|
|
|
 Re: القبائل الحدودية.. تعالوا فكروا معنا (Re: Abureesh)
|
فوق للمزيد من الاطلاع..
آراؤهم مطلوبة فى هذا الموضوع الهام.
ليس فى السودان فحسب. بل فى كثير من العالم الذى كان مستعمرا.. رسم الحدود كان وبالا
على القبائل الطرفية.. مثل الاكراد الذين تم تقسيمهم على ثلاث دول.
ما هو الحل كما ترون؟
| |
 
|
|
|
|
|
|
|
|
Re: القبائل الحدودية.. تعالوا فكروا معنا (Re: Abureesh)
|
هل الحل نفك الحدود ونفتحها على البحري زي ما عملت الإنقاذ وللا شنو يا أبو الريش ؟
بالمناسبة هل إنت عارف إنه جنسية أريتريا لا تمنح بسهولة لغير الأريتريين ؟
لكن شوف عندنا.. اللاجئين الأريتريين الإتجنسوا بكم هائل في عهد الإنقاذ.. بقو يتسلبطوا في أراضي تاريخية تابعة لقباىل البجا..
لأ وكمان مصرين يمثلونا في المفاوضات ..
هذا ناهيك عن ماضيهم الجهادي مع الإنقاذ.. وتدريبهم في أفغانستان والصين وغيرها.. كما ذكر صاحب التسجيل الشهير المدعو يونس همد الأنصاري.. الذي هدد البجا بسلاح ثقيل (مطمور)...
هؤلاء ركلوا أي حسنة أو مكرمة قدمها لهم أهل الشرق.. وعضوا اليد الإتمدت ليهم..
في نموذج لنكران الجميل أقسم بالله أنني لم أرى مثله في حياتي!!
| |
|
|
|
|
|
|
|
|
Re: القبائل الحدودية.. تعالوا فكروا معنا (Re: AMNA MUKHTAR)
|
هلا آمنة
"هل الحل نفك الحدود ونفتحها على البحري زي ما عملت الإنقاذ وللا شنو يا أبو الريش ؟"
الاسئلة راقدة هبطرش يا آمنة.. لكن المطلوب اجوبة و آراء و افكار لحل المشكلة ..
كلامك هذا من منظور سياسى.. لكن الطرح هنا من منظور إجتماعي و إنساني.
بالمناسبة إسم البجا يشمل القوميات من حلايب حتى مصوع.. البنى عامر والحباب و البهدور كلهم بجا.
تحياتى
| |
|
|
|
|
|
|
|
|
|
Re: القبائل الحدودية.. تعالوا فكروا معنا (Re: AMNA MUKHTAR)
|
الحبيب أبوالريش .. موضوع مهم ويحتاج إلى دراسة بعمق ناس علم الاجتماع
ونحن في شمال السودان حسب حدود الاستعمار قسم النوبة جزء مصر والاخر في السودان
ولكن لم نشاهد مثلاً نزوح نوبي من مصر إلى السودان .. ربما لأن البنية التحتية والاقتصاد المصري متقدم
وأيضاً لم تكن هناك هجرات من أهلنا في السودان نحو النوبة في مصر رغم تطابق الشكل واللغة والعادات
لا فرق إطلاقاً .. يبدو أن الاقتصاد هو الذي يلعب الدور الاساسي في حركة قبائل الحدود
في مدينة جدة دائماً ما نكون في قفشات وونسة في قهوة كسلا وهناك ود بين أهلنا ناس الشرق ونحن نوبة الشمال
احد الاخوة لديه أقرباء في حلايب هو شخص جميل ومحبوب من الجميع لفقشاته ونكاته
قال أنا عملت واسطة عشان أكون في حلاليب ما لقيت طريقة .. الظاهر مقياسه بالوضع الاقتصادي
الكثير من الناس في الوقت حالي تركيزهم على المعيشة الخدمات الصحية والتعليمية وتوفر المواد فقط لاغير
هناك بعض الثوابت بدأت تذوب .. لأن اصبح هناك وعي (زمان نحن بعراقي طوال يوم تحت نخلة )
اليوم الوضع مختلف ..
مع التحية الحبيب أبوالريش
| |
|
|
|
|
|
|
|
|
|
Re: القبائل الحدودية.. تعالوا فكروا معنا (Re: Abureesh)
|
Quote: . لكن الفيكى اتعرفت ☺
|
أبدا والله يا أبو الريش..
ومفترض ما تكون طالبني حليفة.. لأني من الناس الكنت بروج للمفهوم الحديث.. وليس التاريخي لكيان البجا الجامع. لكن ما دام بقى فيها سلبطة في الأرض والتاريخ..
خلاص نرجع للوثائق والنقوش التاريخية طوالي 😢
| |
|
|
|
|
|
|
|
|
|
Re: القبائل الحدودية.. تعالوا فكروا معنا (Re: AMNA MUKHTAR)
|
شخصيا ما شايف فى سلبطة الا يجوز فى أفواه السفهاء من وقت لآخر. للتأكد
ارض ف. غرب بورتسودان و تحت سفوح الجبال.. احد زرع فيها وقعد سكن.. ممكن يظهر هدندوى او امرار و يدعى ملكية الارض.. لكن هل تعتقدى يجى واحد من المجنسين من الحب او البلين يجى و يدعى انها ارضه و ارض أجداده؟ الله اعلم!! ديل اشتروا بيوت و دكاكين فى المدن فقط. و أعتقد بالصورة هذه لهم الحق لو تجنسهم كان قانونى .. بل يجب تشجيعهم لان نشاطهم الزراعى و التجارى ينعش إقتصاد الشرق.. بالعكس يجب سحب الجنسية و طرد كل من منح الجنسية و لم يساهم فى الناتج القومى .
فى الشرق. لو نشطت الضرائب يدخلون بلايين للميزانية.
| |
|
|
|
|
|
|
|
|
|
Re: القبائل الحدودية.. تعالوا فكروا معنا (Re: AMNA MUKHTAR)
|
الاخ Abureesh
لك التحية
الدعوة في مجملها طيبة و اعتقد سلامة دوافعها
لكن هنالك تبادل في المواقع
كيف ؟؟
البجا في الشرق و النوبيين( المحس و الدناقلة و الحلفاويين) في أقصى الشمال و النوبة في الجنوب الجديد يعتبروا قبائل حدودية لكنهم اصحاب الارض الاصليين
بينما غيرهم من قبائل السودان و خاصة في الوسط و الوسط الشمالي هي قبائل وافدة
بل هم نتاج خليط من الاثيوبيين و الفلاتا الوافدين من غرب افريقيا مع نسبة من الدماء العربية
لذا يجب ان يكون البجا و النوبيين و النوبة هم من يدعو اهل الوسط من احفاد خليط من الوافدين الي الحوار .
اي القبائل التي تعتبرها حدودية هي الاصل بينما التي تعتبرها مركزية او الاوسطية هي الوافدة
اعتقد انه من الانصاف ان يتقدم صاحب البيت بطلب للضيف للنقاش حول سبل العيش المشترك في بيت صاحب البيت و الذي اصبح للجميع بعامل الزمن.
لكن ليس من المعقول ان يصبح احفاد الوافدين هم من يمثل الأصل في اي حوار بين الجانبين
----------------
ههههههه
غايتو لو كان هتلر على قيد الحياة
كان منحني اوسكار
| |
|
|
|
|
|
|
|
|
|
Re: القبائل الحدودية.. تعالوا فكروا معنا (Re: دينق عبد الله)
|
انا ما عارف مفهوم يتسلبط في ارض دا كيف ؟
بعرف انه مفروض الأرض لمن فلحها ..!
هل في زول بيجي يلقى ارض مزروعة ومستثمرة بيطرد صاحبها ويتسلبط فيها والا بيلقاها بور ومهملة وبيخسر عليها ويفلحها وبعد دا بيظهر ليها سيد ؟
او بيشتري من سيدها ويجو ولاد عمو وجيراننو يقولوا ليه اشتريتها نحن دايرنها ..
قصة الحدود والجنسية دي وهمة من الناس ساي .. زي ما قال الحبيب علي عبد الوهاب القصة اقتصاد وراسمال وارزاق ..
في ناس بيزعلهم وقت يجي غيرهم يستفيدوا من باقي خيرات محل هم اكلو وشبعو منه وما قادرين يطلعو اكتر..
بيجيك العندو القدرة يطلع خير الأرض ليهو وليك ..والشعوب والقبائل خلقت للتعارف والتمازج .. والا كان ربنا خلق الآرض كلها سودانيين بس
بس في نا بيضيقوها شديد رغم وساع أرض الله وهم ساعات ويبقوا تحتها ..
اما البيتاجر او يشتري عقار ففي نظم وقوانين وضوابط معروفة وعقود بتم لحفظ الحقوق والأموال بين الناس..
وكل انسان حريص على مالو ومابيفرط في حقه .. وإذا سيد الحق راضي شن دخل القاضي ..!
بالنسبة للحدود المرسومة .. فهي جميلة وبتدي جاذبية للأطلس والجغرافيا ..
وبتكبر خزينة الدولة بالجبايات والضرائب وتثقل ميزانية الشعوب بالصرف على العساكر الكانوا حايبقو العطالى لولا وجود حدود .. :)
| |
|
|
|
|
|
|
|
|
|
Re: القبائل الحدودية.. تعالوا فكروا معنا (Re: HAIDER ALZAIN)
|
"يبدو أن الاقتصاد هو الذي يلعب الدور الاساسي في حركة قبائل الحدود"
الأخ على عبد الوهاب
الارتريون كانوا مستقرين و مبسوطين فى بلدهم ارتريا.. مثل النوبيين ف. الشمال. لم يحركهم الاقتصاد نحو السودان. و لكن هجرتهم بدأت فى الستينات حين اندلعت حرب التحرير.. و اول فوج كان بالمئات استقبلهم وزير الداخلية حينها الامير عبد الله عبدالرحمن نقد الله.. و وفر لهم الخيام و الطعام.. و اعتبروا لاجئين. و مع استمرار الحرب استمرت الهجرات. ما فى شعب يغادر وطنه جماعات و هو آمن فى ماله و اهله..
