♢مجلس الوزراء يسحب عربة خاصة بعلاج مصابي ثورة ديسمبر ✂️ المصابون تعالجوا على حسابهم..وبعد اكثر من سنة أعلنت الحكومة عن دعم علاجهم على حسابها...(كذب×كذب)..
♢وزير العدل: الجنائية ستطال كل من خطّط للتدمير وشنّ الحرب على المواطنين ✂️ صحي؟🤔
♢القبض على عناصر (9 طويلة) بعد تنفيذهم (100) سرقة بالخرطوم ✂️ يا دوب؟
♢أثيوبيا: السُّودان عَارَضَ ملء سد النّهضة والآن يطلب الكهرباء ✂️ تناقضات من يحكمون السودان شيء طبيعي لأن الدولة ليست دولة مؤسسات.
♢والي القضارف المُقال: تصريحات حمدوك بشأني كانت صَادِمةً ✂️ هو في صدمة أكتر من حمدوك😏..
♢رعاة يتصدون لهجوم مسلح من قوة تتبع للشعبية جناح الحلو بغرب كردفان ✂️ الحلو حيتشرَّد ويلحق عرمان..
♢شركة صينية تستأنف انتاج الرخام في كسلا ✂️ هذه قريبة للشركة التي سرقت جبل الذهب بأكمله في كسلا وهربت تاركة معدات بخمسة وعشرين مليون دولار.. أعلنوا لنا عن تلك التعاقدات لنراقبها وفقاً للقانون..
♢حزب بناء السودان: التاريخ يثبت تواطؤ الأحزاب في جميع الإنقلابات التي حدثت بالسودان ✂️ تصور ما كنت عارف..🤔 الحاجة الوحيدة العرفتها انو في حزب بالاسم دة🤣
♢النيابة العامة تسعى لطمس حقائق “الجثامين المكدسة” و5 اطباء ينسحبون من لجان التشريح ✂️ اكرموهم بالدفن..فمن قتلوا في هذا البلد بدون دية كُثر..
♢أديب: البرهان أمن على ضرورة التشاور لإكمال تكوين الأجهزة العدلية ✂️ خسارتنا الكبرى في نبيل أديب..
♢تخصيص مقر معرض الخرطوم الدولي للتطعيم بلقاح كورونا.. ✂️ .....احسن اصلو الناس رخت قصة القراية والكتب والمعارض.. اخير تمشي تطعم..
♢سبتمبر المقبل إستئناف رحلات قطار الجزيرة ✂️ خليتو المطار؟
♢سلفاكير يناشد لاجئى بلاده في السودان بالعودة إلى منازلهم ✂️ سلفاكير نفسو لو برا الحكم كان حيتخارج..
♢وزير الأوقاف السوداني: حالة استنفار قصوى في مجلسي الوزراء والسيادة بسبب سد النهضة ✂️ ما علاقة الأوقاف بسد النهضة، وهل وزير الأوقاف ناطق رسمي باسم مجلس السيادة ومجلس الوزراء؟ حددوا لهؤلاء الكفاوات حدود اختصاصاتهم عشان ما يخرمجو..
♢تفريغ أكثر من 120 ألف طن من المشتقات البترولية بالميناء ✂️ كويس رغم أنها حلول مؤقتة..
♢ طريق العودة من القاهرة.. هبوط طائرة رئيس وزراء الصومال بمطار بورتسودان للتزود بالوقود ✂️ شكلو سمع بالوقود الفرغوهو في الخبر القبل دة😁
♢وزير العدل: وقعنا مذكرة مع (الجنائية) لتسليم البشير وهارون وعبدالرحيم ✂️ مذكرة التفاهم أكيد بتستثني رؤوس تانية من المحاسبة، وهذه عدالة (إنتقائية)..نحن عاوزينهم كلهم بي ربطة معلم..وهذه هي العدالة الحقيقية..وهذا ما لن يحدث (خلينا واضحين يا وزير العدل).
♢تجار نيالا يسيرون مسيرة لمناصرة والي جنوب دارفور ✂️ مدام التجار يبقى الوالي دة قاعد قاعد: (تحالف الرأسمالية مع السلطة تحالف تاريخي؛ وهو من أقوى التحالفات).
