Quote: يعني يدو حزب محلول حق تسيير مسيرة رغم انو القانون مانعهم من مزاولة اي نشاط سياسي ويعالجو اخفاقهم بسن قوانين خاصة لتكون ذريعة لمسيرات قانونية ؟
الاستاذ عبدالحفيظ ابوسن سلام.. لا دا شكلو ح يكون قانون جديـــد مفصل كمان. يعني بتمثليتهم حقت امس دي عاوزين يضربوا كل العصافير. سرْحوا الماعاوزنهم من الجهاز وح يحشروا (ناسهم) ويقفلوا الباب بورائهم لااااي (هيديق) يجي من الشارع لهيكلة المصيبة دي او حلها كولو كولو.. شفت قوة العين والرجالة دي.!!! شاكر علي المرور..
01-16-2020, 08:19 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
ياسر دكتورنا المليح.. سلام وشوق.. تفتكر بحركاتهم دي سقطت؟؟ يعني ثورتنا اللي جابته في مكانه دا رئيس علينا- بكضبة الانحياز وعتب الوثيقة- عاوز يشيل مننا حق اندفعت فيه ارواح بطلب من سعادته!! بعدين قال طلبنا.. عاوزين نعرف منو المعاهو الطلبوا ديل علشان نقوم علي بلهم.
01-16-2020, 08:45 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
العايز يطلع فى مظاهرات ما محتاج لموافقة من الجهات المختصة فى كل المظاهرات التى خرجت من 19 ديسمبر وحتى اسقاط البشير والكرور الثوار لم يقوموا بأخذ موافقة للمظاهرات من اى جهة .
كلام البرهان حول "سن قوانين المسيرات " مقصود بيهو بالواااااااااضح الـثــوار ولكن فات عليهو ... الثوار ما منتظر قوانين منو ولا من غيرو ... واقرب مليونية قادمة هى مليونية حــــــــل جهاز الامن .. ويوم داك الناس ح تعرف منو الاقوى الثوار ول قوانين البرهان .
01-16-2020, 09:15 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
سلامات يا معتصم وزوارك الكارام .. أسمحوا لي أعلق على كلام البرهان بخصوص قانون تنظيم المسيرات عشان بالكم ما يمشي بعيد.. أولا: خلينا تنفق أن التظاهر حق دستوري مقنن في الوثيقة .. ثانيا : البرهان بتكلم باسم مجلس السيادة .. واللقاء معمول معاه لأنو رئيس مجلس السيادة .. وبحكم منصبه السيادي وليس البزة العسكرية هو القائد الأعلى للقوات المسلحة.. ثالثا: قال قانون لتنظيم المسيرات وليس منعها .. رابعا : المكلف بصياغة القانون وزير العدل .. و البسنوهو مجلسي السيادة والوزراء اللذان يشكلان معا برلمان الانتقالية لحين قيام المجلس التشريعي .. س : طيب القانون دا ح يقول شنو ؟ ج : أي ناس عايزة تطلع مظاهرة تخطر السلطات عن الجهة المنظمة ومن المسؤول عنها.. س : السلطات دي منو؟ ج : القانون بحددها وبحدد الإجراءات التي تنظم اختصاصها.. س : الداعي شنو أصلا لذلك ؟ ج : (أ) عشان إذا تسببت المظاهرة في أي أضرار تتحمل الجهة المسؤولة تبعات ذلك .. (ب) يكون للسلطات الأمنية زمن لتوفير الحماية اللازمة للمتظاهرين حتى لا يحدث اشتباك بينها وبين آخرين .. أو تميل هي نفسها نحو التخريب .. إذا الأسباب دي ما أقنعتكم تعالوا ندعو لمظاهرة تطالب باسقاط مجلسي السيادة والوزراء.. وخلونا نتخيل مين البكونوا مارقنها معانا.. مودتي لكم .
