|
|
|
 Re: بورتسودان تشتعل من جديد. البيعرف يرفع من و (Re: Biraima M Adam)
|
مرحبا يا هندسة..
السبب هو فى قوى خفية تريد الهاب الشرق و تفجير فتنة قبلية لا تبقى و لا تذر. القادة المحليون اساسا بسطاء لا يعرفون يقيمون و لا يحللون الأحداث، لا فرق بينهم و بين المقودين.
و الحكومة إما متامرة و إما زى الإنقاذ لا يهمها ان تحترق غدا مع السودان، أكثر من إهتمامها باليوم و اللحظة. يجب قراءة كل هذه الاحداث مع بعضها و ليست متفرقة.. بورتسودان
والجنينة، و كسلا و عبد الحى.. لمذا كلها تفجرت مع محاكمة قتلة الاستاذ احمد خير؟ و مع إجازة الميزانية و مراجعة المناهج المدرسية؟
و هناك من المواطنين معرضيون. vulnerable لإثارة مشاعرهم، إنطباعيون و ليسوا موضوعيين.. و هم الهدف الأول لقوى الشر و التامر.. قوى الشهر تستهدف افراد قلائل من
هؤلاء السذج، فيجندون بعضهم دون يعرفوا مدى ما سيقومون به، و يلقنوهم أدوار أولية.. مثل ان يقولوا لأحدهم: أمشى القهوة أو أقيف فى الحتة الفلانية فى الوقت الفلانى وقول بصوت
عالى البلد دى بلدنا .. بس هذا دوره انتهى يمشى بيته.. يستلم الراية المجند التانى و يحرض قومه و يستنهضهم للدفاع عن العرض و الارض.. هذه هى الشرارة.. و قد استعملوها فى الجنينة.
| |
 
|
|
|
|
|
|
|
|
Re: بورتسودان تشتعل من جديد. البيعرف يرفع من و (Re: Biraima M Adam)
|
| Quote: لكن هناك ضرب سلاح ربما من الشرطة |
شوف الصورة الكبيرة يا بريمة.. ضرب نار و بوليس و دعم سريع.. دى كلها لا تعنى شئ.. توجد فتنة قبلية شريرة و موقودوها حسب رأيى ما قلته أعلاه.. هل يمكن تدخل عقلاء؟
و ما يعملوا إتفاقيات قلد فقط، بل ينزلوا و يقوموا بتوعية قواعدهم بحجم المؤامرة .. لو علمت الأطراف أن الهدف هم جميع السكان و ليس جهة بعينها، حينها سيتبهون لمصالحهم و مصيرهم.
| |
|
|
|
|
|
|
|
|
|
Re: بورتسودان تشتعل من جديد. البيعرف يرفع من و (Re: Abureesh)
|
Quote:
الباشمهندس أبو الريش
سلام ..
السبب شنو في إنفجار الأوضاع في بورتسودان؟ .. أشرح لينا الحاصل شنو؟
بريمة |
انت خلي بورتسودان
دوركم جايي في جنوب كرفان ونفس المخطط الامريكي الانت عارفو كويس
مش عبدالعزيز الحلو جرا الامارات ؟؟
يجي يعك بالعلمانية والاسلامية واهلك الحوازمة مت بنفع معاهم الكلام ده طبعا بل بعض النوبة ايضا
هل مشكلة الناس في كردفان علمانية ولي اسلامية
ولي
فدرالية حقيقية وديمقراطية بدل شمولية ومركزية
عبدالعزيز الحلو ما بقول يا فدرالية يا تقرير مصير بقول يا علمانية يا تقرير مصير وطبعا بدون مشورة شعبية للاقاليم
وبعد داك تجي الوصفة الاماراتية الممتية الفرتكت جنوب اليمن يجو يسلحو الحوازمة علي حساب النوبة ..وطبعا وصفة غبية قاتلة لان جنوب كردفان ذي دارفور ذى شرق السودان مكونات قبيلة غير متجانسة ومتدنية الوعي زيك كده
وهذه التناقضات المزيفة هي التي ترحك الفوضي الخلاق وتشظي ما تبقى من السودان ودخول التتار الامريكيين تحت الفصل السابع ويضعو ايديهم علي موارد السودان
واي زول في جنوب كرفان يركز شوية
المشكلة شنو يرجع الاقليم والانتخابات اقليمية باسس جديدة
هل المشكلة علمانية ولي فدرالية في السودان
ودي اخر صورة بالرنين المغتطيسيMRI للسودان قبل الانهيار التام ما لم تتحقق الاغلبية الواعية
https://www.0zz0.com
اما يرجع الاقاليم الخمسة باسس جديدة اوينهار السودان بسبب سرطان 18 ولاية تقود الي التشزرم القبلي وصراع الوافد ضد المحلي
واي سياسي يجري مصر او السعودية او الامارات او قطر او تركيا
ارمي طوبتو طوالي
اي سياسي يجري لا تريكا والبنك الدولي
برضه كذاب اشر ...
