حكاية الايقاد دي شنو؟ وكمان تراس الجلسات مالك عقار اللي تم تعينوا من داخل جحر القائد البرهان بمنصبالسيادي رقم اتنين!
كمانً حاول بدون فايدة ان يحضر اجتماعات الإيقاد المستشار بتاع حميدتي العندوا. تلاتة اسامي: اسم الكاتب و الشاعر الرهيف أيام الجامعة يوسف عزت و اسم اللاجئ و المواطن الكندي يوسف اسماعيل و اسم ود عم حميدتي لزم و ود فصلو في أولي أولية ومشتشار قائد قوات الدعمالسريع يوسف عزت الزغاوي الماهري . بالمناسبةً عزت الماهري ده أعلن بآن عموالبدوي الابالي بتاع الخلا في غرب السودان بيملك مستندات تمليك قطع أراضي كبيرة جدا علي شارع النيل! والله بالجد🤣 الحق يا بلدياتي محمد علي عبد الحليم ما يقلعو منك مطعمك النوبي الجميل علي شارع النيل "اندو-ماندو"! هم ما بيعرفو أنو النيل دي بتاعتنا من عشرة ألف سنة 😇 image0.jpeg
في ذات الوقت السيد موسي فكي ريس مجلس ألأمن و السلم الافريقي و نمرة اتنين قي الإتحاد الإفريقي شرح لاعضاء (ايقاد) بآن الإتحاد الافريقي مجمد نشاط السودان منذ إنقلاب ٢٥ اكتوبر ٢٠٢١! و لا يزال الحكم نافذ.ثم يخطب موسي فكي يهاجم الطرفين المتحاربين. و يطالب باجتماع البرهان و حميدتي برؤساء كينيا و جنوب السودان واثيوبيا و الصومال ليحلوا المشكل قوام. بس نسي أن بوجه خطابه لمالك عقار رئيس جلسة الايقاد ممثل رئيس مجلس السيادة البرهان !
كمان دعايات الطرفين شغالة تمام . لكنً بدونً فايدة مثلا ناس حميدتي بيقولوا البرهان تحت الارض ! مستنينو كان راجل يطلع وكمان عملوا فيديو لحظة خروج واحد من مكتب البرهان من مجاري القيادة لونو اسود زي فار الفحم (زي علي عثمان ريس كتايب الظل الارهابية) و متلخبط ما عارف هوً وين.
ودعاياتية فلول الكيزان قالوا حميدتي مات بالجد جد ما فرض! لكن بلنكن قال أتصل بيهو و كانت دردشة جميلة قال ليهو فيها انو سفروا لخارج السودان سيكون من المستحيلات! وكل أرصدته عليها تحكم كما علي ارصدة الفلول و الجيش المودلج. و قبل يومين اكد ريس كينيا وليامً روتو وجه دعوة لحميدتي وًالبرهان عشان يجتمعوا مع لجنة الصلح الرباعية !!
استراحة البن: واضح انو مخطط الكيزان لتدمير السودان ماشي كويس:
قالوا نحن فيها او عليها ! قالوا يا نحكمكم يا نكتلكم!
في البدايةً الحرب دي حاولت تحسم صراع السلطة بين الكيزان و الكبزانً وفشلت.
لكن قالوا لازم يكتلوا بعض و البلد تتهدم والضحية الاساسية هي المواطن السوداني. لكن في محللين زي بلدياتي دكتور محمد جلال هاشم قال الشعب ما مقصود بالمعاناة والاغتصاب و هدم الممتلكات. وحلف يمين بأن ما حدث للشعب مجرد خطا سلاح صديق (فرندلي فاير) أو (كولاترال ًدامج) .
هذا الشعب البتكلموا عن مصالحو معرض لللاذية من الطرفين المتحاربين. كل طرف بيصر علي الشعب ان يقيف معاهم . يعني يخت رجل هنا و يخت رجل هناك . والا يوصف بالخيانةً العظمي!
فهمتوا يا "مثقفاتية الريف"؟ في واحد كاتب معروف وصفكم بأنكم ما بتعرفوا حاجة،حتي ولو كنتم معاشاتية أمم متحدة زي حالاتي!
المضحك و المبكي أنوا الكيزان (لزق) ما قادرين يعترفوا بمقدار الخسارة اللحقت بيهم ! خسارة (التمكين) الدفعوا فيهو دم قلوبوهم من سرقه و نهب و بيع مخدرات وغسيل اموال بالعاهرات الروسيات ! وراح سمبلة 😂
في أخر المطاف السودان صار بعد ان كان. ارض (التجربة الكيزانية العروبية) .. صار(مقبرة الحركة الاسلامية)! و مقبرة لإي محاولة لخلق دولةً عربية أفريقية خالصة. للدم العربي أولاد المصارين البيض!
حكمك و لطفك يارب الكون!
كسرة المصيبة أنو المتحاربين الاتنين البيستهدفوا خراب السودان و تفريغة و الاستيلاء علي. موارده ،كل قياداتهمً كيزان: .(١)الكيزان العايزين دولة إسلامية اممية مستعينين بفتوى لقتل نصف الشعب واستبدالهم باسلاميين عرب. (٢)الجنجويد (و يقال ديل همً السبط اليهودي الضايع) عنصريين ورسالتهم ان يفرضوا. من خلال القتل و التصفيات و النزوح تغيير ديمغرافي لتفريغ السودانيين من كل ما هم. غير عربي اوً من غير اصل سامي.
بالله؟
و للما عارفين الحكاية بدت سنة ١٩٣٠ عندما بدا الحلبة المصريين بتفريغ بلاد ممالك النوبة التاريخية من اهلها النوبيين من خلال تشييد السدود. بعدين اتباعهمً في السودان شغالين لمد هذه التصفية الي كل شمال السودان و شرقه و غربه مستعينين. بالأمارات واسراييل .
وقتها السيف بيقع في راس ديلك الدخلونا في ورطة التفريق بين (العب) و (الحر) .. بين ناسالشمالية البيتبختروا طالعين نازلين بانهم أولاد جعل و أولاد شايق حاملي شهادات نسب للبيت الهاشمي مختومة من زمن السنارية! يمين بالله 🤣
نواصل بالعربي الفصيح
د. أحمد التيجاني سيد احمد ١٤ يونيو ٢٠٢٣ روما ايطاليا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
احمد التيجاني سيد احمد
فيس بوك
تويتر
انستقرام
يوتيوب
بنتيريست