01-16-2020, 11:11 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48726
مولانا الملك أجاب عما كان يدور في خاطري من تساؤلات تخص ضرورة التمسك بالحق في التظاهر إلى جانب الإلتزام بالمسئولية، فله الشكر. جماعة الزحف الأغبر مخططين لمظاهرات في يومي 18 و 26 يناير وقد أصدر تجمع المهنيين السودانيين قبل دقائق قليلة هذا البيان:
01-16-2020, 12:35 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7203
Quote: سلامات يا معتصم وزوارك الكارام .. أسمحوا لي أعلق على كلام البرهان بخصوص قانون تنظيم المسيرات عشان بالكم ما يمشي بعيد.. أولا: خلينا تنفق أن التظاهر حق دستوري مقنن في الوثيقة .. ثانيا : البرهان بتكلم باسم مجلس السيادة .. واللقاء معمول معاه لأنو رئيس مجلس السيادة .. وبحكم منصبه السيادي وليس البزة العسكرية هو القائد الأعلى للقوات المسلحة.. ثالثا: قال قانون لتنظيم المسيرات وليس منعها .. رابعا : المكلف بصياغة القانون وزير العدل .. و البسنوهو مجلسي السيادة والوزراء اللذان يشكلان معا برلمان الانتقالية لحين قيام المجلس التشريعي .. س : طيب القانون دا ح يقول شنو ؟ ج : أي ناس عايزة تطلع مظاهرة تخطر السلطات عن الجهة المنظمة ومن المسؤول عنها.. س : السلطات دي منو؟ ج : القانون بحددها وبحدد الإجراءات التي تنظم اختصاصها.. س : الداعي شنو أصلا لذلك ؟ ج : (أ) عشان إذا تسببت المظاهرة في أي أضرار تتحمل الجهة المسؤولة تبعات ذلك .. (ب) يكون للسلطات الأمنية زمن لتوفير الحماية اللازمة للمتظاهرين حتى لا يحدث اشتباك بينها وبين آخرين .. أو تميل هي نفسها نحو التخريب .. إذا الأسباب دي ما أقنعتكم تعالوا ندعو لمظاهرة تطالب باسقاط مجلسي السيادة والوزراء.. وخلونا نتخيل مين البكونوا مارقنها معانا.. مودتي لكم .
مولانا الملك ما خلى لمولانا حافظ أي حاجة يزيدها او يغالت فيها
01-16-2020, 01:18 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
تحياتي الملك وتشكر للمداخلة الفخيمة فقط انا اقول كل ماذكرته معمول به منذ زمن طويل . أي مسيرة تستوجب تصديق من الشرطة والامن وموافقة البحصل زمان ترفض اي مسيرة مناوئة للسلطة اي مسيرة او ندوة او حتي حفلة غناء او مسرحية او ليلة شعرية لابد من موافقة الشرطة والامن ومن حقهم منعك او ابداء ملاحظات او توجيهات ولابد للمسيرة ان تكون من جهة اعتبارية الليلة الشعرية لابد من تحديد اسماء الشعراء والموافقة عليهم كل ذلك قديم وموجود الجد شنو ؟
01-16-2020, 01:52 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
سلام عليكم كلام مولانا الملك منطقى لكن المشكله فى تفسير الجهه/الشخص المنفذه/المنفذ للقانون تجاه اى مظاهره قبل او اثناء المظاهره وايراد مبررات تعتد على ثغرات القانون اياه . وهنا نذكر بانون النظام العام وماكان يحدث من مظالم بسبب (سوء التفسير والتقدير) زى القضايا المشهوره الطرحه والبنطلون
01-16-2020, 02:10 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
كل مظاهرات الثورة كانت سلمية قول و فعل الشغب و الضرب كان بحصل من الناس المفروض يحفظوا الامن. كان بحصل من الأمن من عناصر ملثمة و تركب عربات بغير لوحات و تسير في الشوارع تحت بصر رجال المرور و فشلوا في توقيفها و منعها من المرور لانها غير مصرح لها أول مرة تظهر إحتجاجات علي حقوق مالية و مطالبة بحمل السلاح ١٤ يناير ٢٠٢٠ دي ما مظاهرة تشبه مظاهراتنا و لا سلميتنا فيا برهان الشعب السوداني يعرف كيف و متي يتظاهر وكل المظاهرات يتم الاعلا عنها و عن ساعة الصفر و زغرودة واحدة و تمتليء الشوارع الفوضي الحصلت يوم ١٤ يناير عاوزة حسم القوانين موجودة بس انتو خليكم موجودين
01-16-2020, 08:18 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: كل مظاهرات الثورة كانت سلمية قول و فعل الشغب و الضرب كان بحصل من الناس المفروض يحفظوا الامن. كان بحصل من الأمن من عناصر ملثمة و تركب عربات بغير لوحات و تسير في الشوارع تحت بصر رجال المرور و فشلوا في توقيفها و منعها من المرور لانها غير مصرح لها أول مرة تظهر إحتجاجات علي حقوق مالية و مطالبة بحمل السلاح ١٤ يناير ٢٠٢٠ دي ما مظاهرة تشبه مظاهراتنا و لا سلميتنا فيا برهان الشعب السوداني يعرف كيف و متي يتظاهر وكل المظاهرات يتم الاعلا عنها و عن ساعة الصفر و زغرودة واحدة و تمتليء الشوارع الفوضي الحصلت يوم ١٤ يناير عاوزة حسم القوانين موجودة بس انتو خليكم موجودين
الضرب والقتل كان من المنظومة العسكرية يا حامد اللي لسة موجودة داخل حكومتنا. يعني نحن لو رضينا مشاركتهم مفرووووض هم يحترموا المشاركة كمان. تصريحنا زغرودة في نص الشارع.. لا عليها دمغة لا دمعة. حسم الفوضي بقي فرض عين.. بس يورونا شباك تقديم طلب المسيرات والمواكب دي لانه لستتنا طوووويلة. شاكر علي المرور يا حامد وتحياتي.