اهو نموذج اكسوم الحبشة الديمقراطي الفدرالي الاشتراكي مع تقرير المصير في منابر حرة ووعي تام واغلبية واعية لم يشكل خطر تفكيك الحبشة من مليس زيناوي لي ابي احمد
البشير جدع الجنوب والهسة ديل بقومو بي الباقي والمناظر هي ذاتا والصور نفس المشاهد
الحق اهلك الحوازمة وخليهم مع الفدرالية بس واعادة اقليم كردفان بس والوضع الموجود قبل 30 يونيو 1989 مشروع الانقاذ رجس من عمل الشيطان والمصريين والامريكان
والامارات هي مخلب القط الجديد في السودان زح حميدتي منها وصالحو مع موسي هلال اول حاجة
| |
|
|
|
|
|
|
|
|
Re: بورتسودان تشتعل من جديد. البيعرف يرفع من و (Re: adil amin)
|
| Quote: ليه ما عايز تسمي الأشياء بأسمائها ..؟ من هم الذين يتم تفريقهم ولماذا؟ |
يا بريمة انا ما رجل شرطة عشان أجرى وراء أحداث معينة و أعمل تحقيق فيها.. و منو ضرب منو.. فوق قلت و طلبت منك تشوف الصورة الكبيرة للمؤامرة و أنت
تصر على ضياع الوقت فى نفس الإتجاه الذى تريدنا أن نسير فيه قوى التأمر.. أننا ننشغل بالأسماء و القبائل و نحقق فى الأحداث.. ممكن واحد رجل مباحث يرد على دا.
الصورة الممكن تحللها هى أنه فى قوى تريد أن تشعل فتنة فى السودان حتى تسقط حكومة حمدوك و تأتى القوى المهينمة منذ الإستقلال.. قبل شوية شفت كريكاتير
ينصح حمدوك لا يركب طائرة حتى يضمن أنه فيها الصادق و البرهان و حميدتى..
ما فى زمن للغرقان فى التفاصيل و الغرق فى فنجان.. كل السودان مستهدف و القوى التى أعنيها سوف تلجأ الى ضرب المجموعات العرقية و القبلية ببعضها حتى تنتشر الفوضى.
و بعد قليل كما قال عادل سيتجهون لإشعال جنوب كردفان و شمالها..
| |
|
|
|
|
|
|
|
|
|
Re: بورتسودان تشتعل من جديد. البيعرف يرفع من و (Re: Abureesh)
|
| Quote: مثل هذا المدعو الامين داؤود هو الذى قلت لك ان قوى المؤامرة تستهدف أمثاله اولا.. ثم هم يقومون بالباقى. |
كلامك كله تشفير في تشفير ..
أولاً المدعو الأمين !! .. ثم قوي المؤامرة!! .. تستهدف المدعو!! .. ثم هم يقومون بالباقي؟ من هم الذين تشير عليهم يقوموا بالباقي؟
يا أخ بهدلتنا ...
بت أمنة مختار وين؟
بريمة
| |
|
|
|
|
|
|
|
|
 Re: بورتسودان تشتعل من جديد. البيعرف يرفع من و (Re: Abureesh)
|
الشرق عموما وبورسودان القصبه الهوائيه للسودان ودارفور اقليم ثرى لو لم تكن الحرب لكانت موارده الطبيعيه جعلتو حاجه تانيه ومن يدير الصراع يلعب بورقه الصراع القبلى والفتنه لوضع البلد بين خيار الاستسلام او لاجندته او الانهاك فى ظل حرب وفقر وعدم استقرار
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Abureesh
حامد عبدالله
Biraima M Adam
adil amin
Asim Ali
فيس بوك
تويتر
انستقرام
يوتيوب
بنتيريست