المستضعفون والسيمفونية المجنونة: (اس اوو اس!) بقلم:محمد سمنّور

مرحبا Guest
اخر زيارك لك: 03-29-2024, 03:17 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
اراء حرة و مقالات
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-24-2021, 05:32 PM

محمد سمنّور
<aمحمد سمنّور
تاريخ التسجيل: 04-30-2020
مجموع المشاركات: 131

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
المستضعفون والسيمفونية المجنونة: (اس اوو اس!) بقلم:محمد سمنّور

    04:32 PM July, 24 2021

    سودانيز اون لاين
    محمد سمنّور-السودان
    مكتبتى
    رابط مختصر



    في احد البوستات علي السوشل
    قال احد الاصدقاء
    وهو في قمة استيائه من عودة صفوف البنزين
    قال ما فضّل الا باقي البنزين اللي في الطلمبات ده
    يرشونا ويحرقونا بيهو!!!!!
    ..........
    ..................
    قبل كدة دعونا في حركة يائسة مماثلة
    دعونا الحكومة انو كلوما تلقي صفوف تزيد السعر
    نشوف الصفوف دي بتنتهي ولا ما بتنتهي؟
    الكلام ده كان قبل تحرير الوقود
    واتحرر الوقود
    وبعد ده الصفوف رجعت
    والله البلد دي تجنْْْنْنْنْنْنْنْنْنْنْنْنْنْنْنِّن
    لانو لسة الناس عادة التخزين ما دايرة تخليها
    لانو من خلي عادتو قلت سعادتو
    مشكلة الوقود مثلا اصلها
    انو الواحد ما بشيل الكمية الدايرها ويمشي
    بشيل قدرها مرتين او ثلاثة
    يشيل يخزن حتي لو بالخسارة
    لانو القروش في!!!
    ده الجشع والهلع الدخلوه الكيزان في قلوب الناس
    ماااااااااااااا بنتهي بسهولة!!
    هذا هو السبب في كل الازمات
    في السابق كان المبرر فرق السعر
    المدعوم من السوق الاسود
    عشان كده حتي ناس المركبات العامة خلو الشغل
    وما رجعوا الا بعد تحرير الوقود
    -
    الناس بنشّفوا حتي العيش في التلاجات
    ولما ينشف يرموه
    واحد يوم الوقفة
    وجد طبق البيض بالف جنيه فقط
    اشتري خمسة
    انا طبق واحد ما قدرت اشتريهو
    قلت انشاء الله بعد العيد اجي اشتري واحد
    لكن وين مع البشيلو خمسة خمسة ديل؟؟؟!!!
    داير اقول ليهو عليك الله الخمسة ديل بتاكلهم؟؟؟؟
    150 بيضة!!!!!!!!!!!!
    يعني لو في مدة 15 يوم .. اسبوعين
    كل يوم 10 بيضات
    معقول كلللللللللللللو يوم لكن؟؟؟؟؟؟؟؟؟؟؟؟؟؟
    "جاتكو البلاوي وانتو بتاكلو 10 بيضات كل يوم"

    حتي الدواء!!!!!!!!
    الدواء الناس بقت تخزّنوا!!!!!
    مما الواحد يلف كم اجزخانة
    لما يلقاهو يقوليهم ادوني منو تلاتة!!!!!!!!!
    -
    الغاز خليه ساكت
    عادي تلقي واحد شايل في عربيتو ستة سبعة اسطوانات
    كلللللللللل الشركات!!!!!!!!!!
    بعتبرها فلاحة!!!!!!!
    منعول ابو الفلاحة!!!
    والله دي اكبر غباوة!!
    -
    امشوا خزنوا كهرباء!!
    لكن الموية بخزنوها!
    الصهاريج البجيبوها للمساجد والمدن الجامعية و..
    بقوا ناس يجيبوها بيوتهم!!!!!
    5 الف لتر؟؟؟؟؟؟؟؟!!!!!!!!!!!
    معقول يا جماعة
    والله انا سكنت جنب عمارة
    بسمع صوت الموتور
    الموتور شغال ارررررررربعة وعشرييييييييييييين ساعة!!!
    وهو راجل ومرتو وولدين وبت
    بس!!!!!!!!
    ساكنين في شقة واحدة في دور
    وباقي العمارة فااااااااااااااااااااااضية
    الباب فاتح فينا
    وهم كمان ما قاعدين طوالي
    الموية الموية؟؟؟؟؟؟؟
    بتمشي وييييييييييين؟؟؟؟؟؟؟؟؟؟؟؟؟؟؟
    والله سؤال كان محيرني
    ولا زال
    نفسي اعرف انو الموية ديك كلها بتمشي وين؟؟؟؟؟؟؟؟؟؟
    يا جماعة لو في واحد عارف يكلمني
    عشان ارتاح
    انا قلت عشان السايفون
    لكن برضوا ما بالكمية دي
    انا يوم قلت مفروض الحكومة تطبق طريقة عدادات الموية
    الناس انتقدوني
    قالو لي نحن الجمرة الخبيثة بتاعت الكهرباء ما قادرين عليها
    ما هو انا عشان ديل؟؟؟!!!
    لانو لو في 100 فقط زي ديل ..
    الناس ما مفروض تسأل انو الموية شحيحة لييييييه؟؟؟؟؟؟؟

