|
كتب الكاتب الفاتح جبرا المتوفرة بمعرض الدوحة
|
|
 Re: Mahjob Abdalla (Re: Hani Arabi Mohamed)
|
الاخ هاني,
شكرا لهذا الاطراء.
ربما لاول مرة اسمي يتصدر عنوان بوست و لذلك قلت "ان شاء الله خير" و جيت توش.
الحمدلله لقيتو كلام سمح.
طبعا و قد هرمنا يا صديقي, فهذا الكلام الذي نكتبه هنا يسجله التاريخ و ربما يقرأه اجيال بعدنا في المستقبل و لذلك تجدنا نحاول التركيز علي الذي نظنه قد يفيد و احيانا نشطح فهي طبيعتنا البشرية.
شكرا كثير يا عزيزى علي هذه الثقة و دام وطننا سودانيز اونلاين و سوادنا في الواقع.
| |
 
|
|
|
|
|
|
|
|
Re: Mahjob Abdalla (Re: Hani Arabi Mohamed)
|
سلام يا هاني
شكرا لهذا الموضوع
لطالما احترمت كتاباته برغم الاختلافات في وجهة النظر
لكن الحقيقة انه نموذج لما يمكن تسميته بسودان الثورة
والنظرة الايجابية للامور والانفتاح علي الاخر وتقبله علي علاته
ورغم انتماؤه ( اذا صح الامر) لدارفور
فلا زال طرحه سودانيا بامتياز يصلح ان يكون جزءاً من الحل وليس المشكلة
يعبر عن دارفور كجزء من السودان الكبير
دون مزايدة او متاجرة
لا امانع بل ادعم ترشيحه لاي منصب قيادي في الثورة اياً كان مجاله حتي ولو رئاسة الوزراء
| |
|
|
|
|
|
|
|
|
Re: Mahjob Abdalla (Re: Gafar Bashir)
|
شكراً يا هانى على فتح هذا النفاج لنعبر عن مكنون دواخلنا تجاه الاخ العزيز محجوب عبدالله
فهو انسان هميم بمعنى الكلمة ويكتب بموضوعية وصراحة وبساطة ووضوح في الأسلوب .
شكراً يا محجوب يازول يا دوغرى .
| |
|
|
|
|
|
|
|
|
|
Re: Mahjob Abdalla (Re: محمد نور عودو)
|
المحجوبان تعجبني كتابتهما ..
فيها إختلاف وفكرة مغايرة لرتيب ومألوف مايتطرق له الكثيرون ..
وفوق لي كده مهذبان لاتشوب حروفهما شائبة نزق أو سفه ..
السخرية التي تغلف حروفهما محببة للنفس وتزيل الكدر ..
لمحجوب ومحجوب التحية ..
ولك مثلها ياهاني وانت تبادر وتتطرق لما نعتقده ..
| |
|
|
|
|
|
|
|
|
|
Re: Mahjob Abdalla (Re: جمال ود القوز)
|
شكرا يا شباب (لمن يأنس في نفسه الكفاءة لذلك) و للعجايز امثالي (فقد هرمنا) و لكل اسرة سودانيز اونلاين و للزعيم الكبير ابوصلعة الذى اتاح لنا هذه الفرصة للتعارف.
اليوم بعد شفت البوست و مشيت, فجأة لقيت نفسي بترنم باغنية ثنائى النغم:
الدنيا تهلا ...
سعابا ساهلا
سيب التجني و ارحم!!!
طبعا لا اراديا لقيت نفسي بقيف عند "ارحم" و ببدأ تاني من البداية.
عموما الناس في البيت لاحظو المعونيات العالية دى لكن ما عارفين السبب شنو.
التحية لـ ود حلتنا باشمهندس يحيي قباني (ما تكلمو توفيق انو واحد من ناس الضهارى بدعي ادعاء زى ده)
و التحية للاخ جعفر ابوامنه علي الثقة و مباركة العمل لاجل الوطن. طبعا انا خرجت من السودان لمدة قاربت الـ 25 سنة او نصف العمر و لذلك ارى اهلنا الصابينها هناك اولي بأدراتها و كل الذى يمكننا هو المساهمة بالرأى.
ود القوز, طبعا اسمك طوالي بذكرني بـ جمال القوز لاعب المريخ في اواخر الثمانينات و بداية التسعينات رغم اني من الرشاشات في ذلك الزمان.
للاخ النصرى بلدياتنا في زمن ما و لكنه صار غرابيا في بلادنا هذه و انا بقيت شراقيا.
للاخوة احمد حمودى و علاء سيد احمد و محمد نور
و للهبيب فيسل صاحب البوستات المفيدة جدا. بالمناسبة اى بوست كتبتو في سوادانيز اونلاين بكون دخلت فيهو حتي و لو لم اترك اثرا.
شكرا لكم جميعا و نتمني ان نتقابل في الواقع يوما داخل الوطن و البلاد تنعم بالديمقراطية و السلام.
__________
عندى مشروع رحلة مشيا علي الاقدام بين الخرطوم و الجنينة (Bucket List) في البال و افكر جادا في تنفيذه يوما ما لو مد الله في الاعمار
| |
|
|
|
|
|
|
|
|
|
Re: Mahjob Abdalla (Re: Mahjob Abdalla)
|
هاني عربي
اول ما لقيت عنوان البوست اسم عضو من أعضاء المنبر ، وكمان عضو نكن له كل التقدير والاحترام، قلت اوع يكون هاني عربي ده عاوز ينزل شتائم في محجوب عبد الله ، ودخلت ووجدت البوست اوسكار ،،،،
نعم يا هاني فإن محجوب عبد الله كتاباته كلها متزنة ومنطقية وتعليقاته كلها من بيت الكلاوي زي ما بيقولوا ...فالتحية والتقدير له من هنا...
| |
|
|
|
|
|
|
|
|
|
Re: Mahjob Abdalla (Re: امتثال عبدالله)
|
الهبيب محجوب الرجل الراكز حبابه
بالله يا محجوب، هاني ده ما كان يكتب كلامه ده قبل قبل اختيار أعضاء مجلس السيادة؟
لكن مافي حاجة فاتت ، لسع عندنا البرلمان والبرتكان وهلمجر
| |
|
|
|
|
|
|
|
|
|
Re: Mahjob Abdalla (Re: امتثال عبدالله)
|
| Quote: عندى مشروع رحلة مشيا علي الاقدام بين الخرطوم و الجنينة (Bucket List) في البال و افكر جادا في تنفيذه يوما ما لو مد الله في الاعمار |
والله يا مهجوب ، زى ما كان بقول واحد اخونا (انت زول خيالى)
25 سنة فى كندا ؛ و برد كندا ؛ و رطوبة كندا ، و اكل كندا الكعب و لسه فيك مروه تمشى 500 كيلو متر كدارى ؟
غايتو انا بمشى معاك من استاد المريخ لغاية بداية امبدة السبيل .
بعد ده الله معاك ؛ تاكل نارك
| |
|
|
|
|
|
|
|
|
|
Re: Mahjob Abdalla (Re: النصرى أمين)
|
شكراً للهيبيب محجبوب .. وشكراً لصاحب البوست وضيوفه الأكارم ..أنتم تشكرون محجوب .. وتنسون شيئ عظيم ... وعظيم جداً .. سلطنة دافور التي ينحدر محجوب من أصولها .. أنا كتبت مراراً أن هناك ثلاثة مجموعات أثنية .. لو نحن عايزين وجادين في بناء سودان متسامح يجب أن ننهل من ثقافتهم .. الفور في دارفور (من أكثر المجموعات السكانية في غرب السودان تسامحاً ومعرفة بسياسة القبائل) .. السلطنة أمتدت منذ عام 1450م تقريباً إلي 1916م .. كان يديرها الفور وبحكمة بالغة .. وحتى هذه اللحظة يجمع كل أهل دارفور علي حكمة ودراية الفور .. هذا الحديث شذ منه عبد الواحد محمد النور .. لأنه والدته من القبائل العربية (جعلية) .. وشذ عنه محمد سليمان عطرون (كاتب شبق الشماليات وفحولة الغرابي) لأن خاله متزوج من شمالية .. علماً أن أكبر فروع الفور .. فرع الكيرا هم أحفاد سليمان صولونج (سليمان العربي) .. الأثنية الثانية .. نوبة الشمال .. وأنا لا أعني حاضر النوبا في الشمال أعني التأريخ الكوشي .. الذي أتسم بالسلم والذي أستمر حتى اليوم .. والسلم الأجتماعي النوبي مفقود في كل السودان .. الاثنية الثالثة نوبة الجبال .. هذا شعب يؤمن بتمسكة بالمكان .. النوباوي لو فقد الأرض فقد كل شيئ .. وبالتالي الجذور بالنسبة لنوبة الجبال هي كل شيئ .. وحب الطبيعة والفلكلور كلها صفات نوباوية ..
نحن البقارة (أهل حميدتي)، والفزي وزي (أدروب) .. والجعليين .. نحن ناس حرب .. والله الواحد فينا يدقوه أو يطعنوه لما الدماء تبل كتافينه .. ومازال تجده يرفع أصبعين فوق بعلامة النصر .. هذا الأختلاف الجذري ما بين نموذجنا ونموذج الحبيب مجبوب .. له قيمة وعرفها أهل محجوب من زمن طويل .. كانوا ينتخبون قادة الجند والجنود نفسهم من القبائل العربية .. مثل ما كان يفعل النوبيون ينتخبون الجند والقادة من الدناقلة .. لذلك تجدون أرض الدناقلة اليوم في شمال النوبا .. (الفديجا) .. والدناقلة في جنوب النوبة لأنها هي ثغور دولة كوش ..
التنوع فيه تكامل .. وأثراء لحياة الشعوب .. لا أنسي أنني في كثير من الأحيان أحب أبناء الزغاوة علي أبناء الفور .. الزغاوة لديهم الحمية مثلنا .. لكن الفور لديهم الحكمة (باردين زي موية التلج) .. ودائماً يهدئون المواقف .. وهذه سمة محجوب.
