سلام يا الهادي رفع الدعم عن المحروقات صعب بالحيل لكن شوف الجانب التاني في الميزانية في مجانية العلاج و التعليم الناس ديل ماشين كويس يا الهادي الله يهديك خليهم يعملو العاوزنو و العبرة بالنتائج
12-28-2019, 04:01 AM
Elhadi
Elhadi
تاريخ التسجيل: 01-06-2003
مجموع المشاركات: 9646
جاك البط قح ت ما عندها جداد من الاساس ... قول حكامات حمدوك من تلقي زول يجري بنفس الخطواات بتاعة البشير لي مصر والخليج وامريكا والبنك الدولي لازم تتوقع نفس النتائج ذى ما قال انشتاين https://up.top4top.net/ دي الانقاذ 3 والحزب الخالف مشى جنرال وجوك 5+17 جنرال ونفس الجرعات وحرب اليمن اللعينة ونفس التضليل الاعلامي والتدليس ونفس علم الاستلاب القبيح بتاع مايو 1969 نفس الناس حتيغير شنو ؟؟ والعمدة فار صار مية عمد لبوة واسد جمعة واحد ذى ما قال الدوش
12-28-2019, 04:13 AM
Elhadi
Elhadi
تاريخ التسجيل: 01-06-2003
مجموع المشاركات: 9646
الشهيد هزاع شهيد هبة سبتمبر 2013، والذي قتل برصاص النظام في اعقاب الاحتجاجات والتظاهرات العنيفة التي أعقبت القرارات الاقتصادية للنظام القاضية برفع الدعم عن الوقود والمحروقات
حا تقولوا لأم الشهيد هزاع شنو ؟؟ ولدك ده مات بالغلط ؟؟
علماً إنو حتى الآن لم يتم الاقتصاص له ولا لي أياً من رفاقه، فقتلتهم هم حلفاء الحكومة الحالية وشركائها وهم من يحمون حكومة (حمدوك)
شعب ذاكرتو ذاكرة سمكة بس
12-28-2019, 04:19 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10742
Quote: بفيديوهاتك دي ما بتقدر يا الهادي تثير عاطفة الناس صدقني دا شغل بائس الناس عارفة كل شئ و متعايشة
يرضه ناس قح ت ما بخطابو وعي الناس بخاطبو غرائز الناس لحدي هسة في اعلامهم الذى اكل المستشفيات يا خضر وشفت براك برنامج الاحتقال المهزوز في فضائيات السودان الكئبة والملل في الراديو كمان قلنا ليهم ما عندكم مشروع تحول ديمقراطي حقيقي احترمو المشاريع الموجودة في السودان وهي ثلاثة لا غير لي الناس العندهم وعي سياسي حقيقي اسس دستور السودان 1955 الحزب الجمهوري اتفاقية اديس ابابا 1973 الحكم الاقليمي اللامركزي الحركة الشعبية دستور 2005 والمحكمة الدستورية والانتخابات طوالي 2010 بدل مركز ولايات مركز اقاليم بس وباسس جديدة غير كده تراهات مايو 1969 وتراهات ايتام الترابي 1989 بس هو جو قعدو في راسنا بي شنو ؟ بي المتجارة في شهداء كولمبيا فقط وقومو الدنيا وما قعدوها وعملو طبخة نية مع العسكر وقعدو يرفسو معاهم بدون رؤية ولا هدف ولا تجاه
12-28-2019, 05:00 AM
Hassan Farah
Hassan Farah
تاريخ التسجيل: 08-29-2016
مجموع المشاركات: 9262
سلام يا الهادي رفع الدعم عن المحروقات صعب بالحيل لكن شوف الجانب التاني في الميزانية في مجانية العلاج و التعليم الناس ديل ماشين كويس يا الهادي الله يهديك خليهم يعملو العاوزنو و العبرة بالنتائج ------------------------------------------------------------------- الهادى يا خضر يعانى من مشكلة نظر الله يعافيهو لا يرى الا نصف الكوب الفارغ
12-28-2019, 06:20 AM
توفيق عيسى مكي
توفيق عيسى مكي
تاريخ التسجيل: 01-26-2010
مجموع المشاركات: 5883
سلام يا خضر الغباء هو فعل نفس الشيء مرتين بنفس الاسلوب ونفس الخطوات وانتظار نتائج مختلفه. الشيك علي بياض يا خضر نتايجو ما كويسة اذا كان ده الحل الاقتصادي هو رفع الدعم ورفع الرواتب يبقي طريق ممهد للفشل باي مبررات واي قوانين واي خطط اقتصادية والدليل (الولو)
12-28-2019, 08:24 AM
عمر التاج
عمر التاج
تاريخ التسجيل: 02-08-2008
مجموع المشاركات: 3428
ان هش والله عندما أجد انسان عاقل يطبل لنظام سياسي حاكم، واسأل ما هي دوافع هذا المطبلاتي؛ هل يرجو وظيفة مرموقة في الحكومة الجديدة فيعوض بها تعبه وشقاه ام هل ياترى يطمح ليصبح وزيرا فيها او وكيلا من وكلاء الغفلة الذين يؤتى بهم من الغابة فجأة ام يا ترى يريد أن ينعم بعطف وكرم الحكومة عندما يقال له كريما مطيعا؟ وبالمناسبة، الحكومة هي الحكومة ان كانت لكيزان أو شي عيين أو قحاته هدفها واحد وليس من بينها منفعة من يطبلون لها.. قد نفهم تشجيع ودعم المواطن العادي لقرار أو اجراء مفيد، وقد نفهم انحيازه لبطل معين إزاء موقف معين ينتهي الانحياز بزوال الحدث.. ولكن لا يمكننا فهم الانصياع الكامل لحكومة ما أو جهة ما الا من باب الغفلة والنظرة السياسية الضيقة.. الا قاتل الله الجداد والجراد والقمل والضفادع السياسية، والأحزاب والانتماء الأعمى في السودان.
12-28-2019, 08:27 AM
توفيق عيسى مكي
توفيق عيسى مكي
تاريخ التسجيل: 01-26-2010
مجموع المشاركات: 5883
ياعادل ادو الناس فرصة عشان تشتغل نعم من حقك انت و الهادي و اي واحد هنا ينتقد الحكومة دي ..لكن بفهم و الله كده ما صاح حكومة ما تمت سنة و ورثت جنازة بحر اكتر من كده يعملو شنو ؟ الدستور و الاتفاقيات كلها عندها وكتها بس انتو ابردو
12-28-2019, 08:53 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10742
Quote: الهادى يا خضر يعانى من مشكلة نظر الله يعافيهو لا يرى الا نصف الكوب الفارغ
و الله يا حسن متمني يوم الهادي يقول كلمة حق في الحكومة دي انا ما عارف اتجاهو شنو و عايز يصل لشنو غايتو ربنا يهديهو انحنا كنا وين وبقينا وين تباَ للكيزان في اي زمان و مكان
12-28-2019, 09:01 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10742
Quote: سلام يا خضر الغباء هو فعل نفس الشيء مرتين بنفس الاسلوب ونفس الخطوات وانتظار نتائج مختلفه. الشيك علي بياض يا خضر نتايجو ما كويسة اذا كان ده الحل الاقتصادي هو رفع الدعم ورفع الرواتب يبقي طريق ممهد للفشل باي مبررات واي قوانين واي خطط اقتصادية والدليل (الولو)
دي الخيارات المتاحة للحكومة دي مش كويس انها قدرت في فترة ستة شهور تعمل ميزانية؟ بغض النظر عن كل شئ الحكومة دي ماشة بخطى ثابتة على حسب المتاح الناس ديل ما عندهم ايادي سحرية هم بشر زينا يقومو و يقعو و نقوم و نقع معاهم لحدي ما تتضح الرؤية و يتتضح الطريق التركة مثقلة يا هندسة و ربنا يصلح الحال
12-28-2019, 01:29 PM
توفيق عيسى مكي
توفيق عيسى مكي
تاريخ التسجيل: 01-26-2010
مجموع المشاركات: 5883
اوك ... بالزيادة التدريجة لرفع الدعم بالحساب بتاع أ ب ت ث = الهايس 50 ج والروزة 30 للشخص الواحد عندك 5 طلبة في الجامعات زي حلاتنا = الحد الادني ابو 11 دولار ده = مصاريف الصباح لاول يوم في المرتب من غير لا شاي لا فطور لا شيتات لا قلم بس الم بس البند ده براه بينسف العدالة والسلام والحرية
12-28-2019, 04:09 PM
Elhadi
Elhadi
تاريخ التسجيل: 01-06-2003
مجموع المشاركات: 9646
يا خضر الطيب ما الذي يجعل من قرار رفع الدعم عن الوقود والمحروقات قرار خاطئ في ٢٠١٣
للدرجة التي تؤدي لاندلاع احتجاجات واسعة حينها ويقتل فيها الناس بالمئات
و يمكن كلنا كنا ضد هذا النوع من القرارات الاقتصادية وربما بما فيهم انت زاتك في بلد يرزح فيها نسبة مقدرة من السكان في ظروف اقتصادية بالغة السوء
ليأتي في ٢٠١٩ ويبقى قرار صحيح وحكيم ويستحق الدعم ؟
ما تنسى كمان يا خضر إنو منظومة الفساد الرئيسية لنظام البشير الممثلة في جهاز الأمن لسة موجودة و تعمل بمعزل عن سيطرة حكومة حمدوك إن لم تكن لا تزال على كامل الولاء للنظام السابق
وفي أسئلة برضو ومطروحة مهمة جداً لم تقم حكومة حمدوك بالإجابة عليها حول أموال وموازنة ( الأمن ، الدعم السريع ، الجيش) والمؤسسات المرتبطة بهذه الأجهزة
لو ما بقى في وضوح وشفافية تامة في الأمور دي لي أنا كمواطن حا أدعم قرار زي ده يعني؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة