|
|
|
 Re: لو قلنا إننا ثرنا ... (Re: تبارك شيخ الدين جبريل)
|
حمدا لله ع سلامة العودة يا تبارك
حتى لو اتفق الناس على معايير ثرنا على شنو و نجحنا في تغيير شنو برضو ح يختلفوا على كيفية قياس النجاح
كل زول عنده طريقته المختلفة وتقييمه المختلف للنجاح المعني وحسب الزاوية البنظر منها!
عادي ممكن يكون هناك من لا يري في كل ما جرى سوى تغيير جلد للإنقاذ ما أكتر
| |
  
|
|
|
|
|
|
|
|
Re: لو قلنا إننا ثرنا ... (Re: تبارك شيخ الدين جبريل)
|
ليكم التحايا والاشواق أجمعين ... في فترة جاطت سودانيزاونلاين وامتلأت بالامنجية والبروبوقاندا وصارت غير محتملة (ووجب إعادة هيكلتها ببعض البل) .... فلجأت للسوشال ميديا لمد أواصر التواصل مع الشارع السوداني ... الآن وقد وضعت السلطة الانتقالية أوزارها ... وقال المواطن مالها ... ظهرت الحوجة لمنبر نقاش هادئ وجريء وهادف ... لصياغة تصورات ورؤى مستقبلية للسودان ... صادرة عن صفوة مفكريه ومثقفيه وساسته وفنانيه وفلاسفته ...
وهذا ما سنحاول صنعه هنا ... إلى حين الولادة المتعسرة لمشروع وطني جامع
... المهم ....
| |
|
|
|
|
|
|
|
|
|
Re: لو قلنا إننا ثرنا ... (Re: تبارك شيخ الدين جبريل)
|
عندنا ناس ثاروا على عدم المساواه والنهج العنصري للدولة ثورة سلمية (باعتبار ان الحركات المسلحة سبقت الآخرين في الثورة على التهميش وخطاب المركز العنصري)
عندنا ناس مرقتم اسعار الخبز وأزمة النقد في الصراف الآلي وصفوف البنزين
... المهم ...
| |
|
|
|
|
|
|
|
|
|
Re: لو قلنا إننا ثرنا ... (Re: Yasir Elsharif)
|
حبابك 10 تبارك
في نظري يجب ان نضع اهداف الثورة كلها قدامنا ، ونرتبا حسب اهميتا وحسب الحيز الزمني
الممكن اي واحد فيهم يستهلكوا قبل ما يتحقق.
مثلا اهم شعارات الثورة - حرية سلام وعدالة
اتحررنا من الكيزان مبدئيا لكن مسألة ازالة تأثيرهم من مراكز صناعة القرار اعتقد ما اكتملت
السلام لسة بعيد حتى الان ، العدالة الانتقالية لسة برضو وحتاخد زمن ، كم؟ ما معروف
العدالة الاجتماعية دي موضوعا معقد وبتحتاج جهود رسمية ومدنية ، يعني على مستوى
التشريع -برلمان ، وعلى مستوى التنفيذ في كافة اوجه الحياة وبتحتاج ايضا لحملات مكثفة
من قوى المجتمع المدني لانو موضوع العدالة مرتبط ايضا بظواهر ثقافية ومعتقدات بالية
فلو قدرنا نجمع افكارنا ونحدد بنود القياس كلها ، وضعنا لكل واحد اطار زمني تقديري
وتابعنا ، ممكن نقدر نصل لمعادلات او مقادير كمية او َQuantification يعني ..
وكل فترة بتعمل تحديث ، لانو الحفرة الواقعين فيها غريقة جدا جدا على كل الاصعدة
| |
|
|
|
|
|
|
|
|
|
Re: لو قلنا إننا ثرنا ... (Re: علاء سيداحمد)
|
شكراً د. ياسر ياسر الشريف.
Quote:
عندنا ناس مرقتم اسعار الخبز وأزمة النقد في الصراف الآلي وصفوف البنزين |
دا صحيح، لكن كثير من هولاء أكتسبوا وعي جديد من خلال الثورة بأن مسببات الأزمات
هي فساد النظام البائد و أن المعالجات ح تاخد وقت و أن تفكيك بنية الإنقاذ بدأ ولن يتوقف.
