|
Re: إعتقال تراجى و امنة طلع كاذب (Re: Abureesh)
|
Quote: إتصلت ببورتسودان، و نفس الشخص الذى قال انه سمع الخبر الان ذكر انها إشاعة لبث الفتنة فى المنطقة. |
أوع يكون دا نفس الشخص القال ليك الدولار حصل 100 جنيه قبل شهرين ...؟؟؟؟؟
| |
|
|
|
|
|
|
Re: إعتقال تراجى و امنة طلع كاذب (Re: Abureesh)
|
Quote: و لم يكن إستدعاء.. و لم يكن تحقيق. هم اجتمعوا فى الفندق، و جوهم نفرين من ناس الامن سألوهم بعض الاسئلة ثم ذهبوا.. و الان امنة فى الخرطوم. |
سلام ابوالريش دى بقت زى غلوتية ادروب في الاستاذ. اداهو كرت احمر و لا بس طلعو و رجعو في جيبو. عموما سلامتهم.
بالمناسبة, امس قريت العنوان (عقبال تراجي و امنة) و لم ادخل البوست. الان فقط انتبهت انو (اعتقال).
| |
|
|
|
|
|
|
Re: إعتقال تراجى و امنة طلع كاذب (Re: Mahjob Abdalla)
|
الأخ محجوب،
يا عزيزى لا غلوتية ولا حاجة.. إلا فى أذهان البعض. ناس امنة ديل اهلنا و نتكلم معاهم بالتلفون قبل ما يعملوا مؤتمرات صحفية.
خبر الإعتقال طلع كذب فى كذب. و كذلك خبر التحقيق. فى ناس يسعون لتأجيج الفتن. هؤلاء السيدتين ذهبوا لموقع الإحتكاكات ثم عملوا اجتماع فى الفندق ليتفاكروا.. ولا يحناجون لتصريح فى ذلك.. كل هذه فبركة و إشاعات.. لأنهم تحركوا فى المواقع ثم اجتمعوا . قام ناس الامن أرسلوا لهم نفرين عشان يعرفوا الحاصل شنو.. سألوهم بعض الاسئلة بدون أى شكليات التحقيق، و بدون أن يستدعونهم من الفندق.. هذا كل ما فى الأمر.
تحياتى
| |
|
|
|
|
|
|
Re: إعتقال تراجى و امنة طلع كاذب (Re: ABUHUSSEIN)
|
الأخت أمنة مختار
شكرا
و بعد كلامك الأخير إتصلت بجهة أخرى (ليست الأهل) و إتضح ان الاهل ما كانوا دايرين يكلمونى كعادة بعض السودانيين. و لمتهم على ذلك ..و لكن من إتصلت به اليوم أكد واقعة الإعتقال. الان أتابع الأخبار مع ذلك الشخص.
| |
|
|
|
|
|
|
Re: إعتقال تراجى و امنة طلع كاذب (Re: ABUHUSSEIN)
|
Quote: الخبر طلع صحيح 100% |
يا زول الكلام دا عيب.. هذه حركات صبية مراهقين.. و لما تدخل بوست غيرك احترم نفسك اول. حتلقى انك تحترم الناس بدون ما تتعب.
الخبر طلع صاح.. طيب و بعدين؟
فى هذه الدنيا الزائلة الناس تصيب و تخطئ,, و الحديث قال إن لم تخطئوا و تستغفروا فسيأتى الله بقوم يخطئون و يستغفرون فيغفر لهم. و قال كلكم خطائون و خير الخطائين التاوبون. و ما فى زول طالبنى أستغفر أمامه. لو إنت عندك عهد من الله انك معصوم مبروك عليك..
الله يصبرك يا روح.
يا أهل المنبر خلوكم شاهدين على هذا الرجل.. بعد قلت ليه ما أتداخل معك.. يجى متلب كلما كتبت سطر. و انا ما حصل طردت شخص من بوستاتى أبدا.
| |
|
|
|
|
|
|
Re: إعتقال تراجى و امنة طلع كاذب (Re: ABUHUSSEIN)
|
Quote: الخبر طلع صاح.. طيب و بعدين؟ |
وبعدين كان تخلينا نقعد نغالت ناس أبوحسين ديل ونطقطهم ونوريهم المراقات المابعرفوها.
