اتمنى ان يعلم الشعب السوداني وكل جندى شريف ما يحدث فى السودان هذه الحرب وراءها دول عربية ومن خلفها أجنبية بايادي الحركة اللاسلامية على الجميع السعي بضرورة الاسراع في وقف هذه الحرب حتى لا تصبح حربا أهلية شاملة يجب لايكون السودان في قلب الصراع الدولي بين أمريكا وحلفاؤها في المنطقة وروسيا والصين بهدف الصراع للاستحواذ على موارد البلاد. اتمنى من كل سوداني وسودانية ان يقف وقفه مع الذات ويسال ده كله عشان شنو ولا شنو ومن اجل من....؟ تيتم أطفال وثكلت أمهات وترملت زوجات وازواج دمرت منازل مات أطفال تحت قصف المدافع والطائرات.. آلاف الأسر عايشين بلا موية ولا كهرباء ده كله عشان شنو ولا شنو ومن اجل من....؟ فتحوا السجون في كل السودان وفكوا سراح محكومين حتى بالإعدام في جرائم قتل عشان يبرروا تهريبهم مئات ماتوا وجثثهم في الشوارع والأزقة ولسة أهلهم ما قادرين يدفنوهم ده كله عشان شنو ولا شنو ومن اجل من....؟ صنعوا من الشعب السوداني متسول يتسول في المعابر ويعيشون الفاقة والفقر ونصل مرحلة إننا نموت بالجوع جوة بيوتنا وتتحول بلادنا إلى فراغ ده كله عشان شنو ولا شنو ومن اجل من....؟ خلوا الجيش يخش في حرب عبثية وحرب غير مبررة في معركة سموها معركة الكرامة لكن هي حقيقة معركة إعادة الحركة اللاسلامية للحكم بأي ثمن الدعم السريع هو صنعيتهم اللي خلاه قوة متمردة شنو هسي .... ؟ يقول المصريين اصحاب الفتنه اللي يحضّر العفريت يصرفه".. انتم الذين صنعتم هذا العفريت. بعد ان تغيرت الموازنات العالمية الذي حدث ويحدث في السودان كانت معركه مؤجله من المفترض ان تكون من 19 ديسمبر 2018 ما بين الظالم والظالم البرهان الان تحت امر الحركة اللاسلامية ودول المحور وهناك تنسيق كامل من قبل ثورة ديسمبر ما بين الحركة الاسلامية وامريكا واسرائيل ودول المحور المعاديه لروسيا وايران منذ عهد البشير كان الاتفاق مع الرئيس الامريكي السابق ترامب من المفترض ان يتم إزاحة الحركة اللاسلامية بالقوه ولكن كانت هناك وساطة من مصر ودول الخليج وكل يغني على ليلاه دول الخليج من اجل الحفاظ على الاستثمارات في السودان ومصر تم التنازل عن حلايب من قبل البشير والمقابل حماية الحركة اللاسلامية واسرائيل تضمن امنها القومي اما امريكا وروسيا فلهم النصيب الاكبر. الذي يحدث في السودان اليوم مهذلة تاريخه ستسخر منها الشعوب في يوم من الأيام. على مدار 33 عام من انقلاب الجبهة اللاسلامية ونحن نعيش وقائع هذه المهذلة ونعيش فصول التمثيلية الرخيصة التي يقوم ببطولتها الاسلاميين وبعض اذنابهم من عملاء الحركة اللاسلامية المارقة وهاهوالتاريخ يكشفهم ويزيح القناع عن وجوههم القبيحة البغيضة تجاه شعبنا الطيب وهاهم اليوم يكذبون ويتحرون الكذب وهاهى الجبهة اللاسلامية وقد خلعت جلدها كما تفعل الأفاعى في كل عام اوقف الحرب من اجل الاطفال والنساء وكبار السن والابرياء لازم لهم لا للحرب نعم للسلام .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة