المعلقة السودانية ـ كفيل مصري!! مكفول سوداني!! كتبه  فيصل الدابي
08:52 PM September, 05 2023 سودانيز اون لاين فيصل الدابي المحامي-الدوحة-قطر مكتبتى رابط مختصر  فيصل الدابي\المحامي\الدوحة\قطر شــــوف واســـمـــع آخـــر الأخــبــــار هو بالأحــمـــر هــــو الـخــبر الــعاجل!! يـا ســتــي يـــاخ اوعـــك تـــحتــــاري يـــاخ اوعـــى تـــحــتــار يـا راجــــــل!! الـمصــري فــي الـــخلـــيج مـــكـفــول وفـــي مـــصـــر راح يــبقــــــى كـفيل!! المصــري راح يــكفـــل ســـــودانــــي لا نــحــنا اخـــوات لا ابــــن الــــنيـــل!! ألــف دولار عــلــى راس كــــــل زول حــكـومــة مــصـــر هــي راح تـشـيله!! يــعنــي كــفالة لــكــن بس بــلـــوشـي كفـيل ومكفـول ياخ جــاتــكـــم نــيلـــه!! استــثمــار فــي حـــرب الـــــســـودان راســمــال هــــو مــــــــوت ودمــــــار!! اســتحــمار للــكـفـــيـــل الـــمصــــري الــجـــــد راح يــبــــقـــى هــــــظـــــار!! مـــش عـــارفـــين نــضــحك أو نــبكي مــصـريين كفـلاء لابــسين عـــــقالات!! وكــل كـــفيــل راح يــاخــد خـــــازوق بـــي عيـــنـــو ما يــشـــوف ريـــالات!! andandand كــل شـــي بـــقـــى مـــش مـــفهـــوم كـــل شــــــي مــــجهــــول بـــالمـــرة!! القـــالـــو مـــحبـــوس فـــي بــــدروم لا فتـحــة لا رفــعـة فيهــو لا جــــــرة!! كيـــف يــاخــي انــفــك حــــصـــــارو؟ كيــف يــعنــي زاغ مـــــن الـــــــزره؟!! كيــف فـــجأة جــا لابـــس تيــشيــرت؟ وراح شــارب الـــشـــاي بـــمــســـرة!! وبـدرومـــو بـــقى جـــد مـــشهــــــور فــي كـــل شــاشــة خــبــرو انـــشــره!! واحــديـن قــالو دي هـــزيمة كــــبيرة وبـــي جــــلـــدو الــــراجـــــل فــــــره!! واحـــديـــن قـــالــــــو ده انـــتـصــــار ولــى عــدوه فـــضــيـحـة ومــضــــره!! واحـــديـــن قـــالــو دي خطة محبوكة مـــن جــوه ملــعــــوبة ومـــن بـــــره!! شــان يــطيــر لى عـطبرة بورسـودان لى مـــصــر ســعـــوديـــة وامـــــارات!! ما عــلـينــا مـــن قـــــالـــو وقــــــلــنا ما علــينــا مـن جــوطــة فــي قنـــوات!! بــس عـــايــزين حـــكومـــة مــدنـــيـة وجــيـش ودعـــــم جــــوه الـــثكــــنات!! andandand الــعــقـــل الـــســودانـــي راح ويـــــن؟ ويـــــن راح الــــعــقـــل الـــسودانـي؟!! الـــزول الـــكـــان هـــــو مـــســـالــــم كيـــف فــــجــأة اصـــبـــح عـــدواني؟!! كيـــف يـــقـــتل اهــــلـــو فـــي نـيـــالا؟ كيــف يـــقصــف حـــي امـــدرمــاني؟!! فــهــــمــــونــــي الله يــــــرحـــمكـــم مــــش فــــاهــــم أول لا تــــــــــانـــي!! ويـــــن راحوا الناس الـــــطــــيــبيــن؟ انا شــايف وحــوش فــــي غـــابـــات!! لا ســــامـــــع اهـــــــــــلاً لا ســــــلام بــــس ســـامــع صـــوت رشــاشـــات!! andandand لا للــحــرب هـــي خــسـائـر بـــشريــة للــشــعـــب فـــي كـــــل الـــســـــودان!! لا للــحـــرب هـــي اكـــبـــر تــــدمــــير للــخرطوم دارفـــور لـــي كـــردفــــان!! لا للــحــرب هـــي اخـــطــر تـــشريـــد لــي اهــلــنا فـــي بـــلاد الــــجيــــران!! مــش دايـــرين حــــرب يا قـــحاطــــة مــش عايـــزين حـــرب يا كــــيــــزان!! ســــودانـــا مــــحــتـــاج لـــي ســــلام الان وفـــــي كــــــــل الأوقــــــــــــــات!! دايـــريـــن حــــكــــومــــة مــــدنـيــــة مـش عــايزين صــراع بـين جنــرالات!! يـــا عــــــــــسكـــــر للــــخـــلـــف دور يا عــــسكـــر مــــارش للـــثكــــنــــات!! andandand أكــبر فضـــيحة فـي حـــرب الـــسـودان مســروقات فـي أســــواق الــحراميــة!! لا شـــرطــــــي هـــنــاك لا ســــجــــــان حـاجــة بمـــليــون تـــتباع بــــمــيــــة!! حــرامــية ينـــــادوا باعــلى الأصــــوات علــيـــــنا جـــــاي يــــلا يا فـــــــردات!! هــــــاك ســــريــر مـــن حــي الـصــافية يــاخ شــيلو ونــــوم نــوم الــــعـافـية!! هــاك لـــحـــــاف ومــــعاهــــو مـــخـــدة دا ديــليــفــري مــــن حـــي ام بـــــده!! هــاك احـــــــسن دولاب مــــن كـــوبـــر يـــاخ شــيلـو وامـــشـــي اتـــبــوبـــر!! يا فـــردة هــــــاك غـــــــرفـة عــــــديـل هـــي واردة مــــن شـــرق الـــنــيـــــل!! الفـــــات فـــات بــــاع مـــــســروقــــات الـــفـــات فـــات بـــاع مـــنهــوبــــــات!! الـفات فـــات فــي جـــيبو كــــل الحركات الـفـــات فـــــــات سـرق الــــثـــــورات!! الــبشـــــــريـــة منـتـــظــــرة قــيــــامـــة وفــي ســـودانــا قــايــمــــة قــيــامـات!! andandand مــعـلــوم ســوداني كـلـش طيـب وزيـن قـــلـــب نـــضـيف مـــافي وســـــخان!! شــــنو حاصــل انـا مـــافي مـــــعلوم؟! اليـــوم هـــوا ســـيم ســـيم شـــــيطان!! الحـــــين يـــشوف نــــفر في تلــيفيـشن يـــقـــول وهــــوا واجـــــد زعــــــلان!! الــحــين هـــذا جـــيــــش لازم يـــسـوي قـــوة مــــال مــــــوت فـــــي ســودان!! هــــذا كـــــلام مـــــافـــــــي مـــزبـــــوت هـــــذا كـــــلام كـــــلـش خــــــربـــــان!! واللاهـي قــــــوة مــال مــوت متـــــروز جـــيــــش دعــــم يـــسـوي من زمــان!! مــــوت واجـــــــــد فـــــي دارفــــــــــور فـــي كرتـــوم بــهــري امــــــدرمــــان!! نـــفـــر هـــــذا اهــــــــســــن يـــــــسكت اهسن مافـي قرقر في تلـــيفــــــشنـات!! راس مــــال انــــا واجــــــــــد مـــــــــخ راس مــــال انــا مــــافـــي قمـبـورات!! حــــرب هـــــــذا خــــلـــي يـــــولــــــــي ســــــلام لازم لـــــيش جـــــنجــــالات؟! andandand جنـجــويش ديــل جــيش ومليــشــيــــا قــتل فــظـــيع وتــصريحات عـولاقة؟! أولاد ابلـــيس فــي أي مكـان داخـلــين مـــش مـــحتاجــــين لأي بــــطــــــاقة! أولاد ابليس فــي أي زمـــان لاعبــــين جـــارين بجـــنون صـــايحين بشـلاقة! جــانــــا كـــلــب ســنونــــو صــــفـــــر ســـرق الـــناقـــة اللفــــي الـــشناقـــة! جـــانـــا كـــلـــب ســــنونـــو حــــمـــر دمـــر وكـــسر وخـــــرب أي عــلاقــة! في الــخرطــومـــين وفـــي امـــدرمان قـتــل ونــهـــــب ونـــار حـــراقـــــــــة! فــي الـــفــاشـــر الجــنـينــــة نــيــــالا مــوت بالـــجمــلة قـــتـــال بـــحماقـــة! والمدنــييـــن دافــعــين اغــلى الاثمان يا ابـــشـع مـــوت يا أســـــــوأ إعـاقـة! ومــلايــين نازحـــيـــن فــــي خـــــلاء لا ضــــل يــــحمــيـهــم لا رقــــراقــــة! واولاد ابــليـــــس لــــســــه لاعـــبــين الفـات فـات فـي جـيــبو كـل الــحركات! والـــعــالـــم مــشـغـــول بـــالـــنيـجـــر! وضـــــمـــيـــرو يــا نـــــام يــا مـــات!! andandand الـحـــــرب فـــــي الــــشهـــر الـــــرابـع بـــس كأنـو اشــــتعــلـت يـــا دوبـــــه!! وكـــــل مـــحــارب بـــدمر فــــي بلـــدو وبتــخــيل انــــو فـــارس الــــحـــوبـة!! كـــل مـــحـــارب يـهـــلـــل ويــــكــــــبر وهو بـــخـرب بــلــدو خــراب ســـوبا!! فـــي الـــخرطـــــوم أو فــي دارفــــــور كــــل حــــتة صــــبحت مــــــقلــــوبـة!! وبــــيــــوت أســـــواق ومـــــصانــــــع فـــــي بلـــدنا صــــبحـــت مـــنهـوبـة!! ومـــلاييــــن نـــازحــيـــن لاجــــئيـــــن شــوف نـــاس فــي ارقيــن مصـلوبـة!! شــــوف جبـــره الكانــــت زي طـــفلــة بـــقـــت اكـــبر مـــن الـــحبـــــوبـــــة!! ويـــن راحـــت طـــيبـــة الـــسودانـــي المــعروفــــة فــــي كــــل الـــقـارات؟!! الــــحــــل مــــعـــدوم فـــــي الـــبـــــل الـــحــــــل فـــــي خــــد فــــي هـــات!! يـــــــوم بـاكر تــــــرجـــــع مــــــدنية لا قــــنــابــــل لا صـــــوت دانــــــات!! andandand ســــــودانـــــا دا حـــــير الـــــدنــــــــيا فـــــي وصـــفـــو احـــتارت كــــلماتي!! شـــــوف حـــميـــدتــي الـــقالــو مـــات وخـــبر مــوتــــو مــــؤكد يــــــوماتي!! غـاب شــــــهـور وفجــأة