قال الزول الساي الما بسكت ساي وما بقعد ساي: دخلت على العم جوجل وطرحت سؤال على الذكاء الاصطناعي بشأن قصر الشوق، رد زيكو الاصطناعي بسرعة البرق: هل أخطأت في الكتابة؟!! هل تقصد قصر الشرق الذي تم افتتاحه مؤخراً في بورتسودان والذي أثار أكبر جدل في مواقع التواصل الاجتماعي وتزامن الجدل بشأنه مع موضوع علم السودان القديم الذي أصبح علم الجابون في عام 1960!! قلت له بحسم لا!! ياخي انتا ما عندك راس!! ما علينا من قصر الشرق ولا علم الجابون ولا الجبون دا قصري يا حاجة!! مرة أخرى رد زيكو الاصطناعي بدهشة: طيب يا زول أنتا قاصد شنو؟!! هل تقصد رواية قصر الشوق للكاتب المصري نجيب محفوظ التي كانت موضوعاً لفيلم مصري بعنوان قصر الشوق تم عرضه في عام 1967؟!! قلت له بغضب: ياخي مصريين بتاع فنيلتك!! يا زيكو الاصطناعي أنت تدعي العلم بكل شيء وقد فاتتك أشياء!! هاك قصر الشوق دا: الاغنية: ﻗﺼﺮ ﺍﻟﺸﻮﻕ ﻛﻠﻤﺎﺕ: ﺍﻟﺘﺠﺎﻧﻲ ﺣﺎﺝ ﻣﻮﺳﻰ غناء: زيدان ابراهيم ********** ﺃﻗﻮﻝ ﺃﺻﺒﺮ ﻋﻠﻰ ﺍﻟﻬﺠﺮﺍﻥ ﺃﻗﻮﻝ ﺃﻧﺴﺎﻙ ﻻ ﺑﺪا ﺃﺷﻮﻑ ﺑﺲ ﻃﺮﻓﻚ ﺍﻟﻨﻌﺴﺎﻥ ﺗﺨﻮﻧﻲ ﺍﻟﻘﻮﺓ ﻭﺍﻟﺸﺪﺓ ﺗﺼﺒﺮ ﻗﻠﺒﻲ ﻋﻠﻰ ﺍﻟﻬﺠﺮﺍﻥ ﻳﺜﻮﺭ ﻣﺎﺿﻴﻨﺎ ﻭﻳﺘﺤﺪﻯ ... ﻳﺎ ﻗﺼﺮ ﺍﻟﺸﻮﻕ ﻟﻮ ﻫﺪﺍﻙ ﺣﺒﻴﺒﻚ ﻭﻣﺮ ﻟﻴﻚ ﺻﺪا ﺑﺑﻨﻴﻚ ﺑﻐﻼﻭﺓ ﺍﻟﺮﻳﺪ ﻣﺤﺎﻝ ﺃﻧﺎ ﻗﺼﺮﻱ ﻳﺘﻬﺪا ... ﺃﻫﻲ ﺍﻷﻳﺎﻡ ﺑﺘﺘﻌﺪﻯ ﻭﻧﺮﺟﻊ ﺗﺎﻧﻲ ﻻ ﺑﺪا ﻭﺣﺎﺕ ﻋﻤﺮﺍً ﻗﻀﻴﺘﻮ ﻣﻌﺎﻙ ﻣﺤﺎﻝ ﻋﻦ ﺭﻳﺪﻙ إﺭﺗﺪا ﻭﺭﺍﺟﻲ ﺍﻟﻌﻴﻦ ﺗﻼﻗﻲ ﺍﻟﻌﻴﻦ ﻭﺃﺣﻀﻦ ﺇﻳﺪﻙ ﺍﻟﺒﻀﺔ ﻭﺃﻫﻲ ﺍﻷﻳﺎﻡ ﺑﺘﺘﻌﺪﻯ ﻭﻧﺮﺟﻊ ﺗﺎﻧﻲ ﻻﺑﺪا ... ﺑﺎﺏ ﺍﻟﺮﻳﺪﻩ ﻭﺇﻧﺴﺪا ﻧﻘﻮﻝ ﻳﺎﺭﺑﻲ ﺇﻳﻪ ﺟﺪا؟ ﺗﻤﺮ ﺃﻳﺎﻡ ﻭﺗﺘﻌﺪﻯ ﻭﻧﻘﻌﺪ ﻧﺤﺴﺐ ﻓﻲ ﺍﻟﻤﺪﺓ .. ﻣﻬﻤﺎ ﺃﺟﺮﺏ ﺍﻟﻨﺴﻴﺎﻥ ﺃلاﻗﻲ ﺍﻟﺸﻮﻕ ﻳﻤﺘﺪا ﻣﺎ ﺑﺎﺏ ﺍﻟﺮﻳﺪﺓ ﻭﺇﻧﺴﺪا
على العموم، تمر أيام وتتعدى!! والشعب السوداني يحسب في المدة!! ويسأل متى تنتهي الحرب ونرجع تاني لابد!! (من مذكرات زول ساي) ؛ ملحوظة: لا للحرب، نعم للسلام في السودان وفي جميع البلدان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيصل الدابي المحامي
فيس بوك
تويتر
انستقرام
يوتيوب
بنتيريست