|
|
|
 Re: ***** الـعـايـــز يـتـونس يـجـي هـــــــــ� (Re: ABUHUSSEIN)
|
عدم الذوق دا حقيقة بدلالة نكتتك البايخة دي
بالله هسع الحيوانات ذنبهم شنو يحرقوهم!
ال يحرقوا البشر البتفنجط بلا وترة ديل ويحرقوا في الباندويس حريييق
الواحد معرج واسكوروا تلاتين وبعد كدة يطفى الجوكر
حريقة تخمكم ؛)
المهم امشي أصلى واشوف الحيـــوان وارجع
| |
 
|
|
|
|
|
|
|
 Re: ***** الـعـايـــز يـتـونس يـجـي هـــــــــ� (Re: ابو جهينة)
|
| Quote: غايتو ادريس وزير الرى وابو التومات وابو سنينة عاوزنها مفتوحة على مصراعيهاا |
هلالالالالالالا وغلالالالالالالا وحلاتكم لما بالكم يكون رايق
يا ريس ابوجهينة الونسة الناشفة ما حلووووووة لازم نطعمها
لكن السعال المهم ود الزين وابوحسين سمياتهم كانت فى يوم واحد النقرابى الشديد دا شن لزومة
غايتو يا ابوحسين دخلنا نصبح ونمسى حسب التوقيت العالمى لخط امبدة والحاج يوسف وسلاما خاص لصبى ود السايم ( صابحنى دائما مبتسم)
ونشوف جماعتنا رايهم
وزير الرى
واوسى
الخليفة ابوريدة
وحمد لبد
والعقد اللايوق ويكة الشرق ديك
ولا يفوتنى دخول ناس اربجى ود المدير
والسلام ختام
ويا ود الزين دفعنا وجددنا ومحترين الدفعة الرابعة وختامنا مسك
اهم شى المرمغة مع المتمرمغ المترددق ود السايم
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ABUHUSSEIN)
|
أستاذنا أبو جهينة
| Quote: ونسة عامة ولا محددة؟ |
الونسة عامة ...
| Quote: غايتو ادريس وزير الرى وابو التومات وابو سنينة عاوزنها مفتوحة على مصراعيها |
مفتوحة دي كان للونسة نعم .....
لكن ناسك ديل ما مضمونيين لو خليتها ليهم مفتوحة على مصراعيها بجو بي غنمهم و بقرهم كمان ..... 
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: اخلاص عبدالرحمن المشرف)
|
ويا ود الزين دفعنا وجددنا ومحترين الدفعة الرابعة وختامنا مسك
================
تحياتي أبوحسين ..
حظك الحبيب الجميل أبوسنينه .. شكرا أبوجهينة أن أحضرت هذا الجميل
حظك كمان دفعت أنا باقي لي شهرين ..
تحياتي يا شباب
أنا من ناس ضواحي الدنيا ما عارف أتونس بالعربي
هههههه ما عايز أي كلام عن الرسوم .. سودانيز بالنسبة زي ساقية جدي وضل نخلة فيها
نهرب من الاغتراب لسودانيز
تحياتي الحبيب أبو حسين ..
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ادريس خليفة علم الهدي)
|
Quote: هلالالالالالالا وغلالالالالالالا وحلاتكم لما بالكم يكون رايق
يا ريس ابوجهينة الونسة الناشفة ما حلووووووة لازم نطعمها |
جيب معاك ملح بالله ....
شنو يا أبو سنينة عايز تحرف لي البوست و ل كيف ...؟؟؟؟
Quote: لكن السعال المهم ود الزين وابوحسين سمياتهم كانت فى يوم واحد النقرابى الشديد دا شن لزومة
غايتو يا ابوحسين دخلنا نصبح ونمسى حسب التوقيت العالمى لخط امبدة والحاج يوسف وسلاما خاص لصبى ود السايم ( صابحنى دائما مبتسم)
ونشوف جماعتنا رايهم
وزير الرى
واوسى
الخليفة ابوريدة
وحمد لبد
والعقد اللايوق ويكة الشرق ديك
ولا يفوتنى دخول ناس اربجى ود المدير
والسلام ختام
ويا ود الزين دفعنا وجددنا ومحترين الدفعة الرابعة وختامنا مسك
اهم شى المرمغة مع المتمرمغ المترددق ود السايم |
ابو سنينة دا بوست ونسة ما ميدان أبو جنزير ....
ود الزين زول عواليق و متعود كل ما أفتح بوست يجي يتعولق كدا و يمشي ....
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: علي عبدالوهاب عثمان)
|
Quote: هههههه ما عايز أي كلام عن الرسوم .. سودانيز بالنسبة زي ساقية جدي وضل نخلة فيها
نهرب من الاغتراب لسودانيزÙ .. |
ياراجل وينكككككككككك والله البوست يا ابوحسين وابو جهينة شكلة حيرجعنا لايام الممسايخ والعنكوليب والايام الحلوة
اخونا على وين ايامك ووين كتاباتك صراحة الاخيدر المسمخ دا ود الحرام فرق بين الناس
عودا حميدا واخبارك
الدفع بالتى هى احسن والدفع الرباعى مسردبين ليه سنين يااااااااااخ الدفعناه للكيزان قصا ضهرنا فهنا من باب الدعابة مع ود الزين وابو حسين نظام هبة نااااار منقد بهبابة سعف وحلاوة كلام
نورت وشرفت وابقا مارق وجيب من بين الكلاوى
ابوحسين دا متخصص فى شغل الحبوبات والونسة العجب كان جاب ليها قهوة طين ونكمل الناقصة
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ABUHUSSEIN)
|
Quote: تحياتي أبوحسين ..
حظك الحبيب الجميل أبوسنينه .. شكرا أبوجهينة أن أحضرت هذا الجميل
حظك كمان دفعت أنا باقي لي شهرين ..
تحياتي يا شباب
أنا من ناس ضواحي الدنيا ما عارف أتونس بالعربي
هههههه ما عايز أي كلام عن الرسوم .. سودانيز بالنسبة زي ساقية جدي وضل نخلة فيها
نهرب من الاغتراب لسودانيز
تحياتي الحبيب أبو حسين .. |
حبيبنا أستاذ علي
ياخ شلت عربي نوبي أي شي مشي حالك المهم المشاركة ....
تسلم يا غالي
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ABUHUSSEIN)
|
Quote: ياراجل وينكككككككككك والله البوست يا ابوحسين وابو جهينة شكلة حيرجعنا لايام الممسايخ والعنكوليب والايام الحلوة
اخونا على وين ايامك ووين كتاباتك صراحة الاخيدر المسمخ دا ود الحرام فرق بين الناس
عودا حميدا واخبارك
الدفع بالتى هى احسن والدفع الرباعى مسردبين ليه سنين يااااااااااخ الدفعناه للكيزان قصا ضهرنا فهنا من باب الدعابة مع ود الزين وابو حسين نظام هبة نااااار منقد بهبابة سعف وحلاوة كلام
نورت وشرفت وابقا مارق وجيب من بين الكلاوى
ابوحسين دا متخصص فى شغل الحبوبات والونسة العجب كان جاب ليها قهوة طين ونكمل الناقصة |
خلعتني يا أبو سنينة ياخ ....
ياخ علي دا موجود في المنبر أكتر من بكري زاتو ....
إنت البتغيب ....
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: Yousif A Abusinina)
|
هههههههه
غايتو البراءة يسقوها موية لبن في البوست دا ...
قال ايييبه قال ونسه ... قوم لوص يا قول مولانا ...
هههههههههههههههه
١ :- الجزو اللول خورنو .. دا الجزو التاني ...؟!!!!
٢ :- ولا الموضوع طالعني دايمن وأنا منتظر ...
كدي نشوف لغاية آخر الليل ... إذا وصل
الزبون نمسك حكاية ولد حبوبتي الداير
يعرس ميمونه علينا ... مداخلتي الجايه باكر الصباح ...
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ABUHUSSEIN)
|
Quote: هههههههه
غايتو البراءة يسقوها موية لبن في البوست دا ...
قال ايييبه قال ونسه ... قوم لوص يا قول مولانا ...
هههههههههههههههه
١ :- الجزو اللول خورنو .. دا الجزو التاني ...؟!!!!
٢ :- ولا الموضوع طالعني دايمن وأنا منتظر ...
كدي نشوف لغاية آخر الليل ... إذا وصل
الزبون نمسك حكاية ولد حبوبتي الداير
يعرس ميمونه علينا ... مداخلتي الجايه باكر الصباح ... |
جيت يا هادم اللذات ؟؟؟؟
| Quote: يعرس ميمونه علينا ... |
يا النبي نوح ....