♢سخط شعبي علي قرار تحرير أسعار الكهرباء ومطالبات بإقالة الوزير ✂️ ما يحدث ليس تحريراً بل تشويه للإقتصاد القومي. التحرير يجب أن تواكبه آليات تدعم البنية الإقتصادية للدولة حتى لا تسقط في براثن تجويع الشعب في قطاعات كالكهرباء والخبز والبترول، وحتى لا تؤدي لانهيار القطاعات الاقتصادية في الدولة بسبب عدم قدرتها على المنافسة.
♢المؤتمر الشعبي يرحب باستيلاء طالبان على السلطة بأفغانستان ✂️ عيب عليكم..
♢استقالة كبير الاطباء الشرعيين وعدد من الاطباء بححة التلاعب فى جثث احدى المشارح ✂️ أخبار مليئة بالغموض، مافي واحد في السودان بيستقيل عشان مبدأ..أكيد المسألة إما خوف من المحاسبة أو فيها مغارة علي بابا.
♢ترقب للقرار النهائي لمجلسي السيادة والوزراء حول تسليم المطلوبين ✂️ العساكر: كدة ووب وكدة ووب
♢رئيس حركة العدل والمساواة جبريل ابراهيم يلتقي وفد من شرق السودان ✂️ ومالو..
♢عادل المفتي: مبادرة حمدوك الطربق الى تبديل الحاضنة السياسية ✂️ ياخ حاضنة شنو...هو تحضن شنو زاتو.. ما البيها اتعرفت خلاص..فكونا من الوهمات دي..
♢انسحاب أطباء شرعيين يفاقم أزمة “الجثامين المكدسة” بمشارح الخرطوم ✂️انسحاب ولا استقالة؟ الانسحاب دة أول مرة نسمع بيهو في وظائف الحكومة.. اتخيل انو وزير ولا معلم قال: انا انسحب..؟!!🤔 عندما ينسحب موظف معناتو ماعايز يشتغل وهنا حياسب على امتناعه عن عدم اداء وظيفته وقد يعرضه لمساءلة جنائية فوق ذلك. خليكم شجعان وقدمو استقالاتكم.
♢السودان يسمح بدخول جميع الركاب القادمين من الخارج ✂️ افتحو لينا طريق الخروج من الداخل ياخ..دة الأهم..
♢في عملية نوعية.. المباحث تنجح في استرداد 9 سيارات مسروقة بنهر النيل ✂️🤣🤣🤣🤣 البلد بقت مسرح كبير..كلو واحد بكبر كومو: استرداد يعني شنو؟ يعني العربات اتسرقت من الحكومة؟ الصواب (ضبط) لأن الرد يتم عبر المحكمة بحكم قضائي..ولا دي مباحث تابعة للجنة التفكيك...ربنا يصبرنا بس..
♢مصادرة سيارات”بوكو” تتبع لحرّكات كفاح مسلّح ✂️منو الصادرا؟ وهل تم ذلك بحكم قضائي؟ واساسا الحركات المسلحة هل حتكون اشترت عرباتا من وكالات في الخرطوم مثلاً🤔
♢برسوم 310 جنيه.. التعليم بالخرطوم تحدد موعد استخراج شهادة الأساس ✂️ ما كتيرة..
♢تربويون: نظام *ipSchools* ساهم في تحقيق جودة التعليم بتوفير بيانات إستراتيجية لشركاء التعليم في السودان ✂️ دة كلام (كباااار) وبالتالي مضمون (صغااار).
♢4 إصابات و3 حالات وفاة جراء كورونا بنهر النيل في 3 أيام ✂️ أعداد الوفيات بأمراض أخرى بسبب ضعف المناعة من قلة التغذية وامراض اخرى بسبب عدم توفر الدواء أكبر من أعداد وفيات كورونا...
♢برمجة قطوعات الكهرباء في بورتسودان 11 ساعة يوميا ✂️ محمد معانا ما تغشانا..لكن ناس بورتسودان برضو يستهالو..لأنو البنزين البخش من بورتسودان وبضووا بيهو الخرطوم دة بورتسودان أولى بيهو..(البلد دي لو ما قالعت في حقك ما في زول بديك ليهو).
♢“قطن وذرة وفول”.. السيول تدمر 10 آلاف فدان بمشروع الرهد ✂️ معناتو شغل جربندي ساي وغير مؤسس ولم يخضع للتأمينات الكافية نتيجة لهرجلة الحكومة..
♢تخوف سوداني من استعمار فرنسي على اكبر المشاريع الزراعية بالقارة الافريقية ✂️ تخوف سوداني من استعمار فرنسي؟!!!...يا للهول🤔 اتذكرت صورة كديس مسطول شايف صورتو في المراية نمر..
