|
|
|
 Re: سقطة التلفزيون ولقاء حمدوك (Re: الزبير بشير)
|
Quote: بيد أن عثمان ميرغني أصلا
إسلاموي تقاطعت مصالحه مع الكيزان فقلب لهم ظهر المجون
حينما بدأ الشارع يتحرك ضد حكومتهم، |
الصفوة طلحة عبد الله مرحب بيك . .
النصيحة يا طلحة ظلمت الراجل في حكاية قلب مع تحرك الشارع ضد حكومتهم دي . .
عثملن ده اخد علقة ساخنة من كتائب الظل في 2014 ولم يكن الوقت داك في اي تحرك من الشارع . .
| |
 
|
|
|
|
|
|
|
|
Re: سقطة التلفزيون ولقاء حمدوك (Re: عمر سعيد علي)
|
وليد طه والزبير بشير تحياتي
راجعت بوستاتكم ولقيتني معاكم قلبا وقالبا
كل الشكر يا أحباء
يا عمر سعيد سلام
الحراك بتاع الشارع ضد الحكومة بدأ قبل
حادثة عثمان ميرغني بسنوات ..
وقلب ظهر المجون دي بتختلف عن قلب القاصدة انت
يعنى ممكن يكون كوز لكن زعلان من الحكومة
زي الهلالاب كدا .. نصهم مريخاب لكن زعلانيين خخخخخخخ
| |
|
|
|
|
|
|
|
|
|
Re: سقطة التلفزيون ولقاء حمدوك (Re: دفع الله ود الأصيل)
|
شكرا يا حامد على الفيدو الجامد الفخيم
والله حاجة ما تخلص .. فلفل أية حاجة في أية
حاجة ثم عراها ثم عاد ورتق فتوقها وغسلها
وكواها وأهداها للثوار والثورة نظيفة لطيفة
من غير سوء خخخخخخخخخ
أول مرة أسمع لي مقطع فيديو للآخر ناهيك عن أسمعو
مرتين ..
شكرا ليك وللزول الصنديد دا من أعمق الاعماق ياخ .
| |
|
|
|
|
|
|
|
|
|
Re: سقطة التلفزيون ولقاء حمدوك (Re: طلحة عبدالله)
|
تسلم يا طلحة
الشاب ختاها ببساطة ولغة واضحة ومفهومة لاي بني ادم
التغيير بحتاج لزمن وصبر وإيمان
وابلغ كلامو القدر يصبر( للمهاويس ) ٣٠ سنة ما بغلبو
يصبر لحكومة علي رأسها رجل محترم ذي حمدوك
ربنا يعينهم ويبعد من طريقهم العوارض
| |
|
|
|
|
|
|
|
|
|
Re: سقطة التلفزيون ولقاء حمدوك (Re: جلالدونا)
|
رطل السكر الليلة بي كم؟ سؤال اكتر من سخيف ، وكأنه يريد أن يقول لحمدوك
انت ما عارف الحاصل شنو في البلد وعايش في برج عاجي
طريقة عدوانية في طرح الاسئلة لشخص في مقام الدكتور حمدوك.
أي شخص من حقو يسأل ، ولكن اللباقة مهمة
| |
|
|
|
|
|
|
|
|
Re: سقطة التلفزيون ولقاء حمدوك (Re: ترهاقا)
|
يا صفوة مشتاقون ...
اتق تماما معاك فيما اوردت يا طلحة ...
لكن الشفافية منعدمة و الشعب عينه طالعه و من حقه يفهم الحاصل شنو ...
الناس ما كفاية تعرف انه الحكومة شغاله و قدامها مطبات كيزانية معقده ...
الناس عاوزه تعرف المطبات منو و شنو ... الناس انكتمت 30 سنة و من حقها تفهم مع الحكومة الحاصل شنو ...
الزيادات الهلكت الناس عندها مسببات و ورا بعضها الكيزان و الدوله العميقة ...
بس كلموا الناس بي وضوح الناس دي هي الجابتكم و شالت الطغيان ...
| |
|
|
|
|
|
|
|
|
|
Re: سقطة التلفزيون ولقاء حمدوك (Re: يحي قباني)
|
حكامات حمدوك والهذيان المستمر
https://top4top.io/
الدولة مؤسسات وليس اشخاص من الاول وخرجت من اول انقلاب في السودان ولم تعد حتي الان والانقاذ لقنا عايرة وادتا سوط ( ما هي مخازي مايو 1969 ؟؟ يا حكامات حمدوك؟؟) والله بس من 25 مايو 1969 لحدي 1971 عملو حاجات وسخة تزول منها الجبال )
ويا حليل ايام كتشنر والقوى الرجعية المرتبطة بالاستعمار
البودي حمدوك في اتجاه الانقاذ شنو من الاساس جا بدون رؤية ومسك في بعاعيت مايو ناس ساطع والسنهوري وصديق يوسف وق حت والنخبة السودانية وادمان الفشل واللهاث ورا المصالحة وقعد يصارع في الانقاذ في مواعينا القذرة
قال برناد شو
لا تصارع الخنازير في الوحل ستتسخ انتا وسيسعد ذلك الخنازير
زمان الشيوعيين قالو لينا البنك الدولي ده حاجة كعبة خلاص زمن عبود (لن يحكمنا البنك الدولي ) والليلة حمدوك ده من جا بدا الحوامة ومشا لي البنك الدولي في محلة
هل البنك الدولي ده حاجة كويسة ؟؟؟
الفرق شنو اصلا بين القصرية بعاعيت مايو 1969 والكوز ايتام الترابي 1989؟؟؟
الكوز والقصرية حاجة واحدة =بضاعة مصرية معفنة
لو حمدوك ده مسك درب جون قرنق عديل وقال نيفشا يا دستور 2005 يا بمشي كنت احترمتو لانه احترم وعييي
| |
|
|
|
|
|
|
|
|
|
Re: سقطة التلفزيون ولقاء حمدوك (Re: adil amin)
|
شكرا جلالدونا أنا الأسعد يا الحبيب.. أسخف من السخف نفسو.
تحياتي يا ترهاقا وعثمان ميرغني من وجهة نظري
لا يصلح للاطلالة التلفزيونية أبدا.
سلامات يا قباني يا صفوة ما قلنا حاجة بخصوص الشفافية
لكن مشكلتنا في طريقة الوصول لهذه الشفافية وأجزم أنها
ما بتكون زي طريقة عثمان ميرغني دي.
عادل أمين البوست انتقاد لطريقة الحوار من ناحية فنية مهنية
ما عن الحكامات والمشاطات والحاجات دي .. تحياتي
| |
|
|
|
|
|
|
|
|
|
Re: سقطة التلفزيون ولقاء حمدوك (Re: طلحة عبدالله)
|
حبيبنا طلحة .. تحياتي ..
كل الناس لهم نفس الراي ان عثمان ميرغني لم يكن الشخص المناسب لاجراء اللقاء
اليوم وفي صحيفة السوداني ( موقع النيلين ) اجرى الاستاذ شبارقة لقاء صحفي مع عثمان ميرغني
اللقاء طويل ولكن المهم (( أن حمدوك هو الذي طلب منه أن يجري اللقاء ))
===================
هذا جزء من الحوار
(( هذا يعيدنا لقصة الحوار من البداية.. كيف تم الترتيب له؟* – في اليوم السابق للحوار مباشرة تشرفت بطلب من مكتب حمدوك لمقابلته، وكانت مقابلة ليست للنشر وليس حواراً. وكان مجرد لقاء وهو بالمناسبة أول لقاء معه، وتبادلنا الأحاديث العامة وهو على فكرة متابع جيد جداً لكل ما يكتب في الصحف ومطلع على (السوشيال ميديا) والفضائيات بصورة جيدة جدا حتى أنا أستغربت منها، وعلق على كثير من الأشياء التي عملتها أنا على أيام النظام السابق، فانتهى اللقاء على ذلك الوضع، وقال لي إن شاء الله نلتقي مرة أخرى. ويبدو أنه أخذ انطباعا جيدا خلال اللقاء لأنه في اليوم التالي حوالى الساعة العاشرة صباحاً اتصل بي إعلام الدكتور حمدوك بمجلس الوزراء وقال لي إن د. حمدوك عنده رغبة في أن تجري معه أنت حوارا، واليوم مباشرة. وفعلاً جاءني الطاقم الإعلامي في مكتبي بالجريدة وجلس معي أكثر من ساعة، وبعد ذلك أنا التقيت بالدكتور حمدوك لساعتين قبل الحوار، يعني الحوار كان ساعة بينما جلسنا ساعتين قبله.))
التفاصيل هنا: https://www.alnilin.com/13108348.htmhttps://www.alnilin.com/13108348.htm
| |
|
|
|
|
|
|
|
|
|
Re: سقطة التلفزيون ولقاء حمدوك (Re: طلحة عبدالله)
|
الحبيب طلحة أنا زيرو في التكنولوجيا
سوف أنقل اللقاء بالكامل .. كلام مهم جداً
===========================
\عثمان ميرغني في حوار مثير لـصحيفة (السوداني)
ألم ينزعج الباشمهندس عثمان ميرغني من تحول نظرة البعض إليه من كونه أحد أيقونات الثورة إلى مجرد (كوز مندس) عمد إلى إحراج رئيس وزراء في حواره المثير للجدل أمس، وإظهاره بمظهر الضعف والعجز ربما؟.. لماذا تجاهل وزيرا المالية والصناعة والتجارة وجعل حمدوك بنفسه هو من يوجه لهما الأسئلة ؟.. ألم يوفّر عثمان بهذا الحوار ذخيرة حية للهجوم على حكومة حمدوك أم أن الحوار قد نجح في تحقيق أهدافه ربما؟.. تلك التساؤلات، وأخرى بالطبع، طرحتها عبر الهاتف أمس على الباشمهندس عثمان ميرغني رئيس تحرير صحيفة التيار على خلفية حواره الذي أشعل الأسافير ومجالس المدينة ومازال مسيطرا على نقاشات المهتمين وكثير من المواطنين رغم مرور (24) ساعة على بثه.. عثمان، أجاب على تلك الأسئلة الصاخبة، بهدوئه المعتاد، بل بدا سعيدا بما حققه الحوار من ردود أفعال، كما سنرى:
*هل أنت راض عن الحوار الذي أجريته بالأمس مع رئيس الوزراء؟* – الحوار كانت له أهداف محددة وتحققت بنسبة عالية أكثر مما توقعت. وهذه الأهداف تتركز في إعادة العنفوان الثوري خلف قيادة الدكتور حمدوك، وحث الجماهير على مزيد من المساندة والمثابرة والصبر لتحقيق الأهداف العليا وقد تحقق ذلك بصورة كبيرة..
*عفواً للمقاطعة.. لكن في الواقع هناك من يرى أن العكس تماماً هو ما حدث خاصة إذا نظرنا لردود الأفعال والمداخلات على على الحوار في السوشيال ميديا؟* – من ينظر للحوار نظرة سطحية يمكن أن يرى ذلك، لكن دعنا ننظر للحوار نظرة إعلامية. فأقوى أدوات الإعلام هي التي تستخدم الإيحاء وليس المباشرة، والآن الإيحاء الذي وصل للجميع أن الحكومة الانتقالية لها ما يبرر البطء الذي حدث في تنفيذ بعض المطلوبات بما فيها الأزمة الاقتصادية، وأن هنالك أسبابا خارجة عن يدها تتعلق بجهات أخرى، وأنه يجب تدخل الناس للضغط لمنح مزيد من السلطات للسلطة التنفيذية، وهذه الأشياء وصلت بصورة قوية جداً. والناس الزعلانين عن الطريقة التي وصلت بها هذه الأشياء هم من ينظرون بسطحية للأمور، لكن أنا مهتم بالنتيجة النهائية.