حاج الطيب استغفر ربك .... 😂😂😂😂😂😂
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ABUHUSSEIN)
|
أهلاً أبو حسين
ده بياضنا
واحد من الكيزان قال بي حرقه وأسى حتى الأطفال بقو مابيحترمونا 😠
ويواصل الكوز قائلا : بنت أختي الصغيره بتحكي لي :
نفسي أدخل الجنة عشان أسأل فرعون بنى الأهرامات كيف ؟🤔
قلت ليها : حبيبتي فرعون ما في الجنه فرعون في جهنم !!
قالت لي : خلاص تسأله لي أنت 🙄
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ABUHUSSEIN)
|
بصراحة قدرت ما قاومت وصهينت وربعت يديني غلبني..الا اعلق على نكتة استراليا البايخة دي
اصلا ما قدرت اسكت ..لانه خوفتا لو علقت ممكن ابوحسين ببساطة يقول ليك ( ليه! عايز تمشي)
ويقوم يحرجنا في البرد دا . لكن لازم اسأل :انت النكتة بتاعة كنغر استراليا دي ألفتها انت؟
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: امتثال عبدالله)
|
Quote: واحد من الكيزان قال بي حرقه وأسى حتى الأطفال بقو مابيحترمونا 😠
ويواصل الكوز قائلا : بنت أختي الصغيره بتحكي لي :
نفسي أدخل الجنة عشان أسأل فرعون بنى الأهرامات كيف ؟🤔
قلت ليها : حبيبتي فرعون ما في الجنه فرعون في جهنم !!
قالت لي : خلاص تسأله لي أ |
حلوة بس فيها فاول واضح ياحكم
ولو السياسة ما ممنوعة حاكم دي
Quote: سألت معلمة اللغة العربية الطلاب في الامتحان :
ذهبت في رحلة فواجهتكم مجموعة من العراقيل؛ أكتب نصا" تشرح فيه هذه الحادثة :
كتب أحد الطلاب مايلي:
خرجت مع عائلتي للتنزه في الغابة المجاورة فهاجمتنا العراقيل ، فأمسك أبي بعرقول كبير وقتله فهربت باقي العراقيل وعشنا جميعا" بسلام
🤣🤣🤣🤣
ذکرنی هناي داك بتاع نصر الدين |
| |
|
|
|
|
|
|
|
|
 Re: ***** الـعـايـــز يـتـونس يـجـي هـــــــــ� (Re: جمال ود القوز)
|
Quote: بصراحة قدرت ما قاومت وصهينت وربعت يديني غلبني..الا اعلق على نكتة استراليا البايخة دي
اصلا ما قدرت اسكت ..لانه خوفتا لو علقت ممكن ابوحسين ببساطة يقول ليك ( ليه! عايز تمشي)
ويقوم يحرجنا في البرد دا . لكن لازم اسأل :انت النكتة بتاعة كنغر استراليا دي ألفتها انت؟ |
هي بوستات ابو حسين كدا
قراءة
تفكير
تأمل
إبتسامة رضى إذا فهمت مضمون البوست
رهبة و خوف من كتابة مداخلة تكون لا تليق و روعة البوست
عافي ليك ....
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: HAIDER ALZAIN)
|
الحبيب اب سنينة .. سلامات وانت المرحب بيك ببوستنا انا وابوحسين العامر هذا..
غايتو يآخي برد يقطع النخـــرة..
ومافيــك الا تجر البطانيــة وتقعد تحسب الباقي للكفيــل كم :(
حليــل الرى وأيام الرى ووزارة الري كان هسع الواحد سايق العجلة سداري وفاكي الزراير خخخخخخخخخخخخ
بمناسبة بطانية السقط ياعم عليعبدالوهاب في قصة حصلت لي حكاها لي واحد اخونا .
قالوا ليهو قالوا جونا شابين من اهلنا في البندر ومعاهم سواق ماشين الرباطاب للدهب والزمن كيــاح يحمي الكلــب النباح..
قمنا ضيفناهم وباتو..
الصباح عمك السواق من تحت بطانيتو كورك لأخوي ...
مدّ ليهو المفتاح وقال ليهو دور العربية دي التسخن باقي مستعجلين بالحيــل
بعدها جاب ليهم الشاي اب لقيمات وعمك بين الجقمة والقُرمة يقص ليهو قصة واحد قال ناوي الحج الا استطاعتو ضيقة
قال بينما ذات ليلة وهو قاعد جنب البحر متحسر وعشمان جاهو مارد شيطان قال ليهو اركب في ضهري اقطعك البحر..
عمك اتوكل وشكر ربو ولبى وشد الشيطان قاطعين البحر..
وهم على مشارف جدة عمك قالوا بسم الله وصلنا متييين..
قال فت الشيطان اختفى.. والراجل تووووش لقي نفسو وسط الموية ..!!
اخونا قال عمك السواق اخد ليهو ضحكة رائعة كدة وقال ليهو .. أها عمك داير يعوم في البحر يدو ضربت عكفة السرير وصحى من الحلمة...
ههههههههه والبحر سرير وعايم في بولو
السواق رترت الكباية وحترب الحترب وجقمو وخت سفة وشكرنا على حسن اليافة والكرم
وساق سبابو واتوكل على الله ونحن نضحك من روعة القصة..
الضيوف مشو وجماعة اخوي جو يرتبو الديوان..لقو مرتبة السواق مقلوبة
وراسم عليها خريطة البحر الاحمر بي ببوله خخخخخخخخخخخخ
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: HAIDER ALZAIN)
|
قال ليك يا ابو حسين ترامب جاتو ازمة قلبية و مات
الجماعة طوالى رفعوه للجحيم
فى الباب لقى ليهو شيطان واقف و قال ليهو
يا ترامب انت ما فى اللستة بتاعتى و عندى تلاتة غرف و مليانات
ترامب قال ليهو خلاص رجعنى
الشيطان قال ليهو جانى اخطار انك تختار واحد من الموجودين فى الغرف التلاتة
نطلّعو و انت تخش مكانو
فتحو الغرفة الاولى لقاها مليانة موية و نكسون يغطسوهو يفتفت يطلع تانى يغطسوهو
ترام قال للشيطان لالا ما بخش هنا انا ما بعرف اعوم
فتحو الغرفة التانية لقاها مليانة صخور و تونى بلير شايل ازمة و يشيل و يدق فى الصخور
ترامب قال ليهو انا عندى وجع اكتاف و جنس الشغل ده ما بقدر عليهو
فتحو الغرفة التانية لقى ليك بل كلنتون راقد مبسوظ و جمبو مونيكا تفعل معه افضل ما لديها
ترامب قال للشيطان بس دخلنى هنا
الشيطان اتلفت على مونيكا و قال ليها اتخارجى
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ABUHUSSEIN)
|
Quote: ابو حسين
اسفة فعلا ما سلمت ، من كثرة الضحك من نكتة اخلاص عن تعليق البنية على خالها الكور نسينا نسلم.
السلام عليك يا ابو حسين وعلى ضيوفك،،
وجاياك بمهلة للمشاركة في الونسة ، بس متوعكة شوية اليومين ديل،،،
|
بتنا امتثال و عليكم السلام
البوست للونسة يعني ما رسمي ما فيه اسف
سلامتك و حيدر الزين كرامتك
تسلمي من كل شر
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: صلاح الدين ابراهيم الفضل)
|
غايتو ما قول شى
مسانيح
ومدعيين
ومساخيط
ويا ابو حسين لميت لنا ناس زمان الحلاتهم تعشرق الحلق
الكندكات اخلاص وامتثال ديل من العنكوليب الزرعوا العريبى شيقااااااااااااا
وأأأأأأأأأت يا حيدر براحه على ابوحسين حبيبنا لكن فى عريبى بهناك اسمه ابوريدة كان جاء امعطة والحساب معاى اناااااااااااا
على نورت ونورك قطع على الكهرباء الجاتنا من المصرين من حلفا لما تصل الخرتوم تصل باقى سيجارة
غااااااايتو نسكت ونشوف الباقى بعدين
ههههههههههههههههههههههههههههه لكن الكيزان امانة ما وقعوا
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: صلاح الدين ابراهيم الفضل)
|
غايتو ما قول شى
مسانيح
ومدعيين
ومساخيط
ويا ابو حسين لميت لنا ناس زمان الحلاتهم تعشرق الحلق
الكندكات اخلاص وامتثال ديل من العنكوليب الزرعوا العريبى شيقااااااااااااا
وأأأأأأأأأت يا حيدر براحه على ابوحسين حبيبنا لكن فى عريبى بهناك اسمه ابوريدة كان جاء امعطة والحساب معاى اناااااااااااا
على نورت ونورك قطع على الكهرباء الجاتنا من المصرين من حلفا لما تصل الخرتوم تصل باقى سيجارة
غااااااايتو نسكت ونشوف الباقى بعدين
ههههههههههههههههههههههههههههه لكن الكيزان امانة ما وقعوا
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: صلاح الدين ابراهيم الفضل)
|
غايتو ما قول شى
مسانيح
ومدعيين
ومساخيط
ويا ابو حسين لميت لنا ناس زمان الحلاتهم تعشرق الحلق
الكندكات اخلاص وامتثال ديل من العنكوليب الزرعوا العريبى شيقااااااااااااا
وأأأأأأأأأت يا حيدر براحه على ابوحسين حبيبنا لكن فى عريبى بهناك اسمه ابوريدة كان جاء امعطة والحساب معاى اناااااااااااا
على نورت ونورك قطع على الكهرباء الجاتنا من المصرين من حلفا لما تصل الخرتوم تصل باقى سيجارة
غااااااايتو نسكت ونشوف الباقى بعدين
ههههههههههههههههههههههههههههه لكن الكيزان امانة ما وقعوا
| |
|
|
|
|
|
|
|
|
 Re: ***** الـعـايـــز يـتـونس يـجـي هـــــــــ� (Re: Yousif A Abusinina)
|
طالما الونسة جابت الونسة .. حقيقة بحب استغل هذه المساحة الطيبة ووبوستنا هذا الرحيب محل ترحابنا وتقدير الأعضاء للإشادة بالروح الطيبة والتقدير الشديد الذي ابدته اوالموسيقية الراقية
الاستاذة الفنانة ريـــان الساتة ..
https://www.0zz0.com
أعلنت الفنانة ريان الساتة رفضها التام الغناء في المدينة المنورة ومقاطعة الحفل الذي تم الإعلان عنه ضمن حفلاتها الغنائية التي تقيمها خلال شهر يناير الجاري في المملكة العربية السعودية.
وقالت الفنانة انها تعتذر عن أداء حفلة المدينة المنورة او ما جاورها من المدن وذلك أحتراما للشعائر الاسلامية المقدسة معتذرة للشركة المنظمة للحفل وللجالية السودانية في المدينة المنورة .
منوهة إلى انها ستعوض ذلك في حفل يقام في مدينة جدة وقد وجد اعتذاراها الاشادة من الجمهور الذي يتابعها عبر صفحتها الرسمية في الفيسبوك .
صفقوا ليها يا جماعة ..
ــــــــــــ..
وابييييت يا ابوحسين :)
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ABUHUSSEIN)
|
ممكن أضيييف ؟؟؟؟
- قالو الصين عملت كاميرات تكشف من بعيد المصابين بمرض الكورونا.
-ناس قطر جرى ركبوا اجهزة استشعار حرارية فى المطار.
- ناس مطار الخرطوم ختوا عسكرى بيسألك فى باب الطيارة:- محمووم؟!!
الفلس_كعب
بالمنافسة ....
فتشت بوست الشاويش الكضاب ما لقيتو ... اتلحس ولا شنو ؟؟؟؟
وانتو عارفينو كضااب ... عاملين ليو قوومة وقعدة مالكوووم ؟؟؟
عـــاالـــم بطاالــــــــــــــــــــة ,,
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: محمد مجيدو)
|
واحد كثير الديون ...
و مشهور بماطل الديانة كتير
و جنو يقول للديانة لم يجوهو امهلني يوم يومين اسبوع اسبوعين
المهم مدين ليه قروش من واحد و عزبو شديد
الراجل تعب من امهلني قام قال ليه :-
يا زول و الله كرهتني ما قروشي دي و الله ما اسألك منها تاني بسألك منها يوم القيامة
صاحبنا اتكيف و ضحك و قال ليه :-
و الله لكن مهلتني مهلة
😂😂😂😂😂😂😂😂😂😂😂😂😂😂😂😂
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: محمد مجيدو)
|
الاخ حيدر الزين
***
بمناسبة بطانية السقط ياعم عليعبدالوهاب في قصة حصلت لي حكاها لي واحد اخونا .
قالوا ليهو قالوا جونا شابين من اهلنا في البندر ومعاهم سواق ماشين الرباطاب للدهب والزمن كيــاح يحمي الكلــب النباح..
قمنا ضيفناهم وباتو..
