اليابا حمدوك لئيم ومر وكافر...حمدوك حلال الصعيب الليهو زمان نكد ونعافر...حمدوك بشرى للشعب المعذب وصابر....حمدوك نجم السماء للضهيب ومسافر...واليابا حمدوك خان العشرة ورفقة طريق ومصائر....خان شعبا بريد ومشاعر..... وجاك السعد ياسودان...بحمدوك جاتك العزة....وياشعبا عظيم...بحمدوك تضوق طعم الحياة تعرف اللذة...والعز للوطن العظيم والبعدو مافى معزة.... ثلاثين سنة عايش العذاب وايامه....ثلاثين سنة تايه فى الوهم وظلامه....ثلاثين سنة ضاق الشعب مر ايامه...وجات اللحظة ونطق الشعب فيها كلامه... جات الثورة وجات البشرى فى ايامها....وجاتك ناس ياشعبى تعزك وحلو كلامها....تفتح للامل ابواب صادقة وعودها مع مرور ايامها....صادقة فى اخلاقها عفيفة تقيه فى انسانها...مليانة بالعشق تتفجر فداء عشان اوطانها.... الحمد للكريم شال البشير...شال من نفوسنا الغمة....شال من بلادنا وباء...ساقطين لصوص و عديمين ذمة....سرقوا عمرنا حرقوا حياتنا نهبوا بلدنا خلوها كركعوبة ورمه......معدومين ضمير وخاويين من الفضائل عمه.... الحمد للكريم من بعد العذاب ننجمه....الحمد للكريم من بعد الخراب نعرف النماء ونتهنه....الحمد للكريم خلاص تنتهى سنين الغربة الطويلة وكعبة...الحمد للكريم نرجع للوطن بعد السنين العجاف وصعبة...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة