روح الثورة التكافلية تتمدد في اوساط المجتمع السوداني . قصة حقيقية من محطة بنزين ودارو بام درمان جديرة بالقراءة... يا سلام يا شعبنا. ****** كتب احدهم وبلغة ظريفة جدا : حالياً واقف في طرمبة ود ارو في ام درمان من قبل المغرب في واحد جا شايل سيرمس شاي و اداني شربت 😃و بعد المغرب واحد تاني جاب شاي لبن و شررررربت😁 بعد شوية جا واحد مد لي صحن كشفت ليهو كدا لقيتو موز و منقا ضررربت الفواكه😊 زي الساعة 10 كدا مع البرد دا جا واحد قال لي انزل من العربية لقيتو خاتي صحن في كبوت العربية الوراي فيهو قراصة حاااارة بالسمن و العسل انا كمان بهظر؟ خشييييت😄 في الصحن لامن طفجنا الكبوت بتاع عربية الزول و كمان في زول جا شايل كيس عيش بلدي بقى يوزع لينا عيشة عيشة😍 (رفاهية و كدا) قررررضت 😀... هسي و انا بكتب ليكم شايف في زول شايل صينية ولافي .. شكلو كدا العشا كبس. بتم ليكم القصة بعد العشا 😌 #كسرة والله جد .. هسي الطرمبة قفلت و نحن بايتين في العربات ..غايتو بكرة الناس ديل لو جابو لينا شاي الصباح بدون زلابية يكونو بالغو معانا 😐 #المهم_في_الموضوع الحمدلله رب العالمين اولاً و شكراً اهلنا ناس ابروف سوق الشجرة و شكراً ام درمان و الزلابية بكرة ما تنسوها 😊
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة