من اصعب الاشياء ان تحاور شخص بيرتب امورو حسب افتراضات هو من البداية عارف انها ما حتنفع او ما حتستديمً للابد. لكنهً مقتنع تماما بانه سوف ينال ما يريد بالعافية،بالبندقية، او بالتخويف و التخوينً . مثل هذه الاستراتيجيات لا تعترف باي نقاش سوي نعم ! يعني نقاش الدكتاتوريات - زي ما نقول (اضان الحامل طرشاء). من أكثر الأمثلة إنتشارا حكاية دكتاتورية الفرعون المصري الذي قرر انو ما في اجعص زول يقدر يقول او يعمل او حتي (يشوف) حاجة او منظر هو ما سمح بيه للرعية. حتي جات الصدمة المدمرة عندما كان يختال يوما في موكبه (عريان ملط) و مافي واحد قادر يقول بغم الي ان صاح طفل:
أنظروا الي مليكنا العريان!!😂
و من الحكايات الكيزانية الجد جد حكاية اتنين من اهالينا النوبيين: بطلها نائب المعزول بشة المسطول بكري حسن صالح و البطلةً الدكتورة النضامةً جدا حياةً عبد الملك. هي بتصر بأنها دكتورة لأنها بعثت لبريطانيا أيام التمكين للدكتوراه …في شنو ما معروف؟ الا يمكن تكون زي دكتوراة الكوز أمين حسن عمر التمكينية الانا كتبت عن حكايتها قبل حوالي تلاتة سنين! و علي العموم صاحباتها بيقولن مش ممكن. المهم حتي بعد سقوط بشة الكيزان كانو لسة مستمرين في حكاية تفريق الناس لتمكينً حكمهمً الكيزاني. قام بكري قال يا حيوتة ( استخدام أسامي الدلع عادة محببةً عندنا نحنالنوبيبن) عندي فكرة نضعف اهلنا النوبيين بتقسيمهم لفريقين متناطحين: **نوبيون يسار؛ و **نوبيون يمينً. كده يتشاكلوا ونحن نصطاد في الموية العكرانةً. لسوءًالحظ حيوتة وقعت في شر أعمالها عندما حاولت نشر فكرتها الجهنمية في المجموعة الفكرية (في أنتظار كوش) التي اديرها علي الفيسبوك. الشاطرة قالت يا بكوري. القروب ده فيهو ستة الف عضو و عضوة؛ لو اخترقتهم ممكن ازرع بذرة الخلاف بين النوبيين وأقدر بسهولة (اكوزنً) الناس ألفي اليمين!
للاسف وقعت الدكتورة حيوتة في شر أعمالها لأني (لا يميني) و (لا يساري)! وًكنت أنشر أيام جامعة الخرطوم مجلة حائطية كانت مشهورة أسمها (مقصات) مخصصة للتنكيت علي الكيزان و الشيوعيين. وكانوا كلهم اصحابي(ده قبال القتل و الارهاب ألادخلوه الطيب سيخة وانس عمر قفص الجداد). المهم النوبيون (في مجموعة في انتظار كوش) كشفوا لعبة الدكتورة حياة عبدالملك.
فطردناها!
لكن بعدما بكري المسطول دخلوه كوبر مع بشة، حيوتة رجعت تاني كالدكتورة حياةً عبدالملك و قدمت للمملكة المتحدة طلب كلاجئة دارفورية. و صارت لاجئة قطعا بمصاريف ومخصصات الخواجات الكفار (حطب النار) .. وطبعا ده زايد المخصصات الكيزانية المعروفة بسخائها لبنات نسيبة!
حسب تواتر الاسافير الان الدكتورة حياة عبد الملك مولعة في الدارفوريين شتيمة واتهامات بالفسق والفجور. وكمان بالخيانة العظمي لان الدارفوريين زي ما تردح و تبكي. الدكتورة علي قربة مناحة أحبابي الشايقيي يعدون العدة لاحتلال الشريط النيلي وطرد الشماليين كلهم (كنت من جنيات حي امبكول في عطبرة خلال جزء مهم من طفولتي). لوصح هذا الزعم ياريت جد اهل الشمالية النبي نوح عليه السلام يقوم من الاجداث و ياخدهم لبر الأمان. (يارب🙏) طبعا ما عدا الكيزان الذين سيؤكدون للنبي العايد ما قاله بن جدنا نوح لابيه: "سآوي إلى جبل يعصمني من الماء"،
عشان كدة بتملا الدكتورة الاسافير. مطالبةباخلاء او فصل دارفور كما نجح الكيزان في فصل الجنوب تمهيدا لتنفيذ مشروع مثلث حمدي ومشروع ولاية سو-مصر الاسلامية العربية. يعني ما بقي للدكتورة حياة عبدالملك وهي تجعر الا ان تحلف باليمينً انهاصادقه وتعني ما تعني (سدقي امنانني Ⲥⲁⲇⲓⲅⲓ ⲁ̄ⲙⲓⲛⲁ̄ⲛⲓ) كما كانت تقول حبوباتي النوبيات لما يعنينً ما يقلنً بجملةً (صدق وآمن يا مؤمن)!! لكن مين الأيام دي بصدق آو بيخاف من لسان حياة عبد الملك الشتامة اللعانة؟