جـــا نــاطـــي راح شــــاطـــب راس الـــحكــواتـــي!! امـبـارح جا طالــــع فــــي فــــيديـــــــو قـــــــال انا حــــي وقـــائد قـــــــواتي!! العـــالــــم بـــقـــى جـــد مــــــــــحتـــار ورد فــــعــــلــــو أصــــبــــح كـالآتي!! واحـــــــديـن طايـــــــرين بالـــفــــرحة واحـــــــدين قــــالـو ده بـــعــــــــاتي!! وهــــمــــنا نــــحـــن بـــس واحـــــــــد يا اخـــواني اســمــعــــو يا اخــواتي!! مــش عايـــــزين حرب في ســــــودانا لا مـدافــــع لا قــــنابل لا رصــاصات!! دايــــــريــــن الحـــكـــــم الـــمـدنــــــي والعـســــكـــر جــــــــوه الثــــكنــــات!! andandand الدهشـــــة جــــــملـــة وقطــــــاعــــي يا اخــــوانـــا مـــا فيكــــم واعـــــــي!! كل لـــــــحظــــة الخبــــر العـــــاجــــل ســــودانا يـغلـــي فـــــي مـــــــراجل!! كــــل لــــحظــــة هــــــــجوم وحــــملة كـــــل لحـــــظة الـــمـــوت بالــجملة!! كــــل لـــحظــــة دعـــامــة وجـــياشة ناطـــين ظاهـــرين فـــي الــشاشــة!! صــــارخيــــن تـــكبـــير تهــــليــــــل خــــلعـــــونــــا واللــه عــــــديـــــل!! تـــكبيـــركم علــــى أي أســـــــــاس؟! تهـــليلكـــم علــــى أي أســـــــــاس؟! هـــل دينـــكــــم تخـــويف الـــــناس؟! هـل دينــــكــــم هو قــــــــتل الناس؟! يـــاخ هـــاكــــم آخــــر تـــحذيــــــــر اتـــــخـــذوا بســـــرعــــة قـــــــــرار! يا اتـــوقفــــوا قتــــــل وتــــــــــدمير يا اتــوقفـــــوا اطــــــــــلاق الــــنـار! يا يـــحــــصـــل تـــدخــل دولــــــــي شــــــان يوقــــــف حـرب ابــــادات!! وإن شـــاء الله حاتــــرجــع مــدنيــة لا عــــسكــــر لا تعــــليـــمــــــــات!! andandand الـــجـــيــش شـــغــــال تــمشيـــــــط بيـــمـشـــط شـــعــر الـــخـــرطـوم!! ودعـــامـــة يفــــرتـكــو كــل شـعرة والـــراس مـــخـــلـــوع مـــهجــوم!! ومـــواطــــن لا طـــعــام لا شـــراب وفـــي الليـــل ابـــداً مـــا يــــــنوم!! رصـــاص فــــي كــــل مــــكـــــــان فـــي كــل لحظة صـاروخ وهجوم!! ومـــــواطـن مـــدفون فــي بــــــيته بالـــدانـــة مـــضـروب مــرجـــوم!! الطــــالـــب مقــتـــول في الجـــامعة ما راعـــوا آداب وعــــلـــــــــــوم!! وتـــصـــريح يــكــــذب تـــصـــريح والحــاصـــل شي مــــش مـفهوم!! مـــافــيش غـــالب ومـــــــغلــــوب ســـودانـــا هـــــو الــمـهــــــزوم!! صارفين رواتــــب للــــجــــيــــش وللــــدعـــم ولـــكـــل الـــحركات!! ومـــــافيــــش للـــشعـــب رواتب صـــرفـــولو قنـــابـل ودانــــات!! مـــرفـــوضــة الـــحــرب العـبثيـة مرفـــوضة حــرب بوكــــــــالات!!   يـــــــوم باكـــر تـــرجـــع مــدنيـة والعـــسكـــر جــــوه الـــــــثكنات!! andandand شـــــــوف واســـمع شـــعبــــنا بيـقـول شــــيباً وشــــبـــاب أولاد بـــنـــــــوت!! بفـــلوســنا الـــجـيش اشــترى طياراتو ومــــن فـــــوق يقــصف ويــــــشـوت!! بفـلــوســنا الدعــــم اشــترى مضــادتو ومــن تـــحــت يـــــضــــرب شــلــوت!! وفـــي الحـالتــــين المــــدني يـــــتشرد فـــــي الحــالــتين المــــدني يــــمــوت!! فـــي الحـــالتيـــن نـــهـبـو الأســـــواق فــــي الـــحالتيـــن احـــتلــوا بـيــــوت!! والــــحــــــــرب مدعــومــة مــن بـــره والاشــــعــــل نــــــارا الـــــكهنـــــوت!! طـــالـبـيـــن الـــسلـــطــة وعــــايزيـــن ثـــورتـــنا فــــي داهــــيـة تـــــــفــوت!! بــــس شـــعبــنا شــــعــــارو الاوحـــــد لا كـــاكـــــي يــــحــــكــــم لا بـــــــوت!! شـــوف واســــمـــع شعبنا بـــــيــقــول يــا عــالـــم هيـــهــــات هـيــــــهــــات!! يـــــــوم بـــــاكـــر تـــرجـع مـــدنيــــة والـــعســكـر تــــوش فـــي الثــــكنـات!! andandand يا شــــرطي اســمع يا جـــــــنـدي ما تكــــتل ابـــــداً مــــتظاهــــــــر!! في تـــــراب ارض الــــــــــسودان مــــا يــــــسيل الـــدم الـطاهــــــر!! دي جــــريمة دولــــية خــــــطيرة وما بــــحلك الظـــــرف القـــاهـر!! ده مواطــــن ومــــن حــــقو يـعبر مـن حقـــــو بى رايـــــو يجــاهر!! لا خـــــــــونـــة لا مـــــندســـــــين ديل اهــــــــلك يا بلــــــــــــديات!! يــوم بــاكـــر تـــرجـــــع مــدنيــة لا كـــــاكــــي لا تـــــعلـــيـمـــات!! andandand الـــفــات فــــــات لـــفــا اللـــــفـــات فـي جـــيبـو عــــسـكر وحــركات!! قــلبـــوها وانـــقلـــــبــت تـــانــــي الهـــوبــــة انـــقلــبت هـــوبــــات!! ديـــســــمـــبــر أم الـــــــثـــــورات كل لحــظة طالـــعيـن مــليـــون !! العـــسكـــر قــــطـــع الـــشبكــــات الـــعسكــر قــطــــع الـــتلـفـــــون!! والـــعــسكـــر واقــــف كـــركـــون الـــعســكر واقـــــف طــــابـــــور!! وشــعـــبنا ما بـــخــاف الـــمــــوت مـــن حـقـــو يــطلـــع ويــثـــور!! الـــغـالــــب اللــه يــــا اخــــوانــــا مــا فــينـــا مــغلـــوب لا غــالـب!! وشـــعبـــنا بـــيـــطـــالـب كـــلــــو والـــعـــالـــم كـــلـو بـــيطـــالــب!! عـــايزيــــن الـــحكـــم الــــــمـدني والــعســـكر جـــــوه الثــكــــنات!! andandand حـمــــــدوك هـــو الـفـك حـــصاركم الـكــان سـبـبو الــوشو مـكـرفــس!! حـمـــــدوك هــو الــحلـحل ديــنكـــم ســـــودانـــا يـــا دوب اتـــنـفـــس!! تــلاتــــــين يــونيـــو فـــي عـــينكـم في عين بشة المحبوس ومتربس!! طــالعــين نـاس عــــــيـط ومـعيـــط مــارقيــن نــاس كــوعــك الـحس!! واحـــديــن لاعــــبــيــن حـــرامـــية واحـــديـــن لاعـــبــيــن دس دس!! حـــمـــدوك مــــا قــــــــصــر ابــــداً حــمـــدوك بـــــس يـــقـــعد بـــس!! خلـيكـم جـايــــــطـين فـي الـفاضــي ومــا بــتــنـفــع كـــل الــــجوطات!! خـــليـــكم شـــايتــــــــين فـي الاوت وحــمـــدوك حـــــارس الـشبكـات!! andandand حــمــــــدوك هـــو حــــل ســـودانـا الــحـــل بــــس فـــــي ايــــديــــنو!! فكــاهـــو مـــن اقــــسى حــــصـار وعـــديـلو حـــايــتمـــو وزيـــنـــو!! مـــن مــافي جــابلـــيــهــو ســــلام ويــوم بــاكر حايــحلــحل ديـــنــو!! الكـــوز لـــو يــــــرجــــــع تــــانـي ســـودانا حـــايـطلــــع عــــينــــو!! والاحمـــــر ما فـــاهـــم حـــــاجـــة بـــتســاوى راســـو وكــرعـيــنو!! يـــــوم بـــاكــر يـــعـــبر ســـودانــا وخــير الله يــــمـلا الـــساحـــــات!! حـــمـــــدوك واحــــد مـــا بـــكفــي عايـــــزيـن كــــتيــر حــمدوكــات!! andandand الفـاتحــة علـى روحــك يا نـــوال وان شــاء الله فـردوس وجـــنـان ناصــرتي الـقــانــون الـــدولــــي ناصـــرتي حــقــــوق الانــســـان ناضــلتــــي ضــــد الــتهمـــــيش ناضلـــتي ضـــــد اي خــــتـــــان ما خــفــتي مـــــن زول دجــــــال ما خـــفـتي مـــــن زول ســــجان ومواقفك حاتـعــيش في الــذاكرة يا محــصـنــة ضــــد الــنسيـــان ايمــانـــا بــي اللـه الـــواحـــــــد ما بنقبل فيــــهو خـــرافــــــــات مافـــيـش انـــسان فـي الـــــدنيا فـي جـــيبو مــفتــاح جــنـــات!! andandand ســودانـا صــعبــت اوضـاعــــوا لا جـــــاز لا غــــــاز لا مـــــلاح! مـــطلـــوب مـصالــح ســــودانـا تتــحــقـــق يا نــاس بي نـــجاح! تـــعــويــم الــعمــلــة عـــملــــية مــحتــاجــة أشــطــــر جـــــراح! وجــنيهـــنا خــلـــــوه يـــعــــوم إن شــاء الله يــصـبــح ســبــاح! شـان نـهـزم الــسـوق الاســـود ومــن طــالـع ونــازل نــرتـــاح! وديــونــا تــصبـــح مــعفـــيـــة لا جــيــب لا خــــــد لا هــــــات! يــوم باكــر انتــاجـــنا يــــزيـــد ومــن بــره تــجـــي تــحويلات! andandand مــبــروك حــــصـانة ســياديــة ســــودانــا اخــــبارو حـــــلاوة! بــــاي بـاي ارهـاب بـــاي بـاي لا حــــصـار لا ذل لا شــــقــاوة! الســياســـة ما فـــيها صـــداقة الســيــاسة ما فــيها عــــــداوة! الـعـــالــم كــلــــو احــــــــبابــنا المصـــلحـة بتــزيـدو غـــــلاوة! مـــطلـــوب مـصالـح ســــودانا تتــحــقــق بـي كـــل هـــــــداوة! راســمـالنا فــــي الدنــيا ســلام فيــهو حـافـــز وفــيهو عــلاوة! يــــوم بــاكر يـــجي اســــتثمار يــوم بـــاكر تـجـــي مــلـيـارات! ســـودانــا بطـــبعـــو مـــسـالم مــش عـــايزين تانـي فـــتوات!! دايــرين تــفكيـــر بالــمنطــــق مــش عــــايزين تاني غباوات!! andandand وكيـــــزان ظلـــمـــو الـــســودان وســودانا ظــلمــو مــا مـبــرر!! تلاتين ســــــنة مقفول فـي علبة الجـــوع بقـــى ليــهو مــقــرر!! مــــبروك يــا شــعبـنا مــبــروك اليــــوم ســــودانـــا اتــحـــرر!! اتـخـــارج مــن اقـــسى حــصار كــل شـــعبــنا مـــنو اتــضـرر!! حـمــدوك شــــــــكراً حـــمـــدوك ولـي بــرهــان الــشكر مــكرر!! الــكـــــــورة الآن فــــي مـلـعبـنا مـطلــوب هــــز الــــشبـــكات!! مــن جـــــــوه نعــمـر ســـودانــا ومــن بــره تــجـي تـحويـلات!! andandand مارادونا الافــضـل فـي الــكورة مارادونا الالــعـب في الـــكون!! العالــم مصــدوم مــــن مــــوتو فــي غــيابو لا طــعم لا لـــون!! حـــزنانــــة شـــاشة التـــلفــــاز حـــزنانة شــــاشـة التـلفـــون!! ملايــــــــين شـــيعو مــــارادونا والــعســكر واقـــف كــركـون!! مــارادونا جـــنـــــن بريـــطانـيا بـي ايــدو جــاب امـكر قــون!! مـارادونا شــــــال كـاس الـعالم وفي اوربا شـــال كـم كـاسات!! مـارادونا كـــان وحــدو هجوم كــم هلـهــل اعـــتى الـباكـات!! كـم جـنـدل حــــــراس الـمرمـى كـم مـزق اقـــوى الــشبكـات!! andandand الصــادق لــــبى نـــداء ربــــو ونـحتــسبو عــند الله شـــــهيد تشيــعو كان رسـمي وشــعبي تشــيـــعو كـــان والله فـــريــد وبنــاتـــو ثــبتن فـــي قــــبرو واولادو ديــــل كـــانو حـــديد وانصـــارو هــم ســدو الفرقة تــهلــيل تـــكبـــير تـــحــــميد بنـــعزي الــشعب الـــسوداني فـــي فـــقدو لاعـــز فـــــــقيد هـــو الكــان نـجـم الوسـطيـة كــان خيــطـا الــلامي الـحبات الفاتــحة علــى روح الصـادق ولــى اهلــو سلـــوان وثـبـات andandand المصـــــري والاردنـــي طــــبع شــاف حــالـو مــع إســـرائيل!! فلــسطيــــني في الضــفة مطبع وتــــطبيــعـو ثــابــت بـدلـيــل!! الطــبــــع كيــف يبــقى منــاضل والنــاوي كيــف يــبقى عـميل!! ليـه يفضــل ســـودانا مــحاصر ليه يبــقى مــحبوس فـي فتيل!! وشــعــبنا اصــــــلاً افــــريــقي وتعـريــبو مــجـرد تـــطـــبيل!! وحصـــارو مــــسبب تجـويعـو غيــر رفعــو ما عنـدو بــديـل!! ســـودانا مــطــلـوب تــطبـــــيعو مصلـحتو مــطلـــــوبة عـــديـل!! شــــان يكـــسر حصـار اليــانكي شــان يــجـــــذب اســتثمــارات!! يا عالــم مـــــش عايــزين فتوى دايـــريـن اقــــــــوى قـــرارات!! andandand الــدولة مــــخـــلوق عـلمــــاني دا الواقع ودا الشي المــعلوم!! الـــدولـــة شـــخص اعـــتباري لا تاكل لا تقـــيف لا تـحــــوم!! الــدولــــة هي كــيان قــانــوني لا تصلــي لا تــحج لا تـصوم!! الواجب بيــــــن ناسا تـــساوي بي حــق محـــفوظ مقـــسوم!! لا تفـرق بـــيــــن زيــد وعـبيد لا عقـــيدة تـــعـــقد مـــظلوم!! علـــى كــيــــفو العـايز يـــتدين بس حــقنا بــيهـو ما يـــنوم!! العالـــم بقـــى كــــلـــو مـفــتح ملــيان كــاميرات شـــاشات!! تانــي مافـي تـــحــلل يا فـردة في محــاكم وفيـها عـقوبات!! andandand الجنـــــوب سـوا عملة جـديدة وفي الجنوب عملتنا شــغالة!! لا حســـــاب ديــه لا مـــــنطق لا سيـــاسة لا حتـى رجـــالة!! وبنــي كــوز خــامين العمــلة لى شـــيلا عايـــزين عــتالة!! وكمـــــان تــزوير بالـــــجملة اوضـاع العملــــة بطــــــالة!! وبنــــــوك ما فيـــها فلــــوس وبنــــوك تحــــنن احــــوالا!! شان نـــــزبط اولاد ام زقـــده شـان نـــزنق كـل العــنقالة !! مطلــــوب تــــغيـــير العمــــلة وتبــديلا رمـوز وعــلامات!! مطلـــوب تـــغيـــــير العــملة وخصـــوصاً آلاف مــــيات!! andandand تجـــــار العمــــلـــة لابـــديــن مافـيش ســـريحـة تــحاحـي!! ما بتــسمــــع قـــولــة يـا زول دولار ريـال وشيـك سياحـي !! ومواطــن مبــــــسوط بـــيقول ما لاقــي عيشـي لا مــلاحي!! دولارم يا نـــــــاس خـــــــلوه يومــــياً ينـــزل وصــباحـي!! الكــــوز خـــــــلــــوه يــجــــن ودوه مســــتشفى الـــماحي!! والحمـلة بتــــقــــول ياخــــينا شان تضمن يا فردة نجاحي!! مطلــــوب انـــــــتاج تـصـــدير مطلـــوب تخـــفيــض نفـقات!! مطلـــوب تـــغيـــــــير العــملة عشـــان نــرفع الكــــنــجالات!! andandand ياخ حاسـبو من دولـة عمـيقة يــا عســــكر يــا مدنــــيــــين! الشمطـــة ما لــــيها لــــــزوم ما تكــونو يا هـــوى داقسـين! حصتكــــم حاليـــــاً ثـــــــورة لا ناخـــــب لا مــــنتخـــــبين! الفوضـــى ما تبقــى خـياركم لا قالــــب لا مــقــــلوبـــــين! ما تبـــارو نــاس قلــنا وقـالو ما تـــبارو نــاس الـــبوخات! وخـياركـم الاوحـد وحــــــدة مافيـــش تــــاني خـــــيارات! andandand ده شــــباب الثــــورة كـارهنو بيـــقولـــو يا هـــو يا نــــحنا! العامــــل فيـــها راس قـــومو وهـــو ذاتـــو اسـباب المحنة! العمـــرو اكــــتر مــن مـــــية ومـا بـــسكت ومـا بـــيفرحنا! كل لحـــظة يطلــع تصــريح بي لســانو ديـــمة مـجرحنا ! لا دايـــر بــى ادبـــو يـــعيش لا عـــايز يـــموت ويــريحنا! يومــاتي يدسـدس في شـيبو يومــاتي يضــاري الصلعات! كرهــــنا يــــاخ كـــل الــدنيا! ياخ اســكت وبــطل حّـركات!! andandand سـلفـاكـير قـلــواك شــاكــرين وجنـــوبنـا ما فيــهــو كـــــلام! حــقــقــتو اكـــبـــر انــــجـــاز اهــديتـــو لـي شـمالنا ســـلام! حمــدوك بــرهــان وحــميدتي وكباشـــي تـعـظـيم وســــــلام! عــقــار جـــبـريـل ومنـــــاوي والهـادي عليـــــكم يا ســــلام! يا عـــسـكر ويــــا مدنــــــيـين خليــكــــــم رامــــين قـــــــدام! حـلــوها باخـــوي واخــــــوك مـش عـايزين تـاني حـروبات! شـان بكره ينـهــض ســودانا وتنحـــــلا كــــــل الازمـــــات! andandand انحـــنا جد شـــعب عــــجيب الســــيل ما بــــهزم فــــــنو!! يا نيــل فــيض زي ما دايـــر اولادنا جـــــواك بيــــغنــــو!! ايقــاعـم دق راســـك ذاتـــو وشعـــورم بيـــعبـرو عـــنو!! ما بخـافو مـن غضب الموج المــــوت ما بهـــــربو مـنو!! يا نيل جـيــب حـــزنك كـلــو حانقلــبو فــرحة وحفــلات!! حانبـــــشر وســـط الفـيضان وحانـعرض جـوه المـويات!! andandand ما افشــل حكـــــم الرجّــــــالة شوف لـيبـيا وشـوف لـــبنان! ياخ عـــاين وشـــوف المــانيا ما انجــح حكـــــم النـــسوان! انـــجـيلا بي مـــــية راجـــــل حـــرية ، انتــاج ، وامـــــان! عايــــزين والــية فـي شــمالنا تحكمـــنا بي حــب وحـــنـان! شـان نخلـص من اي مـشاكل شــان نرتـاح مـن الجـوطات!! andandand كــورونـا خــاف مــن سودانا كـــورونــا راســو شـاطبنــو! كــورونـا لـو شـاف سوداني بي ســـرعة بي يــهرب منو! ما بلـبســـو ابــــداً كمـــامــة وجـــونتـــي تـــب ما لابسنو! ماكليــن شــاربين مجمـوعة في الـحفلة مجــموعة يــغنو! عاملــين فـي الشـارع زحمة هــوا الله دايــمـــاً شـامــــنو! كـــورونا بقـــى زي الكــورة الناس علـى طـــول شايــتنو! قالــولو شــوف ناســك ويـن اولادنا اســود فــي غـــابات! شـوف ناسنا جنــنو كـورونا عملـولو كمـــان نـفســـيات!! andandand كــورونا بقــى ارجــل راجـــل امـريـــكا بتصـرخ حـي ووب! فـي غربـــنا جــنن اســـــحق فـــي شـــرقنا بــهـدل ادروب! الراجـــل بقــــى ذاتــو منـقب الناقـصو بـس لـبـس التـوب! فـي الـعيد مــافيش عــــيدية للـــبيبي مــافـــيش دبــدوب! كـــورونا حــايم في الشارع وحابـــسنا فــــي زنــزانات!! andandand ياخ اعـدل قانــون في الدنيـــا قانــون تفــكيــك بنــي كــــوز! فكـــوهم فـــردة ورا فــــــردة ولــو امـكــن فـــكو بالـــجوز! تلاتين سنة شايتين في الاوت كيـــف يعنـي عايـزين