    انا طبعا قبل كده كنت ممن دعا الحكومة
    لزيادة تعرفة الكهرباء كل ما زاد الاستهلاك
    والغريبة الحكومة طبقتها طواااااااااااالي!!!!!!!!!
    عشان فيها زيادة!!!!!
    هسه ما زاااااااااااالت الفجوة بسيطة
    تعرفة الكهرباء اول مية ب 80 قرش
    تاني بتمش لي 100 ثم 120 ثم 140
    ثم 160 ثم...
    تقريبا 6 جنيه وكم وثلاثين قرش
    حاجة كده...
    طبعا الصاح ال 6 جنيه دي تكون 60 جنيه
    لو عملو كده بكرة الكهربا ولا دقيقة ما حا تقطع
    لكن ما ممكن تشيل الكهربا من زول مشغل مراوح سقف فقط
    تديها لي زول مشغّل شنو ما عارف!!!!!!!
    المشاكل كللللللللللللها في التوزيع
    سوء في التوزيع مثلما قال برنارد شو
    نعم
    "غزارة في الانتاج وسوء في التوزيع"
    قالها عندما نظر الي لحيته وصلعته!
    سووووووووووووووووووء في التوزيع!!!!!!!!!!!!!
    والنتيجة:
    ازمات .. ازمات ..ازمات !!!!!
    تلك السيمفونية المجنونة
    نغماتها مرهقة جدا للاعصاب
    تدمّر النفسيّات وتقتل الشخص كل يوم الف مرة
    يتم عزفها يوميا علي رؤوس المستضعفين
    ما ان تهدأ حتي تعلو من جديد
    فتش عنها كلما تسمع عن شجار او معركة او مشاحنة فردية او قبلية
    كلما تسمع عن سرقة او خطف او انفجار

    خلاصة القول لا بد للحكومة
    ممثلة في سلطتها التنفيذية والتشريعية
    ان تتخذ سياسات تحمي بها الطبقات الفقيرة والمستضعفة
    لان شراهة الاثرياء اصحاب الاموال
    ستجعل تلك الطبقات "تروح في الرجلين"
    لا يكفي ان نقول للناس "الله كريم"
    ونعم بالله
    ولكن السيمفونية ..
    مزعجة .. مزعجة جدا جدا .. جدا جدا
    الل.ااااااااااااااااااااااااااااااااااااااه ه ه ه
    (ٍs.o.s!)
    لا انتوي بكلامي هذا
    ان اروج او اتحول انا شخصيا الي الشيوعية!!
    انا شهدت اكثف فترات معارك الفكر الاسلامي ضد الشيوعيين
    وافتكر انني ماخد كل اللقاحات الممكنة ضد الالحاد
    رغم انني مقتنع انه ليس بالضرورة ان يكون الشيوعي ملحد
    ولكن سنفتح بعض الملفات الخطرة في هذا الجانب
    الملفات التي كان الكلام ممنوع فيها
    فالآن قد انتهي زمن "الدسديس" كما يقولون
    سنفتح مثلا ملف الصحابي الجليل
    ابي ذر الغفاري رضي الله عنه !!!!!!!!
    -
    نلتقي بأذن الله























                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de