01-16-2020, 05:57 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: ولكن فات عليهو ... الثوار ما منتظر قوانين منو ولا من غيرو ... واقرب مليونية قادمة هى مليونية حــــــــل جهاز الامن .. ويوم داك الناس ح تعرف منو الاقوى الثوار ول قوانين البرهان .
النائب العام وجهاته العدلية الطلب منها البرهان (تسن) القانون دا زااااااتهم جينا شايلنهم (بمليونية القضاء) لكراسيهم دي.. الواضح يا علاء بعد (التمثيلية) العسكر نفشوا ريشهم تااااني. مليونية حل جهاز الامن في مواعيدها.
01-16-2020, 07:22 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4133
Quote: يعني يدو حزب محلول حق تسيير مسيرة رغم انو القانون مانعهم من مزاولة اي نشاط سياسي ويعالجو اخفاقهم بسن قوانين خاصة لتكون ذريعة لمسيرات قانونية ؟
المنع خاص بالحزب وهو حزب المؤتمر الوطني وحل الحزب كان لتصفية أملاكه التي حصل عليها من المال العام وللتداخل بين الحزب والسلطة وأشياء من هذا القبيل أما المنتسبين للحزب ليس هناك قوانون ولا ينبغي أن يكون هناك قانون يعطي تمييز سلبي ضد أي منتسب للحزب المنحل لممارسة الحق الممنوح لغيره .
01-16-2020, 07:31 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: سلامات يا معتصم وزوارك الكارام .. أسمحوا لي أعلق على كلام البرهان بخصوص قانون تنظيم المسيرات عشان بالكم ما يمشي بعيد.. أولا: خلينا تنفق أن التظاهر حق دستوري مقنن في الوثيقة .. ثانيا : البرهان بتكلم باسم مجلس السيادة .. واللقاء معمول معاه لأنو رئيس مجلس السيادة .. وبحكم منصبه السيادي وليس البزة العسكرية هو القائد الأعلى للقوات المسلحة.. ثالثا: قال قانون لتنظيم المسيرات وليس منعها .. رابعا : المكلف بصياغة القانون وزير العدل .. و البسنوهو مجلسي السيادة والوزراء اللذان يشكلان معا برلمان الانتقالية لحين قيام المجلس التشريعي .. س : طيب القانون دا ح يقول شنو ؟ ج : أي ناس عايزة تطلع مظاهرة تخطر السلطات عن الجهة المنظمة ومن المسؤول عنها.. س : السلطات دي منو؟ ج : القانون بحددها وبحدد الإجراءات التي تنظم اختصاصها.. س : الداعي شنو أصلا لذلك ؟ ج : (أ) عشان إذا تسببت المظاهرة في أي أضرار تتحمل الجهة المسؤولة تبعات ذلك .. (ب) يكون للسلطات الأمنية زمن لتوفير الحماية اللازمة للمتظاهرين حتى لا يحدث اشتباك بينها وبين آخرين .. أو تميل هي نفسها نحو التخريب .. إذا الأسباب دي ما أقنعتكم تعالوا ندعو لمظاهرة تطالب باسقاط مجلسي السيادة والوزراء.. وخلونا نتخيل مين البكونوا مارقنها معانا.. مودتي لكم .
بس كمان عندي تعليقات عليه, اولا قال سن قانون. يعني ماقال تفعيل القديم الاساسا موجود.. والحاجة التانية هو جابوا في مكان ماليه علاقة بالتمرد او الانقلاب. اللهم الا لشئ في نفسه والمجلسين وهل القانون القديم ما كافي ولة ما خدم غرض ولة عشان ما سناه المكون دا؟.. ولة شنو؟ ثانيا انا عاينت ليه من زاوية قطع الطريق علي المليونيات.. وانت اكدت لي علو الجهة اللي ح يصدر منها السن علشان ينزل قانون (جديد). شوية توضيح يا مولانا. ا
01-16-2020, 07:32 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4133
طالما هو مواطن سوداني لا لأي شمولية تحت أي مسمى ومهما كانت الغاية والنية لأن العدل هو العدل مهما كان الشخص المراد تطبيق معيار العدل عليه لا يعنينا من هو هذا ومن هو ذاك وإلى أي حزب ينتمي هذا أو ذاك فقط ماذا ثم ماذا ثم ماذا ولا يبنى السودان بغير هذا وهو العدل المجرد عن الأهواء والأمراض والأحقاد المجرم يعاقب بالقانون وينتهي الأمر هاهنا..
01-16-2020, 07:37 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4133
Quote: سلام عليكم كلام مولانا الملك منطقى لكن المشكله فى تفسير الجهه/الشخص المنفذه/المنفذ للقانون تجاه اى مظاهره قبل او اثناء المظاهره وايراد مبررات تعتد على ثغرات القانون اياه . وهنا نذكر بانون النظام العام وماكان يحدث من مظالم بسبب (سوء التفسير والتقدير) زى القضايا المشهوره الطرحه والبنطلون
المشكلة بقت في الجهة اللي ح تصدر طلب المسيرة او المليونية والموكب.. عادة الشارع كان بسيير مواكبه ايام الثورة تحت مظلة المهنيين (قحت). بعد السقوط الشارع سير مليونية يونيو (دفر) بيها قحت في هزيمة العسكر. بعد الحكومة الشارع سير مليونية دعم بيها حمدوك في تكوين لجنة اديب لحق الشهداء ومليونية حل المؤتمر الوثني وقبلهم تغيير القانون لتعيين القضاء والنائب العام. الليلة هل ح تسمح قوي الاعلان والمهنيين بمسيرة للشارع ومليونية حل جهاز الامن مثلا ولة ح يسمحوا بمليونية التشريعي؟ علشان كدا انا سألت في بداية البوست القرار الجديد دا طالع من منو؟؟
01-16-2020, 09:06 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
Quote: اولا قال سن قانون. يعني ماقال تفعيل القديم الاساسا موجود
القديم محصور في الاجراءات المنصوص عنها في قانون الاجراءات الجنائية يا معتصم.. أما موضوع التصاريح ما كان بنظمها قانون وكانت متروكة لمزاج الحزب الحاكم يصرح ويمنع كما شاء.
Quote: والحاجة التانية هو جابوا في مكان ماليه علاقة بالتمرد او الانقلاب. اللهم الا لشئ في نفسه والمجلسين
الكوتيشن العلمت عليه فوق جا في تلخيص للحوار الذي أجري مع البرهان .. دا هو اللقاء في الدقيقة 12/24 بتلقى المحاور هو السألو.
Quote: ثانيا انا عاينت ليه من زاوية قطع الطريق علي المليونيات
هههه دي خوفا ساكت لكن من حقك مش قالوا المجرب عضة الدبيب شنو كدا ما عارف.. عموما اطمئن مافي جهة تقدر تقطع الطريق أو تمنع فعل مباح دستوريا .. لكن من حقها تنظم ممارسة الفعل المباح حتى لا ينتج عنه أضرار. . اما الجهة المفوضة بالتصريح .. القانون هو البوضحها لكن في الغالب بكونوا الشرطة أو النيابة .. قلت كدا لان الطرفين ديل مفوضين بقانون الاجراءات الجنئية على مراقبة وحماية وتفريغ المظاهرات لو مالت للتخريب.
01-16-2020, 09:17 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
Quote: انت عايز تحكم وعايز تطلع مسيرات ضد نفسك في آن واحد؟! والله حيرتونا
المسيرة و المظاهر بتكون لمطلب محدد في وقت محدد في الدول الديمقراطيتها راسخة الجماهير بتعمل مظاهرات ضد الحكومات التي انتخبتها. الجمهوريون في امريكا تظاهروا ضد ترمب مثلا و احتج بعض نوابهم علي بعض القرارات بل صوتوا ضدها في المجلس.
بالرغم من تأيدنا لحكومة حمدوك ... من حق الجماهير ان تطلع الشارع اذا عاوزة تطالب بي شي محدد او تعترض علي قرار معين بس يا منتصر انت متحير لانك بتفكر بي طريقة انو علي الجماهير تبصم علي اي قرار. الزمن ده إنتهي ده زمن الثورة زمن الوعي الجماهيري ... زمن إنتزاع الحقوق
01-16-2020, 09:17 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4133
جابت ليها بهتان في انصاف الليالي كمان؟! هات اقتباس مما تدعي ومعه الرابط أنا لم أصف أي زميل في هذا المنبر بهذه الأوصاف مطلقاً لا تصريحا ولا تلميحا كما تفعل أنت
Quote: الفهم زي السعادة.. قسمة ونصيب. والله.
01-16-2020, 09:38 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4133
Quote: في الدول الديمقراطيتها راسخة الجماهير بتعمل مظاهرات ضد الحكومات التي انتخبتها. الجمهوريون في امريكا تظاهروا ضد ترمب مثلا و احتج بعض نوابهم علي بعض القرارات بل صوتوا ضدها في المجلس.
بالرغم من تأيدنا لحكومة حمدوك ... من حق الجماهير ان تطلع الشارع اذا عاوزة تطالب بي شي محدد او تعترض علي قرار معين بس يا منتصر انت متحير لانك بتفكر بي طريقة انو علي الجماهير تبصم علي اي قرار. الزمن ده إنتهي ده زمن الثورة زمن الوعي الجماهيري ... زمن إنتزاع الحقوق
مقارنتك في غير محلها رئيس أمريكا انتخبه شعبه ومن حقهم يتظاهروا إذا خالف شي مما وعد به تلك دولة تم بناؤها وليست في مرحلة بناء جديد نحن في مرحلة انتقالية رفض الذين تتحدثون عنهم أي انتخابات عاجلة !!! والذين يحكمون الأن هم أقرب الناس لمن تؤيدون إذا لم يكونوا هم ذاتهم من تؤيدون وتم تعينهم وانتقائهم وفق رغباتكم والبلد في مرحلة انتقالية ومرحلة أمنية هشة رئيس أمريكا لم يسقط رئيس آخر ونظام آخر ويدخل زعمائه السجن ومؤيدوا النظام الذي اسقطوه يتربصون بالحكومة والسلطة يعني هناك من هو ضد هذه السلطة ويريد اسقاطها تماماً وهم الكيزان ويتظاهرون ولهم سيناريوهات كثيرة فأليس من العقل أن يكون النقد بوسائل غير المظاهرات حتى لا يعطى الكيزان فرصة ليدخلوا ويضروا ويفسدوا كنوع من سد الذرائع على الأقل في هذه الفترة الإنتقالية وهناك وسائل كثيرة وعملية أكثر للنقد المباشر للسلطة بما يفيد ويصحح المسار حتى يتم تمييز الصفوف دون إعطاء فرصة للكيزان لإختراق الصفوف. ولو أعلنت حكومة حمدوك أن العسكر لم يفي بما وعد به من مواثيق وعهود ووجهوا كلامهم هذا لكافة الشعب فحينئذ جاز للشعب أن يتظاهر ويحتج أما بغير ذلك فليس من الحكمة ولا المصلحة تسليم نفسنا للكيزان ومخابراتهم والخروج معهم للشارع محتجين كما حدث في الشهور التي سبقت توقيع الوثيقتين.
01-16-2020, 11:05 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
مولانا الملك.. شاااكر جدا جدا تداخلك في البوست تعليقا , توضيحا وتبسيط. كل المني ..
Quote: هههه دي خوفا ساكت لكن من حقك مش قالوا المجرب عضة الدبيب شنو كدا ما عارف.. عموما اطمئن مافي جهة تقدر تقطع الطريق أو تمنع فعل مباح دستوريا .. لكن من حقها تنظم ممارسة الفعل المباح حتى لا ينتج عنه أضرار. . اما الجهة المفوضة بالتصريح .. القانون هو البوضحها لكن في الغالب بكونوا الشرطة أو النيابة .. قلت كدا لان الطرفين ديل مفوضين بقانون الاجراءات الجنئية على مراقبة وحماية وتفريغ المظاهرات لو مالت للتخريب.
الضاق قرصة الدبيب بخاف جر الحبل يا مولانا هههههه.