*ألم تنزعج لوصفك بأنك (كوز مندس) عملت بأسئلتك المحرجة على إظهار رئيس الوزراء بمظهر الضعف والعجز ربما؟
* – لا لا، الذي يظهر في المشهد العام يكون عنده قابلية لأن يتعرض دائماً لكثير من السهام والنبال، وأنا تعودت عليها تماماً، وأركز دائماً على الأهداف النهائية ولا أنظر لزخات الرصاص التي تأتي في الطريق نحو تحقيق الأهداف العليا. والمهم في النهاية هو الوصول للأهداف وليس الانشغال بالمعارك الجانبية.
*لكن مهما يكن فإن انحراف زاوية النظر لك من أحد أيقونات الثورة لـ (كوز مندس) يعد انعطافة مزعجة؟*
– هي مزعجة عندما تنبني على حقائق، لكن عندما تنبني على مجرد هواجس وإشاعات وعواطف وقتية مرتبطة بحدث واحد معين. ثم بعد ذلك الأهم هو من الذي يمنح هذه الشهادات بأن هذا ثوري وهذا خائن وهذا بطل وهذا عميل؟ وما هي هذه الجهة التي تمنح هذه الشهادات؟.. وهل هي جهة أكثر نضالاً ولها استحقاق نضالي وثوري أكبر لتقيّم من هو ثوري ومن هو غير ذلك؟ فهذه التصنيفات أحياناً تأتي من جهة أخرى ليست لديها أي رصيد ثوري في العمل بل مجرد هتاف..
*من الملاحظات على حوارك أنك تعمدت فيه تجاهل وزيري المالية والصناعة والتجارة ولم توجّه لهما أسئلة وكأنهما غير موجودين؟
* – أصلاً الحوار مع رئيس الوزراء فقط، ولا يعقل مهنياً وإعلامياً أن أجد فرصة لمحاورة رئيس الوزراء وأطلب منه أن يصطحب وزراء، فهذه مهنياً (ما بتجي) والآن لو أردت محاورة البرهان فلا يمكن أن أقول له أحضر معاك ياسر العطا وكباشي ليحضرا لأني لا أستطيع أن أضعهما معه في ذات المنصة، وهذا كان اختيار السيد رئيس الوزراء كمستشارين وليس كضيوف وهذا كان متفقاً عليه. وقبل الظهور والمشهد مباشرة أنا احتججت على وضعهما في الكادر وقلت يجب أن يكونا خلف الكادر ولا يظهران على الشاشة وعندما يحتاج إليهما رئيس الوزراء يمكن أن تستدير الكاميرا وتواجه الشخص ويدلي بالإفادة ليظهر أمام المشاهد بأنه خارج المشهد، وأصلاً الورقة الموجودة معي ليست فيها سؤال واحد لهما، والاتفاق مع الدكتور حمدوك أنه إذا أحتاج إليهما يجب أن يوجه هو السؤال لهما، وقد فعل ذلك أكثر من مرة.. فهو الذي يسأل وزيري المالية والصناعة والتجارة، فأنا لم أسأل إلا مدني في النهاية لأني شعرت بأنه لم يشارك فخرقت المسألة رغم أن كل الأسئلة يفترض أن توجّه لرئيس الوزراء فقط.
*على ذكر ورقة أسئلتك، يقال إن مكتب رئيس الوزراء عاتب على خروجك من الأسئلة المعدة مسبقاً ربما على ذات الورقة؟*
– هم على اتصال معي، ولم ينقلوا هذا العتاب، بل الذي وصلني أن الدكتور حمدوك نفسه سعيد بالنتائج التي جاءت من الحوار، وهنالك سؤال آخر مهم جداً وهو أن اللقاء تم تسجيله، وإذا أفترضنا أن عليه ملاحظات من جانب مكتب حمدوك ومن جانب الطاقم الإعلامي إذن لماذا تم بث الحوار؟.. ولماذا لم تحذف تلك الملاحظات؟! فالحوار لم يكن على الهواء.