الصباح عمك السواق من تحت بطانيتو كورك لأخوي ...
مدّ ليهو المفتاح وقال ليهو دور العربية دي التسخن باقي مستعجلين بالحيــل
بعدها جاب ليهم الشاي اب لقيمات وعمك بين الجقمة والقُرمة يقص ليهو قصة واحد قال ناوي الحج الا استطاعتو ضيقة
قال بينما ذات ليلة وهو قاعد جنب البحر متحسر وعشمان جاهو مارد شيطان قال ليهو اركب في ضهري اقطعك البحر..
عمك اتوكل وشكر ربو ولبى وشد الشيطان قاطعين البحر..
وهم على مشارف جدة عمك قالوا بسم الله وصلنا متييين..
قال فت الشيطان اختفى.. والراجل تووووش لقي نفسو وسط الموية ..!!
اخونا قال عمك السواق اخد ليهو ضحكة رائعة كدة وقال ليهو .. أها عمك داير يعوم في البحر يدو ضربت عكفة السرير وصحى من الحلمة...
ههههههههه والبحر سرير وعايم في بولو
السواق رترت الكباية وحترب الحترب وجقمو وخت سفة وشكرنا على حسن اليافة والكرم
وساق سبابو واتوكل على الله ونحن نضحك من روعة القصة..
الضيوف مشو وجماعة اخوي جو يرتبو الديوان..لقو مرتبة السواق مقلوبة
وراسم عليها خريطة البحر الاحمر بي ببوله خخخخخخخخخخخخ
*
اضحك الله سنك
| |
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ابو جهينة)
|
معليش للحضور المتأخر و القراية السريعة للمداخلات
أوقفتني كلمة في هذا الرد المسيخ للمرشح الأول لجائزة أمسخ زول في المنبر
حسب التصويت الجاري في بوست مجاور ....
Quote: تبلع السم انت ياخ .....
انت بلعت ذمتك ما قادر تبلع ليك حقيقة ... ؟؟؟؟
|
من الونسات اللطيفة في مجتمعات المهاجرين هي اللغة العربية المكسرة التي
ينطقها أبناء المهاجرين في بلاد الله الواسعة ...
بنتي الكبيرة حنينة شديد و يوم قالت لي :(( بابا إنت لَبَعْتَ الحبة بتاعة الضغوت))
دي حصلت حقيقية و غيرها كتير
و هناك أخطاء كتيرة ممكن أن تُقال و يحكوها ناس في هذا المقال
و ح احكي غيرها إذا ما إتماسخ علينا صاحب البوست
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: Hamid Elsawi)
|
اها دي انا حاضرها
عمي عثمان هو وولدو كريس :
أسبوع : سمن على عسل
واسبوع : الشحمة والنار
انا صادفت أسبوع الشحمة والنار
كانوا متشكلين شكلة قوية داك اليوم
جينا نصلي المغرب في الجامع
عمنا جاء متأخر شوية في آخر الصف الوراء .
بعد السلام عليكم سأل قال : " انتو الزول الصلى بنا دا منو؟"
اجابه الحوفي: " دا كريس" .
"كريس ولدي؟ ؟؟؟؟؟؟؟؟؟؟؟"
"دا كتاب الله القديم سابي لي دين قبل ساعة واحدة"
و على طول " الله اكبر الله اكبر اشهد أن ..........:
وقام عاد الصلاة
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: MOHAMMED ELSHEIKH)
|
Quote: غايتو ما قول شى
مسانيح
ومدعيين
ومساخيط
ويا ابو حسين لميت لنا ناس زمان الحلاتهم تعشرق الحلق
الكندكات اخلاص وامتثال ديل من العنكوليب الزرعوا العريبى شيقااااااااااااا
وأأأأأأأأأت يا حيدر براحه على ابوحسين حبيبنا لكن فى عريبى بهناك اسمه ابوريدة كان جاء امعطة والحساب معاى اناااااااااااا
على نورت ونورك قطع على الكهرباء الجاتنا من المصرين من حلفا لما تصل الخرتوم تصل باقى سيجارة
غااااااايتو نسكت ونشوف الباقى بعدين
ههههههههههههههههههههههههههههه لكن الكيزان امانة ما وقعوا |
ابو سنينة ياخ الله يهدينا و يهديك حيدر الزين دا بدخل بوستاتي عايز يشتهر علي حسابي
ف ياخي رجاءا ما تقعد كل مداخلاتك تجيب لي سيرة العواليق دا ...
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ABUHUSSEIN)
|
Quote: سيف الدين بابكر
برهان - حمدان - حمدوك وغيرهم، زعامة مؤقتة وتمهيدية.
الثورة الزنجية قادمة، سودان جديد أسود
#البديل
عبد الواحد نور - رئيس جمهورية السودان
عبد العزيز الحلو - وزير الدفاع
وكل من تحدث العربية (كوز)...و(كل عربي ندوسه دوس) |
دا واحد بتونس معاكم من الفيس .....
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ABUHUSSEIN)
|
Quote: طالما الونسة جابت الونسة .. حقيقة بحب استغل هذه المساحة الطيبة ووبوستنا هذا الرحيب محل ترحابنا وتقدير الأعضاء للإشادة بالروح الطيبة والتقدير الشديد الذي ابدته اوالموسيقية الراقية
الاستاذة الفنانة ريـــان الساتة .. |
عارف اهتماماتك يا عربي يا عواليق ....
ريان الساتة ... ؟؟؟ احييييييييي يا لطيف ... 😂😂😂😂😂😂😂
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ABUHUSSEIN)
|
Quote: معليش للحضور المتأخر و القراية السريعة للمداخلات
أوقفتني كلمة في هذا الرد المسيخ للمرشح الأول لجائزة أمسخ زول في المنبر
حسب التصويت الجاري في بوست مجاور ....
|
حامد الصاوي جاييني في بوسطيني و مطلعني مسيخ ... !! لأ و كمان امسخ واحد في المنبر ؟؟؟؟
لي علمك المساخة فن و ذوق و ادب و المساخة خشم بيوت فيها المحبب و فيها المهبب
بعدين حاج الطيب و الطريفي ديل غير المساخة ما عندي ليهم شي لأنهم الاتنين عواليق ساي ...
😂😂😂
البوست المجاور دا فتشتو ما لقيتو .....
Quote: من الونسات اللطيفة في مجتمعات المهاجرين هي اللغة العربية المكسرة التي
ينطقها أبناء المهاجرين في بلاد الله الواسعة ...
بنتي الكبيرة حنينة شديد و يوم قالت لي :(( بابا إنت لَبَعْتَ الحبة بتاعة الضغوت))
دي حصلت حقيقية و غيرها كتير
و هناك أخطاء كتيرة ممكن أن تُقال و يحكوها ناس في هذا المقال
و ح احكي غيرها إذا ما إتماسخ علينا صاحب البوست |
احكي حكيك خليك من مساختي ... 😂😂
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ABUHUSSEIN)
|
Quote: عمي عثمان هو وولدو كريس :
أسبوع : سمن على عسل
واسبوع : الشحمة والنار
انا صادفت أسبوع الشحمة والنار
كانوا متشكلين شكلة قوية داك اليوم
جينا نصلي المغرب في الجامع
عمنا جاء متأخر شوية في آخر الصف الوراء .
بعد السلام عليكم سأل قال : " انتو الزول الصلى بنا دا منو؟"
اجابه الحوفي: " دا كريس" .
"كريس ولدي؟ ؟؟؟؟؟؟؟؟؟؟؟"
"دا كتاب الله القديم سابي لي دين قبل ساعة واحدة"
و على طول " الله اكبر الله اكبر اشهد أن ..........:
وقام عاد الصلاة |
و ديل ان شاء الله قاعدين في بيت واحد .... ؟؟
😂😂😂😂😂😂
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: ABUHUSSEIN)
|
اسمع .. انا ماشي أنوم رد على الضيـوف ديل وواجبهم بذوق زي ماوريتك
ما تقعد تكوجن تخرب لي البوست ..يكفي يآخي انه الواحد إنتزع ضحكة من الريس ابوجهينة ..
ودا شئ إنجاز يحصل في بوست مفترعه انت ..
كدي بس اتخيل انا م خشيت البوست دا كان بكرة جمعية البورداب حا تمشي كيف والريس ما خفف ضغوطه وانشغاله بكيان البورداب الغظيم ؟
تخيل بس ؟؟؟؟؟
وخليك عميق .
وخفف دمك شوية مع الضيوف
جامله وإبتسامة تعلو مداخلاتك بدل اللتاخة دي..
سلامات
وبكرة إجازة
ـــــــــــــ
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: HAIDER ALZAIN)
|
هههه يا حيدر الريس بى غادى فاتح ليهو حفرة عبيقا ضارب
ضحكتو البى جاى دى خيط دخّان و سِرحة طلح بس
هسى سمع اضانى دى قاعد يغنى قى
في مرة طاف بينا الخيال بعد الغـياب الطـال جـرح
شفنا البخور في الريح عبق و الليل شرب عطر الطلح
و القمرة نامت في الرمال و الطين شرب نديان صبح
و الغيم ربض فوق الفريق شافو الشتل شابى و فرح
الغريبة الشّيالين يشيلو معاهو
دخّنوها و صقيرا حام
كنت داير اجيب ليهم ونسة نسوان حول حفرة الدخان
لكن خفت يلحقونى بى قائمة الاستاذ المحترم صلاح الزبير
والله صحى
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: جلالدونا)
|
Quote: حبيبنا أبوحسين .. تحيايت
الأغرب .. قريبي عووضة لم يظهر إلى الآن
مع انه متخصص ..
جعل الله المانع خيراً
مودتي الحبيب |
حبيبنا استاذ علي
قريبك دا ما بجي هنا لأنو دا بوست محترم يعني ما الملعب المناسب ليه
كان جاء هنا بتعولق* و بتكوجل** و بنبرش*** و بتكوم**** لينا في الواطة .....
بعدين عاملين ليه عملية غضروف .... 😂😂😂😂
* بعمل حركات كدا ما حلوة
** بمشي بي طريقة هبلة و عبيطة
*** يقع على الارض و كرعينو و يدينو مفتوحات
**** يقع على الارض فجأة كدا
😂😂😂😂😂😂😂😂😂
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: adil amin)
|
Quote: اسمع .. انا ماشي أنوم رد على الضيـوف ديل وواجبهم بذوق زي ماوريتك
ما تقعد تكوجن تخرب لي البوست ..يكفي يآخي انه الواحد إنتزع ضحكة من الريس ابوجهينة ..
ودا شئ إنجاز يحصل في بوست مفترعه انت ..
كدي بس اتخيل انا م خشيت البوست دا كان بكرة جمعية البورداب حا تمشي كيف والريس ما خفف ضغوطه وانشغاله بكيان البورداب الغظيم ؟
تخيل بس ؟؟؟؟؟
وخليك عميق .
وخفف دمك شوية مع الضيوف
جامله وإبتسامة تعلو مداخلاتك بدل اللتاخة دي..
سلامات
وبكرة إجازة |
نوم .... قالو نوم الظالم عبادة
عارف يا الطريفي مشكلتك زول مكابر و جاحد و ناكر جميل ....
لولا بوستاتي البتجي تنطط فيها زي الشافع الادوهو حلاوة دي ما في زول بعرفك
و لولا ظهورك الدائم في بوستاتي اللي اوهم الناس انك صاحبي مافي زول بشتغل بيك الشغلة
المفروض تشكرني و تدعو لي الله يحفظني عشان ما ينقطع عنك الخير دا كلو
و قوم لف ....
| |
|
|
|
|
|
|
|
|
|
Re: ***** الـعـايـــز يـتـونس يـجـي هـــــــــ� (Re: Salah Zubeir)
|
🤣🤣🤣🤣🤣🤣🤣
الولد جا البيت جيعان قال لي امو في حاجه ياكلوها
قالت ليهو شوف التلاجه
لقي بيض ضربو وسلطة اسود ضربه ودمعة جداد نسفه
عاين تحت لقي عجور و جزر ضربو ولقي زبادي شفطو
عاين فوق لقي عصير شربو
وقفل التلاجه ويقش في خشمو مارق امو نادتو قالتليهو
عليك الله افصلها من الكهرباء معاك
😂😂😂
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
ABUHUSSEIN
باسط المكي
HAIDER ALZAIN
ياسر السر
علي عبدالوهاب عثمان
عمر التاج
محمد عبد الماجد الصايم
جلالدونا
ابو جهينة
Yousif A Abusinina
ادريس خليفة علم الهدي
Hafiz Bashir
Salah Zubeir
Ahmed Yassin
جمال ود القوز
عبدالحفيظ ابوسن
صلاح الدين ابراهيم الفضل
MOHAMMED ELSHEIKH
محمد مجيدو
Hamid Elsawi
adil amin
فيس بوك
تويتر
انستقرام
يوتيوب
بنتيريست