*كنت أظن أن خلف كل ضابط عظيم رجل رزين و(محترم) ومؤهل وكارب قاشو .. *لكن .. *وآه من بعد ولكن .. *خاب و(باظ) هذا الظن (السمح) وأنا أشاهد وأتابع بكل حزن ما فعله الكيزان بالجيش الذي خرج من رحمه الفريق الحلمان البرهان ،، والفريق خلا حمدان ،، وأيضاً الشرطة التي خرج من رحمها صاحب (نجمة الإنجاز) الفريق (الشااااارد) عنان !!.. *وبعد فترة طويلة من الزمان اكتشفت أن ظني (خربان) .. واكتشفت أن قائد الجيش رجل بهلوان .. رجل كضااااب .. وبائس ولا عهد له.. وأنه مقابل كل كلمة (تلعلع) على لسانه (تفرقع) مأساة جديدة في السودان .. وأنه مقابل كل (بطيخة) يذبحها بسكينه الهزلية (ينضبح) الشعب السوداني الفضل بما لا عين رأت من الفظائع اليومية الوحشية .. وأنه مقابل كل ضحكة (عويرة) ترتسم على شفتيه تنحدر دمعة من أسرة فقدت عزيز لديها داخل بلد أصبح بلا وجيع وبلا أمان وبلا قائد يشار له بالبنان .. *فهناك حزن مكبوت، وهناك أيضاً حزن كثر بسببه الموت بالسكتات الدماغية والسكتات القلبية غبناً وكمداً على ما فعله الأشرار والهلافيت والأوباش بوطن الجدود !!.. *ونحن أكثر الشعوب (شطارة) في إنتاج الهلافيت الذين يصنع منهم من كنا نظنهم عظماء (شنة ورنة) من مافي !!.. .. *ولقد استطاع أحدهم أن ينتشر ويسرح ويمرح كالدودة الشريطية دون أن يجد من يحسمه ويريح البلاد والعباد من (بجاحته) وأذيته !!.. *ولأن جماعة هي لله كانت وستظل مرتعاً ومصرفاً قذراً لكل أنواع (البلاوي) والفتن والنكبات لم ولن يحاول جهابذتها وأبطرتها مجرد الإشارة لضرر ما يصدر من المدعو الإنصرافي من تفاهات يشيب من هولها الولدان و(الجيران) !!.. *لا وكمان مفتخرين بتكريم الجيش له واحتفاء التلفزيون (القومي) بسعادته!!.. *وفي المقابل (فالحين) فقط في رمي الشرفاء بكل ما هو مفبرك ومزيف وحقير وقبيح !!.. *فماذا بالله عليكم لو تجرأ أياً كان و(هبش) قائد الجيش بمثل هذه العبارات السوقية الآتي نصها التي تفوه الإنصرافي بتأريخ 7 مارس الماضي ولم يستنكرها أو يرفضها (أتخن تخين) داخل المنظومة الكيزانية حتى الآن !!.. *فماذا قال قائد غرفة عمليات الجيش سعادة الجنرال المهيب الإنصرافي (الخرافي)؟!.. *قال بالحرف الواحد منذراً وموبخاً ومهدداً : *ما كنت عارف انه المعركة دي لو خشيتها قواتك دي ما بتقدر تصمد شهرين تلاتة ومن الأول خشيتها مالك؟!.. وكمان ماشي تجيب لي طه عثمان وسلفاكير ذاتو، الآزمة دي بدت من جوبا والإتفاقية الإنت الما وقفت فيها زي الرجال عشان تعرف انه ترتيبات أمنية تخت لي حركات مسلحة وأدى صلاحيات للدعم السريع في النهاية تحرق البلد دي وتقول لي ماشي أحلها في جوبا ، لو جا دينك ما بتحولها !!.. كلامنا واضح يا برهان، وفكرة انكم تدفعوا الناس لاستفزاز الناس بأمور الرقاصات البسووا فيها ناسك دي بطيارة ومن الطيارة لابس لي نضارة وعامل لي شغل المغارز دا ، انت ياخ ما ترجل يا زول .. أرجل يا زول !!.. (البطالة) البتسوي فيها دي شنو يا زول؟!.. عشان نعمل ليك كباشي يقلبك نحن ما بنقلبك ، لكن قلبة تانية الشارع دا شوفتة ما حا يطلع ليك .. والصاح حا تسوي، بالرجالة بالحسنة .. وكلمتك أمبارح قلت ليك إنت موش محاصرني بناسك .. أنا بحاصرك إنت وناسك بناسي .. ودا الشارع قدامنا والحرب العالميه دي بتنتهي بكلاش وبس وأي حاجة غير كدا بتتبلة إنت ذاتك .. خليك راجل وتعال ورينا مشيت تسوي شنو في جوبا؟؟!!.. *إنتهى .. *ولن تنتهي المواجع والمهازل والفواجع أبداً في وجود خيالات المآتة ومن لا يخافون الله في الثكالى والمشردين والمكلومين!!.. *و *الله في
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عادل هلال
فيس بوك
تويتر
انستقرام
يوتيوب
بنتيريست