الفـوز! قـــايـدكم ســـــــباب الطـّــين فوق راسكم شايلين اراجوز! الزحف الاخـضـر في عـينكم يا دبـــايــب يا حـــربــويات! andandand آلاء يا بــــــت دقـــــــريـــــة يا فـــارسة يا بـــت فــرسان! شـــــرفـــتي العــــالم كلـــــو شـــرفتــــي كـــل الــسودان! وخطابك في نيويورك سرانا حقـانــي مـــوزون مــــليان! اصبحـــتي ايقـــونة الثـورة سانـدتي حـــقوق الانــسان! ما يهمـــك حقـــد الكــيزان ما يهمــــك حـسد الكوزات! andandand مـــبروك يا عـــشة ســـــيادة حـــقــقـــتي اكــــبر انــــجاز! شـــــرفتي كـــل الـــــسودان يا دغـــرية مـــن دون الـغاز! وكبــاشي لـــو قـام اتلــــولو يا عشـــة عــــندك عـــــكاز! دقيـــهو زي دق الــــــعيش ولو حكـــمت دقي الـــحجاز! شان تاني ما يـــلف ويـدور وما يعـــمل لينــا حـــركات!! andandand تــوزيرك مـــبروك يا مـــدني ما يهــمك قـول زول بلـباص! يا راكـــز يا صـــابي الـــثورة لا رجعــتا لا قتـــا خـــــلاص! جـــيت مـارق مــن البــمبان جـيت طالـــع من الرصــاص! عايزنك يا زول راس حـــربة ومن شعبنا حايجيك كم باص! يوم باكـر حانشـوف اهــدافك تـتراقـص جـــوه الـــشبكـات!! andandand الريس حمـــــدوك شـــرفـــنا وجـــد اقنـــع كــل الفـــراجة! وخـطابو مــحسوب بالـمنطق لا جوطــة فيهو لا صـــناجة! حمــدوك مــن قــــولة تيـــت جاب ليــنا المــاني خـــواجة! حــــمدوك يا امــــل الامــــة عايــزنك تعــّمل كــل حـاجة! من مافـي جـــيب لينا سـلام مــن مافي جّــيب دولارات!! andandand يا فــارس اعــلامي مــحنك بالـواجـــب عــارفنك قـــايم! يا واقــف وســـط الفـيضان في حي مايو شايفـنك حايم! بالمــايك بتــحارب الظــالم ما بتســكت ما بتــعمل نايم! اصبحــتا ايقـــونة الـــثورة شرفـــتنا جــــــداَ شــوتايم! لمعتـــا جـــــيل الـــــشفاتة ظهــرتا جــــيل كــــنداكات!! andandand مــبروك الـــثورة انتصــرت ونجاحـا شان يبقـى حقـيقة! يا تــجمـــــع يا مــهنـــــيين ما تنومــو ولا حتى دقيقـة! يا اخوانا الثورة احـرسـوها واحمـــوها بــأي طــــريقة! احموها من ثـورة مـضـادة احموها من دولـة عمــيقة! الثــورة هـي بــدت يا دابـا الفـات دا كلـــو بـــروفـات!! andandand يا عالــــم تلزمـنـــــا عـــــــدالة ما بتنفــــع قولــــة مـعليـــــش! دعم ســريع ووضـــــع فظـيع كـتلو الأولاد ما عــــندنا جيش! كتــايب ظــــل ووضــــع مــذل قطع النور وصــــفوف العيش! وطنــي وشعبي تـحت الطاولة كلـو وبعضـــو اكيد غشــغيش! شـــــوف بـــشه الكــتل الناس بتحــاكــــــم فــــــي دولارات!! andandand ســـودانا كلـــو فـــي الشـــارع ملاييـــــن الـــناس شـــــافوها! في بـــلدنا عايـــــزين مـــدنـية في آخـــر الدنيــــا سمــعـــوها! العسكــــــر الما دايـــر يفـــهــم الليلــــة الثـــورة فـــهمـــــوها! 30 ســــنة حاكــمـين العــسكر كيـــف تاني ياخـــي يحكـموها! يـــوم بـاكـــر تـــرجع مــــدنية لا كـــــاكــــي لا تـــعليمـــــات!! andandand المجلـــس كلـــو فـــي ورطـــــة المجلــس هـــو الـعمل الـــعملة! العسكـري هو السـرق السـلطة وهــو الكــتل الاولاد بالــجملـة! وحميــدتي الــسكران بالسلطة عاملنـا فيــها حـــوض رمـــلة! كـــل لــحظة يطلـــع تصـــريح ما نفـــهـم منــــو فـــد جمـــلة! جـــاب ليـــنا شــرتاي حـكامة تم جميلك وجيـب ديناصورات!! andandand قــــدام الـــجـيش كــتلــو الاولاد الجيش وينو الجـيـش وين راح! الجيــش ويـــنو اكلـــو الــدودو الجيش وين راح اكلو التمساح! الجيش مالو مقفول في حــوش وجــوه البــير جــدعو المفتاح! الجيــش مالو واقـــف كــركون الجيش وينو ما عنـدو ســـلاح! الجيــش مـالو الــجيش وحلان محــتاج لشـنو دفرة وصاجات!! andandand يا كــاتل الاولاد فـــي الوقفــــة يا مصــهين وضارب الـطنيش! يا مبكـــي الامـــات فـي العــيد ما تكضـــب ســيب الغـشغيش! دي جـــريمة دوليـــة خطيــرة وما بتنفـــع قـــولة مـــــعليش! كولمبـــيا فــي عيـــنك ياخـــي دي بعيــدة من سـاحة الجيش! يا خسارة الجيش كان بتــفرج في مليــشيا تبيد في ولـيدات!! andandand وبعـــدين معــــاك يا بـــــرهـان لا سمــــع كفــــاك لا شــــوف! اهو شبابنا اعتــصام وصـــيام لا تعــب لا رجـــوع لا خـــوف! كــل يـــوم حايــمر ويـعــــــدي بي ســــرعة زي اب نعــــوف! عايـــزين سـلطـــة مدنيــــــــة شان نطفي حرايق في الجوف! شـان عيـــدنا يصــــبح اعــياد شـان تنــجـح ام الـــــــثورات!! andandand لي حميدتي شوف شعبنا قال مش خايفين مـن تـــهديداتك! لو ناسك جزء مـن الــــجيش ليه ياخــــي فـــارز قـــواتك؟! ثورتـنا جيـــــشنا بيـــحميها كدي جرب اضـرب طلـقــاتك! ياخ اخلي القصر الجمهوري شيل فنايلك وامـرق ناساتك! دايـرين حكــــومة مــــــدنية مش عايزين تاني مليشيات!! andandand ديسمـــبر ثــــورة شــــــــعبية في نجاحا حاتـــفوق اكـــتوبر! شــوف بـشــة الكــان بتعنطز شـوف بشة الكـــان بــــتبوبر! شــوف بشـــة الكـــان بــيهدد بي عصاية ابنوس وصــنوبر! الليلـــة مقفـــول فــــي علــبة الليلـة مـحــبوس فـــي كـوبر! شوف كاتل مجـدي فــي دولار فــي بيــــتو لقـــــو دولارات!! andandand الشـهداء السقطو في سـودانا شــيلـوهم في العين والــراس هــم ضــحو بالــروح والـــدم شـان نحــنا ننــعم بى خلاص! هــم مـــرقو ضــــد الطــغيان بي صــدورم لاقو الـرصاص! ما تنــسو يا اخــوانا حــقوقم مطلـوب يا اخـوانا قصــاص! بي محــاكـم ثــورة ســودانا بي عـــدالـة بي اجــــراءات!! andandand العالـــم يا نـــاس حــــــــباها وعن حبـــها تــب ما بتــحول! كنـــداكــة بــنــت الــســودان متظاهرة فـي الصـــف الأول! يوم فرضــو حــظر التــجوال شــافــوها مــــرقت تتـــجول! سمــعوها في اقـوى هتـــاف ضـــد ليـــل الظلـــم الطـــول! الصــوت الأجـمل فـي الـدنيا زغــرودة تــشعلل ثـــورات!! andandand شـوف شعبــنا ساكي الكيزان شوف شـعبنا شـاتم ضــفّاري! كل كــوز راح شـــايل بــقجة في راسـو وراح قايم جــاري! واحـــدين يا ناس قبضـــوهم مرقـــوهم من جـوه كـــباري! يا كوز اركـز وشـــيل شيلتك بي مالنا ما تــقوم ســــداري! تتــحاســب لازم تتــحاســب ما بحــلك شـــيل البـــقجات!! andandand يا ســلام يا شــــباب الثــــورة شــرفتو الشعـــب الســوداني! خليـــتو الفـــرعون يـــــتدسا ويطلـــع ضـــــنبو الهــاماني! كسّــرتو طــــواري وتجــــول فـــشّلتــو مــخطـط كـــيزاني! انقـــاذ ون سـقطت يا شبابنا انقــــاذ تــو حاتســقط تــاني! ما عايــزين رئيـساً وحــبيساً ما دايـــرين تـدوير نفـــايات!! andandand يا قافـــل عـــلى كـــرت أخـــير مجــهودك ضـاع ذهني وبدني! العسكـر متخصـص في سـلاح لا بــدير خـــرطوم لا مـــــدني! حاتســـقط يعنـــي حاتــــسقط وحايـــرجع الحكــــم المــدني! لا بلــــه يحــــــلك لا جـــــــنو لا بخـــورو لا لبـانو العــدني! الشـــعب الســوداني بـــجرك خمســين وجــواكر بايــظات!! andandand الفــيديــو كـــشـــف المـــستور الفــــيديو ورانـــا الفـــاتـــــــنا! في جامعــة مـــامون حــــميدة بتشـــفي هـــم ضــربو بنــاتنا! دي جرائـم ومفـروض تتحاكم وبوليـسنا مصــهين وقـضاتنا! اتحــــــدوا يــا مـغـــــــــتربين لي متيــن يا اخــوانا ســكاتنا! حمــيــدة ده لازم يـــتقاطــــع وبي عينو ما يشوف ريـالات!! andandand شاب قال ولدونا والريس قـاعد فرضــوه على الـشعب فـرض! عرسنا وانجبـنا والريس قـاعد لا فات لا مـات لا ذاتــو مرض! والعيشة هـي صــبحت مافيشة ومركب ركبين وشابكنا عرض! كــرهــــنا يـــاخ كـــل الـــــدنيا ده رئــيس واللا قطــعة ارض! حل حكومتك ما بفيد لا طواري ياخ ارحــل وســيب الحركات!! andandand يا شهـــيدنا يـــا ود الــــــخير فيــك خـير وهم شـر مـطلوق! عرفــوك زول جـــد حــــقاني وما بتسكت عن حق مسروق! كتلـــــوك تـــــجار الــــــــدين وهم ديـــل اكبـــر خــــــازوق! ويــن يــروح الكــاتل الـروح يوم باكـر بصـــبـح مــشنوق! والأصــــدر امــــرو للكــــاتل يوم باكـر حايضوق ويــلات!! andandand معقـــــــول شـــان واحـد بـس  يتحاصــــــر كل الســــــودان ! افـتــــــونا يا نـاس الدنيـــــــا  جنــــــــنا جــــــن الاخــــوان  ! شبكـــــــونا يومــاتي حــــوار   للنضـمـــــي فاتحـــين دكــان  ! ويومـاتي بيصـــــادرو جريدة   ويومـاتــــــي فاكيــن بمــبان ! الفوضــــــــى حلـقـت كابوريا  الجوطـــــــــة ولــدت تومـات!!  