|
|
|
 Re: عامل راسك الكبير دة (Re: عبدالحفيظ ابوسن)
|
بيجماليون كان نحات اغريقي . لكن جنو عاهرات . يفرغ شهوته مع نسوان بدفع المال دون عواطف .
مابحب وما ارتبط بي مرة ارتباط عاطفي ولا انساني . ياها علاقة النزوة دي
فكره الارتباط وشاف النسوان كلهن عاهرات ولم يرتبط
وكان نحات مبدع جدا . قام نحت ليهو مرة جميلة جدا جدا ومبهرة
وارتبط بي تمثالو صباح ومساء قاعد معاها
يقبلها ويحضنها
ووقع في كان خايف منو حباها
وبقا ما قادر يفارقها
وطلب من الآلهة تقلبها لي انسان حي
وقدم القرابين
واستجابت له آلهته وصارت امرأة حية وتزوجها
من الميثيلوجيا الاغريقية
| |
 
|
|
|
|
|
|
|
|
Re: عامل راسك الكبير دة (Re: عبدالحفيظ ابوسن)
|
ما كان الكسرة .. جاتك من برة
صفرا .. ومنكسرة
زوجناك الشهدا وِلاد الكد
الماتو عشان الشعب
زوجناك ما عندك ضرة
زوجناك ما جاتك ضرة
ما إنشاف ماعونك في الحلة
يساسق ويلقا فتات
عاطف خيري
سوف أصنع لي فتاةً
من دمائي كي تقدسني وتبكي
عند موتي دون زيف
سوف أصنع لي فتاة
من دخان سجائري
لتلم عن وجهي غبار الإغتراب
وكي تقيني من مكابدة النزيف
سوف أصنع لي حبيبة
تفهم الوطن الذي أشقى به
وأخصها بالشعر والحمى
أسميها: "نضال"
(إن هذا الإسم أقرب من دمي)
الصادق الرضي
| |
|
|
|
|
|
|
|
|
|
Re: عامل راسك الكبير دة (Re: عبدالحفيظ ابوسن)
|
هذه الثورة قام بها الشعب وقدم فيها اغلى ما يملك من مدخر
قدم ارواح بناته واولاده
وقدم ماله وتعبه
وهو الوحيد الذي يقرر
لا احد وصيا عليه
لا احد
فوق عزو
ويا ابوالسرة
مد صباعك السبابي قول للغافى
يا زول هوي
هوي يا ناس
هوي ثم هوي
الشارع واضح وماداير لولوة
| |
|
|
|
|
|
|
|
|
|
Re: عامل راسك الكبير دة (Re: MOHAMMED ELSHEIKH)
|
نعم يا كبر
تعالوا نتحاكم قدام الصحراء العربية كي تحكم فينا
أعترف الآن أمام الصحراء بأني مبتذل وبذيء كهزيمتكم. يا شرفاء المهزومين
ويا حكام المهزومين
ويا جمهورا مهزوما
ما أوسخنا .. ما أوسخنا.. ما أوسخنا ونكابر
ما أوسخنا
لا أستثني أحدا. هل تعترفون
أنا قلت بذيء
رغم بنفسجة الحزن
وإيماض صلاة الماء على سكري
وجنوني للضحك بأخلاق الشارع و الثكنات
ولحس الفخذ الملصق في باب الملهى
يا جمهورا في الليل يداوم في قبو مؤسسة الحزن
سنصبح نحن يهود التاريخ
ونعوي في الصحراء بلا مأوى
هل وطن تحكمه الأفخاذ الملكية ؟
هذا وطن أم مبغى ؟
هل أرض هذه الكرة الأرضية أم وكر ذئاب ؟
يا ود الشيخ هههه لكن كمان ما تكتر المحلبية
| |
|
|
|
|
|
|
|
|
|
Re: عامل راسك الكبير دة (Re: Kabar)
|
وزير المالية مثلا اتي علي ظهر قبور الشهداء والجرحى
هذا الشعب صنع هذه الحكومة . جعلهم وزراء ومسؤولين ظنا حد اليقين انهم يحملون همهم
ما مستعجل اسكن في العمارة لكن وريني انك حتبنيها لي
اتخذ لي خطوات
ارسم الخريطة
واحفر الساس وجدع فيها جديع لامن تنتهي
لكن كان ماممكن ان يظل الوضع كأن الانقاذ لاتزال كل يوم يمر تزداد حلقة المشقة ضيقا ولا منفذ .