*هل وصلك انطباع رئيس الوزراء على الحوار بصورة شخصية؟*
– نعم وصلني بصورة شخصية، وأوضح أنه سعيد جداً بنتائج الحوار. وفعلاً النتيجة هي لصالحه. *هل صحيح أنه تم بالفعل حذف أجزاء من الحوار عند إعادته في الإذاعة صبيحة اليوم؟
* – أنا كنت أستمع للإذاعة السودانية صباح اليوم، ففوجئت أنه تم حذف بعض الأسئلة.
*هل ستحتج على إجراء الحذف؟*
– أنا لا أعرف خلفيات هذا الأمر، ولم أتعامل مع الإذاعة، وكنت أتعامل مع التلفزيون، والحوار أدبياً يتبع للتلفزيون وليس الإذاعة. *ألم تتعمد أن تظهر على حساب رئيس الوزراء، وبرزت أنت كنجم للحوار في مقابل ظهور ضعيف لرئيس الوزراء برأي البعض؟*
– أول حاجة، الدكتور حمدوك لم يظهر بصورة ضعيفة، وأداؤه كان ممتازا، وكان هادئا جداً وغير متوتر، وهو الذي اختارني لكي أجري معه هذا الحوار، وبالمناسبة كان هنالك تفاهم مسبق على طريقة وأسلوب الحوار وقلت له إن هذه ليست مباراة ودية ممنوع فيها حتى تبادل الابتسامات..
*هذا يعيدنا لقصة الحوار من البداية.. كيف تم الترتيب له؟
* – في اليوم السابق للحوار مباشرة تشرفت بطلب من مكتب حمدوك لمقابلته، وكانت مقابلة ليست للنشر وليس حواراً. وكان مجرد لقاء وهو بالمناسبة أول لقاء معه، وتبادلنا الأحاديث العامة وهو على فكرة متابع جيد جداً لكل ما يكتب في الصحف ومطلع على (السوشيال ميديا) والفضائيات بصورة جيدة جدا حتى أنا أستغربت منها، وعلق على كثير من الأشياء التي عملتها أنا على أيام النظام السابق، فانتهى اللقاء على ذلك الوضع، وقال لي إن شاء الله نلتقي مرة أخرى. ويبدو أنه أخذ انطباعا جيدا خلال اللقاء لأنه في اليوم التالي حوالى الساعة العاشرة صباحاً اتصل بي إعلام الدكتور حمدوك بمجلس الوزراء وقال لي إن د. حمدوك عنده رغبة في أن تجري معه أنت حوارا، واليوم مباشرة. وفعلاً جاءني الطاقم الإعلامي في مكتبي بالجريدة وجلس معي أكثر من ساعة، وبعد ذلك أنا التقيت بالدكتور حمدوك لساعتين قبل الحوار، يعني الحوار كان ساعة بينما جلسنا ساعتين قبله.
*آخيراً.. كيف نظرت للانقسام الحاد في تقييم حوارك مع د. حمدوك؟
* – الانقسام إزاء إفادات أي حوار صحفي يعلي من قيمة الحوار. وردود الأفعال كانت عالية جداً في الاتجاهين وهي من وجهة نظري سالبة وموجبة بالنسبة لي. لكن أنا غير منزعج، وأعتقد أن قيمة الحوار والعمل الصحفي عموماً من الصدى وردود أفعاله، وهذه مسألة طبيعية وجيدة بأي لغة كانت، حتى الذين وجّهوا اتهامات بلغة جارحة جدا أنا قرأتها بمنتهى الاهتمام لأن هذه واحدة من إيجابيات الحرية، أن يأتيك كأعلامي صدى حقيقي لعملك، وليس صدى مصطنعا. *حوار: فتح الرحمن شبارقة* السوداني
| |
|
|
|
|
|
|
|
|
|
Re: سقطة التلفزيون ولقاء حمدوك (Re: طلحة عبدالله)
|
Quote:
عادل أمين البوست انتقاد لطريقة الحوار من ناحية فنية مهنية
ما عن الحكامات والمشاطات والحاجات دي .. تحياتي |
لا يا حبيب
في اللاوعي بتاعك شايف الطوطم بتاعك حمدوك ده الغزالة الفوق في السلم وقعدت ترزل بي عثمان ميرغني
وانت ما بتدعم مشروع او رؤية من الاساس بتدعم شخص وده شغل الحكامات
اما المشاطات ديل غير
مجرد ما تقول راي في حمدوك بجو يلعنو والديك واليوم الله خلقك فيه في السودان
المشاطات حالة متردية جدا من الحكامات
خلي اللف والدوران
حمدوك ما عنده رؤية ومباري عقاب شيوعيين وبعثيين وناصريين عقاب مايو 1969 وبرضو كيسهم فاضي عشان كده ما قدر يبرر الفشل المستمر ده امام عثمان ميرغني
خليتو الموضوع والحوار ومسكتو في الاساءة لعثمان ميرغني
طيب انتو قاعدين ليكم 30 سنة في العالم الحر ما دربتو وجهزتو طاقكم الاعلامي المحترف ليه وكنتو جاهزين للثورة القلتوها دي
عشان يوصل برنامجكم للشعب السوداني مجرد ما دخلنو المحاصصة
الاعلام الشايفو قدامي ده ما فيه جديد ولا مفيد والناس عايزة تشوف تغيير مش كلام كثير وحوامة كثيرة
وانت احسن تكبر دماغك شوية وتحترم وعي الناس
المشكلة في حمدوك وليس في عثمان ميرغني
والزمن بينا
| |
|
|
|
|
|
|
|
|
|
Re: سقطة التلفزيون ولقاء حمدوك (Re: طلحة عبدالله)
|
الحببيب طلحة .. تحياتي
نعم عثمان في ورطة كبيرة مع عامة الناس دعك من النخب
هو أراد أن يأتي بالتنظير وقلب الحقائق
ولكن حقيقة موقف عثمان حرج جداً
لأن حمدوك أيقونة .. طوال عمرنا المديد لم نرى أي سياسي
نال رضا الناس مثل حمدوك .
لاحظ في اللقاء الصحفي معه .. أراد أن يرمي بالكرة في ملعب حمدوك
عثمان ميرغني يحتاج إلى وقت ومجهود كبير ليخرج من هذه الدائرة
تحياتي الحبيب طلحة ..
| |
|
|
|
|
|
|
|
|
|
Re: سقطة التلفزيون ولقاء حمدوك (Re: طلحة عبدالله)
|
الحمدلله الشعب بقى واااعي يا طلحة وفاهم الرصة كللها وحافظها صم
حمدوك وحكومة حمدوك في حدقات عيون الشعب وحا يقيف معاها ووراها لحدي ما نعدي لبر الامان
اي نعم في تقصير وفي مطبات ونعلم اسبابها والجهات التي تقف ورائها وكلها لن تنقص من قدر حكومتنا الانتقالية التي ارتضيناها ولا حتى مثقال ذرة
ننتقدها للتقويم والتصحيح وللفت الانتباه فقط ولكن سنعض عليها بالنواجذ حتى تحقيق كل مطالب الثورة وكل امال الشعب
ازيك يا طلحلح أو كما قيلت
ؤ مشتاقين
| |
|
|
|
|
|
|
|
|
|
Re: سقطة التلفزيون ولقاء حمدوك (Re: طلحة عبدالله)
|
| Quote: كان يجب الترتيب لها والتشاور حول بعض أسئلتها الحساسة مع المحاور لا إطلاقهاحية على الهواء مباشرة، |
كوزنة أ.عثمان هو نفسه لا ينكرها
بعض الأخطاء والخطايا في الحوار يتفق عليها الكثيرون خاصة مسألة تقييم الوزراء (بالمناسبة وبما ان المقابلة كات مسجلة كان يمكن للتلفزيون حذف الجزئية ديوبالتالي ودي سقطة التلفزيون حسب عنوانك )
بس علينا ايضا الا ننكر مواقف عثمان في الثورة وهو الذي اعتقل لمجرد حديث تلفزيوني مع احدى القنوات التلفزيونية
بالمناسبة الحوار لم يك على الهواء بل تسجيل حسب اللقاء الصحفي مع أ. عثمان
يا طلحة هو بتاعين الكورة بقو يكتبو في السياسة بقت على عثمان المسكين
| |
|
|
|
|
|
|
|
|
|
Re: سقطة التلفزيون ولقاء حمدوك (Re: adil amin)
|
العبيط عادل أمين
Quote: عايز ترزل بي الناس هنا في المنبر الحر
|
كضاب يا عولاق خليهم ناس المنبر كلهم ليهم الاحترام
أبقى في رقبتك ..
داخل هنا منبرش بقلة الأدب والسفاهة ومستأسد بكلمتين
حافظم حكامات ووداعيات وووعي وشنب خرتيت وعايزني
يعنى أربت على قفاك واعتقك تمشى ترقد تنوم وتحلم بأنك
أسد وهلاكو ..
أدخل رد بأدب واحترام وأبعد عن الفهلوة والشقليب وقلب
الهوبة وبعد كدا أنتظرني يا رديت عليك يا كمان سفهتك
وشفت لي عملا صالح .
..............
أشتم قحت وأشتم دينا وأشتم حلتك ذاتو ما عندي معاك جاز
لكن تقل أدبك علي بنزل ليك تحت في أية حتة عايزة ولا عندي
حاجة أخاف عليها .
| |
|
|
|
|
|
|
|
|
|
Re: سقطة التلفزيون ولقاء حمدوك (Re: طلحة عبدالله)
|
Al Sunda
Quote: يا طلحة هو بتاعين الكورة بقو يكتبو في السياسة بقت على عثمان المسكين
|
انا طبعا ما عارفك بتقصد ناس الكورة منو البقو يكتبوا في السياسة
لكن لو قاصد مثلا الصحافيين فأحب أنبهك أنو الصحافي بتاع
الكورة وبتاع السياسة الأتنين درسوا واتخرجوا من نفس الكلية
بنفس الدرجة العلمية وبعد كدا واحد بقى بتاع كورة وواحد
بتاع سياسة وثالث بتاع أقتصاد الخ الخ الخ ..
وعليه فالصحافي مؤهل يكتب أية حاجة طالما عندو
الموهبة والامكانات ودا مع التأكيد على أنو الصحافي الما
مارس كورة صعب يكتب فيها .. وليس العكس ..
من جهة تانية لو قاصد انو كل زول بقى يكتب وينظر ويهرج في أية حاجة
فدي أنا أوافقك عليها والدليل أهو المنبر اللامي دا .
تحياتي .
| |
|
|
|
|
|
|
|
|
|
Re: سقطة التلفزيون ولقاء حمدوك (Re: طلحة عبدالله)
|
Quote: يا طلحة يا صديقى لولا عثمان ميرغنى و ضغطه بالاسئلة الساخنة
|
علاء يا حبيب
صدقني أنا ما معترض على الأسئلة الساخنة بقدر ما معترض
على الطريقة البائسة والتي تفتقر لأبسط ادوات الحوار التلفزيوني
يعني مثلا لما يسألو عن تبعية البنك المركزي المفروض يكتفى
باجابة واحدة حتى لو كانت ما شافية لأنو حمدوك رئيس وزراء
واللقاء مذاع على التلفزيون وربما افشاء معلومة زي دي سلبا أو ايجابا
سر من أسرار الدولة وفيها خطر على الأمن القومي ..
دا مثال واحد للأخطاء والخطل في الحوار
لكن السيد عثمان ميرغني قعد يلوك في السؤال دا بعد كل سؤال
ودا خطأ كبير في حالة التحاور مع الشخصيات السيادسية في قناة
يتابعها العالم كلو .
أرجو اكون وضحت ليك اعتراصي وانتقادي في شنو ؟؟
| |
|
|
|
|
|
|
|
|
|
Re: سقطة التلفزيون ولقاء حمدوك (Re: طلحة عبدالله)
|
Quote: اي نعم في تقصير وفي مطبات ونعلم اسبابها والجهات التي تقف ورائها وكلها لن تنقص من قدر حكومتنا الانتقالية التي ارتضيناها ولا حتى مثقال ذرة
|
سلامات يا هيثموف الحبيب ليك وحشة يا رجل
مشكور على المداخلة كلها والمقتبس على وجه الخصوص .
يا رب تكون دائما بخير .
| |
|
|
|
|
|
|
|
|
|
Re: سقطة التلفزيون ولقاء حمدوك (Re: طلحة عبدالله)
|
عادل أمين الأضينة
أوع تجي تقول لي وعي وما وعي وبتعرف وما بتعرف
أنا زول عنقالي ساي عمري ما ادعيت اني بعرف ودائما ماشي جمب الحيطة
طالما ما في موهوم حاول يتسافه علي .
لكن هسة بدعي ليك انو بعرف حاجة واحدة بس
وهي انك تقل أدبك وتنطط بجيبك تحت زيك وزي
أي فردة سفنجة معفنة .
| |
|
|
|
|
|
|
|
|
|
Re: سقطة التلفزيون ولقاء حمدوك (Re: Kostawi)
|
شكرا كستاوي
بالضبط لينا المهدي قالت المفيد
لقد كان المهندس عثمان ميرغني قليصا ومحعوصا
وعابسا وسمجا في أحيانا كثيرة ..
أصلا دا ما شغلو فكيف سمح ليهو التلفزيون أنو يطلع
في لقاء وكمان مع رئيس الوزراء .؟؟؟؟؟؟
| |
|
|
|
|
|
|
|
|
|
Re: سقطة التلفزيون ولقاء حمدوك (Re: طلحة عبدالله)
|
كتب عثمان ميرغني - 22 ابريل 2019 لاعقا بوت العسكر:
Quote: الأفضل أن يتفق الجميع على تسمية ( رئيس جمهورية) توافقي ينال دعم وسند الجيش والقوات النظامية وكل الشعب السوداني ومنظماته السياسية.. تسمية رئيس جمهورية تمنح المنصب قوة ومكانة دولية تدعم موقف السودان في المحافل الخارجية.. كل الذي سيفقده السودان بضع مقاعد (مجاملة) لا مبرر لها سوى أنها من تراثنا السياسي التليد نكرر تجاربنا دون التبصر أو التحديق في جدواها.
من الممكن التوافق على البرهان نفسه رئيساً للجمهورية، طبعاً بعد أن يتنازل طواعية من موقعه العسكري ليصبح بكل ألق الانتماء للمؤسسة العسكرية السودانية العريقة رئيساً تجتمع عليه قلوب السودانيين في هذه المرحلة التاريخية.
ولمزيد من تأكيد الثقة في جيشنا من الممكن التوافق أيضاً على تسمية نائب لرئيس الجمهورية من رحم المجلس العسكري أيضاً.
وبكل احترام يتحول بقية أعضاء المجلس العسكري إلى مجلس الدفاع والأمن.. يحمون بلادنا ويديرون ملفاتها الأمنية الداخلية والخارجية.) |
| |
|
|
|
|
|
|
|
|
|
Re: سقطة التلفزيون ولقاء حمدوك (Re: كمال عباس)
|
نعم نعم يا كمال
وكنت والله اتمنى أن يكون لقاء عثمان ميرغني مع حميدتي
مثلا لتعرف معنى التأدب في حضرته .. وهسة دي اتمنى
يعمل لقاء مع حميدتي ونشوف الحركات السمجة اللي كان
بعملا لحمدوك ووزرائه من عينة (سيبك) وما عارف شنو
من الجهالات .
شخص بهذه المواصفات غير مؤتمن اطلاقا على الثورة
حتى ولو قادها هو بنفسه .
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
طلحة عبدالله
الزبير بشير
عمر سعيد علي
حامد عبدالله
دفع الله ود الأصيل
جلالدونا
ترهاقا
يحي قباني
adil amin
علي عبدالوهاب عثمان
علاء سيداحمد
Kostawi
كمال عباس
قسم الفضيل مضوي محمد
فيس بوك
تويتر
انستقرام
يوتيوب
بنتيريست