andandand الحالــــــــة بـــس زي الطـيــن  في جيبـــــــــنا مافـــيش مليـن!  وأي سـعـــــــــر أصبح سعران  ما بـنقــــــــــدر ندخـــل دكـان!  والســـــــــــوق أصبح مطلـوق  وأي قـــــــرش أصبح ممحوق!  يا حلـيلـــــــــو زمن الضــيفان  ما بنقــــــــدر نعــــــزم إنسـان!  على فطـــــــرة بمــــــوية فول  لا جبــــــــنة فيـــــها لا زيـــت  لا سلـطــــــة لا طعمـــــــــيات !! andandand والهـــــون رفـــــع التلفــون  في لحظــــة ضــرب البليـون! والهـــــــم واقــــــف طابــور  من تصبــــــح ما نلقى فـطور! الفــــــــات فـــات لف اللـفات  فـي جـيــــــــبو الكـنـــجالات ! من مافـــــــي ركـــب العربات  جالــــــوصو أصبح صرايات ! والفـلـــــة وقعــــت في البـير  محروســـــــة بي كم خــنزير!  لا محاســـــب لا كشف حساب  لا ذمــــــــــــــة لا اقــــرارات!  andandand بتــرولـنا بـى نسمـــع بيهـــو  بس منــــو ما ضقــــنا ثمـار ! العـائــــــد أكـبـــــــر مجـهول  وتوزيعــــــو ســــر الأسـرار ! أفتــــــــونا يا مـدنيـيـــــــــن  ورونـــــــا يا نـاس الـجــيش ! لى جــــدادنا ما نلقى العيـش  لى غنمـــنا مافـيـــش برسيم!  لو جعــــــنا بس ناكــــل نيـم  كم ليلـــــــــة القـــوى بتناهو  واصبحــــــنا زي الحطبــات !! andandand اولادنا وبـناتنــــا انتفـضــوا  وكـــــبارنا عاقـــــدين الـنية  الثـــــورة حتمــــلا السـودان   سلمـيــــــة ثــورة سلميـــــة دايـــــــرين الحكـــم المـدني  عايزيــــن دولـــــة مدنـيـــة   دايـــــــرين فـي بلـدنا سـلام   عايــــــزين خـــــبز وحـرية  طالعــــين الليلـــة وبــــــاكر   استـنـــو الجمــــع الـجايات ! andandand شعبيـــــة الثــــــــورة شـــعبية مـــرقت وتـــاني مـــا بتــــرجع! مشـــروعكم افــــشل مشـــروع لا بصنـــع ياخــــي لا بــــــزرع! ســـودانا سببتــــو حـــــــصارو وتواصـــلو حكمكـــم ما بـيرفع! لروســـــيا وامريكــــا ركعتــــو وشابـكننا ابـــــداً ما بنــــــركع! ما بتنفــــع رقصــــة ود بـــشة في الساحـة او في الشـاشـات!! andandand يا عطـــبرة يا حـــديد يا نـــــار اشعلــــتي للــــثورة شــــرارة! نطــقتي الـــــمدن الســــــاكتة وزيـــك هتـــفت بي حــــرارة! تســــقط بـــس تســـقط بــس اهديتــــي للثـــــورة شعـــارا! بهدلتي المؤتـــمر الـــــوطني خليــــتي الـــريس يـــتجارى! نتفـــــتي دقـــــون الــــكيزان وزعمـطـي شـعـر الكـــوزات!! andandand الــــريس بقــى ذاتـو مـــزهمر والـــوزراء كــمان خــرفانـين ! ما عايـــزين جلكيـــن يحكمـنا ما عايـــزين تانــي جــــلاكين! دايـــرين حكــــومة شــــبابية شــــابات شبـــــان واعـــــين! مافــيش في خــطابم جـــوطة بـي عصـــــاية ما رقاصــــين! باي باي للعــصـر الــــحجري ما دايــــرين دينـــــاصـورات!! andandand تسـقط بـس في حــمار كتـبوها وفي وســـط الــشارع طلــقوه! ضبــــاط الأمــــــــن شــــــافوه في البوكســـي حـــالاً رفعـــوه! ايه ذنــــبو بـــرسيم ما لاقــــي وما فاهـــم شـــان ايه قبـضوه! ياخ راعـو حــقوق الــــحيوان يا اخـــوانا فــــــوراً فكــــــوه! هو معروف بطبيعتو مـــسالم ومن حقو يسير في مسيرات!! andandand يا ابو عـلوه جـيب لينا كـتايبك من ضلك وجيب حـرس الصيد! ما بحـلك تهــديد يا ابو عـــلوه ما بفيــد يا ابو علـــوه الـــكيد! كل شعبـــنا مارق وما بـــرجع وما بــخاف من زيـــد وعبــيد! اولادنـــا وبناتـــنا انتفضـــــوا ثـــــوار كاســـــرين القــــــيد! مفـــروض يا نــــاس اتـحاكم القـــال انا عنــدي ملـيشـيات!! andandand واللــــه ده اغــــــرب تــصريح مـــن زول منجــــم مــــــــرتاح! بيقـــــول شـــــبابنا البــــتظاهر لا رغــــيف طالــــب لا مــلاح! ما عـندو غـير مطلـــب واحــد مشكلتــــو فــي الدنيـــا نـكاح! وشان يهدا الشارع السوداني وتعـــم فيـهــو الافـــــــــــراح! بي ســرعة هـاتو المـــــاذون واعقــــدو وســوو الحفلات!! andandand يا شعبــــنا يا ارقــــى مـــــعلم ثورتنــــا ياخ حاجــــة تــــمام! وهتافـــــنا العالــــــم سامعــــو حـــــرية عـــــدالة وســـــــلام! كـــــل يــــوم بــــكبر موكبـــنا وثـــوارنا رامــــين قـــــــــدام! بلزمــــنا العصـــــيان الـمدني بلزمـنا الاضـــــراب العـــــام! شان عمـك يــــشيل البقــــجة وبي سـرعة يكب الــزوغات!! andandand يا بـــري يا ارض الاحــــــــرار يا بــــري يا ثـــورة قـــــــوية؟! اولادك وبـــــناتك مــــــــرقـــو سلمــــية ضــــد الحـــــــرامية! الشهــــدا السقطــو في ارضك حــــيرفعو رايـــــة الـــــحرية! في مقابرك بهــــدلتي الأمــني وهــــوبة قلبــــتي العـــــربية! القاصـــــد يـــهينك يا ويـــــلو بي عيونو يشوف الويــــلات!! andandand يا الـــسادن يا زفـــت الطـــــين جايــــينا ناطــــي مـــن ويــــن؟! تصـــريحك زي وشــــك يـاخي تصريحــــك اكـــتر مــن شـين! بتـــهـــدد الـــراجـــل يـــــطــلع بـــتهــدد بي قطـــع الريســين! ما بــــتقدر تــقطـــع راس زول وطالعـــــين هـــــسه وبــعدين! يســـقط بس الــسرق الــسلطة يسقط بس حرامي الـشهادات!! andandand يا بشــة كيــف ترقــص ياخـــي وبي هنــــاك الــناس جايـــعين؟! يا بـــشة كـــيف تـــقدر تـرقص وبي هـــناك شباب مكــــتولين؟! يا بشـــة ياخ خــــاف من ربـك يا بشــــة خـــاف يوم الـــــدين! الشهـــــدا بي هـــناك راجــــنك والنـــاس بي جــــاي شاهـدين! يا بـــشة يـــاخ ارحــــل ياخــي حرقــــــتا قـــــلوب الامـــــــات!! andandand ود بـــشة لـــي جيشـــــنا قــــال وقــــولو مــــردود على نحــــرو! لو دقـــــت مــــزيكة الــــــــجيش كـــل فــار بدخـــل فـــي جـــحرو! يا بشـــة شـــوف ويـن فـــيرانك الأكلـــو الكبــــــرى في بحــــرو! أولادنــــــا ثــــــــوار احــــــــرار للظــــــالم تــــــب ما بندحـــــرو! ويـــوم بكــــره كدايــــس ثورتنا حاتقبـــــض كــــــل الفــــــارات!! andandand طـــــــير طـــــــير يا بــــــــــــشير اتــــظاهر شـــــعب الــــــــسودان! باوامــــــر بشـــــــة صـــــــرفولو تخـــــوين طلـــــــــقة وبـــــمبان! ســـــــير ســـــــير يا بــــــــــشير اتظــــاهر حــــــزب الكـــــــيزان! باوامــــــر بشـــــــة صــــــرفولو تمــــــوين تـــــرحـيل مـــــــجان! شوف بشة في الــشعب يـــكاوي كيــة كــية لا خـــــد لا هــــــات!! andandand ده الوطـــني بالـــحيل مـخـــــنوق مـــا قــــــادر ســــاكت يتــــنفس! شـــوف عـــمك مـادي القــــــدوم شوف وشو بالخــــلعة مــكرفس! اهو شـــبابنا للـــــشارع مـــــرقو بالعلــــني مـــــش بالــدس دس! رامـــــين قــــدام بي حـــــــماس وشـــــعارم بـــس تـــسقط بـس! وشـــــبابنا هـــم راس الـــحربة وشـــوتاتم جـــــوه الــشــبكات!! andandand الشـــــعب الســــوداني بقـــــــولك يا بــــــشة ارحــــــــل يا بــــشة! لا الكاكــــــي بــــــقدر يـــرهبــــنا لا دوشكــــا تنفـــــــع لا هـــرشة! تلاتــــــين يا بشــــــه كـــــــــفاية لا مصـــــــــنع دور لا ورشــــــة! القـــرب مـــن جــــوعو يمـــــوت ما بــــرحم الـــــلاذي الكـــــرشة! أحســـــنلك هســـــــع تتـــــخارج قبــــــال تجـــــــيك الكـــــــشات!! andandand ده مواطـــن ســـــوداني بقــــــولك يا سيــــسي بــــديك انا لــكـــــشر! طالــــبنك يا ســـــيسي حــــــلايب يا سيســـــي اوعـــــك تتفــــــشر! بي ضـــــنبك اوعـــك ما تلـــــعب قــــــــــدام الأســـــد الكــــــــــشر! يا سيـسي في شؤون ســـــــودانا يا ســــيسي اوعـــــك تتـــــحشر! ما تقـــــــــولي يا ابـــــن النــــيل ما تقـــــــولي نــحنا اخـــــــوات!! andandand يا راجـــــل الـــــناس بتـــــــــموت طـــــلقات فـــي الــــناس انـــطخن! نـــــــــسوانا للـــــــشارع مـــرقن الــدم فــــي عـــــروقن ســــــــخن! لا ســـــــاطن ياخــــــي لا فـــركن لا عجـــــنن ياخــــــي لا لــــــخن! يا راجـــل قـــــوم اطلــــع بــــــره لي مـــــتين تقـــــــعد تدخــــــــن! يا راجــــل وريــــنا رجــالتـــــــك منـــــعول خـــــــاش الـــــبوخات!! andandand ديــــــسمبر ثــــــورة شعبيــــــــة بتـــــــشرف كـــــل الـــــــــسودان مـــــن عطبــــرة لـــــي ام روابــة مــــن دنـــــقلا لــــي بورســـودان مـــــارقين اطفــــــال وشــــــباب طالــــعين رجــــــال ونـــــــسوان طالـــــبين الحكــــــــم المــــــدني حــــرية عـــــــــدالة وامـــــــــان عــــــايزين بــــــنزين وغـــــــــاز دايـــــــرين رغـــــيف وقريشــات andandand لى رغيــــف بنــــزين او غـــــــــاز النــــاس واقفـــــين فـــي صـــفوف اعـــــــدادم تـــــب ما بتـــــــــــتعدا عشــــــــرات مــــــــيات والـــــوف تتخــــــــابط ايــــــدين رجـــــــــلين تتــــــطاقش ريســــــين وكـــــتوف  دفــــير كـــــــوراك ومــــــــــشاكل شـــــــلاليت بنـــــــــيات وكـــفوف بي مهـــــانة الـــــناس رضــــيانة عقــــــبال صـــــــف الـــــــــجلدات andandand لـو راحــت عيـــنك يا سـامح العــــــزم العـــــندك مــــا راح الجـــوهرة تــــهديك عــــينيها وتمــــــلا حــــياتك افـــــــراح النــــاس الـــــوقفو معــــــاكم والعملـــو الــحاجات الصــاح زفــــوكم زفـــــة ثـــــوريـــــة اللـــــيل قلبـــــــوه صــــــباح! مبــروك وبيـــت مـال وعيـال وسلامتك يا سامح وسلامات andandand للوالــــدة رســــلنا قـــــروش بي حـــــوالة قــــالو فــــورية وصـــرافة عمـــــلت تحــويلة والبـــنك اســــــتلم النـــــقدية الوالـــــدة ما اســتلمــت شي لا صبــاح لا حتـى عـــــــشية قالولا تـــب مــافي ســـــيولة غـــشوها النـــاس الحـرامية فـي عطــبرة لا حــديد لا نــار كيــــف ياكلـــو حـق الامـات andandand فـــي كـسلا النـاس بتمــوت فـي كســلا الناس بتـــكنكش كايسيـن للعافيـــة كواســــة  وبعوضة في العافية تفركش كل زول بقــى جد مــــــحتار العاقـل بقــى ذاتـو مـكشكش الوالي في الكرسـي ملصـق الريـس في الكرسي مكنكش واحــدين في اشــقى شقاوة وواحــدين آخـــــر راحـــات andandand حمــدوك قالــــولو تعــــــال كــــون ليـنا وزيـرن للمــال جيــــب لــينا يا زول دولار يازول جـيــب لــينا ريـــال عايزين ماكــــول مشروب  دايــرين ملـبوس ونـــعال  الحــال بقــى واقــف دوت  الحــال بقــى جـد بطـــــال حمـــــدوك قـال ليـهم كـــو  حــمدوك كـــبا الــزوغات andandand شوف بشــــة يرقص مبســـوط وفـــوق راســـو يلـــعـب عــكاز وكــل يــــوم اســـــــعار بـــتزيد مافيــــش لا فحــــــم لا غـــــــاز وصفــــــوف الـناس واقفـــــيـن ومافــــــيش عـيــــش الـــخبــاز وصفـوف عــربات واقـــــــفـين ومافيـــــــش بـــنزين لا جــــــاز في طلمـــبة لعبـــو الكوشـــتينة في طلــــمبة صلو الجــــــمعات andandand يا سـاعـة هـم قــالو عقـــــاربك مطلـــوقة وبــس لازم تـــــرجع  شان زمـــنك يــصبح مظبـــوط  زي ساعــات العالــــم اجمـــــع تقــديم تـــأخير علـــى كيفــــــم حاجـــات زي لــــعب الـشفــــع يا ريــت كل عقــــرب يرجــــع  لى جـــــحرو وابـــداً ما يطـلــع  شان نــــرتاح مـن العضعـيـض  شان نـــــرتاح مـن اللـــدغــات  andandand وحــــــوار الوثبــــــة ابــــــــوه  الصــــــادق عرمـــــــان وامـين واحــــدين قاطعيــــن الحــــركة  واحـــدين للنـــــاس قايليـــــــن  وحـــوار ودبشــــــة رئيســـــو  ما بنفـــــــع لي يــــــوم الـــدين بيحـــــاور في نفســــو بــراهو  ولـسانــــــو زي السـكيــــــــن  ليـــه يعنــــي لاميــــن الفكــــة  ليه يعنـــي عامليـــن جوطــات andandand الــــــــزول ما فــــاهم حــــــاجة الـــــزول بقـــــى جــــد محتـــار  فد مطـــــــرة فضحتنـــا فضيحـة في شــــــوارع صبحــت انــــهار كـــم نــــاس بي هناك بتمـــــوت في بيــــــوت تتمــــاص تنهــــار وبيجـــــاي  حـــاكم ومعــــارض مشغـــــول بي كــــوار وحــــوار يا بلـــــدنا يا كايســــــة ســـــلام يا بلــــدنا ســـــلامات ســـلامات andandand ســـودانا حــــالــــو شـــالـــــوه  عفصــــوه دايـــر ما يــــــــــدور قـبضــــــوه لا مــــا قبضـــــــوه  شـــــطــــبوه راس الــــغنـــدور  مــرقوه بـــي ســــرعة شــديدة  قبـــــــال ما الحـــلــــة تـــــفـور  يا ريــــس الـــــزم خرتـــــومك  للخــــــارج اوعــــك ما تــــزور  قـبضــــــوه لا مــــا قبضـــــــوه  جاطــــونا اولاد الهـــــرمــــات  andandand ام قسمـــــة فرحتــــي قلوبـــــنا  ام قسمــــة زعــــلك ممــــــنوع  ام قسمــة قصيهــــو شريطـــــنا  افتتحــــي كـــل يـــوم مشــروع  ما يــــهمك زولـــــن دهنـــــاس  ما يــــهمك زولـــــن جـــــربوع  بـي شــايك عالجتــــي بنيتـــــك  بـي شايـــك حاربتـــي الجـــوع  بـي بنــابر ســـويتـي مـــــــنابر  وكانـونـك حــلحـــل ازمـــــــات  andandand بال ميـــري مسـكــون بالــهم  نــاس زهــرة يشكـن وحواية  غير شـــاينا كـيـــفن حنعـيش  بنـــــربى جـنــــيات وصــبايا  الكـشــــة كابـــوسـنا الـيومي  يا مـــــاشا فــــوقنا يا جــايه  يا اخـــــوانا كيف سـت الشاي  تتــــعامل زي ســـــت انـداية؟  كـــــم مـــــرة يانــاس كشـونا  ما خــــــلو لـيـــــنا الـحــبايه  كـــم مــــرة طفـقـــو الـــبـراد  كــم مـــــرة كـســـرو الكبايــه  كم كشحـــو شـــايات وسـكاكر  كـــم دفقــــو ازبـــط جبـنـــات  andandand العــالــــم فــاهــــم لـــعبتـــكم  تصــويتكـم كـــــذبــة إبـريـــل  وفيلمكــم معــــروفة بـدايتـــو  ونهايتــــو مكشــوفة عــديــل  فــــي الأول رقصـة ود بشـــة  وفي الآخــر تكبيــــر تهليــــل  غير بشــة حــــوا ما ولـــــدت  ود بشــــة ما عنــــدو بـــــديل  ستطاشـــر نازليـــن ترشيــح  بــس واحـــد يــدو الاصــوات  andandand الـــديـــــن للـــــه يـــــا زول  بي الديــــــن ما تاكل عيــش  لى بشــــة ما تســوي دعاية  ما تضـرب ليــــهو اورنيــش  يـــازول اقعــــــد في محـلك  يــــازول سيـــــب الهــــبيش  ود بشـــــة ما جـــا بتصويت  جا السلطـــة بسـلاح الجيش  ود بشــــة حيفــــوز حيفـوز  ايه يعني لــزوم الغـــشغـيش  يـــا زول خليــــــك حقــــاني  يـازول سيـــــب الحـــــركات  andandand بارودي كـــيف يصبـــح ريــــس  وشعيــب كيـــف يبقــى رئيــــس  ود بشــــــة ما بطلــق سـلطــــة  بـــى قـــــوة أو بــــي تحنــــيس  مرجـــوعة باكـــــر لي حبلـــــــو  والحولـــــو تحليـــــل تتيـــــــس  ماذونـــــو جـــــوه الصنـــــدوق  وشهــــودو لابدين في الكيـــس  ليــــه يعنـــي لاميــــن النــــاس  ليــــه يعنــــي ساوين حفـــلات  andandand ابـليـــس خـــــالف رجـــلينــــو  وغـــنمــو ســـارحـات بالـراعي  وحـــوار وحــــلانة لســــاتكــــو  ما بقـــــوم بي دفــــع رباعــــي  هــاجــــوج عايــزو بالجملــــــة  مـــاجــوج دايــــرو قطـــاعـــي  طالـعيــــن بس مافـــــي لـــزوم  نازليـــن بس مافيـــش داعــــي  يا شعبنـــــــا ضـــــاعت اموالك  فـــــي وفـــــود فـــي طــيارات  andandand ومجنــــــون عامـــل تصـــويت  بيجنــــــن كــــل العُـــقّــــــــــال ! متحكــــر فـي نــــص الســـاحة  لي غيــــــرو ما مـــــدي مجال! بيغنــــــى براهـــو ويصفـــــــق  ويـــــــدق نـــــــوبة الطـــــــبال ! بيــــرقص فــــي الــدارة براهـو  من روحـــــــو بيشيــــل شبـــال! بينقـــــط لى روحــــو بـــــراهو  ويبــــعــــزق فــي الملـــــيارات!! andandand وضحــية حســــبوها خـــــروف  وضحيـــــــة شعبـــــاً بي حـــالو  الضـــاعـــــو بنــــــاتــو واولادو  الضاعـــــــو حريــمو ورجــــالو  الدينــــــو بقــــى اكبــــر ديـــــن  واسبـــابو كانـــو وما زالــــــــو  الريــــس بـــس عامـــــل نـــايم  ضربـــــولو قافـــــــل جــــــوالو  الحـــــال بـــس واقـــــــــف دت  لا تفـــــاوض لا خــــــد لا هـات  andandand يا شعبــــنا يا اكــبر فاهـــم   ما بغشـك السـوى الغلطــة   وخطـــاب جـــد ما مفـهـوم  للســــامع بيـسبب جـلطــة  ما فيهـــــو حبايـة مـنطــق   مخلــــوط بـي مـية خلـطـة   الحـــل تقســـــــــيم الثــروة  الحــــــل تقســـيم الســلطة  الـوثبــــــة القــــالو علـيـها  يا اخـوانا ساكـت حــركات  andandand فد مطـــــرة الحـالــة تقـيــــف   تتقطـــــــع طرقـــــات وكباري   بالمـــــــرة مافـــيش تصـريف   مافيــــش خيـــــران ومجاري  ومسـئــــول ضـارب التطنيش  بيصهـيــــن ويعمــــل ماداري  فـي العيــــــد تنـهــــدا بـيوت  الـنــاس خايضــــين كـــداري   في العــــيد اطفــــال بتمـــوت   بي سـيـــول بي فيــضـــانات   andandand الشهــدا السقطـــو في دارفور  الشهــدا السـقطـــو في نـــيالاّ  ما تنســــو يا اخــــوانا حقوقم   بقـــــــــارة اتلمــــــو وابــــاله  الـضــــرب الرصــــاص الحي  الاصـــــــدر امــــرو بـي نذالة  مفــــروض يا نـــاس يتـحاكم  دايــــــرين قانـــــــون وعدالة  يا عالــــم مطلــــــوب تحقـيق  بي نـــــزاهة بي اجــــــراءات  andandand ورســــــوم راجيـــــاك بيـجاي  وجبــــــاية حارســاك بيهـناك على راســــــك تدفـــــع دقنـية  النبكـــــــــة مقسـومـــة مـعاك وضرائــــــب حـــولك تتـحاوم  لو تجــــــري تلـقـــــاها وراك  التـــــــــور ذاتــــــو يحلبـــوه  الأرحـــــــم عهـــــــد الاتـراك  بــاى بـــاى ســـوولا رسـوم  تحصيـــلا بدون إيصــــــالات  andandand الـفــــــار فـــــرفر في الفـــروة  شابكــــــــنا يومـــــاتي فـتاوي  كم أرنـــــــــب جــــوه الطاقيـة  مستنـــــي منـــــــديل الحـاوي الحاجــــــــة اليـــــــوم تتحــرم  وينكتلــــــو علـــــشانا شـبـاب  تتحلـــــل في اليــــــوم التانـي  ويـقــــــولو لي ناسا حــــباب  الجـــــــن مـــن جنـــو اتجنـن  واتعــــوذ مــــن الكضــــــبات  andandand ابليـسنــــــا ســارح بـي غنمـو  وغـنمــــو سارحــــات بالناس  الكـــــــــان مستــــــور الحـــال  الليلـــــــة مقـطـــــوع الـــراس  الفاطـــــي سطــــــرين وتلاتـة  الفاطــــــي كـــــل الكــــــراس  لا يحلـــــــو الشيــــخ الجعلــي  لا تحـلـــو سيطـــان كـــدباس  البيتـــــو بقــــــى بيت مسكون  والحلــــــة بيـــوت مسكـونات  andandand عمّــي على ضــاق بيهو الحال  ساب مرتــــــو خــــلالا البـيت  عمّــــي على باظــت أعصـابو  واخــــلاقو قطعــــــت كم خيت  عمّـــــي علــــى أصبـح نقناق  ومين يسمــــع في بلاد الواق  عمّــــي على ضاق خيرا زمان  والليلــــــة ما شـــايف حاجـة  بتـمنــــــى الماضـــــي يعـــود  ويحكمنــــا من تانـي خواجـة  لا وطنــــــي نافــــــع لا امـــة  لا حـركــــــة لا مــــــؤتمـرات  andandand الشافـــــع بـس الله معــــــاهو  الشافــــــع ما لاقــــي اللـقمــة  الشافـــــع ما لاقــــي دواهـــو  الشافـــــع أصبــــــح بكـــــاي  الشافـــــع أصبــح ضــــبـلان كرشــــوه من جــوه الاوضــة  طـــــردوه مــــــن الديـــــوان  حرمـــــوه مـــــن أي حــلاوة  حرمـــوه من باقـــــي الشــاي  في العيــد ما يشــوف عـيدية  بي عينــو ما يشـوف لعــبات  andandand الطالـــــــب طالـــــب مـــن الله  كيـــف يصـبــــح من الشطار؟  كل همـــو بقـــى بس في بطنو  كيـــف يقــطع كـمــين مـشوار  الجامعــــــة يا حلـيل الجامعـة  لا صـفـــــرة لا داخلــيــــــــات  الجـامعــــــة يا حليل الجــامعة  لا مـعامــــل لا مــــختـبــــرات andandand  الكهـــــــربا بتــــسـل الـــروح  بتـقطـــــــع مــــن دون انـــذار  المويــــــة تقطــــــع على كـيفا  وتنشــــــف حلـــــق الأزيــــار  الازمـــــــة مــــن دون تفـسير  ما النـيـــــل هو أبــــو الأنهـار  لو اصلــــــو معــــدوم الفائـدة  لو مويــــتو صبحــت سجمانة  بيعـــــوه لشعــــوب عطـشانة  عبــــــوه فــــي جــــــركـانات  andandand تلـفـــــازنا بـــــوظ اعــــصابنا  النـشــــــرة زي حفلـــــة ظار  بيــــــجاي واحـــدين بيكوركو  بيـهنـــــاك بـيـــــدقو الـــــطار  النشـــــرة مجــروس متـحرك  والعـسكـــر يلعـــــب بالنـــــار  وعكـليـــــتة يقـــــدم برنـامج  طـفشــــــنا مــــن الســـهرات  andandand  فنــــــانا أصــــــــبح هــنــــاق  بيغنـــــى غـــــنا ما مفهــــوم  بـيعكــــــــر جــــــو أمدرمـــان  بيـفــــــور دم الخـــــــــرطـوم  النجــــــــم الأوحــد فـي سـمانا  مــــــداح بيـغــــــني الـــــراب  يتلولــــح زي شــافع الروضة  يطوطـــــح من دون أســـباب  حنيـــــنا لي حقيـــــــبة الجـن  حنيــــــنا لـــي الـحكــــامـات  andandand الكـورة صبــــــــحت دافــوري  اللاعـــــــب أصــبح كحيـــان  يــــا دوب قــــــــادر يتحــرك  كيـــف يعني حيــــجيب اقوان  ومعلـــــق باظــــت اعصــابو  ومشجــــع مـسكــين غلبـــان  وبـــــلاد ما تســــــوى الحـبة  تغلبــــــنا جـــوه الـــسـودان  البلعـــــــــب دون ميـــــزانيـة  ايه يجنــــي غــــير الخيــبات  andandand القـومــــي في امــــم افريقــيا  لا ريحـــة لا طـعـــم لا لــون  فــي تـــــلاتة غلـبـــونا تـلاتة  ما طلعـــــنا ولا مـــرة درون  ما تزعـــــــل أبـداً يا فـــــردة  لو تيـمــــنا واقـــف كـراكون  ما عـــــزانا الاوحــد يا سادة  في نفســــنا جــــبناهو القون  ايه يعنــــى علــــم الســـودان  ايه يعنى حدود ما معـروفات  andandand للهجــــــرة الـباب مفـــــــتوح  الرايــــــــح انـشالله يـــــروح الهاجــــر من ضـــــيق الحـال  الهاجــــر من ضـــيق الـروح  الهاجــــــر من فصـل جماعـي  بالجملــــــة أو بالقطاعــــــــي  كم جــــــــيل بــــــدل جــيـناتو  كم جــــــيل اتناســــى قديمـــو  لو طـــــــرتا لي آخــــر الدنيـا  لو رحــــــتا بــــلاد الاسكيمــو  حـتــــــقــــابل زول أو زولات  andandand فـــي الغـربة بتـــلاقي مصـايب  في الغـــــــربة بتـــلاقي مآسي دكـتــــور شــغــــال جـــرسون  ومهــــندس شــــغال تكـــاسي واحـــــدين ساكنــــين مقطورة  كان احـســـن سكنـــة تنقـاسي  واحـــــدين ساكـــين الـميتــــة  ما شبـعـــــو مـــن الـصـــدقات andandand  الغـربـــــة صـــــبـحت ملـعـونة  الغــربــــة صبــــــحت بطـــالة  لا سـفــــــارة تنصـــــر مظلـوم  بي هــــرشة او حتـــى رسـالة  كم زول مغلــــــوب علــى امرو  معصـــــور بكفـــــيل وكفالــــة  قـــــــلاع يقلــــــع مقــــــــلوع  لا منطــــق ينفــــع لا رجـــالة  واحــــدين فـــي مــــحلك ســـر  واحـــــدين قايميــــــن دفــرات  andandand  وحكــــــومة شغـــالة رجــالة  بالعلنــــــــي قــالت لــي ناسـا  الدايـــــر حقــــــو يحــــــاربنا  سيبــــــونا من اي سياســـــة  كل حتـــــــة مرقـــــت بسلاحا  كل حتــــــة جـمعــــت فـراسا  خايفــــــــين مـــــن الشايفـنـو  خايفيـــــــن مــــــن الزنــــدية  خايفـيـــــــن ســـــودانا يضيع  يتقســـــــــم زي كمـــــــونيـة  كل حـتــــــة تتــــــناول كـوما  وتتحـــــــول لـــي جمهـوريـة  الحــــــال ممكــــــن يتلخـــبت  والواقـــــــع يصبـــــح كالآتي  كل حـلـــــة ترفــــــع اعــلاما  تتمـتــــــع بالحكــــــم الــذاتي  الـشايقـــــي يــــنازع الجعـلـي  في حــــدود ما مـــــرسومات  andandand  وحـكــــومة شابكـــنا حلـيـفة  الــــــوزرا يحلفـــو بالــــدور  قــــــوات دوليـــــــة يمــــين  ما تدخـــــل اقـلـــيم دارفــور  وكم قـــــوة دوليــــة تحـــوم  في جنــوبنا وجـــبال النــوبة  المنطـــق راح فــي حــق الله  والجوطـــة قلبــت كم هــوبة  والهـــــوبة انقلــــبت تـــانـي  الهــــــوبة صبحـــت هوبـات  andandand وجنـــوبي وشمـــالي اتشبكـو  كل واحـــــد بيكـــورك عووك  صــــرتنا في ابيــــي مدفـونة  لا جــــــدك هيلــــــو لا ابـــوك في ابيـــــــي المـــوت بالكـوم  في ابيـــــــي الدم مسفــــــوك  في ابـيــــي الجـــــن متحــرك  في ابـــــيي شيطــــان مفكوك  يا ســــاتر اســــتر يا ســــاتر  تنحــــلا باخـــــوي واخــــوك  ســـوداني يكـــاتل ســــوداني  وابليــــس ضـــارب الراحات  andandand الإحـصــــاء قـــرب يا اخــوانا  ورونا كيــــــــف حــيعــــدونا؟  