يسير الوضع كما هو الدولار يرتفع كل يوم والسلع ترتفع كل يوم والصفوف تزداد كل يوم كأنه لايوجد وزير مالية جديد برؤية جديدة
آي ما شفقانين ابدا لكن كما ما ممهولين قدر دة
ورانا ترلات لو وقفت بتنزل السفح
قلت عاليه
مثلا وزير المالية
| |
|
|
|
|
|
|
|
|
|
Re: عامل راسك الكبير دة (Re: عبدالحفيظ ابوسن)
|
اهم افرازات هذه الثورة إنتفاء القداسة والرهبة وقهر المستحيل
لا مستحيل عند هؤلاء الشباب
وكل من لم يخدم خط الثورة الصاعد يذهب
ألف شليل يا نورا يفوتو
لامن يجيك شليلك زاتو
علمونا كيف تكون الثورة وكيف تكون المطالب وكيف تصير جذوة الثورة متقدة
طمنونا ان الدنيا بخشها ضو
مش تكورك يا فلان يا فلان ومايرد ليك لامن يجي جمبك
قول لي آي و لا نعم
اطمئن انك سمعت اقلاها
| |
|
|
|
|
|
|
|
|
|
Re: عامل راسك الكبير دة (Re: عبدالحفيظ ابوسن)
|
هههههههه
حلتك الليله ملحا زيادة ...
وإن جدعت فيها حبتين تلاته من
بطاطس الثورة ... حالتي دي شفتا
العنوان قنا نكرمك بي حكاية عمتي
التقيرة الولدا عايز يعرس ميمونه ...
ميمونه مطلقه وعندها ولد زي هامان ...
مافي نصيب ... كان زاروك بقية المنحرفين ...
نسوي شنو مع كبر وود الشيخ ...
| |
|
|
|
|
|
|
|
|
|
Re: عامل راسك الكبير دة (Re: Osman Awoda)
|
انت يا ود ابو سن بتقول الرسائل المشفرة ما قادر تفهمها !!
وانا من العنوان شايفة البوست مشفر ...وكنت مفتكراك قاصد بقولك :"عامل راسك الكبير ده "
قاصد بيه الزول الجوع الاسود وخلاهم يحتضروا ومشرفين على الموت، وهو مدير حديقة القرشي،،،
المهم في متابعة للبوست حتى نفك الشفرات،،ونجيك بالتعليقات الما خمج ...
| |
|
|
|
|
|
|
|
|
|
Re: عامل راسك الكبير دة (Re: امتثال عبدالله)
|
| Quote: مازال البوست في طور اليرقة |
هههه
ذكرتني يا دفعة لقاء عملته واحده مع ابو اللمين ...
قالت ليهو ممكن تحدثنا عن محمد الامين و هو في طور الشرنقة ؟
ابو اللمين تمتم و قرب يديها كف ....
لا اقصد يرقتك و لكن الكلام جاب الكلام ههههه
تحياتي يا سنو .. عمي ( المنقه ) ده الصحاو منو ؟
| |
|
|
|
|
|
|
|
|
Re: عامل راسك الكبير دة (Re: عبدالحفيظ ابوسن)
|
لافتات احمد مطر:
رؤيا ابراهيم:
يا مولانا ابراهيم ،
اغمد سكينك للمقبض ،
واقبض اجرك من اصحاب الفيل ،
لا تأخذك الرأفه فيه ،
بدين البيت الأبيض ،
نفذ رؤياك ولا تجنح للتأويل ،
لن ينزل كبشا ، ولا تأمل بالتبديل
يا مولانا ، ان لم تذبحه نذبحك ،
فهذا زمن اخر ،
فيه يفدى الكبش ،
بأسماعيل..
| |
|
|
|
|
|
|
|
|
|
Re: عامل راسك الكبير دة (Re: Kabar)
|
في فيلم (ثنك لايك امان ، اكت لايك ليدي) ،
تراجي هانسن (عليها المحبة والسلام) سألت مايكل اٍيلي:
Tell me about your short term goals
وقام صاحبنا يشرع يمين وشمال ،
قامت صرت خلقتها بالطريقة المحببة التي تجيدها ، وقالت ليهو:
This is dream!
Dream is good
فيما يخص شيخنا هوود فليبس ، كويس انك قريتو..!
على الأقل افضل من القراية المجوبكة لكتاب غريب اسمو (الجرح والتعديل)..
رزاز الدم..!!!!!!!!
ليه ما يكون تضامن مع عبد الحفيظ ابسن لتذكير فرعون بانو البلبصة ما تمشي علينا (هامان= الشعب..!!)..
| |
|
|
|
|
|
|
|
|
|
Re: عامل راسك الكبير دة (Re: جلالدونا)
|
المهلة ما حبابا يا ود أب سن
زمان قالوا حبلها يربط ويفضّل .. لكن الكلام دا هسه ما ليه قيمة
القيمة هي دماء الشهداء قبل أن تجف
وحلوق هتاف الثورة .. وطوب الترس
ما حبابا تب يا صديق وفي النهاية كل شوكة بطلعوها بي دربها
لكن ما يحصل الآن يجعلني أشفق كثيراً على هذه المسلمات
كسرة:
حلوة اللمة دي يا ود أب سن فقط أخاف عليها من المشاترة
وربك يكضب الشنة
| |
|
|
|
|
|
|
|
|
|
Re: عامل راسك الكبير دة (Re: ABUHUSSEIN)
|
| Quote: حلوة اللمة دي يا ود أب سن فقط أخاف عليها من المشاترة |
ههههههه ... يا عمر والله قد أعذر من أنذر ...
طبعا من نظرة عامة كدا ممكن تعرف
إنو كل مقومات المشاترة متوفرة ...
من ناحيتي قصة عمتي أجلتها ...
كبر وود الشيخ ديل .. حفيظ يكب ليهم
طين لوك يخليهم يزلقوا اكان نفهم نضمم ..
ارفعوا أيديكم عن عمي المنقه يا قباني
ورهطه ....
| |
|
|
|
|
|
|
|
|
|
Re: عامل راسك الكبير دة (Re: Salah Zubeir)
|
التقدير للجميع
..عمك تنقو راسو برضو كبير
و كان ممكن يكتب كلام ظريف عن وزير المالية
.... الان سعر الريال بالرياض يبدأ من 26 !!
و قبل فترة كان عندى بوست هنا لمان الريال اصلح 9400
..
ابوسن ربنا يسهل و يحسوا و يتحركوا
يا حافظ يا حفيظ احفظ الوطن
| |
|
|
|
|
|
|
|
|
|
Re: عامل راسك الكبير دة (Re: محمد بدرالدين)
|
ههههههه حفيظ البت الصايعة التحت دي
قصدها شنو ... بعدين يا اخونا نظام النقيط
دا انا شفتو وين ... شوفتو وين ... شوفتو وين؟!!!
| Quote: طالما هو بوست مكشوف و علی العلن اتساءل التشفير و الكلام البيدسدسو فيهو زي جنا الحرام لزومو شنو .... و بعدين شايفة ناس بيتكلموا عن " شفرات " يعني بي جمع المؤنث .... انا شايفة انه الشغل دا تشفير لكن بي جمع التكسير و الشاطر يفهم .... كل يعمل علی شاكلته ................................. |
| |
|
|
|
|
|
|
|
|
|
Re: عامل راسك الكبير دة (Re: عبدالحفيظ ابوسن)
|
بعد اذن صاحب البوست ، ثلاث مداخلات ، وبعدها السلام..
لآفتات احمد مطر:
جاهلية:
في زمان الجاهلية ،
كانت الأصنام من تمر ،
وان جاع العباد ،
فلهم من جثة المعبود زاد ،
وبعصر المدنية ،
صارت الأصنام ،
تأتينا من الغرب ،
ولكن بثياب عربية ،
تعبد الله على حرف ،
وتدعو للجهاد ،
وتسب الوثنية
واذا ما استفحلت ،
تأكل خيرات البلاد ،
وتحلي بالعباد !!
... ... ...
رحم الله زمان الجاهلية..!!
شرحو:
كما قال محمد الحسن سالم حميد ، وغنى مصطفى سيد احمد:
ابو البوليس،
لأبو الواسوق ،
لأبو الأمن ،
وساقية تسوق..!
كبر
| |
|
|
|
|
|
|
|
|
|
Re: عامل راسك الكبير دة (Re: Kabar)
|
المفتاح في شرح الكلام المتاح
احيانا قد يكون الشرح مفسدة لجمال الفكرة..