01-16-2020, 09:51 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4133
Quote: س يا منتصر انت متحير لانك بتفكر بي طريقة انو علي الجماهير تبصم علي اي قرار.
يا الصاوي بالغت بالله منو في المنبر دا أكثر مني نقداً لهذه الحكومة و لقحت التي كونت الحكومة؟! أنا لم أقول أن نبصم بالعشرة على القرارات ولا مواقفي تشبه هذا الزعم!!! لكن من الحكمة تمييز الصفوف والوسائل هناك وسائل أكثر فعالية من المظاهرات وأفيد من المظاهرات في هذه المرحة تحديداً حتى لا تعطوا الكيزان فرصة للاشتراك مع المحتجين والكيزان قادرين جداً على تبديل الأقنعة وترديد شعارات الثورة باحسن مما تظنون وجر الثوار لما يحقق مصالح الكيزان وبفسد مقاصد الثوار لماذا تصرون على أن تكونوا مع الكيزان في خندق واحد ؟!!! وهناك أماكن غير خندق الكيزان يحقق ما تريدونه إن كان ما تريدونه مطلب وطني خالص.
01-16-2020, 10:06 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
Quote: السودان: غرب كردفان تمنع التظاهرات وتناشد المواطنين بعدم الإستجابة لها يناير 16 2020
الخرطوم: الانتباهة أون لاين
تراس والي غرب كردفان اللواء الركن عبدالله محمد عبدالله اجتماع لجنة امن الولاية بامانة الحكومة بالفولة. وقال في تصريح لوكالة السودان للأنباء ان الاجتماع تناول قرار مجلس الامن والدفاع رقم (2) والخاص بمنع المسيرات والمظاهرات إلى حين صدور الموجهات والتشريعات التي تنظمها وتحدد مسؤلياتها وقال ان حكومته اتخذت التدابير المنعية والوقائية الخاصة بقيام المظاهرات وذلك للدواعي الامنية ومن اجل حفظ الامن بالولاية. وناشد والي غرب كردفان المواطنين بعدم الاستجابة للمسيرات التي يروج لها عبر مواقع التواصل الاجتماعي، محذراً الذين ينشرون في مواقع التواصل الاجتماعي اعلان المظاهرات ويروجون لها انه ستطالهم المساءلة القانونية عبر جرائم المعلوماتية واوضح ان المسيرات العشوائية قد اضرت بالبلاد كثيرا وتعتبر مهددا امنيا للوطن والمواطنين ويستغلها المندسين في زعزعة الامن وترويع المواطنين. وقال ان المطالب المشروعة يجب ان تقدم عبر القنوات الرسمية وليس بالفوضي وتعطيل المصالح العامة والخاصةودعا الوالي الجميع للعمل بالخروج بالوطن من الازمات خاصة الامنية والاقتصادية منها. وجدد العزم علي بسط هيبة الدولة وعدم الإنفلات الأمني مشيرا الي ان غرب كردفان لم تشهد احداثا امنية خلال فترة الثورة وكشف الوالي بان كافة القوات النظامية قد اتخذت التدابير اللازمة لتنفيذ القرار مجددا الثقة في المواطنين في الحفاظ علي الامن والاستقرار بالولاية، بجانب العمل علي نشر ثقافة الأمن واحترام القوات النظامية والتعاون معها من اجل بسط هيبة الدولة وسلامة الوطن والمواطن. و طمأن الجميع بان الولاية آمنة ومستقرة وان البترول منساب بشكل طبيعي وان القوات المسلحة قد استلمت كافة مقار هيئة العمليات بالولاية مبينا في هذا الصدد بأن الاجهزة النظامية تعمل في تناسق تام بالولاية.
اول الغيث قطره بعد كلام حميدتى عن مسيرات الزواحف الجايه (ذريعه الحديث عن قانون المواكب) ياتى حديث لبرهان والان حدبث والى غرب كردفان فى نفس الاتجاه شغله متناغمه ومرتبه بينهم بسبب الواحف وتتريس الشارع بواسطه متمردى هيئه العمليات واحتجاجهم الغلنى . الظاهر لى قدام (اقتراح) موكب فى الوسائط حيوقع صاحبو تحت طائله القانون كانها (دعوه) موكب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mutasim Idris
عبدالحفيظ ابوسن
Yasir Elsharif
علاء سيداحمد
محمد على طه الملك
Hafiz Bashir
Asim Ali
Hamid Elsawi
منتصر عبد الباسط
فيس بوك
تويتر
انستقرام
يوتيوب
بنتيريست