النحية للحبيب محجوب .. وعبره التحية ول أبا معتصم أحمد صالح .. الناطق الرسمي لحركة العدل والمساواة.
بريمة
| |
|
|
|
|
|
|
|
|
|
Re: Mahjob Abdalla (Re: Biraima M Adam)
|
التحية للزول الجميل محجوب عبد الله
رجل يستحق كل ما قيل
ولك التحية أخي هاني وكل من تداخل بالبوست
الأخ النصري
والله لو فصلت لينا في الموضوع دا تكون ما قصرت
لدي نهم دائم للمعرفة والإطلاع
وهذا ما دفعني للسؤال
| |
|
|
|
|
|
|
|
|
|
Re: Mahjob Abdalla (Re: muntasir)
|
| Quote: والله يا مهجوب ، زى ما كان بقول واحد اخونا (انت زول خيالى) |
سلام النصرى
في الاول حنوديك بالطيارة زى رحلة تراجي ديك و نفرش ليك البساط الاحمر, بعد داك نجيبك وادى اردمتا التي تقع شرق الجنينة و من هناك نقول دار الريح بجاى و دار الصعيد بجاي و الجنينة خلفك غربا و دار صباح بجاى مرورا بجبل مرة.
_______
تعرف انا عملت الاختبار ده هنا قبل اربع سنوات حيث اكملت الـ 1000 كيلومتر داخل المدينة في مدة 100 يوم كالاتي بمعدل 10 كيلومترات يوميا:
الصباح - جكة 2 كيل(20 دقيقة)
الظهر زمن اللنش - مشية 3 كيلومتر(30 دقيقة)
بعد ما اجي راجع البيت مشية 5 كيلومتر(ساعة واحدة)
من هناك يمكن اختصار الرحلة في 30 يوم بمعدل 30 -40 كيلو في اليوم. يعني ست ساعات مشي ( 3 الي 4 ساعات بعد صلاة الصبح مثلها بعد العصر الي المغرب العشاء.
حتقدر تعملها يا النصرى
| |
|
|
|
|
|
|
|
|
|
Re: Mahjob Abdalla (Re: Mahjob Abdalla)
|
الابنة امتثال
شكرا كثير و كونك ذهبتي الي السودان لحضور افراح السودان بمناسبة سقوط الديكتاتور يؤكد ان جيلكم قد امسك الشعلة في حال افضل من زماننا الذي شهد اودية دماء السودانيين و الانفصال كأكبر كارثتين في العالم.
تهراقا
شكرا لك كثير. واقعنا يوم امس و اليوم يتطلب الكثير منا لنرى غدا افضل لاجيال المستقبل.
مثل ما قلت للاخ جعفر, اجيالنا الصابينها هناك اولي بأدارة شئون ذلك البلد و لا يجتاجون لمتغربين امثالنا في شئ غير الرأي السديد.
الهبيب بريمه
بطل الخرمجة يا اخي. الحديث هنا عن محجوب فقط بدون حمولات الماضي و برضو شكرا ليك كثيرعلي وجهة النظر الايجابية.
نحن جيل اليوم في دولة اسمها السودان و الهدف واحد هو توفير الرفاهية لكل سكان السودان و استغلال طاقاتنا ايجابيا.
الاخ ود اليصير
شكرا كثير لمرورك الكريم
اكل كندا او الاكل الافرنجي عموما فيها كثيرا من السموم ( فالدواجن مليئة بالهرمونات و اللحوم الحمراء كذلك و المصنعات مثل البيرقر و الحليب تدخل فيها من 1500 من العناصر الكيماوية لكي تحتفظ بالــ Freshness
لاطول مدة. ضف الي ذلك الانتاج الزراعي و مواد الرش و تخصيب التربة.
كل هذه تجد طريقها الي المعدة و لا سبيل لنا غيرها فهي المتوفرة في القروسرى.
هبيبنا منتصر
زى ما قلت للهبيب فيسل خليل, فيا اخي انت عندك تعليقات كدا لمن اقراها اقول انت بكرى صالح او ابرهة قرايبك في ركوب الافيال.
| |
|
|
|
|
|
|
|
|
|
Re: Mahjob Abdalla (Re: Mahjob Abdalla)
|
اووو استاذنا محجوب
انت اهل لكل خير
التعرف اليك و القرب منك مفخرة
كتاباتك عميقة كما قول استاذنا على عبدالوهاب و يفتح افاق للتفكير و التامل
رعاك الله و حفظك و افاد سودانيز و البلاد منك و من امثالك
لك التحية و الود و التقدير
و عبرك للاخ هانى و كل الحضور
اصحاب القلوب الناصعة البياض
و الف شكر للباحث بريمة و انا و ترهاقا من الفديجا
مودتى و تقديرى
| |
|
|
|
|
|
|
|
|
|
Re: Mahjob Abdalla (Re: Mahjob Abdalla)
|
يا هبيب ؛ ارقامك دى كلها خيالية !!!