ولكن ،
فيما يخص القراءة ، يبدو ان البعض:
Lost the touch
But not me
فالقصائد الجميلات كالنساء الجميلات تجبرك على التوقف والإنبهار..!
والأفكار اللــّماحة هي رياضة القارئ النشط ، اما القارئ الكسول فيراها معضلة..!
لذلك ،
هنا كتابي : المفتاح في شرح الكلام المتاح
غرض البوست:
احتجاج ضد سياسات الحكومة الإنتقالية فيما يخص الإقتصاد ، أي مظاهرة غاضبة بعمق تحت شعار (لن يحكمنا البنك الدولي)..!
عنوان البوست:
عامل راسك الكبير ده..هذه كناية عن العناد..فياترى من يقول للأخر انت عنيد؟ وهذا نكتشفه عند قراءة البوست من الأول للأخر وبعمق (خصوصا مداخلات عبد الحفيظ ابوسن ، صاحب الرسالة)..أي ان بعض من وزارء الفترة الإنتقالية يعتقد ان الشعب عنيد وهم يريدون شعب خنوع:يقول لهم نعم ، حتى ولو ارتكبوا الأخطاء ..!
الأساطير:
الأسطورة الدينية السودانية (اسطورة فرعون): بعض من اهل السلطة الإنتقالية اخذ يحذوا حذو فرعون كما في الأساطير الدينية ، وصار يتهيأ له انه صنع الشعب ، وليس الشعب هو من صنع اهل تلك السلطة (أي اتى بهم بقانون الثورة وميثاق اعلان الحرية والتغيير والوثيقة الدستورية..الخ)..لذلك هذا الفرعون الجديد استبد به الأمر لدرجة انه يقول للشعب انا من صنعتك يا شعب فدع عنك العناد والشطط..والشعب قال:على هامان يا فرعون..!!
اسطورة بجماليون: تعني شهوة السلطة ، وان البعض المتفرعن (من اهل الفترة الإنتقالية) ظن ان سلطة الفترة الإنتقالية يمكن أن تتحول الى حقيقة (تنفخ فيها الآلهة وتحولها من تمثال الى كائن حي سرمدي وخالد..!!، طبعا لا ننسى الدعوات الى تمديد الفترة الإنتقالية..!!)..
كبر
| |
|
|
|
|
|
|
|
|
|
Re: عامل راسك الكبير دة (Re: Kabar)
|
القصائد الجميلات:
ظهر حضور بعض من شعراء في البوست (عاطف خيري ، الصادق الرضي ، محمد طه القدال ، مظفر النواب ، واحمد مطر) ويجمع بينهم انهم شعراء غاضبون ومتمردون.
عاطف خيري: شعره هنا يعني ما في داعي (يحكمنا البنك الدولي) ومافي داعي نعتمد على الإغاثات (المشروطة) والدعم الملغم.
الصادق الرضي: شعره هنا يعني البحث عن الوطن المستقل الذي يحترم الجميع ، وان النضال من اجل هذا الوطن يجب ان يستمر..!
محمد طه القدال: شعره هنا ، مهما كانت الأمور فان للشعب حق مراقبة الأداء العام والقول الفصل.
مظفر النواب: ظهر قوله في مداخلة كبر الأولى ، والتي هي استئذان صاحب البوست لمشاركته في الغضب ، والإستعانة بشعر مظفر النواب الذي يتهمه البعض بالبــــذاءة. وكان رد صاحب البوست ان استعان بجزء كبير من نفس قصيدة مظفر النواب الغاضبة (القدس عروس عروبتكم) وهي العبارة التي يعتقد البعض بانها اشهر من عبارة امرؤ القيس (قفا نبكي).
ثم جاءت اشارة الغضب باستعانة كبر لجزء اخر من نفس قصيدة مظفر النواب.
