and آلاف من شباب الثورة في مسيرتهم لجرد حساب حكومة ثورتهم ، أرسل لهم رئيس الوزراء حمدوك موظفا من موظفيه ليستلم مذكرتهم وتعلل بأن سيادته مشغول جدا . @ مشغول بي شنو ياربي ؟ والله ما شايفين شغل ، بس أم العروسة فاضية ومشغولة . @ بعض الشمات قالوا سيادته خجلان يقابل الشباب ديل ، بأي وش يقابلهم ؟ @ بس الحكاية في ظني لا مشغولية ولا خجل ، ولكن الشباب ديل ممكن عادي " يبلوه " ويشمتوا فيه بني كوز . and نفت وزارة الخارجية السودانية اليوم تصريحات المتحدث الرسمي باسمها عن سعي السودان لإقامة علاقات مع إسرائيل، وقال وزير الخارجية السوداني المكلف عمر قمر الدين في تصريح صحفي إن الوزارة "تلقت بدهشة تصريحات السفير حيدر بدوي صادق " @ بالله انتم مندهشين ؟ طيب نحن نعمل شنو ؟ وحيدر دا مش سفير وبس دا الناطق باسم الوزارة . @ غايتو جبتوا راسنا في الواطة . لا طبعتم زي الرجال ولا ابيتوه زي الرجال برضو . @طبعا الوزارة دي عايرة وأدوها سوط ، لازالت مترعة بالكيزان من جوه وبره ، والبلقي هبوبه بضري . @طبعا ممكن جدا بكره يطلع بيان بالتطبيع ، وممكن نتشرف بزيارة من نفس الوزير لتل أبيب ، أو لا يحدث أي شيء ، لكن المؤكد أن لا أحد سيستقيل لا الناطق الرسمي ولا الوزير المكلف . غايتو واحد فيهم حيكون الوزير القادم للوزارة . andالناس العندهم مرض العنصرية بدون خجلة لازالوا يكتبون عن زيارة الجنرال الكباشي ويتهمون الشباب بالعنصرية ، أظن الحكاية تحتاج لتوسعة مصحة كوبر . andاجتماعت ثنائية بين الحكومة السودانية والمصرية وبحث سبل التعاون والتنسيق بين الجانبين في شأن سد النهضة . @إن شاء الله تكونوا اتكلمتوا عن حلايب وشلاتين ، أو على الأقل عملتوا زي ما عمل حميدتي وختيته صورة من المنطقتين كخلفية ؟ وما أظن تعملوها . and قالت لجان المقاومة أن التصعيد مستمر لجرد حسابات الثورة . @ مافي مانع بس ما تضيعوا وقتكم ساي ، الحساب واضح وما داير جرد بس انكربوا وشوفوا ثورتكم السرقها منو . @ الشرطة لازالت تعيش في جلباب الاتقاذ ، وأظن عندهم شوية بنبان مخزن ، خايفين مدته تخلص . @لو في بلد تاني كنا طالبنا وزير الداخلية بالاستقالة ، لكنا في السودان وآخر مسؤول استقال ممكن يكون في زمن مملكة كوش . andعودة صادر المواشي من السعودية للمرة الكم ما عارف . @شنو الحكاية انتو بتفسحوا فيها واللا شنو ؟ من المسؤول ؟ ودا سؤال نسأله في زمن الانبطاح للفساد . بالتأكيد الشكوى لغير الله مذلة .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زاهد زيد
فيس بوك
تويتر
انستقرام
يوتيوب
بنتيريست