كتب الكاتب الفاتح جبرا المتوفرة بمعرض الدوحة
|
Re: andquot;اقتل الكلب او أتركه ينبحandquot; ذو النون (Re: Arif Nashed)
|
يا عارف الموضوع ما كدا زي ما عاوزين يروّجوا ليه الناس ديل ويتخذوه منصة اساءة لحكومة الثورة و القدح في شعارات الحرية و الديمقراطية ذو النون لم يتم اعتقاله, صدرت مذكرة ضبط واحضار بحقه اثر بلاغ شخصي في نيابة المعلوماتية, وهو نفسه كتب في صفحته قال عنده كم حاجة مهمة يقضيها حتى يمش و الموضوع بسيط ياخدوا اقواله و ح يطلع بالضمان العادي زي خرتمية قضية في المعلوماتية كل يوم بتترفع و الموضوع اما مشى المحكمة او تمت مصالحة وتسوية و التاني دا ما تم اعتقاله واستهدافه بالاسم, اليوم اثناء المظاهرة النسائية في كم شاب عاملين نظام يحموها احتكوا بالشرطة و حصلت ملاسنات فتم رفعهم كلهم وفتح بلاغات عددهم ثلاثين حسب بيان الشرطة و كان من ضمنهم المذكور طوالي ناس طاهر توم عايزين يدقوا فيها نقارة و عبط وبتاع
| |
|
|
|
|
|
|
Re: andquot;اقتل الكلب او أتركه ينبحandquot; ذو النون (Re: محمد البشرى الخضر)
|
ود البشري الموضوع أمر قبض.
تداول ناشطون على نطاق واسع صورة لأمر قبض صادر يوم الاحد من نيابة جرائم المعلوماتية بولاية الخرطوم في مواجهة الناشط المعروف عثمان ذا النون. وبحسب الأمر المتداول فإن وكيل النيابة وجه (أي رجل شرطة) بالقبض على ذا النون ووضعه بحراسة الشرطة إلى حين صدور قرار آخر بشأنه. من جانبه قال ذا النون على صفحته الرسمية بالفيس بوك: (علمت أن هناك أمر قبض صدر في حقي ولا أعلم الأسباب بعد. كيف يصدر الأمر دون رفع حصانة المحاماة؟. ثانياً، أريد معرفة دائرة الإختصاص لتسليم نفسي فورا ومعرفة الأسباب ومن وراء الأمر. العندو الأكيدة يورينا).
| |
|
|
|
|
|
|
Re: andquot;اقتل الكلب او أتركه ينبحandquot; ذو النون (Re: Arif Nashed)
|
أمر القبض ما ياهو أمر الضبط و الاحضار نفسه , اي زول بفتح بلاغ في زول النيابة لو قبلت البلاغ اول خطوة أمر القبض! وفي صفحته زاتها هو ذكر الكلام القلتو ليك انه ما ح يمشي الا بعد يقضي امور سبحان الله قبل يومين تلاتة شمت في امر القبض بتاع اليلاغ الكيدي في عضو المؤتمر السوداني و ما خلى ليه صفحة يرقد عليها وادانه طوالي قبل حتى يتم التحقيق زاتو شوف الدنيا سداية ورضاية كيف
| |
|
|
|
|
|
|
Re: andquot;اقتل الكلب او أتركه ينبحandquot; ذو النون (Re: محمد البشرى الخضر)
|
تعرف يا ود البشري من الله خلقني ما دخلت نقطة بوليس في السودان لغاية ما تخارجت منو. المرة الوحيدة دخلت مركز شرطة في السعودية وبسبب واحد مصري قل أدبه اتفشيت فيهو ومشيت خليتو مجدوع مشي اشتكي جاءني شرطي قال لي مطلوب في مركز الشرطة لوحدي. أمر القبض زاتو الصدر بأن يكمشو اي شرطي ويتربسو وينظر في أمره فيما بعد يعني عامل مصيبة كبيرة فهمتها كده.
الحمد لله حافظ بشير ما دخل هنا. شايفو مشي بيت الجيران وقالوا ها زول ما يتوب من اللفحي. ههههههههههههههه
| |
|
|
|
|
|
|
Re: andquot;اقتل الكلب او أتركه ينبحandquot; ذو النون (Re: Deng)
|
دينق تحياتي. المقاطعة سلاح فعال اذا استخدم بفعالية. لكن زي الانتباهة وقناة امدرمان تعتبر أبواق للكيزان ولا تعتمد علي الإعلانات فهي مدعومة من الكيزان. قبل فترة كانت هناك حملة لمقاطعة منتجات كابو للالبان فهل نجحت لم تنجح لانه لا توجد بدائل فالاحتكار احدي سياسات الكيزان في السيطرة علي الاقتصاد.
| |
|
|
|
|
|
|
|