او
تكتب إعتذار بالبونط العريض يا أبو الريش عن نفيك الخاطئ للخبر الصحيح. وتكتب إعتذار تاني برضو بالبونط العريض للناس النشروا الخبر لإتهامك لهم بالسعي لتأجيج الفتن هو إتهام مبني على نفيك لصحة الخبر. وتكتب إعتذار تالت بالبونط العريض برضو لزهير عثمان حمد لتشكيكك في مهنيته ومصداقيته بناءاً على تكذيبك الخاطئ لخبره. وأذكرك بقولك لزهير: Quote: الصحافة المهنية حين تنقل خبرا يثبت كذبه، تعتذر فى نفس الصفحة التى نشرت فيها الخبر |
تلاتة إعتذارات كاملات يا أبو الريش
| |
|
|
|
|
|
|
Re: إعتقال تراجى و امنة طلع كاذب (Re: Hafiz Bashir)
|
طبعاً يا أبو الريش في إعتذار رابع وهو الإعتذار عن نشرك لخبر كاذب بنفيك لخبر زهير الصحيح لكن أنا جاملتك فيهو وخليتو ليك ضمن الإعتذار الأول على شرط الإعتذار يكون بالبنط العريض..
وعشان ما يجي واحد يقول لي "ليه تجامل في موضوع زي دا يا مولانا؟" أيوا بجامل وبتحيز لأبو الريش عشان صاحبي
| |
|
|
|
|
|
|
Re: إعتقال تراجى و امنة طلع كاذب (Re: Abureesh)
|
ابو الريش لا تستلم بالسهولة دى وتشرب مديدة الدخن النسوان ديل فعلا فى الاول قبضوهن ثم فكوهن بضمان لكن فيما بعد اعادوا اعتقالهن إعادة القبض علي تراجي وحظرها من مغادرة بورتسودان يناير 9, 20200 الخرطوم_ (اليوم التالي) ألقت السلطات بمدينة بورتسودان مساء أمس القبض على تراجي مصطفى، الناشطة المثيرة للجدل ضمن ستة أشخاص، منهم بينهم الوزيرة السابقة بنظام البشير آمنة ضرار وأربعة من قيادات الإدارة الأهلية، بتهم تتعلق بالتحريض والتستر وذلك علي خلفية جريمة مقتل مواطن بمدينة بورتسودان يوم أمس الأول، عقب اجتماع نظمه الموقوفون. وكانت السلطات ألقت القبض على تراجي وآمنة ضرار قبل أن تطلق سراحهما وتعود لإلقاء القبض عليهما بمعية أربعه رجال، بعد الاشتباه فيهم عن طريق الكلب البوليسي. يشار أن مدينة بورتسودان تعيش توتراً قبلياً بعد العثور علي بقايا جثة قتيل ملقية في أحد أحياء بورتسودان، بجوار الموقع الذي شهد تنظيم الندوة.
| |
|
|
|
|
|
|
Re: إعتقال تراجى و امنة طلع كاذب (Re: زهير عثمان حمد)
|
Quote: و إتضح ان الاهل ما كانوا دايرين يكلمونى كعادة بعض السودانيين. |
الأهل ما دايرين يكلموه كعادة بعض السودانيين (كذبو عليه بس مغلفة في ورق هدايا ) و لم يكتبها زهير تبقى كذب ..... !!!!!!!!!!!!!!!!!!!!!!!!!!!!!!!!!!!!!!!!!!
| |
|
|
|
|
|
|
Re: إعتقال تراجى و امنة طلع كاذب (Re: ABUHUSSEIN)
|
Quote: هههههههه العاجبني في أب ريش إنو ركّب معاهووو الفوتوني العدمي ودبشير في ضهر الحمار! والله صحي! |
عاطف يا كيشة ما تحلف بالله ساي أنا قلت لأبو الريش في نهاية مداخلتي إنو دي مراقتو الوحيدة بتعرف المراقة وفرقها شنو من السقاطة؟ اللعبة دي قامت مربوطة من زهير وزميل ابوالريش قال باص وأبوحسين قال 9، أبو الريش في قبوله و ورقو فاضي كان مفروض يلعب ال9 ولكنه لعب أبو حسين. أبو حسين الآتو بتاعو جرايد. قام حت الآتو كلو ما خلى لا راكوبة لا إنتباهة لا تغيير لاسودان إندبندنت المراقة وظيفتها فقط إنها تمرق ابو الريش من السيك لكن ما بتسقط ال9. يا عاطف يا كيشة أعرف الفرق بين المراقة والسقاطة قبل تحلف.
مراقة أبو الريش دامة في كرتين أبو الريش لو ما كان بوَّش المراقة ما كان أخد سيك في قبوله.
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|