مكسر ومنتظرهم. :)

    بعدين إنت لو عارف حجم التواصل الخفي بين حكومة حمدوك وروسيا, راجيني أنا في شنو؟ أيّ وداعية في شارع عبيد ختم ممكن تشوف ليك حجر حمدوك يقع مع الروس وين =)

    يعني لو قلت "كلنا نجهل" كان ممكن يكون في أمل. لكن طالما عارفين, معناها خلاص اتغديتوا وحليتوا كمان. قال مستقبل العلاقة قال.


                  

04-07-2021, 03:32 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 12957

للتواصل معنا

FaceBook
تويتر Twitter
YouTube

20 عاما من العطاء و الصمود
Re: (معليش للتكرار): andquot;إعتقال صحافيandquot; قال (Re: مازن سخاروف)

    كتب
    Quote: اما موضوع القاعدة الروسية دي فهو موضوع خطير له تبعاته فعليا على العلاقات السودانية مع المجتمع الغربي
    وكلنا يعرف حجم التواصل الخفي بين حكومة حمدوك وروسيا المبنية على التوجه العقدي وفرص الوجود الروسي في المنطقة

    التوجه العقدي !
    دي حلوة
    لا روسيا شيوعية ولاحمدوك إشتراكي
    من صرح معلنا بمنح روسيا قاعدة عسكرية في شرق السودان هو البشير
    حمدوك ـ أقرب للغرب والمؤسسات الرأسمالية والصناديق الدولية ـ وهو
    الأمر الذي جعل أمريكا تعمل محللاتي وتفتح كبري للسودان مع صندوق النقد
    - العمالة والتفريط في التراب والسيادة وجعل جيشنا مرتزقة هو فضل خير البشير ومعه كمان دعوة البشير لبوتين عمل قاعدة عسكرية روسيا بشرق السودان ..
    لن نبني علي إستنتاجات ـ وفرضيات بلا دليل كما يفعل البعض وإنما نعلن ماحدث فعلا
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de