|
|
|
 Re: في مثل هذا اليوم العام الفات كتبت هذا البو (Re: خضر الطيب)
|
تشكر يا مستشارنا الاعلامي وأكيد اي ملاحظة منك بننفذها فورا ...
بختلف معك في حتة امور السياسة والسلام أهم ام الأقتصاد بالقطع الأقتصاد هو الاهم وهو الذي يصنع السلام وليس العكس السلام يصنع اقتصاد قوي انا دارس اقتصاد ما بتركب لي في راسي لي بكرة الا الاقتصاد هو الممكن يحقق السلام والامن بكافة انواعه ويصنع السياسة ويبني المجتمع وفق رؤية الاتجاه الاقتصادي ويصنع القوانين التي تحفظ استمرار نجاحه هو سر نجاح الحياة تم استعمارنا ليس بفضل السياسة ولكن بسبب الاقتصاد وكانت السياسة وسيلة حتى في الدولة الاسلامية منذ قيامها كان الاهتمام الاساسي في المسائل الاقتصادية والمسائل المرتبطة بها ابتداء من الذكاة والشهادة والحج والصوم حتى في الصلاة هناك مداخيل اقتصادية عديدة مثل صلاة الاستسقاء والحاجة ما قامت حضارة الغرب والشرق الا بالاقتصاد هو الحقق ليهم الرفاهية والسلام والرقي والتقدم والعلم واليوم الشرق الاقصى بغير ايدلوجية ثابتة قهر العالم بالاقتصاد الموضوع طويل جدا
ارتاح شوية واجي اسهب ليك فيه
ده شغل التوعية الشغالين فيه لامتنا من بعد رسخت فينا مفاهيم غلط
| |
 
|
|
|
|
|
|
|
|
Re: في مثل هذا اليوم العام الفات كتبت هذا البو (Re: توفيق عيسى مكي)
|
انت مقيم في قطر ...
قطر المساحتها كم فدان دي
لو ما الاقتصاد في زول كان سمع بيها او اشتغل بيها وعندها محور سياسي كمان السبب شنو لو ما الاقتصاد ؟؟؟
مواطنينها علماء سياسة مثلا
لو ما الاقتصاد كان هسي حرب بين قبائلها وقبائل العرب المحيطين بيها الاقتصاد هو البيحكم ويتحكم ويصنع الحياة
ولا انا غلطان ؟؟؟
| |
|
|
|
|
|
|
|
|
|
Re: في مثل هذا اليوم العام الفات كتبت هذا البو (Re: توفيق عيسى مكي)
|
نحن في السودان مشكلتنا اقتصادية بحتة
الصراعات الدايرة كلها ليها خيوط مصالح من دول ليها مصالح في السودان لا اكتر
هل في زول سمع بمشاكل اقتصادية في عهد المهدية لكن بعد استعمارنا بي كم سنة سمعنا بمجاعة سنة ستة برغم ايام المهدية كان اغلب الشعب في حالة جهاد وحرب وبعد الاستعمار رجال السودان جلسوا من الانتاج لحين رسم الاقتصاد بما يخدم المستعمر اول ما استنفد اقراضه شغل الناس بمشاغل نسته قيمة ما يمكلك وهي كيف يحكمون ومن يحكمون ومن يتحكمون ومن لهم الغلبة ومن هم اصحاب الفكر المستورد الذي يمكن ان نطبقه نهائي نهائي نهائي ما كان في فكر اقتصادي موحد وموجه عمرنا ما كان لينا هدف اقتصادي موحد او غير موحد او اساسا ما كان تفكيرنا كده السعوديين والاماراتيين للاسف احسن علينا بالف مرة وضعوا اهداف اقتصادية واضحة ووصلوا ليها لو ما كده ما كان حا يكون عندهم البترول ولا جبال الدهب المحروسة بي فكر واعي ولا كان عندهم اهتمام بالسياحة (الحج) ولا فكر الامارات الاقتصادي الجعلها ملتقى العالم بي فكرهم ده