للحق بتكتب للحق بنكتب للعداله بنادي لكل زول أو زولة بتجي تتكلم عن الوطن والسياسة وهي ما عارفة الحاصل، أقول ليكم كلمة واحدة: أحسن ليكم تبعدوا ساي، لأنو الكلام في السياسة ما لعب، خاصة وقت الحرب. الجنجويد ديل ما جيش، ديل مجرمين وقتلة، ديل اغتصبوا نسوان، وذبحوا أطفال، وحرقوا قُرى، وقتلوا زوجي.واختي وقتل اهلي واخوانه. وقتل لسه مستمر. و الدم ما نشف من الأرض. لو بتدافعوا عنهم أو بتحاولوا تبرروا جرائمهم، فإنتو مشاركين في القتل، وشركاء في الخيانة. قال تعالى: “ومن يقتل مؤمنًا متعمدا فجزاؤه جهنم خالدا فيها، وغضب الله عليه ولعنه وأعد له عذابًا عظيمًا”. وما تنسوا: الساكت عن الحق شيطان أخرس، والمنافق ربنا قال فيهم: “إذا لقوا الذين آمنوا قالوا آمنا وإذا خلوا إلى شياطينهم قالوا إنا معكم إنما نحن مستهزئون”.
الحق واضح، والباطل أوضح. ومافي حياد في جريمة، يا مع الحق يا مع القتله
الوطن دا ما حقتكم لو بتبرروا لجماعة سفكت الدماء وانتهاك الحرمات. خافوا الله، واسكّتو لو ما قادرين تقيفوا مع الحق. #العدالة_للشهداء #لا_للجنجويد #السودان_ينزف #صوت_الحق #الجريمة_ما_بتتغتّى #مع_الجيش_ضد_القتلة #السودان_فوق_الجميع ✊ للحق بنكتب ⚖️ للعدالة بنادي ❌ لا للقتلة والمجرمين ❤️ دم الشهداء ما بيروح ساي وأي زول جاي يناقضني أو يحاول يستخف كلامي، خليه يعرف من البداية: المقال ده نابع من وجع، من دم، من فقد، من مأساة أنا عشتها . دي حرية شخصية، ودي قناعتي، وما بقبل فيها مساومة ولا نقاش فارغ أنا ما بكتب عشان أرضي الناس، أنا بكتب عشان أقول الحق، وأفضح القتل والنفاق، ولو ده وجعك، فده شأنك مش شأني. بقلم اماني عبد الرحمن بشير
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اماني عبد الرحمن بشير
فيس بوك
تويتر
انستقرام
يوتيوب
بنتيريست