♢تقرير: غياب رئيس القضاء والمحكمة الدستورية.. تعطيل العدالة في السودان ✂️ ما محتاجا تقرير.. أسأل أي عرضحالجي بيقول ليك..
♢ 6 قتلى أثناء توقيف مغتصبي فتاة النيل الأزرق ✂️ قتلى من طرف الحكومة ولا طرف المغتصبين؟
♢قيادي بالتغيير: حمدوك لم يشاورنا في مهام”الآلية” ✂️ حمدوك زمان قال انتو ما جهزتو ليهو المشروع الاقتصادي ولغاية اليوم قاعد من غير مشروع تاني ما بشاوركم..ما كفاية الشفتو منك..
♢7 ناقلات جازولين وناقلة فيرنس خارج ميناء بورتسودان ✂️ نحن نقعد نراقبا كدة (دخلت وطلعت) .. قالو البيض البراقبوهو ما بفقس..
♢ود مدني تكرم عمال إدارة نظافة وتطوير ولاية الجزيرة ✂️ لفتة حلوة..وتحياتنا للبروليتاريا..
♢الدعم السريع واللجنة الدولية للصليب الأحمر يختتمان الورشة التدريبية حول القانون الدولي بغرب دارفور ✂️اسمو القانون الدولي الإنساني وهو جزء من القانون الدولي، لانو القانون الدولي براهو حاجة واااااسعة شديد ما بنفع في ورشة..
♢اعفاء أمين عام حكومة الجزيرة ✂️ اول مرة اسمع بوظيفة امين عام حكومة..يلا..ما مهم
♢توسيع دائرة التعاون مع الجنائية الدولية لتشمل متهمين آخرين ✂️ الراس الكبير معاهم ولا بتلقطو في الصغار بس؟..
♢البدء في تشكيل مفوضية الانتخابات وصياغة الدستور ✂️ نفس شغل الكيزان😏
♢وكيل وزارة المعادن: يشيد بالنظم المتبعة في الشركة السودانية للموارد المعدنية ✂️ صحي؟؟؟!!!🤔
♢مفرح: سد النهضه له سلبيات فقط وليس له أي إيجابيات وجميع الخيارات متاحة للدفاع عن مصالحنا ✂️ مع تحيات: السيد المهندس وخبير السدود (مفرح) وهو وزير رئاسة الوزراء، ووزير الدفاع، ووزير الخارجية، ووزير بتاع كلو.. (ما عارف..اتذكرت ربيع عبد العاطي ليه🤔؟)
♢ صوامغ الغلال التي افتتحت ببركات سعتها 100 الف طن ✂️ كويس ما بطال..
♢السودان يبدأ مشاورات لتعديل قانون رقابة الكهرباء ✂️ اليسمع مشاورات يفتكرا مشاورات بين دول حلف الناتو حول استراتيجيات التعاون الفضائي والحد من انتشار الاسلحة النووية والانبعاث الحراري..(تييييت)..
♢البرهان يناقش مع قانونية التغيير معايير إكمال تكوين الأجهزة العدلية ✂️ البرهان منسدح🚼 مع الواجهة المدنية بتاعة الكفاوات..
♢حزب الشعب السوداني: مستعدون لخوض الانتخابات ونتحدى الأحزاب بقواعدنا الجماهيرية ✂️ 😨 منو معاي؟!!! 🤣🤣🤣🤣🤣🤣🤣
♢18 مليون دولار من بنك التنمية الافريقي لتمويل الشباب بالجزيرة ✂️ الجزيرة اليومين دي مولعة: مطارات وقطارات وتمويل شباب..ربنا يسهل كدة وتاخدو اللوتري..
♢تعزيزات أمنيه بنهر النيل لحسم التفلتات في مواقع التعدين ✂️ والمناطق المافيها تعدين؟🤔 يتفلتوا بي راحتم؟؟
♢انخفاض أسعار السيارات بالسودان ✂️ دي عشان عشرات الآلاف من العربات الدخلت من بوكوحرام وتم توفيق اوضاعها وبعد (اللبعة انتهت) وقفوها.
♢نكتفي بهذا القدر مراعاة لحالة الطُمام العامة..نتيجة وساخة موية الحكومة..🚽
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أمل الكردفاني
فيس بوك
تويتر
انستقرام
يوتيوب
بنتيريست