احمد مطر: ظهر شعره في لافتة (رؤيا ابراهيم) ، فوزير مالية الفترة الإنتقالية اسمه (ابراهيم البدوي ، اللهم الإ يكون غير اسمو) من خلفية البنك الدولي ، ويسعى لتنفيذ سياسات البنك الدولي (دين البيت الأبيض من غير تأويل) ، والقوى السياسية التي جاءت بــ (ابراهيم) هي التي تشجعه لكي يمضي (اغمد سكينك للمقبض) ، والتأكيد لإبراهيم ان هذا زمن يجوز فيه ان يــُفدى الكبش باسماعيل (واسماعيل هو الشعب) ، يعني يا ابراهيم يا وزير المالية استمر حتى ولو كان الشعب هو فداء لكبشك الأملح (دين البيت الأبيض ، سياسات البنك الدولي)..فهل من حق عبد الحفيظ ابو سن ان يغضب ويقول (لن يحكمنا البنك الدولي)؟؟!!
كبر
| |
|
|
|
|
|
|
|
|
|
Re: عامل راسك الكبير دة (Re: Kabar)
|
محمد الشيخ: جاب سيرة (الحلم) وهو عكس الواقع ، ولكنه يريد بان يقول انه ، أي محمد الشيخ ، واقعي لذلك اشار لواحد من اميز ممن كتبوا في فقه القانون الدستوري والإداري ، وهو (هوود فليبس) ومعاصر (توفي سنة 1986).
كبر: في رده على محمد الشيخ اشار لفيلم كوميدي ، وذكر مقولة لإحدى بطلات الفيلم التي تشير الى ان الحلم جيد ولكن الواقعية هي الأجدى. واضاف كبر مشجعا محمد الشيخ بان قراءة كاتب فقه قانون دستوري واداري معاصر ، افضل ، فكتاب (الجرح والتعديل) هو كتاب لشخص حاول الكتابة عن اناس ماتوا وشبعوا موت (اقربهم له، يسبقه بثلاثة قرون) وبالرغم من ذلك صاحب الكتاب يريد ان يتحدث عن مصداقيتهم بالرغم من انه لم يعاصرهم (يعني زول حالم ساكت) ، والأغرب بعض المسلمين يعتبره كتاب مهم..!!
حكاية المشاترة:
وردت اكثر من مرة ، ومن اكثر من فرد تداخل في هذا الخيط ، الإشارة الى ان هذا البوست سيتعرض للمشاترة والتخريب ، فمن اين جاؤا بهذه الفكرة؟
اهل هذا الرأي لهم خيارين:
اما انهم قراء كسالى فقدوا خصلة متابعة الفكرة اللــّماحة ، أو انهم (بعثيون)..!
البعثيون هم اكثر من يكره الشعراء الغاضبين امثال (مظفر النواب ، احمد مطر ، وغيرهم)..
انتهى الكتاب..
كبر
| |
|
|
|
|
|
|
|
|
|
Re: عامل راسك الكبير دة (Re: Kabar)
|
شكرا كبر
فلقد لخصت ما اريد قوله تماما
حتي العنوان المستلف من تراث لغتنا الدارجية لم اظن انه سيغيب عن فطنتكم
شكر حقيقي
نحن من صنعنا الحكومة لا لتسبح بحمدنا ولكن لتنجز لنا ما دفعنا مهره غاليا
كمن يدفع المال لمهندس ليبني له بيتا . هو لا يعرف كيف يبني ولكنه قادر علي جلب مهندس ودفع اتعابه
اعطيناهم خريطتنا ودفعنا لهم اغلي ما نملك ليس اقل من ان نتابع البناء ونعلق ونصوب لنبين مانريده
بهذه البساطة المخلة
شكرا كبر
| |
|
|
|
|
|
|
|
|
|
Re: عامل راسك الكبير دة (Re: عبدالحفيظ ابوسن)
|
الأشعار التي جاءت في متن هذا الخيط أثرته وكمّلت فيه الفكرة
ما أعذب شعرهم (وغضبهم) هؤلاء الشعراء الغاضبون .. كما أنني لست بعثياً
ما أعنيه بالمشاترة (إن كنت أنا أحد الأفراد المشار إليهم عاليه) هو ما لايخدم غرض وفكرة البوست
ودا لأهمية البوست نفسه وأهمية الفكرة المطروحة فيه وغرابة المرحلة التي يمر بها البلد
كسرة:
وزي ما قال احمد مطر :((نام يا ولدي حين تنام)
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالحفيظ ابوسن
Kabar
MOHAMMED ELSHEIKH
Salah Zubeir
جلالدونا
Osman Awoda
يحي قباني
عمر أبوعاقلة
ABUHUSSEIN
محمد بدرالدين
فيس بوك
تويتر
انستقرام
يوتيوب
بنتيريست