|
Re: 8' طائرات لسودانير (Re: mohmmed said ahmed)
|
السلام عليكم
الأقعد سودانير وقضى عليها هو الفساد وسوء الأدارة
قبل سنوات قليلة حيث لم تكن لسودنير أى طائرة فى الجو حضر ثمانية أشخاص ممثلين لسودانير فى معرض دبى للطيران !!!!
خبر وزارة الخارجية والعلاقات بأمريكا الذى ورد فى سياق البوست ما علاقته بموضوع سودانير ؟
مش أيربص شركة أوربية ؟
| |
|
|
|
|
|
|
Re: 8' طائرات لسودانير (Re: عباس محمود)
|
سلام عباس فساد سودانير كبير وعجيب شنو شركة متوقفة يسافر 8 منها لحضور معرض فساد سودانير نمت على حسابه كل شركات الطيران الخاصة فى السودان بيعت لهم طيارات سودانير بابخس الاثمان وحتى الان يستغلون امكانيات الشركة
خبر امريكا منفصل ما عندو علاقة بخبر الطائرات ما عارف ليه ادرج مع بعض
| |
|
|
|
|
|
|
Re: 8' طائرات لسودانير (Re: عباس محمود)
|
Quote: خبر وزارة الخارجية والعلاقات بأمريكا الذى ورد فى سياق البوست ما علاقته بموضوع سودانير ؟ |
كيفك عباس ... هو الموقف حال البلد شنو غير أمريكا ولستة الإرهاب ... طبعا مصالح الدول الأوربية مع أمريكا لا تقارن بمصالحها مع السودان .. دا غير سيف العقوبات والغرامات المسلط علي الشركات والبنوك الأوربية ... اخرها غرامة ٩ مليار دولار لي بنك فرنسي تعامل مع الحكومة السودانية ...
| |
|
|
|
|
|
|
Re: 8' طائرات لسودانير (Re: Salah Zubeir)
|
من جانبها قدمت السفيرة مها أيوب مدير إدارة أمريكا الشمالية بوزارة الخارجية شرحاً ضافياً حول تطور العلاقات بين السودان وأمريكا، . من جانبه أكد الأستاذ إبراهيم عدلان المدير العام لسلطة الطيران المدني استمرار جهود الدولة لدعم الناقل وتطوير صناعة الطيران في السودان لتلبية متطلبات مواكبة التطورات العالمية في مجالها. =============================== الحبيب زهير ... نفس العبارات التي تتردد في نشرة التلفزيون ( نشرة تسعة ) : ( شرحاً ضافياً ) كان لابد لها أن تذكر ( تضافر الجهود )
أما ابراهيم عدلان فعلى نفس النسق : ( أكد استمرار الجهود )
الحبيب زهير .. هوايتي متابعة نشرات التلفزيون
| |
|
|
|
|
|
|
Re: 8' طائرات لسودانير (Re: Salah Zubeir)
|
Quote: مقترح مقدم من شركة أيربص المصنّعة للطائرات بتزويد الناقل الوطني سودانير بـ (8) طائرات جديدة |
ومين الحيحاسب ع المشاريب ؟ .. أم هذا مقترح زلنطحي كسابقاته .. الاقعد سودانير الفساد الجاب الفلس .. فلن تنهض إلا بالمال .. والمال كما هو معروف (ببح).. يبقى ما يعشمونا بالحلق ونقدد اضنينا ع الفاضي .. لقد هرمنا من انبراشه سودانير دي .. ياهو العريان اللابس صديري .. جاريين ورا رفع الدعم لتلتيق الميزانية المفّسة .. ودايرين يشتروا 8 طيارات ايرباص .. بي كم مليار دولار !! .. اليوفروا العيش في الافران الاول .. السفر ملحوق .. شيء عجيب يأخ ...
| |
|
|
|
|
|
|
Re: 8' طائرات لسودانير (Re: جمال ود القوز)
|
والله الواحد يحسن بالحسرة والدونية لما يلقى نفسه مضطر لركوب خطوط مصرية أو تركية أو أفريقية للسفر لبلده .. اكيد أي خطوة لاستعادة سودانير سوف توضع أمامها العراقيل لأن قيامها يعرض مصالح شركات طيران أهلية وطيران دول للمنافسة .. للأسف الدولة السودانية كلها تحت كفالة الغير.. وهذه الثورة هي فرصة السودان لاعادة مكانته واسمه ومصالحه المنهوبة.
| |
|
|
|
|
|
|
Re: 8' طائرات لسودانير (Re: محمد على طه الملك)
|
أخي زهير هذا الخبر لا قيمة له. لأن أيرباص تبيع الطائرات ولا تهبها. فكونها تقترح أو لا تقترح لا يعني شيئا طالما أن حكومة السودان ليس لها المال الكافي لشراء 8 طائرات أو حتى طائرة واحدة. يكون الخبر خبرا عندما تتعاقد حكومة السودان على شراء ثمان طائرات من أيرباص أو بوينج، أما ما ورد أعلاه فكلام للاستهلاك فقط.
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|