انا بمشى الجيم خمسة مرات فى الاسبوع ؛ خمسة دقائق فقط فى الزيارة الواحدة (الجيم داخل مبانى الشغل)
ليه خمسة دقائق؟
سؤال وجيه اشكرك عليه
بالتجربة مشكلة الجيم ليست فى الاداء و السعرات الحرارية المحروقة ، مشكلته الأساسية هى
الإلتزام commitment ..بعد تضمن الإلتزام ممكن تبدأ تحرق السعرات الحرارية.
بطلع فى التريدميل و بجرى بسرعة 4 كيلومتر فى الساعة ؛ يعنى فى الخمسة دقائق بجرى زى عشرين متر 😂
مبسوط من نفسى لانى ملتزم ؛ اى نعم الوزن زائد لكن ملتزم .
انا ممكن اشارك فى مشروعك الجريئ هذا بشرط يكون عندى RV مجهز بكل شي و موصل بعربية دفع سريع
ونواصل
| |
|
|
|
|
|
|
|
|
|
Re: Mahjob Abdalla (Re: النصرى أمين)
|
الحبيب بدران،
سلامات ..
Quote: و الف شكر للباحث بريمة و انا و ترهاقا من الفديجا
مودتى و تقديرى |
لسنين طويلة محجبوب يكتب باسم مستعار ربما "دورشيد" إحد سلاطين الفور إن صحت ذاكرتي .. شعب الفور من أكثر الشعوب المحبة للسلام في غرب السودان ..
والله لو كان أمر الأختيار لمجلس السياد لدينا فيه خيار .. لأخترت نوبي من دنقلا وفوق .. ولأخترت فوراوي .. ولأخترت نوباوي .. ألم تر كيف حسمت أنا دينق عندما قال عن عدم مناسبة دكتور صديق تاور النوباوي .. شقيق الحبيبة نور تاور لمجلس السيادية ..
وشوف الدفوعات التي قدمناها نحن أبناء الحوازمة ومعي الأخ أسماعيل ببو (إسماعيل أنت لا تعرفة .. بظهر مرات قليلة في السنة) .. رقدنا دينق صلطة .. وأنا تابعت دفوعات نور لكن دينق لا يصدقها بأعتبار أنه شقيقها ..
الحبيب محجوب ما مقطوع من شجرة .. الزول جاي من تأريخ راكز .. وهذه دعوتي هي شعوبنا تنفتح علي بعضها البعض .. نحن نعرف ناس بناة الدولة .. ونحن نعرف من يحرس الدولة .. ونعرف من لا يريد أن يقود دولة ولا يحرسها .. لكن عايز ينتج وأنتاج بوفرة (وهو أيضاً مساهم مساهمة كبيرة في بناء الدولة).
سودانا فيه خلطة تحمل كل مؤهلات الدول الناجحة .. ونسأل الله أن نكتشف هذه المواهب وننميها تنمية تخدم غرض دولتنا.
بريمة
| |
|
|
|
|
|
|
|
|
|
Re: Mahjob Abdalla (Re: Biraima M Adam)
|
| Quote: طبعا و قد هرمنا يا صديقي, فهذا الكلام الذي نكتبه هنا يسجله التاريخ و ربما يقرأه اجيال بعدنا في المستقبل و لذلك تجدنا نحاول التركيز علي الذي نظنه قد يفيد و احيانا نشطح فهي طبيعتنا البشرية. |
حكمة تستحق الاقتداء. شكرا لك أخي هاني وأنت توجه الكاميرا تلقاء محجوب.
| |
|
|
|
|
|
|
|
|
|
Re: Mahjob Abdalla (Re: Mohamed Adam)
|
كتاباته متزنة، واتزان الكتابة على مدى سنوات وسنوات يدل على اتزان الشخصية..
شخصيا كنت اتابع كل مداخلاته في المنبر، لا يفتح بوستات ولكن مداخلاته في بوستات الآخرين دسمة..
لك الشكر اخ هاني لفتحك هذه النافذة..
ولك التحية "الحبيب محجوب"
| |
|
|
|
|
|
|
|
|
|
Re: Mahjob Abdalla (Re: نعمات عماد)
|
التحية للأخ محجوب
هذه الإشادة لا تأتي من فراغ و كذا إجماع الناس علي هذه الشخصية..
و البوست ده عبارة عن وقفة لكي نتذكر بعض فضائل الأعضاء من ذوق و إنسانية و تهذيب..
التحية للأخ محجوب لدماثته و كريم أخلاقه و كذا لصاحب البوست الأخ هاني
| |
|
|
|
|
|
|
|
|
|
Re: Mahjob Abdalla (Re: النصرى أمين)
|
هوووي يا ناس
انا كدا بركب لي مكنة زول مهم جدا
VIP
فكدا قولو خير او بكدا الواحد راسو بطرشق.
الاخوة
بدرالدين
محمد الامين
محمد ادم
محمد عبدالله الحسين
امبده
و الاخت نعمات
شكرا لكلماتكم الطيبة و لكم كل الود و الاحترام
Quote: بختك يا هبيب
بقيت من مشاهير البورد.
انت و بشاشا الكتف فى الكتف |
نتمني عودة الامير الكوشي بخير ان شاءالله.
| |
|
|
|
|
|
|
|
|
|
Re: Mahjob Abdalla (Re: امتثال عبدالله)
|
لما تكون جديد في المنبر وفي اوائل مواضيعك يتداخل
معاك الهبيب محجوب في رد او تساؤل تحسها زي
تربيته علي الكتف او ترحيب. تواضع اقلّها.
شكرا هاني.. شكرا العزيز الحبيب محجوب.
| |
|
|
|
|
|
|
|
|
|
Re: Mahjob Abdalla (Re: Biraima M Adam)
|
بريمة يا حبيب
استاذن من هانى و محجوب و الاحباب و ننداح
السودانيين على سجيتهم عجيبين و حلوين منقة عديل كدة ...
و هنا ف الرياض صاحبنا اولاد عمنا النوبة و اتداخلنا معاهم و خففنا لبعض هجير الغربة
تتنونس بمزاج و تسترسل و فجاة تلقى مطبات سياسية تخليك تفرمل شوية زى البيحصل معنا مع كيزان الحلفاويين تلقانا منبسطين على الاخر و فجاة تخش فى كلام سياسة من غير ما تشعرتلقى حجر كبير وقع فى راسك ...
.. و مرة ف احتفال بالنادى النوبى بالخرطوم شرفنا الصادق المهدى اها واحد من الناس الكانو مشرفين على الضيافة مشى قال ليه مازجا نجيب ليك مشروبنا الخاص من البلح عشان تزكر جدودك و للا حاجة تانية .. قال ليك صحبك وقع من الضحك ...... السودانى جميل فى طبعه و قابل للانصهار و التمزاج مع بعضه البعض ... احيانا السياسة او بعض المفاهيم البتقيف حجر عثرة الانسجام التام بيننا
و حلفاج جمعنا مع قبائل كتيرة ... عشنا و عايشين ف امن و امان
و نتونس و نضحك و ناس محجوب و اهله صراحة فخر لمن عرفهم ... و لا تجد فوراوى رجع قافلا لمنطقته
اعتبروا حلفا حقتهم و جزء منهم و كذلك نحن لم نحس انهم غرباء عنا ... بل يرفعوا ليك التراب و يقول ليك شم التراب دة تلقى فيه ريحتى !!
اعتداد بالنفس و ثقة بان السودان ارضه و وطنه ........ و يكاد ينعدم المشاكل بيناتنا .. و ان حدث يتدخل شيخهم و شيخنا و فى لحظات تحل المشكلة
اطلنا من حيث لا نقصد يا شباب ... و لكن بريمة و تراثياته و الوطن حديث شيق لا ينتهى ...
دائما اقول السودانيين مظلموين .. لم نكتشف جمالايتنا بعد .. و مناهجنا عقيمة فى شان تعريف الوطن لابنائه
اذا عرفنا السودان حق المعرفة فى اجزائه و اركانه و مناطقه و قبائله و اثنياته و موارده حتى لما تم فصل الجنوب و لكنا جميعا وقفنا صفا و سدا منيعا ضد الفصل .
و دينق و ناسم و جمالياتهم فى حلفا ج عالم تانى .....
مودتى و تقديرى للجميع
| |
|
|
|
|
|
|
|
|
|
Re: Mahjob Abdalla (Re: Mahjob Abdalla)
|
Quote:
الأخ النصري
والله لو فصلت لينا في الموضوع دا تكون ما قصرت
لدي نهم دائم للمعرفة والإطلاع
وهذا ما دفعني للسؤال |
الأخ ودالبصير
معذرة لتأخر الرد .
كندا من الدول الصناعية و بالتالي معظم الأغذية تدخل (الصناعة) فى مرحلة من مراحل انتاجها و توصيلها المستهلك.
وبرضه كندا بلد غالية مقارنة بالولايات المتحدة (السبب قلة السكان و الضرائب الباهظة .
سبب ثالث ، وده رأى الشخصى ، نحن السودانيين في كندا نجد معاناة فى توفير الأغذية السوبر وال organic بصورة دائمة بسبب غلاء اسعارها ..هل تصدق فرق الفرخة العادية و ال organic يصل لبضع دولارات ....بالنسبة لى انا بقع الرخيص .
كذلك الفواكه هناك organic وهناك عادية مستفه كيماوية ..حتى زيت الطعام الأساسى اسمه
Canola عبارة عن بذرة معدلة جينيا .
اما الضأن ..انسى ..انا بحب الضان جدا لكن فى كندا احتمال شهر كامل ما اشترى كيلو واحد بسبب زفارة عجيبة و افضل الأسترالي المفرزن و هو (تافه جدا).
