.غيب الموت .... المبدع محمد ميرغنى .. لكن لن نغيب عن بعض ابدا .. ولو بتقدر تغيب على .. هذة المرة هو من أمسك عيونه عنا .. دا ما قدر الله جانا عديل .. وترك لنا التباربح .. وغاب عنا .. يفرق كتير طعم الحلو لو يبقى مر تبقى سيرتك هى الكلام....
غياب المبدع علقم فى الحلق .. انا قابلت الراحل مرة واحدة فى حياتى فى اثينا .. سألته عن الفن الملتزم .. قال .. يا زول انت من وين..؟؟ قلت له انا من عطبرة .. رد على .. بس بس ... . قدامى الفنانين كل واحد له بصمة لا تكرر .. صعب جدا نجد .. وردى .. كابلى .. الشفيع ..عثمان حسين .. ود الامين.. وبقية العقد الفريد .. حقيقة صاغوا وجدان الشعب السودانى.. فنيا وسياسيا .. وعشقا ..
سألنا امير العود حسن عطية .. عن فؤادنا .. اجابنا .. ماهو عارف.. اغمض عينيه .. الحرمونى منك .. كل مبدع يتركنا فى سرداق عزاء .. لكن نرعوى الموت حق .. ونردد مع ابوداؤود اجرى يا نيل الحياة .. ولن نغيب عن بعض ابدا ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة