|
|
|
 Re: يا المضمّر مفدوع و كاحل .. (Re: يحي قباني)
|
يا الغرامك لي جسمي ناحل
يا المضمّـر مفـدوع وكاحـل
.....
جسمي بيك محروق اضحي ناحل
اما نوم عيني راح مراحل
زي سحاب الضحي مشيو راحل
وجـوز عيونـو مدافع السواحل
.......
يا أزاي البي حبي جاهل
يا حلو النفحات والمناهل
يا القسيت بالشوق ماك ساهل
بيك مساهر الليل دمعي باهل
.....
أهدي روحـي بدون مقابـل
بي الأذي وهجرك برضى قابل
في غنـاي صارحت الـبلابـل
وبي إحترام لي شخصك اقابل
.....
يا الجميل في هواى ماك سائل
وليك أبكى واحكي المسائل
ما بهـم القـال والاقـائـل
يا أب طريفآ مكحول وواجل
...
ليك مخلص وجد مانى هازل
يا البعيـد فى سـابع المناهـل
كل مناى أبقى عليك أغازل
أهوى قُربك أكوى العوازل
.......
إيدو جدلة وليل ديسو سابل
الكـثيـب اللي قـوامـه هـادل
بى دلالـو ما اتأخـرتَ قابل
إمتى تنصف وتبقالى عادل
.....
فى ثيـاب الحـيا إنت رافـل
وبيك تنـور تزدهر المحافل
طرفى جافى النوم ماهو غافل
ومن دلالك نافـر وجـافـل
....
| |
  
|
|
|
|
|
|
|
|
Re: يا المضمّر مفدوع و كاحل .. (Re: يحي قباني)
|
الوصف و التوصيف كله كوم ...
و دي كوم تاني:
يا أب طريفآ مكحول وواجل
العيون الفيها الخوف خلقة ... بتطلع دين الزول ياخوانا ..
تتكلم براها .. تناديك و فيها خوف من جيتك ..
كده ولا انا بتكلم براي ؟
انا لله ..
| |
|
|
|
|
|
|
|
|
|
Re: يا المضمّر مفدوع و كاحل .. (Re: يحي قباني)
|
| Quote: يا المضمّر مفدوع و كاحل .. |
سلام يا قبه ...
لو في حد يساعدنا بي الشرح للكلمات
التلاته ديل ... المفروض ما يفوت علي
فطنة الشارح معرفة المعني الحرفي للكلمات
التلاته للعامه ... وبحسن نيه صادقة ما
نقصده يقع خلف المعني الحرفي ... كذلك
أين يقع جمال هذه الكلمات في الموصوف
بها ... وأرجو الإسهاب في هذه الناحيه ...
اكتر حاجه مجنناني هذه الفدعه ... ما قادر
افهما إطلاقا ....
| |
|
|
|
|
|
|
|
|
|
Re: يا المضمّر مفدوع و كاحل .. (Re: Salah Zubeir)
|
تعال اقعد جنب أخوك الكبير هنا يا صلاح زبير ..
أنا بقول ليك قبال ناس الهندسة يجو يقيسوا بالسم ويرسموا الدوائر بلبرجل ..
وقبال مولانا حافظ يجي يكبشر عدد الفوتونات الجهرت الشاعر وختتو هريسة..
لا أبو حسين دا خلي ما بعرف للحاجات دي ..
حسب تقسيمات الجسم العلوية الضمرة بتكون في الخصر ..
والفدعة بتكون في منطقة الصدر ..
والكحل في العين ..
في ناس حسب بنيتهم الجسدية بتلقى صدورهم بارزة ودا شكل مشترك بين الجنسين وفي ناس عكسهم ..
البنية دي بكون مظهرها واضح لما الشخص بكون واقف أو ماشي ..
المظهر البارز لمنطقة الصدر دا هو الفدعة ..
إذا لاحظت الجنود بتمثلوها عامدين في البيادة ..
طبعا الفدعة لما تكون في الإنثى بتكون مفاتن صدرها أكثر بروزا..
ودي الحتة النشن ليها الشاعر..
على العموم الشكل دا لا يتعمده صاحبة بل من طبيعة بنيته الجسدية والله أعلم.
التحية لود قباني الذي اسمعنا هذه الكلمات واللحن والاداء الفخيم .
| |
|
|
|
|
|
|
|
|
|
Re: يا المضمّر مفدوع و كاحل .. (Re: محمد على طه الملك)
|
Quote: سلام يا قبه ...
لو في حد يساعدنا بي الشرح للكلمات
التلاته ديل ... المفروض ما يفوت علي
فطنة الشارح معرفة المعني الحرفي للكلمات
التلاته للعامه ... وبحسن نيه صادقة ما
نقصده يقع خلف المعني الحرفي ... كذلك
أين يقع جمال هذه الكلمات في الموصوف
بها ... وأرجو الإسهاب في هذه الناحيه ...
اكتر حاجه مجنناني هذه الفدعه ... ما قادر
افهما إطلاقا .... |
ود الزبير ..
سيدنا ابوصلاح رضي الله عنه ... ملك ملوك التوصيف و مرجعنا في استكشاف مفاتن الكلمات و وصف مواطن الجمال عند المرأه قال :
هزاز صدره ميل ... فدع الخُصر النحيل ...
فدع تعني امال او شق ... يعني هلكه من تقله و خلاهو مفدوع ... يعني قسم وسطها ...
و شاعرنا هنا قال المضمر مفدوع و كاحل ...
لا يفدع الخصر النحيل او يميل به الا الصدر الهزاز .. و الصدر لا يهتز الا لو كان نافراً لا تحميه القيود ...
size C و انت طالع
اذا في و صفها انها مخصره ... اضاف انها مفدوعه من ثقلان صدرها ... يعني بالعربي ما جاب سيرة الصدر لكن شرحه بالتفصيل ...
| |
|
|
|
|
|
|
|
|
|
Re: يا المضمّر مفدوع و كاحل .. (Re: زهير عثمان حمد)
|
| Quote: والكحل في العين .. |
يا مولانا نوع اخونا صلاح الزبير ده
تقول ليهو الكاحل ده عضم الشيطان
عشان ما يجيك بى كبيرة تحسب عليك
اما المضمر دى الضامرة الشر
اما مفدوع دى ما لقيت ليها مخرج
غير الفدعة من الجدعة
و الجدعة حسب فهمو ياها الفلّيق
وقع ليك يا حاج الطيب
| |
|
|
|
|
|
|
|
|
|
Re: يا المضمّر مفدوع و كاحل .. (Re: جلالدونا)
|
يا اخوانا بما فيكم أخونا الكبير الملك ...
كلكم ما قصرتو وعشان تكتمل الصورة ما
تأثير الفدعة علي باقي الجسم خاسة" من
الخصر المضمر ولي تحت إذا افترضنا زي
ما قال الملك الصدر والجسم العلوي نفر
إلي الأمام ... العلم ما فيهو خجل ...
ابوالزوز ... أرجي الراجيك ...
| |
|
|
|
|
|
|
|
|
|
Re: يا المضمّر مفدوع و كاحل .. (Re: Salah Zubeir)
|
Quote: الوصف و التوصيف كله كوم ...
و دي كوم تاني:
يا أب طريفآ مكحول وواجل
العيون الفيها الخوف خلقة ... بتطلع دين الزول ياخوانا ..
تتكلم براها .. تناديك و فيها خوف من جيتك ..
كده ولا انا بتكلم براي ؟
انا لله
|
إنت براك يا هندسة
كلنا بنتكلم برانا
شوف زي هضربة صلاح الزبير دي
قال عشان تكتمل الصورة قال
Quote: يا اخوانا بما فيكم أخونا الكبير الملك ...
كلكم ما قصرتو وعشان تكتمل الصورة ما
تأثير الفدعة علي باقي الجسم خاسة" من
الخصر المضمر ولي تحت
|
ما تَحٌكَها شديد يا صلاح عشان ما تجيب الدم
و الف الف شكر قباني و ضيوف البوست
--------------------
| |
|
|
|
|
|
|
|
|
|
Re: يا المضمّر مفدوع و كاحل .. (Re: Hamid Elsawi)
|
Quote: في ناس حسب بنيتهم الجسدية بتلقى صدورهم بارزة ودا شكل مشترك بين الجنسين وفي ناس عكسهم ..
البنية دي بكون مظهرها واضح لما الشخص بكون واقف أو ماشي .. |
مولانا الملك يا رجل يا جميل ...
تعرف ...
في سنة ما في اواخر سبعينات او اوائل تمانينات القرن الماضي ...
قدم احد الكورالات تحفة محجوب شريف يا شعبنا يا والدنا احبنا ...
و كنظام الغناء الكورالي ... يتقسم الغناء على اعضاء و عضوات الفريق الغنائي ...
و حينما يأتيك الدور كمغني تتقدم خطوة للامام و تبدأ في غناء الجزء الخاص بك ...
فغنى احد الشباب الخشنين و قال :
و نحن مثلما عرفت يا ابي
بفضلك الكريم ..
من اشرس الرجال حينما نقاوم ...
نموت لا نساوم ..
ندوس كل ظالم ...
و انتهى دوره هنا ...
و لسبب ما ... يعلمه الله وحده هههه
تقدمت احد الشابات و هي ممشوقة القوام و لها صدر عالي المقام ... و ملفت للنظر ...
تقدمت بقوة و شموخ و ( صدرها امامها ) ...
و بدأت تغني بصوت كورالي بديع :
و نفتح الصدور للمدافع الثقيلة ...
و من هنا ابناءك الرفاق يا مولانا لم يروا شيئا سوى تلك المدافع الثقيلة التي امامهم ...
و لم يسمعوا شيئا بعد ذلك البيت ...
عرفت ليه ابوصلاح قال هزاز صدره ميّل ؟
| |
|
|
|
|
|
|
|
|
|
Re: يا المضمّر مفدوع و كاحل .. (Re: يحي قباني)
|
يا قبة ياخ الواحد يغيب ويجي، يلقاك في طمستك دي؟
إنا لله ..
بعدين صلاح الزبير أصلاً سأل ما سأل لتحفيزكم لهذا الإندياح.
مضمر مفدوح وكاحل ده ياهو زاتو القالوا فيهو (الخطيبة وردفك منبرا)
| |
|
|
|
|
|
|
|
|
|
Re: يا المضمّر مفدوع و كاحل .. (Re: يحي قباني)
|
الحبيب الرائع قباني .. تحياتي يا جميل
هذه القصيدة ملامحها أمدرمانية صرفة
أولا الوصف الحسي الجميل
ثانياً من تركيب القصيدة وتكرار الجناس التام والغير تام
والقافية من ( ثلاثة أحرف ) تدل على المنافسة التي كانت بين شعراء الحقيبة والتحدي ولزوم ما لا يلزم
الذي كان سائداً بين شعراء امدرمان أو الحقيبة
أما مدفع السواحل لا اتفق مع هذا الشخص .. دعك من المدافع .. ورد في شعر
الحقيبة ( خلقوها زي ما تريد ) والرواية كما سمعنا بأنها كانت ملكة جمال
ولا اتخيل ان بيئة بورتسودان كانت تسمح بمثل هذا الشعر .. لأن حداثة امدرمان كانت سابقة
للسودان بمائة عام ..
الآن وأنا أكتب هذه السطور الجقر يغني أنا مدرمان في احتقال حزب الامة بمسجد الخليفة
من ملامحه وحركته الجسدية هذا الحبيب متيم بأمدرمان .. بس الحبيب الامام لايهز لا يبشر
يا سلام يا جقر قمة الطرب .. يا ريت كنت اعرف التسجيل كيف
شكراً قباني الحبيب ..
| |
|
|
|
|
|
|
|
|
|
Re: يا المضمّر مفدوع و كاحل .. (Re: يحي قباني)
|
Quote: يا قبانى الفدعة دى بتجيبا تلّة الايد
ما سمعت داك قال
تلّت ايدا و مالت شمالا
انت قايل الفدعة دى بتجى بالساهل
ياخى الناس كلّها مالت |
مالو يا جلي ... كمان برضها طريقة ...:)
| |
|
|
|
|
|
|
|
|
|
Re: يا المضمّر مفدوع و كاحل .. (Re: يحي قباني)
|
Quote: يا قبة ياخ الواحد يغيب ويجي، يلقاك في طمستك دي؟
إنا لله ..
بعدين صلاح الزبير أصلاً سأل ما سأل لتحفيزكم لهذا الإندياح.
مضمر مفدوح وكاحل ده ياهو زاتو القالوا فيهو (الخطيبة وردفك منبرا) |
نفس الضلال القديم يا صديقي ...ههه
ثم مشتاقين برشا ...
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
يحي قباني
Salah Zubeir
محمد على طه الملك
زهير عثمان حمد
جلالدونا
Hamid Elsawi
محمد أبوالعزائم أبوالريش
علي عبدالوهاب عثمان
فيس بوك
تويتر
انستقرام
يوتيوب
بنتيريست