رسالة مفتوحة إلى السيد الرئيس البرهان رئيس مجلس السيادة بقلم آدم بخيت عبدالرحمن قيادي يقوي تجمع تحرير السودان رسالة مفتوحة إلى السيد الرئيس البرهان رئيس مجلس السيادة / بقلم آدم بخيت عبدالرحمن قيادي يقوي تجمع تحرير السودان نحن بنرفع ليكم صوت أهل الفاشر ودارفور كلهم بخصوص المشروع الدائر يبدل قوات مليشيات الجنجويد بقوات أممية داخل الفاشر وكمان يبعد الجيش السوداني والقوات المشتركة من المدينة . يا سيادة الرئيس نحن بنقولها ليكم واضحة وصريحة أهل الفاشر ما بقبلوا أي تدخل أجنبي في مدينتهم لا من قريب ولا من بعيد وبأي صورة كانت . الفاشر حرة وأهلها أحرار وحقهم يعيشوا تحت حماية دولتهم وجيشهم ما تحت قوات اممية . المشروع داير يعطي المليشيات خروج آمن بدون محاسبة وبعد داك يدخل قوات أجنبية تمسك المدينة . ودا كلام نحن ما بنقبلو لا ديناً لا وطناً ولا كرامةً . سيادة الرئيس، أهل الفاشر واقفين مع دولتهم وجيشهم وعاوزين يسمعوا منكم كلمة واضحة: الإسراع في استكمال العمليات العسكرية لتحرير الفاشر وارجاعها كاملة لحضن الوطن، تحت راية القوات المسلحة السودانية ودمج القوات المشتركة تحت قيادة القوات المسلحة لبسط الأمن والطمأنينة للناس. الفاشر ما بتتسلم للمليشيات الجنجويد الارهابية ولا بتنحط تحت وصاية وأهلها واقفين خلفكم وبيثقوا فيكم وفي جيشكم إنكم ما بتفرطوا في أرض السودان. نسأل الله يوفقكم ويحفظ البلاد وأهلها ويرجع الأمن للفاشر و لدارفور وكل السودان . مع خالص التقدير والاحترام . جنرال آدم بخيت قيادي في تجمع قوة تحرير السودان ١٩
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ادم بخيت عبدالرحمن
فيس بوك
تويتر
انستقرام
يوتيوب
بنتيريست