يااخوانى واخوتى السودانيين الينا نحن فقد مررنا بكل شئ ما فى هذه الدنيا .. وكل ذلك بسبب رئيسي وهو الأنانية وحب التملك وعدم قول الحق تحديدا ان لم يكن الشخص المعنى يخصنا!! هنالك الكثير آن الاوان إن نعترف به ونفكر بشكل جديد وطريقة صحيحة، الحقيقة مهما تكون صعبة عليك قولها لا تجامل و مهما كان الشخص عزيز عليك ..واذا لديك شئ فى ذمتك وشهدت عليه وحضرته اشهد شهادة حق مهما كلفك الامر.. لأن ظلم انسان برئ ذنب تحمله فى معك مهما قل حجم الشئ،، وما نتكلم بى شئ لم نتأكد منه.. ولا نعرفه ! فحديثك هذا يمكن غيرك يبني عليه حاجات مهمة فى حياته وتكون قد اتعبته وانت هدفك فقط كان تنظير وفلسفة دون مسئولية...ما نتكلم عن شخص فقط لاننا سمعنا عنه غير متأكدين لأنه ده ما من الوعى ننقل بس ونردد كالببغاوات .. مشاكل بلدنا هذه نحن جميعنا جزء منها ما كل زول يرمى اللوم على التانى.. فقبولنا شئ سئ و ظلم على غيرنا ونتفرج عليه لانه لا يهمنا ها قد جاءنا الظلم جميعا ومن نفس الناس الظلموا غيرنا ونحن نتفرج ..لا تنظروا لمن هم خارج السودان انهم فى نعيم وانتم فى جحيم.. فمن الصعب على الخيال والتصديق لما يمروا به من احساس ان اهلك وحبانك ووطنك فى خطر وفى مهب الريح وانت مهما تفعل تشعر بالعجز هذا شئيا محزنا ومقلقا لمن هو بعيد !! لا تختلفوا فنتيجة الخلاف والحسادة والكراهية فى بعضنا ا وصلتنا لإننا نشتهى ان نرى تحديد مصيرنا بأن نكون او لا نكون!! هذا الوطن الحزين من ابنائه ( بشيلنا )كلنا ويفضل لغيرنا لو عمرناه ... لأنه السودان ده ما العاصمة المثلثة وبس ..فيه خير ومساحات ما اغناها وما اغنانا بها لكن يد البطش مستمتعة براها بحقنا ومستكترين علينا الراحة والعز... ما تخلوا وطنكم لقمة سائقة لغيرنا بالتشتت والعمالة للاجنبى والغريب!! فإذا صرنا جميعنا لاجئين غدا لا يشكرنا احد (بقولوا ديل وطنهم ما حافظوا عليه وغير مضمونين على غيره) فقد سلموا روحهم ووطنهم للاغراب وعظموهم واهانوا وطنهم وبعضهم.. مهما حصل لينا ومهما اتعذبنا وتعبنا لسه ما زال قدامنا اننا سوف نتغير ونتوحد ونكون كما نود ونريد ..فقط باننا نضع ايدينا فى يد بعض ونقول بالصوت العالى نحن سودانيين وبس.. لا قبيلة لا تكبر لا تعالى ولا شئ يهمنا غير نبنى بلدنا نعليهو لأنه بكبر وبنمو بأيدينا واتحادنا .. #لا للحرب.. #نعم للسلام دمتم ودام السودان بخير ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.منى الفاضل
فيس بوك
تويتر
انستقرام
يوتيوب
بنتيريست