فِطين الجزء الأول: من الطين إلى مستشفى المجانين كتبه د. الطاهر آدم الفكى

الدولة السودانية نجاح التأسيس وفشل التنفيذ كتاب جديد موجود بامزون
مرحبا Guest
اخر زيارك لك: 11-19-2026, 06:47 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
اراء حرة و مقالات
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-18-2026, 07:18 PM

د.الطاهر الفكى
<aد.الطاهر الفكى
تاريخ التسجيل: 10-24-2017
مجموع المشاركات: 34

للتواصل معنا

FaceBook
تويتر Twitter
YouTube

20 عاما من العطاء و الصمود
سودانيز اوون لاين ..منبر الحق والحقيقة
مكتبة سودانيزاونلاين

مكتبة الفساد

من اقوالهم
(مكتبة مفتوحة للتحديث)
للتواصل معنا
FaceBook
تويتر Twitter
YouTube
فِطين الجزء الأول: من الطين إلى مستشفى المجانين كتبه د. الطاهر آدم الفكى

    07:18 PM November, 18 2026

    سودانيز اون لاين
    د.الطاهر الفكى-UK
    مكتبتى
    رابط مختصر




    فِطين

    الجزء الأول: من الطين إلى مستشفى المجانين

    د. الطاهر آدم الفكى

    مصيبتين،
    والخبر شين،
    في يوم الاثنين،
    جابو كنين!

    وقعت فطين،
    انزلقت في الطين،
    وكسرت الرجلين،
    والدموع بلّت الخدين،
    والجنيّان ما عارفين،
    يرفعوها من وين!

    أبوهم مسكين،
    عامل عند شمّين،
    من بِلّة الريق وللحين،
    خاتّ في قلبو اليقين،
    وسايقاهو قدمين،
    متوكّل على عصايتو،
    يقطع بيها كيلومترين!

    الطورية والكوريك
    في الإيدين،
    والفأس أبو راسين
    مربوط على الكتفين،
    ما بنجم دقيقتين،
    يحفر ويروي البساتين،
    ويساسق في الرزق،
    لو يلقى قرشين؛
    قرش يكفّي الدين،
    والباقي للدكاكين:
    دقيق وفول وتركين،
    قوت المساكين!

    العيال مرقوا جاريين،
    لاقوا أبوهم باكيين:

    «يَمّة كسرت الكرعين،
    ولسّع راقدة في الطين!
    يا با، أمي حتقوم متين؟
    ولا حتفضل كده بالسنين؟»

    قال: «أسرع يا الوليد،
    أمشي لخالك عبيد،
    قول ليه: أختك مادالك الايد
    وتلحقنا بالكارو الجديد!»

    عبيد، خال الولاد،
    وشقيق فطين،
    على قدر حالو أمين،
    اشترى كارو أبو عجلتين ،
    والحمار وارثو من سنين،
    ودخل السوق مع الشيّالين.

    جاهم فازع و شالوا فطين،
    ودّوها مستشفى "التمكين"،
    والتمرجِي بيتلو سورة ياسين،
    قال ليهم: «إنتو من وين؟
    الجار لو عندو أضنين،
    ما كان بخليكم وحيدين!»

    عاين وكشف على فطين،
    وقال: «شربت ليها كاسين،
    ودايرة تنتحر وجربته مرتين،
    ونطّت من الطابقين!
    ودّوها مستشفى المجانين!»

    الحمار اتعجّب … وحرن،
    وشمّ من كلام التمرجي عفن،
    كيف؟ والقطية ليها سكن!
    وين الطابقين؟

    كلام التمرجي ما راكب راسو،
    سجّل حق الكشف في كراسو،
    وقال: «الطب ما رسم بيكاسو،
    أنا عارف الحاصل من أساسو!»

    في الكارو

    فطين تعبانة في الكارو،
    وعبيد عاوز يكمل مشوارو
    لكن مستشفى المجانين
    بعيد و عالىية اسوارو

    قابلهم شاب يساري… رزين،
    سمع الحكاية من عبيد بالتبيين
    وقال: «ده موضوع خطير و مبين
    لازم نرفعو للمسؤولين!»

    رفع الشكوى في خطاب،
    وكتب تفاصيل العذاب،
    لكن في نفس المساء،
    ناس الأمن دقّوا الباب:

    «إنت متهم … يا شاب،
    بتسريب وثائق للأغراب
    وإشانة سمعة تمرجى اللاماب،
    ونشر الأشاعات … يا كذاب!»

    ساقوه من غير أسباب،
    والتمرجِي نال الثواب،
    وشكروا عبيد في خطاب،
    على تعاونه مع التمرجي،
    وحُسن تنفيذ الإجراءات!

    في مستشفى المجانين

    مجنون شاف فطين،
    قال: «دي ما تبع المجنونين
    دي في حالة ولادة … في الحين!
    والألم من الطلق … ورأس الجنين
    جيبوا دكتور التوليد،
    يعمل ليها أشعة و رنين
    قبل ما تسقط ويضيعوا الاتنين !»

    الدكتور جاء مستعجل،
    فتح الملف … واتأمّل،
    قلّب الورق … واتململ،
    وقال: «الحالة دي ما حمولة،
    عندها مرض اسمو … أمفولة!
    والتشخيص ده ما بتحمّل
    تأخير، ولازم تودّوها الفولة!»

    قالوا: «أمفولة؟»
    قال: «أيوة، أمفولة!
    والحالة محتاجة بروتوكول،
    وتقرير من المديرة المسؤولة!»

    فطين يا حليلك،
    لا عندك جنين،
    ولا اخدتي ليكي كاسين
    ولا وقعتي من طابقين،
    ولا انتحرتي مرتين،
    لكن عندك أمفولة،
    في قاموس "التمكين"!

    مسكينة فطين،
    ماتت في سرير المجانين،
    والسبب؟ ما عارفين!
    والملف اتقفل،
    بقرار من المسؤولين!

    يتبع …الجزء الثاني























                  


[رد على الموضوع] صفحة 1 „‰ 1:   <<  1  >>




احدث المقالات بسودانيزاونلاين اليوم
فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to bakriabubakr@cox.net

© 2014 SudaneseOnline.com

Software Version 1.3.0 © 2N-com.de