الطفـشـــو ضعـفــــين الفضلـو  حيـجلــــو مهـمــــا يحسـبـونا  كـم مـــــرة جاطــــت حسبـتنا  كـم مــــرة جاطـــو وجاطـونا  كـم مــــرة قـسمــــونا وضربو  كـم مــــرة جمـــعو وطـرحونا  شــالــــونا من خـــانة الزيرو  في خانــــة الماينــس ختــونا  andandand في النـظــــــري طالعيـن الاول  في العملـــــي طالعين الطيش  في الـشــــارع اجيــال بتضيع  وكل كـيلــــو نقطــــة تفتـيش  الشـعــــب ممنــوع ما يرقص  ما يفرفــــش وســط الحفلات  والكاكــي يرقــص على كيفو  بي عصـاية وبـي رشــاشات  يابـلـــــة كيفــــــن نتحـــــــلا  شربكـنــــــا زولـــن اتشــربك  واتـــورط جــــــوه الـشبــكات andandand وســـــدود بالـقــــــوة تقـــوم  وتـهــــدد اوطـــــان وتــراث  الـــــراي الرسمـــــي اتنفــــذ  ما مهــــم رد فعــــــــل الـناس الصهـيـــــن باكـــــر يـتـــرحل  بي الـمـــوج أو بي الـحــراس القــــــاوم خنـقـــــو البـمبــان  القــــاوم كــــتلو الرصــــاص منصـــوري قمعــوه ومحسـى  مافيــــش لا خـــــد لا هــــات  andandand الدولــــــة الشمولـــية اوانطـه  والـكــــــورس بيقــــول آمـين  الـديــــن قلبــــــوه ســـــياسـة  حكـمــــــونا تـــــجـار الـــــدين  أي فـــــــشل سمــــــوه البلوى  بس ميــــــن حـــيحاسب مين؟  وجهلـــــول ادوه حــــــصـانة  تحمـيهــــو لى يـــــوم الـــدين  البـنقـــــد حكـمــــو التكـفــــير  ينفــــوه مــــن المــــــــــــلات andandand إســــلامي وكـمان نصــراني  ويهودي وود غــــابة كمان  ســــــــودانا متـــــحف اديان  ســــــودانا متـــحف اجنـاس  بتفــــــرتك لـــــو اتعاليــــــنا  ومـسكـــــنا جــــن الطـغـيان  بتــــــوحد لــــــو اتصـــافيـنا  وراعـيــــنا حقــــوق الإنسان  الحـــــل واضـــــح يا اخـوانا  مـــش محتــاج لى تنظيــرات  يـلزمنـــا التنفـــــيذ العمـــــلي  يلزمـــــنا حــــــسن النــــيـات  andandand  وحكــــــومـة اكتــر من فاشلة  والـشعــــــب زي المــــافيـــش  حكمـــــوهو باقســــى طـواري  لكـنــــو ضــــارب التـــطنيش  قمعـــــوهو صهيـــــن مــا ردا  رفــوهو رضــــى بالـتهميــش  في الـشـــارع قبـــلان يـتفتش  ويتفـــــرج علــى كل تفـتـيش  من ويــــن جـــوك الدايشــيـن  من ويـــــن جوك الدايشـــات؟ andandand اوكامــــــبو بقــى اشهـر زول  وسيــــــرتو في كـل لســـــان  عايــــز يقبــــض الريـس ذاتو  ويخـتـــــو جــــــوه الليمــــان  اوكامـبـــــو رقصـنــــا التانـغو  اوكامـبــــــو نســـــانا بطـــان  بالحكــمـــــة لــــوما حليـتوها  بتـعاقــــب كـــل الـســـــودان  كــــل زول حيضــوق الحنضل  وتحاصــرو ظـــروفن مرات  andandand  اوكامــــــبو مــــن قدم طلـــبو  فرتكـــــنا كيـمــــان كيــمـــان  واحــــدين طايـرين بالفــرحة  شايفنـــــــو احـــــسن ما كــان  واحــــــدين هايجــــــين فايرين  شاتمـيـــــن اوكامــــبو كــمان  واحـــــدين عايـــزين الحـكمـة  شـان يسلـــم كـــل الســـودان  واحـــــدين عامليـــــن نايمـيـن  واحــــــــدات عامـلات نايـمات  andandand اوكامـــــــبو مــــن قام اتـجــنن  جنـنــــــا وجـنــــــن نـــــادوس  عيـشــــــنا في أكـبـــــر هـرجة  عيشـنــــا فــــي كـم كابــــوس  وحكـــــــومة تتحــــــدى العالم  بخـطــــاب بالـجـــن ملبــوس  والحــــل فـي الـــحــل السلمي  المخـــرج فـي ســـاس يسوس  ما بنفــــــع كـــــل الكـــــوراك  ما بتنفــــــــع كــــل الجـوطات  andandand الريــــــس اصـــبــــح مطلـوب  كايسنلــــو نـســــوان راجلات  ما بنفــــــــع غزغيــــز الـريش  ما بتنفـــــــع كـــــل الحركات   ما بنفــــــع طــــــرد البيـغيـثو  ما بنفــــع هـــرش الخـواجات  ياريــــس بس اركــــب عجلـة  ما تفكـــــر فـــي الطيـــــارات  andandand الريــــس بـيــــزور موريتانيـــا  عـقبــــــــال توغــــو واخـــواتا!  كان احســـــــن يمـشي الحتانة  كان احــــسن يمـــشي الحواتة! لكــــــــن خلــــــــــــــوه يـــنوع   أوربـــــــا يا اخـــــوانا حــــلاتا! سيبــــوه يســـــافر بريطـــــانيا  يتقـــــدل فــــي لنــــدن ذاتـــــا! andandand القـــــــــالو عقـــــلاني وفـاهم  في راســــــــو اصــــبح عيان  بيقــــــول قبـــــــــل الإنــــقــاذ  كان بشــــحد شـــعب السودان  يا راجــــــل بس عــاين حـولك  اتلـفـــــت فـــــي كــل مـــــكـان  ملايـيـــن عايشــــين بى اغاثة   في الفاشـــــر فــي امدرمـــان  وحكــومتـــك مـــادا الكـــورية  وما بتفــــتر مــــن الشــحدات  andandand ابـيـــــي النـبكـــــــــة الحلــوة  قسـمـــــــوها بى خيــط ميزان  ابيــــــــي وحــــــــــدة ارواح  ابيــــــــي وحــــــــــدة وجـدان  كيـــف تقبـــــل قســـمة لاهاي  وتتقــــــسم بــــين الحـبــــان؟  الواحــــــد يصـبــــــح اتــنـين  العايلـــــة تصبــــــح جـيـران  ملعـــــون ميـتيــــن لاهـــــاي  ويــن حكمــة اهل الــسودان؟  andandand سكـتنـــــا القالــــــو حـــــديـد  يا اخــــوانا صبحـــت مافيشة  العامـــــل بالجـــــوع بيمـوت  لـــــو زاغ مـــــن التفنيـشــــة الكـــــــان يا نـــــاس تفتيحـــا  الليلـــــة اصبـــح هو الكيشــة  الراتــــب ما بعيــــــش النمـلة  كيـــف يعنـي حيكفي العيشـة؟  andandand يا اهلـــــنا في اغلــــــى جزيرة  مشـــــــــروعكم كيفــن يتباع؟  ياكـــــــــم قلــــــــب الـسـودان   ياكــــــــــم احـــــــســـن زراع   مـــن دون طـيــــــن الحـــواشة  ما فــــــيش لا راس لا كــــراع  افـــــدوها بالـــــروح والــــــدم  ما يشيلـــــو ولا حتـــى ضراع  لو راحـــت مـــن ايدكم بكـــره  حتروحو شمــار فـي مـرقــات  andandand قانــــــون الامـــــــن الوطـنـي  بالـقـــــوة اصـبـــــح قــــانون  تــــــهديد لــــى كــل معـارض  في جـــــو بالخـــوف مشحون  تنتخــــــبو او مــا تنتخـــــــبو  الفــــــوز للـكـــوز مضمـــون  ايه يعنــــى لـزوم التصـــويت؟  يا عاقـــــــل وري المجنــــون  andandand خرطتنــــا اللـيلـــــة انقــسـمت  الليلـــــــة ضــــــاع الســـودان  ناس منقـــــو الليـلــــة انفصلو  وناس تنــــقو ضبــحو التيران  والنـــــــار في جــــبال النـوبة  والـــــنار حــــرقـت قـــــيسـان  سودانــــــي يكــــتل ســوداني  خيبتــــنا صبحـــــت خـيبـــات  andandand  مشــــــروعنا القالو حــضاري  غرقـــــنا في حروب وحروب  فرقـــــــنا شــــــــرقاً وشـمـال  فرقـنــــــا غـــــــرباً وجنــوب  لا سلـطــــــة تنفــــــع لا ثـروة  ما دام ضـــــــــاع الانــــسـان  يا حليـلـــــو الكان ســـــوداني  يا حلـيلـــــو الكان ســـــودان  الفاتحـــة على ناس عايشيــن  لاكيـــــن زي الأمـــــــــــوات  andandand  الصـــــورة الكامــلة بتزعــجنا  وتفصـيـــــــلا اكبـــر ازعــــاج  تفـكيـــــرنا دايـمــــاً مشـلـــول  فوق راســـــنا ســيف الحجاج  وجـهتــــــنا دائــــماً مجـهـولة  رؤيـتنــــــا ملـيــــانة عجـــاج  الامـــــــة ساكتــــــة بتـتفــرج  ومثقــــف ساكــــــن الابـراج  ومصيـــــرنا معلــق بي شعرة  وقعـتنـــا صبـحـــت وقعــــات andandand نـــــــادوس يا رمــز الطـــيبة  نـــــــادوس يا وش الخـــــير  نــــــادوس يا سكـــة عديلــة  نـــــادوس يا خــــــط الســير  خلصنـــــا مــــــن الكــــابوس  انـقـــــــــذنا مــــــن الـكـســير  زودنا ببــــصــارة وحـكمــــة  شان نبقـــى يوم بكــــره اخير  ونتحــــــــرر مــــن الاوهــــام  ونتخـــارج مـــــن الورطــات  andandand   فيصل الدابي/المحامي

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]

المعلقة السودانية ـ كفيل مصري!! مكفول سوداني!! كتبه فيصل الدابي

مكتبة الفساد

المعلقة السودانية ـ كفيل مصري!! مكفول سوداني!! كتبه  فيصل الدابي