غباء واستعجال قحت سيسهل من مهمة الثورة المضادة

Quote: وهاهم يتجهون ويمهدون إلى إباحة شرب الخمرمن خلال تصريحات وزير اللاعدل بحجة أنها إرث سوداني

Quote: شيخنا / محمد جلال عليك السلام برغم انو لا من البشربوها ولا من البحبذوها لكن من ناحية انها ارث سوداني ، هي بالحيل ارث.. انا من مواطني الشمالية منصوري مخلوط بي قراريش علي شايقية (دلوكت بقت الشمالية + نهر النيل) اشهد بكامل قواي العقلية انو الخمرة بجميع انواعها المحلية كانت تقدم حتى منتصف السبعينات من القرن الماضي، في الأعراس والطهور في مناطق الشايقية والمناصير، (لأنو للإسف ما مشيت شمالا ابعد من كدي) واذا جرارتك ما جاهزة زول بجيك مافي.. كدي خلي شايقي ولا منصوري يجي يغالطني هني دا.. في الفزع (طبعا بتعرف الفزع يا ابوحميد) عادة بيقدم مشروب واحد فقط هو المريسة، وبعض اصحاب المزاج بيقدم النبيت ( الأسم العربي بتاعو النبيذ) واقول ليك حاجة عرقي كريمة كانو بيمتحنو نقاوتو بالنار.. حبيت اوضح ليك دي بس على اعتبار الأرث الحضاري

Quote: مرحب يا أستاذ جمال .. وكذلك كانت الخمر في الجاهلية إرث عربي فجاءهم الإسلام فتركوها وأراقوا جرار الخمر حتى جرت بها طرقات المدينة

Quote: بعدين الإرث ده ما بتغير .. إنت بتقول منتصف السبيعنات وبيننا وبينه حوالي 45 سنة يعني نصف قرن تقريبا ده كافي لتغيير الإرث إلا لو كانوا عايزين يرجعونا للجاهلية تاني!

Quote: المشكلة يا ابوحميد فكو درب الخمرة ووقعوا درب الربا، وهو اشد وانكى: ( يَا أَيُّهَا الَّذِينَ آمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِن كُنتُم مُّؤْمِنِينَ (278) فَإِن لَّمْ تَفْعَلُوا فَأْذَنُوا بِحَرْبٍ مِّنَ اللَّهِ وَرَسُولِهِ ۖ وَإِن تُبْتُمْ فَلَكُمْ رُءُوسُ أَمْوَالِكُمْ لَا تَظْلِمُونَ وَلَا تُظْلَمُونَ (279) حرب عدييل كدي من الله ورسوله الأولوية تفتكر لي ياتو ؟ محبتي التي تعلم

Quote: طيب فلنقل أنها أزمة أولويات .. هم أفلحوا في الخمر ورسبوا في الربا طيب نمسك في تحريم الخمر ونجتهد في منع الربا مش نفتح المجال للخمر بحجة إنو محاربة الربا كانت أولى .. يعني نسدها بي جاي ونقدها بي جاي يا جيمي :)

Quote: اشهد بكامل قواي العقلية انو الخمرة بجميع انواعها المحلية كانت تقدم حتى منتصف السبعينات من القرن الماضي، في الأعراس والطهور في مناطق الشايقية والمناصير

Quote: وكذلك كانت الخمر في الجاهلية إرث عربي فجاءهم الإسلام فتركوها وأراقوا جرار الخمر حتى جرت بها طرقات المدينة

فكتب جمال :

Quote: ناسنا كانو كلهم مسلمين، ولا يكونوا ما مسلمين ونحنا ما عارفين؟

ولم يرد عليه جلال بأنهم نعم كانوا مسلمين ولكن ليس على ديـن ومنهج صحوة البدات في نهاية السبعينات .. وحكمهم حكم أأهل الكتاب !

وكتب محمد :

Quote: هل كل موروث يجب ان يظل ، ام ان هناك نقاط ومحطات للمراجعة والتقويم ؟؟؟

ولم يسأله أحد عن التعطيل والتمييز والنقاب من الدين ام التراث ..وعن علاقة النقل بالقياس!


ودا من محامد وحسنات المدنيااااااااااااااااو

Quote: البارات لحدي هسع ما فتحت، ده مجرد كلام والله اعلم يفتحوها ولا لا .. يعني كلامككم ده لسعه وقتو ما جاء، لمن تقوم بعدين قوموا عليها بايديكم واسنانكم لكن البنوك قائمة لحدت هسع، ولغاية دلوكت ما شفنا لينا مختل نفسيا مشى ناحيتها، ولا شفنا واحد من الشيوخ مشى رجمها بي حجر، مع انو هي اس البلاوي اشمعنى يعني ما مشيتو عليها.. طبعا دي محروسة ولا عشان التحاويل والرواتب والمصلحة المباشرة ؟ كدي ابدوا لينا باربا الموجود

Quote: ودا من محامد وحسنات المدنيااااااااااااااااو

Quote: المهم ابقو عشرة على الحوار واحترام الخيار

Quote: اسسس يا سلام يآخ وقت يعيش الكفار والأرهابيين في ود وتناغم وانسجام ويُكلل خطابهم بالمحبة والجمال .. :)

Quote: انبعاث الغازات والاحتباس الحراري وتغير المناخ ... المعضلة قلوبال وما مرتبطة بالسودان بس :) سيدنا الصادق المهدي زاتو رأيو من رأي :) مودتي

Quote: كدي يا حيدر شوف لينا موضوع الإحتباس ده في البلاد الدعت لتطبيق الشريعة ألإسلامية من باكستان، افغانستان، ايران، العراق، سوريا، ليبيا، الصومال..

Quote: مرات كدي يا حيدر في حاجات تحير عندك مثلا لمن الخمرة كانت مباحة في السودان كان الخير باسط، وعندنا 3 فصول في السنة (صيف، شتاء، وخريف) والجماعة الحضروا الإنجليز قالوا السنة كان فيها 4 فصول (صيف، شتاء، خريف، وربيع).. اها من يوم ما اعلنوا الشريعة ودفقوا الخمرة في البحر وقفلوا البارات، نحن نمرق من مجاعة لي مجاعة ومن ازمة لى ازمة، والسنة فيها فصلين بس (صيفطويل ، وشتاء قصير، وخريف عامل اسبليت شفت) كدي ورينا رأئك الفقهي شنو في الوضع ده؟