بعدين حاول بعض دهاقنةً الكيزان ان يلووا يدي بالتحنيس وبالتعظيم (انت العارف؛ انتالخبير؛ انت عارف انا بحبك و بحلف بك … إنت صارف عني مدة وأنا خايف تتحدى). ثمانقلبوا علي: بديت الاحظ انو كل ما يكتبوه لي تبدا و تنتهي بقحاطي ، عميل … .و دي الحكاية التانية: كلنا بنعرف انو الكيزانً عاشو ينفخوا في قربة الخطر الشيوعي لمدة ٦٠ سنة بدون فايدة لانهم ما غيروا الناس او خلوهم يؤمنوا بموضوعهم. لكنهم استمروا في محاولات غسيل مخ الناس بعدما اخذوا الحكم بانقلاب مما زاد كراهية الناس ليهم. الان بدلوا (شيوعي) (بقحاطي) وصاروا يدخلوها في اي جملة. لكن بلهجة صارخة بائسة يائسة : المرة دي هم عارفين ما في أمل يحببوا الناس فيهم و برضوا ما في امل في انقلاب كيزاني تاني لانهم أصلًا الآن في انقلاب منذ ١٩٨٩ و كل محاولاتهم للانقلاب علي بعضهم البعض (كوز علي كوز) فشلت من زمن المحاصصة الي انقلاب ١٥ابريل ٢٠٢٣ الذي افشله قايدالدعم السريع حميدتي بعد. التحضير لافشاله لمدة اربعة سنوات بالمكشوف. حتي بيقولو أنو اقنع البرهان يعمل ما شايف حاجة لمن الموساد ادوه اجهزة التجسسالقادرةً (بعدي ربونا) علي اختراق نظام “أندرويد” وأيفون” والبنى التحتية للشبكاتوالتجسّس البصري، فضلا عن تعقب الـواي فاي”، واعتراض الاتصالات عبر الشبكة الهاتفية (جي أس أم)، والتعقب الجغرافي عبر الهواتف.
والله دي حقيقة!
زيرو جيش في كيزان مدنيين و عسكريين بيقولوا اي إنقلاب جيش بدون كيزان ما حينجح! و بإنهم محتفظين بالبرهان كواجهه؛ ما بيثقوا فيه لكن ممكن يسيطروا عليه. و اهو مسجون رهين. المحبسين: حبس قوات الدعم السريع و حبس الفلول بقيادة علي كرتي. لكين ما في الحبستين زي حبس الارملة المحدود الزمانً (العدة؛ اربعة اشهر قمريةًً وعشرة ايام كاملة). اليوم ١٥ اغسطس الأربعة اشهر تمو من الحصار الثنائي .حتي لو كان زي زوج نساوين قبيلة انا زرتها في اعلي جبال الهمالايا! هناك المرة بتتزوج اي عدد من الرجال و تتآمرعليهم وتطلقهم ثنائي و ثلاثي و خماسي !! يعني (عدتهم) مشكلة كبيرة يخرج منها الارامل الذكور زي الحيوانات المفترسة ! لكن لا اعتقد مثل هذه القوة ستنطبق عليالبرهان!! 😇
وعموما قيادة الفلول في ورطة لان الجيش المؤدلج ضعيف ومهزوم أمام مليشيات الجنحويد؛ و يقال انو مليشياتهم الرسلوها للمعسكرات المحتلة بعد ما سموهم(مستنفرين) اتقبضوا.
سالت بعض منهم ليه مدخلين كلمة قحاطة في كل شي طالما انتو عارفين انها ما حتجيب ليكم مريسة تام زين! ردوا شتما و استهجانا و قولا مكررا: - انت عميل،خطابك خطاب قحاحيط!
غايتو 😇 حتي في الشتيمة الكيزان فاشلين وواقعين واطة!!
بالجد ما في جيش! #لو كانت عندنا حكومةً) لوً كان عندنا جيش وبوليس كنا استردينا ممتلكاتنا من قواتالدعم السريع ! #كل البيقدرو عليه الكيزان هو تخوين الشعب لمان يشتكي لي الله. #لكن بعد فترة الواحد منهم صار في حالة زهول و توهان . وصار كلام قحاطة ده كلام كيزان ساكت!
#انا كتبت ليهم قبل شهرين: *الجيش وينو؟ *اكلوا الدودو. -كتبت ليهم : لمان يكون في جيش نتكلم. -الان نحن في حالة زيرو-جيش الشعب رفض يتطوع لنصرته (يعني رفض يستنفروه باللغة الكيزانية) !!
نصيحتي للكيزان للمرة الالف: يا ايها الكيزان سيبوا كلام التخوين و التقحيط وروحو في داهية .اختفوا في الهواء بسلام. Please disappear in thin air
لانو ده هو الحل الوحيد لينا وليكم !
نواصل
د. احمد التيجاني سيد احمد ١٥ اغسطس ٢٠٢٣ روما ايطاليا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
احمد التيجاني سيد احمد
فيس بوك
تويتر
انستقرام
يوتيوب
بنتيريست