شغلونا خدامين عندهم نبني اقتصادهم بدل نبني اقتصادنا نحن ممكن زول يقول نحن اقتصادنا كان قوي بقول للبقول كده ده اسمه جهل عمر اقتصادنا ما كان قوي لانه ما كان بيرتكز على قواعد سليمة بل قواعد هشة جدا صنعت بعناية لتخدم اغراض معينة مثل ما نعرفه في سلع الصمغ والقطن وثروتنا الحيوانية وكل جوانبنا الاقتصادية ففي نجاحا وفق خطط استرتيجية مدروسة عمرنا ما كان شهدنا اي نزاعات بين اي مكون سوداني على الاقل ما كان شهدنا انفصال ثلث وطنا عنا
ما تخلونا نفتح في الموضوع ده المألمنا شديد ده
| |
|
|
|
|
|
|
|
|
|
Re: في مثل هذا اليوم العام الفات كتبت هذا البو (Re: توفيق عيسى مكي)
|
هل في شعب في كوكبنا ده اغبى منا .. ابلد وارعن منا ؟؟ شعب عاطل ممتهن السياسة مهنة هو ما شاف الشعوب كيف بتقدس العمل ما سمع بي كوكب اليابان وتقديسه للوقت والعمل بدل الشغلة الفارغة الشغالنها حتى شفعنا في الروضة وروني شعب عنده ذرة تفكير بيرضى تكون مرتباته 10 دولار في الشهر في حين عارف معرفة اليقين ال 10 دولار دي سعر ساعة عمل لاي عامل في كل العالم (الله لا بارك في شعب اعانات الكنائس بيشتغلوا بالسعر ده في محل قاعدين ومتلذذين بالبياخدوه اهلهم بدليل سكاتهم كان الامر لا يعنيهم ) هل في شعب عاقل وعنده ذرة تفكير يصرف بنزين وجاز مجاني ويهربه وهو في الاساس شاحده وراهن اكله برضو بشحدة الدقيق
هل في أمة من امم العالم بتبني موازنة ميزانيتها على اعمل منح (خاته الناتج المحلي الاجمالي 600 مليار فيها 325 مليار توقع منح اساسا طفل روضة مقتنع ما بتجي المنح دي وسعيد ومبسوط بالكذب والتخدير السياسي والجهل والغباء
هل في امة لحدي قبل سنة رئيسها ووزراءه شغالين عملة دولار ريال شيك سياحي وشلنا زيد وحبنا عبيد يعني عملنا شنو هل الفساد انتهى والله الفساد زاد بطريقة مهولة
نحن بنحاول نوعي الناس بمصالحهم المؤسف الناس بعيدة كل البعد تعي وتسمعنا
| |
|
|
|
|
|
|
|
|
|
Re: في مثل هذا اليوم العام الفات كتبت هذا البو (Re: توفيق عيسى مكي)
|
الناس ادمنت النوم في بحر الكسل السياسة مستحيل تصحى محتاجة خجة او كف
بيشوفوا الكلام الزي كلامنا ده عواليك اسكت
شعب ما بحث وظالم وبقى ليه طبع رضيان بيه كيف بيقبل من الاتنين انك تدي عمال عتالي عرقان شال ليك الدنيا والعالمين في حراية بلدنا العجيبة دي 11. من السنت عشان هو زاتو مجبور يشتغل من صلاة الصبح للعشاء يقدر يلم ليه بالكتير نص دولار يأكل بيه عياله اها نص الدولار ده في ناس شايفنو كتير عليه يقولوا ليك ده دخله احسن من زول شغال في دكان في السوق الواقع بتاع العمالة في السودان والله شغل حرامية لا اكتر ولا اقل ونجي نتهمهم انهم حرامية عشان كده الشعب اغلبه محتاج صيانة من اول من الاساس تحت لي ق ح ت
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
توفيق عيسى مكي
خضر الطيب
فيس بوك
تويتر
انستقرام
يوتيوب
بنتيريست