| |
|
|
|
|
|
|
|
|
|
Re: لو قلنا إننا ثرنا ... (Re: نعمات عماد)
|
أهلا بالجميل ود جبريل
شفتك ظهرت في قروب التشكيليين الأحرار وبعدين اختفيت
مرحبا بعودتك التي اسعدتنا
كتب الأخ عبد الله ادريس
| Quote: في نظري يجب ان نضع اهداف الثورة كلها قدامنا |
مؤكد تقصد غايات الثورة؟
نعم لابد من تحديد غايات الثورة أولاً ثم بعد ذلك تحديد الأهداف التي توصلنا لهذه الغايات
في مرحلة تحديد الغايات لا يختلف الناس لأن الغايات عندها يتفق الجميع
أو على الأقل يدعون أنهم متفقون ولسنا مطالبون بتفتيش قلوب الناس
يكفي أن يظهروا أنهم متفقون حول الغايات التي منها أن يكون هناك
وطن سوداني فيه سلام وحرية وعدالة وتنمية ورفاهية وخدمات كافية
لمعاش الناس من خدمات صحية وبيئية ومواصلات وغير لك
هذا وما شابهه متفق عليه
بقيت الأهداف وهي الوسائل التي يتحقق بها هذه الغايات
والأهداف المفروض أن تكون ليست مرادة لذاتها ومن الممكن تغيير
هدف بهدف آخر لو دعت ضرورة
ومن أهم الأسباب التي اقعدت بلادنا دون تحقيق غايتها هو تسليم بلدنا لأهل السياسة
وليس الخبراء والعلماء وأهل الكفاءة وحشدهم لتشخيص المشاكل ووضع الحلول
لها .
| |
|
|
|
|
|
|
|
|
|
Re: لو قلنا إننا ثرنا ... (Re: منتصر عبد الباسط)
|
ناس مدني عباس مدني العامل فيها مناضل أخد ليهو منصب ولبد
ولم نشتم أدنى ريحة لثورة صناعية ولا ثورة تجارية
وهو وزير للصناعة والتجارة!!!
قوم يجهلون ماذا تعني الثورة !
ومع ذلك قدمهم الناس ليقودوا ثورة هم أجهل الناس بمعانيها.
وأفقر الناس فكراً ومعرفة تؤهلهم لتحقيق غايات الثورة.
| |
|
|
|
|
|
|
|
|
|
Re: لو قلنا إننا ثرنا ... (Re: نعمات عماد)
|
يا دكتورة نعمات ...المحور الآخر ،،محتاج تعريف وماهو مشاريعه فى السودان !و هل هو محور شر ؟عشان الكلام ما يكون مبهم .
انا شخصيا أراهن على تحالف راسخ من القوى الحية التى شاركت بفاعلية منذ ال٨٩ فى مناهضة نظام الإخوان المجرمين .
أما تبارك الذى بيده "الباسويرد"جاى راجع لحراق روح ساي،
الثورة فعل مستمر طالما كانت القوى التى تحملها حية زوجتو وفاعلة فى المشهد (سياسي /اجتماعى واقتصادى).
| |
|
|
|
|
|
|
|
|
|
Re: لو قلنا إننا ثرنا ... (Re: الزبير بشير)
|
| Quote: المحور الآخر ،،محتاج تعريف |
سلام مرتضى
البشير ورط السودان بين محورين :
1- محور تركيا و قطر أي محور الأخوان المسلمين.
2- محور الكون الإمارات /السعودية/مصر، حلفاء
البرهان و حميدتي و الكباشي و العطا.
مشاريع كل محور معروفة.
| |
|
|
|
|
|
|
|
|
|
Re: لو قلنا إننا ثرنا ... (Re: منتصر عبد الباسط)
|
كلٍ يستحق إبداء وجهة نظره.
منتصر لن أناقشك في رأيك لأننا على نقيض في مسألة المحاور.
و لا يهمني أن تطلق لقب قطيع على من يخالفونك الرأي، لكن دعني
أسألك ماذا تكون أنت حين يكون أصحاب الرأي الآخر قطيع؟
| |
|
|
|
|
|
|
|
|
|
Re: لو قلنا إننا ثرنا ... (Re: نعمات عماد)
|
يا أخت نعمات الأمر ليس أنا وأنت ومن أنا ومن أنت
هذه قضية وطن وحقوق وطن وحياة شعب بكل تعقيدات الحياة ومتطلبتها
نريد تفكير جاد بعيد عن كلام السياسيين المكرر
وأنا لا أقصد بكلمة القطيع الإساءة ولكن لأن الجميع يكرر ذات الكلام
| |
|
|
|
|
|
|
|
|
|
Re: لو قلنا إننا ثرنا ... (Re: منتصر عبد الباسط)
|
الحبيب منتصر .. تحياتي
مداخلاتك جميلة وأقرأها دائماً
ولكن صورة البروفايل الجديدة (2020) فيها وهج شديد
على العين ( ربما اثار العمر بالنسبة لنا ) إذا سمحت
يمكنك التثبيت .. أو تغيير
معليش الحبيب .. تحياتي
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
تبارك شيخ الدين جبريل
بشير حسـن بشـير
معاوية المدير
محمد عبد الماجد الصايم
محمد البشرى الخضر
HAIDER ALZAIN
علي عبدالوهاب عثمان
نعمات عماد
Yasir Elsharif
Abdullah Idrees
علاء سيداحمد
منتصر عبد الباسط
الزبير بشير
فيس بوك
تويتر
انستقرام
يوتيوب
بنتيريست