المهم الخلاصة
نحن السودانيين فى كندا محرومين من اكلنا السودانى الطبيعى و مدورين كيماوى
| |
|
|
|
|
|
|
|
|
|
Re: Mahjob Abdalla (Re: النصرى أمين)
|
أنتثال ، والله النسخة الأولى ما تغلا عليك تستاهليها 😄
توصلي بالسلامة. الى وجهتك ان شاءالله .
...................
سؤال. للأستاذ الفاضل هانئ عربي
بالجد كيف شاب. في سنك يكون أكتر حكمة من الأكبر سناً زي حالاتنا. ؟😂
ما شاء الله .
| |
|
|
|
|
|
|
|
|
|
Re: Mahjob Abdalla (Re: نعمات عماد)
|
Quote: أنتثال ، والله النسخة الأولى ما تغلا عليك تستاهليها 😄
توصلي بالسلامة. الى وجهتك ان شاءالله . |
سلام يا دكتورة نعمات
انا حاجز النسخة التالتة و بكلامكم اطالب ابوصلعة بمنحي مكتبة خاصة بي حتي اتمكن من مراجعة كتاباتي هذه التي لا اعلم عنها شيئا.
__________
تصدقي يا دكتورة لم يخطر ببالي ابدا ان كتاباتي بهذه المستوى الذي قلتيه.
التوقيع: VIP
| |
|
|
|
|
|
|
|
|
|
Re: Mahjob Abdalla (Re: Hani Arabi Mohamed)
|
Mahjob Abdalla
Gafar Bashir
احمد حمودى
علاء سيداحمد
يحي قباني
النصرى أمين
فيصل محمد خليل
محمد نور عودو
جمال ود القوز
امتثال عبدالله
ترهاقا
Biraima M Adam
محمد علي البصير
muntasir
محمد بدرالدين
محمد الأمين موسى
Mohamed Adam
ombadda
نعمات عماد
محمد عبد الله الحسين
السر عبدالله
Mutasim Idris
حسن ادم محمد العالم
عمر عبدالرحمن
AMNA MUKHTAR
حامد بدري
| |
|
|
|
|
|
|
|
|
|
Re: Mahjob Abdalla (Re: Hani Arabi Mohamed)
|
Quote: Mahjob Abdalla
Gafar Bashir
احمد حمودى
علاء سيداحمد
يحي قباني
النصرى أمين
فيصل محمد خليل
محمد نور عودو
جمال ود القوز
امتثال عبدالله
ترهاقا
Biraima M Adam
محمد علي البصير
muntasir
محمد بدرالدين
محمد الأمين موسى
Mohamed Adam
ombadda
نعمات عماد
محمد عبد الله الحسين
السر عبدالله
Mutasim Idris
حسن ادم محمد العالم
عمر عبدالرحمن
AMNA MUKHTAR
حامد بدري
معاوية المدير
|
إخوتي وأخواتي الأعزاء والعزيزات.
شكراً جزيلاً لكم ... مساهماتكم أثرت ال Post وجلبت السرور للأخ الحبيب Mahjob Abdalla ولكافة المشاركين فيه ولأعضاء المنبر والقراء.
اعتذر جداً لأني لم أرد ردوداً فردية. فظروفي الصحية لا تسمح. فأرجو منكم أن تسامحوني.
| |
|
|
|
|
|
|
|
|
|
Re: Mahjob Abdalla (Re: Hani Arabi Mohamed)
|
Quote: إخوتي وأخواتي الأعزاء والعزيزات.
شكراً جزيلاً لكم ... مساهماتكم أثرت ال Post وجلبت السرور للأخ الحبيب Mahjob Abdalla ولكافة المشاركين فيه ولأعضاء المنبر والقراء.
اعتذر جداً لأني لم أرد ردوداً فردية. فظروفي الصحية لا تسمح. فأرجو منكم أن تسامحوني.
|
وأعتذر أيضاً جداً إذا سقط أي اسم من أسماء المشاركين في الـ Post من القائمة سهواً دون قصد.
معاً نطالب الأخ الحبيب بكري أبو بكر بمكتبة للأخ الحبيب Mahjob Abdalla .
| |
|
|
|
|
|
|
|
|
|
Re: Mahjob Abdalla (Re: Hani Arabi Mohamed)
|
Quote:
Mahjob Abdalla
Gafar Bashir
احمد حمودى
علاء سيداحمد
يحي قباني
النصرى أمين
فيصل محمد خليل
محمد نور عودو
جمال ود القوز
امتثال عبدالله
ترهاقا
Biraima M Adam
محمد علي البصير
muntasir
محمد بدرالدين
محمد الأمين موسى
Mohamed Adam
ombadda
نعمات عماد
محمد عبد الله الحسين
السر عبدالله
Mutasim Idris
حسن ادم محمد العالم
عمر عبدالرحمن
AMNA MUKHTAR
حامد بدري
معاوية المدير
خضر الطيب
عمر التاج
Osman Awoda
أبوبكر عباس |
Quote: إخوتي وأخواتي الأعزاء والعزيزات.
شكراً جزيلاً لكم ... مساهماتكم أثرت ال Post وجلبت السرور للأخ الحبيب Mahjob Abdalla ولكافة المشاركين فيه ولأعضاء المنبر والقراء.
اعتذر جداً لأني لم أرد ردوداً فردية. فظروفي الصحية لا تسمح. فأرجو منكم أن تسامحوني. |
| |
|
|
|
|
|
|
|
|
 Re: Mahjob Abdalla (Re: Hani Arabi Mohamed)
|
| Quote: تصدقي يا دكتورة لم يخطر ببالي ابدا ان كتاباتي بهذه المستوى الذي قلتيه. |
الحبيب محجوب.. ولن أقول (الهبيب) لأني أذكر من أطلق هذا اللقب ومناسبة إطلاقه😂
كتاباتك : كالميزان.. باختصار
صادقة.. شجاعة.. ولبقة في نفس الوقت رغم صراحتها ووضعها للنقاط على الحروف.
تحياتي يا أصيل 🌻
ونطالب بكري بمكتبة عاجلة لحبيب البورداب.
| |
|
|
|
|
|
|
|
|
|
Re: Mahjob Abdalla (Re: ترهاقا)
|
آمنة مختار ، يديك العافية يا حبيبة ، لقد عبرتي عني .
إيش رأيك بالنسخة الرابعة ؟😂
ترهاقا. يا لك من جنتلمان ، لم و لن تسأل السيدة عن عمرها !
شكراً الحكيم هاني على الرد البليغ في الخاص .
يا محجوب يا اخوي على قولة البعشوم :
أرخي .. خلي الشكر يمشي 😂😂😂
| |
|
|
|
|
|
|
|
|
|
Re: Mahjob Abdalla (Re: نعمات عماد)
|
سلام اخ عمر عبدالرحمن و شكرا لمرورك الكريم.
في الاول قلت برلوم جديد و واجب الترحاب اولا و لكن لقيتك لابد هنا من 2013.
مرحب بيك و نشوفك تظهر اكثر ان شاءالله
سلام امنة
و شكرا لمرورك الكريم علي هذا الاطراء
| Quote: ولن أقول (الهبيب) لأني أذكر من أطلق هذا اللقب ومناسبة إطلاقه |
هذه الكلمة اطلقها في الترحاب لكل من اتداخل معهم و ما زلت استخدمها احيانا.
سلام دكتورة نعمات
| Quote: أرخي .. خلي الشكر يمشي |
شكر بلا حدود و دمتم.
و شكرا للاخ هاني مرة لجلوسه في المساطب من بعيد يتفرج.
| |
|
|
|
|
|
|
|
|
|
Re: Mahjob Abdalla (Re: Mahjob Abdalla)
|
مسا الخير عليكم
بامانة واحد من اصوات العقل والاتزان في المنبر يساهم بشكل عقلاني جدا في اثراء النقاش دون تعصب
ده غير انو اخلاقو عالية جدا حتى لحظات العراك والغضب
اتابع كتاباته قبل حتى الدخول للمنبر ربنا يكتر من امثالو ويفكنا من المتعصبين المتزمتين
| |
|
|
|
|
|
|
|
|
|
Re: Mahjob Abdalla (Re: معاوية المدير)
|
| Quote: اعتذر جداً لأني لم أرد ردوداً فردية. فظروفي الصحية لا تسمح. فأرجو منكم أن تسامحوني. |
الاخ هاني
سلامتك يا رجل و ربنا يكتب الشفاء العاجل ان شاءالله.
| |
|
|
|
|
|
|
|
|
|
Re: Mahjob Abdalla (Re: Hani Arabi Mohamed)
|
Quote: الطريق السليم لتكوين المجلس التشريعي هو ان تكون توزيع المقاعد بنفس الدوائر الانتخابية التي ستكون بعد الـ 3 سنين و في هذه الحالة لا تنفع مسألة المحاصصة بين المجلس العسكرى و قحت.
حيث يجب (ضرورى جدا) ان يكون التركيز الان لترسيم الدوائر الانتخابية اولا و من ثم ترشيح 3 اشخاص من اى دائرة انتخابية يتم التفاضل بينهم بأتفاق المجلس العسكرى و قحت و مكوناتها التي قد تضم الجبهة الثورية.
|
من إضاءات Mahjob Abdalla في شريط نقاش آخر في المنبر.
| |
|
|
|
|
|
|
|
|
|
Re: Mahjob Abdalla (Re: Hani Arabi Mohamed)
|
اووه هبيبنا هاني
شكرا لك كثير و انت تلتقط من الفريق المجاور كلمات قد تساهم في اضاءة الطريق لكي نتلمس المخرج لبناء سودان معافي.
طبعا في مراحل التفاوض لريما لم ينتبهه البعض لتفاصيل ما ذهبو اليه و اتمني من الجميع تدارك مواقفهم و مراجعتها و تحسين تلك الوثيقة التي خرجو بها.
| |
|
|
|
|
|
|
|
|
|
Re: Mahjob Abdalla (Re: Mahjob Abdalla)
|
شكراً كاتبنا انيق العبارة هاني عربي
و التحية عبرك للأخ محجوب عبد الله
انسان جميل الدواخل من خلال مداخلاته و بوستاته
اسأل الله ان يديم المحبة بين الناس
| |
|
|
|
|
|
|
|
|
|
Re: Mahjob Abdalla (Re: خضر الطيب)
|
شكرا اخ خضر لمرورك الكريم و لكلماتك الطيبات.
شوفو ده كلام مبارك الفاضل اليوم
Quote: دعا رئيس حزب الأمة مبارك الفاضل، لاستيعاب القوى السياسية التي شاركت في الثورة من غير الموقعين على إعلان الحرية والتغيير في عضوية المجلس التشريعي الانتقالي المقرر إعلانه حسب الوثيقة الدستورية خلال ثلاثة أشهر بعد التوقيع.
وقال الفاضل حسب (إس إم سي) اليوم (الخميس)، إنهم سيبذلون قصارى جهدهم لجمع الصف الوطني خلف برنامج الانتقال والإصلاح المؤسسي ومواجهة التحديات التي ستواجه عملية الإصلاح الاقتصادي والسياسي
، ودعا لاعتماد الحوار والتفاوض المباشر مدخلاً لحل النزاعات خاصةً المتعلقة بعملية تحقيق السلام.
وأكد الفاضل حرصهم على تأمين عملية الانتقال الديمقراطي مع القوى السياسية الأخرى التي ترغب في أمن واستقرار البلاد. |
ده ياهو الباب اللي احسن تسدو و تستريح.
اذا الحكاية مشت بطريقة المحاصصة, في الاخر حتبقي مسألة بتاعت جمع عواطلية في مبني الجمعية التاسيسية (البرلمان) و صرف مرتبات لمن لا يستحقون و معاها مصروفات فوق طاقة الخزينة العامة.
ربما يفكرون في ازالة اثار مايو (اولا) لانو مبني الجمعية التاسيسية كان بناهو نميرى و خت اعمدة كدا بتمثل 25 مايو.
و بعدها يفكرو في ازالة اثار الانقاذ و هي مجموعة عربات مقرشة في مدخل البرلمان كهبات لمجموعة العواطلية الجدد.
اذا ليس حلا اخر بخلاف تعيين الـ 300 شخص بعد ترسيم الدوائر الانتخابية و اختيارهم من هذه الدوائر. و يمكن النقاش في كيفية اختيارهم و ليس حول الـ 67% و الـ 33%.
| |
|
|
|
|
|
|
|
|
|
Re: Mahjob Abdalla (Re: Osman Awoda)
|
سلام عووضة و عمر التاج.
في هذا المنبر تتقاطع تبادل الافكار سلبا و ايجابا و يجب ان يظل المبدأ كذلك.
There is no absolute agreement on everything and no absolute disagreement on everything
_________________
في زول واحد بس في المنبر ده, انا كنت و ما زلت علي الـ Absolute disagreement معاه و لا ادخل بوستاته ابدا. الحمد لله اختفي بعد ابريل 11.
| |
|
|
|
|
|
|
|
|
|
Re: Mahjob Abdalla (Re: Mahjob Abdalla)
|
تجيب المبدأ يا محجوب، وتجي بعد سطر تنفيهو؟!!
المبدأ سليم
الإشكال إنك تكره الشخص المعني
والكراهية الدائمة من نواقص نضوج الشخصية
الغريبة الزول المعني دا كنت قاعد أحبو
| |
|
|
|
|
|
|
|
|
|
Re: Mahjob Abdalla (Re: أبوبكر عباس)
|
ابابكر سلام
و شكرا لمرورك الكريم. زى ما بقولو زارتنا الاستنارة بس خلينا في اختلاف الاراء بعيدا عن الكراهية.
و فعلا الكراهية حتي و لو لم تكن دائمة فهي منقصة للشخصية.
| |
|
|
|
|
|
|
|
|
|
Re: Mahjob Abdalla (Re: Mahjob Abdalla)
|
Quote: لو البداية غلط, من الصعب اصلاحه في نصف الطريق.
_____________
You can't change the rules of a game after the game already started |
اضاءات Mahjob Abdalla
(2)
في شريط نقاش مجاور في المنبر
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Hani Arabi Mohamed
Mahjob Abdalla
احمد حمودى
علاء سيداحمد
يحي قباني
فيصل محمد خليل
محمد نور عودو
جمال ود القوز
ترهاقا
Biraima M Adam
محمد علي البصير
محمد بدرالدين
محمد الأمين موسى
Mohamed Adam
ombadda
نعمات عماد
محمد عبد الله الحسين
السر عبدالله
Mutasim Idris
عمر عبدالرحمن
حامد بدري
معاوية المدير
خضر الطيب
عمر التاج
Osman Awoda
فيس بوك
تويتر
انستقرام
يوتيوب
بنتيريست