الي الأستاذ الفنان/ عبدالكريم الكابلى بمناسبة عودته لأرض الوطن،والشعب يمضى في إستكمال مهام ثورته المجيدة، لينعم بالحرية والسلام والعدالة.
د.صيدلي/ جعفر محمد عمر حسب الله
سلامتك .. سلامتك كرامتك .. عدوك تطيب يابا تسلم شرك مقسم فوق الدقشم تجيك السلامة نسوى الكرامة رضاك وعفوك *************** رشينا البوادى تمرنا الكبابى رصينا الكراسى وفرشنا السبات لمبة في كل نخلة وشمعة في كل إيد وفي كل المداخل صورتك يا عنيد ************** من كل المداين حد ما العين تعاين الشوق والحنين جايين يا ضراع للزول الشجاع الرمز الصلابة طمبور الغلابة ************* داجين بالحداشر راكبين الدواب من كل الضهارى جايين باللوارى والقطر الزمان ************* للناس الكتار حضرنا الفشار الرز والفطير بالقدح الكبير **************** أشهد يا زمان إزدان المكان بالنوبة الكبيرة والكيتة الزمان طمبور الشمال كمبلة الجبال الجاز والمديح والجرارى قال للمردوم تعال ************ أعرض يا عريس في الفرح الحلال زغاريد الحراير ودموع الرجال ***************
أنشد يا مليح للوطن النضال زيد الناس حماس أملاها ماس ************** الميس القريب الهمبريب الربة لي حد الصباح للصباح **************** تمام تمام يا سلام صفارة الختام نقارة السلام سلامتك سلامتك كرامتك عدوك ***
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جعفر محمد عمر حسب الله
فيس بوك
تويتر
انستقرام
يوتيوب
بنتيريست