و لكن ما عقد المشكلة.. و هدا موضوع البوست.. ان الارتريين حين دخلوا السودان وجدوا القبائل السودانية الحدودية هى ذات قبائلهم.. اللغة و التاريخ و الثقافة.. كل شيئ.. الفرق هو الوطن فقط.. حيث هؤلاء وطنهم السودان وأولئك ارتريا.. اها مين يحلو ماشكلة دا؟!!
المشكلة الان القبائل السودانية فى الشرق بقو يوصفوهم على انهم ارتريين.. وفى الغرب تشاديين.. و فى بداية انفصال الجنوب كانت دعوات لطرد كل الدينكا من الشمال رغم انهم سودانيون من الشمال من اجداد جدودهم وجدود أجدادهم...
| |
|
|
|
|
|
|
|
|
|
Re: القبائل الحدودية.. تعالوا فكروا معنا (Re: Abureesh)
|
فوق للمزيد من الإطلاع.
ليس هدف البوست مناقشة قضايا طارئة أو كانت لها جذور..
هدف البوست هو تحليل علمى لمشكلة إجتماعية فى الشرق و الغرب و الجنوب، القبائل الحدودية التى لا يعرف مشاكلها أهل الوسط.. و الدليل عدم التداخل فى هذا البوست إلا من نفر قليل جداً..
السودانى من الغير سودانى يحدد على اساس فردى بواسطة وزارة الداخلية، و قلت يجب مراجعة الجنسيات و الجوازات السودلنية كيف منحت ثم سحبها ممن لا يستحقها، بما فى ذلك السوريون و غيرهم.
و لكن دمغ مجموعة كاملة انهم غير سودانيين بدون أى إثبات فهذا هو كتاب مطالعة إبتدائى بإسم كيف تقوم الفتن فى الدول.
حين تتهم جهة بأنها غير سودانية، فيجب تحديدها بالإسم و تاريخ دخولها، و الطريقة الفاسدة التى حصلت بها على الجنسية، حتى لو كانت الجهة بالالاف. السودان فيه قانون التجنس، كما فيه قانون إزدواج الجنسية
بل أن الرئيس نفسه يحمل جنسية أجنبية إضافة للسودانية و لا أعرف انه تخلى عنها.
| |
|
|
|
|
|
|
|
|
|
Re: القبائل الحدودية.. تعالوا فكروا معنا (Re: Abureesh)
|
كيف حالك يا أبو الريش؟
الحقيقة الساطعة هي أننا جميعاً، دون فرز، ما هضمنا مفهوم الدولة السودانية ولم يتّضح في عقلنا وتفكيرنا أبداً. وفي نظري أن السودان لم يصبح دولة حتى الآن. سودانيو الشرق (أهلي) لا يرون في زحف الأحباش والإرتريين أي خطر، بل يخنقوك خنق لو انتقدت هذا الزحف. وفي الغرب أوعك تتكلم عن زحف القبائل المشتركة، بتاخد على راسك. وكل هذه الدول الحدودية على الشرق والغرب لا تعطيك جنسيتها لو طمبرت. والأغرب من ذلك أن خبراءنا ووزراءنا واقفين بكل طاقتهم مع سد النهضة حتى ظننت أنهم أحباش، وليس لهم أي موقف معارض لما تقوم به إثيوبيا. بقينا كومبارس لإثيوبيا. وحدودنا فاااااااتحة وجنسيتنا مفروشة لمن أراد. أنا مقتنع أن التهديد المصري أهون من التهديد الآتي من الغرب والشرق، لأن المصريين معروفين وواضحين بالنسبة لينا، لكن كل من يأتي من الحدود الشرقية أو الغربية يمكن أن يذوب ويتجنّس بين يوم وليلة .... وتجد من يدافعون عنه من السودانيين أصحاب البلد.
نعم ... الإرتريين المجنسين مقتنعين أن حدّهم الخياري ... والأحباش مقتنعين أن حدهم سنار. ونحن طربانين لأن أخواننا الأحباش والإرتريين بحبّونا، أو كما قال.
الخلاصة في نظري أن الخطر الأكبر قادم من خلف الحدود الشرقية ومن خلف الحدود الغربية. وهادا طرفي من السودان إذا كان أهلو ما قادرين يشوفوا الخطر الحقيقي. ومصير البلد دا يتقسّم لسه ولسه.
الله يكضِّب الشينة.
| |
|
|
|
|
|
|
|
|
|
Re: القبائل الحدودية.. تعالوا فكروا معنا (Re: Shinteer)
|
| Quote: الإرتريين المجنسين مقتنعين أن حدّهم الخياري |
مرحبا شنتير و شرفت البوست..
المشكلة فى نظرى هى الفساد فى وزارة الداخلية.. و الجنسية السودانية صارت تباع فى سوق الله أكبر. هذه هى المشكلة.
أما لو جاء إرترى او تشادى، و أثبت انه حصل على الجنسية بطريقة قانونية 100% وفق قانون التجنس السودانى، فإن حدوده التى يتحرك فيها هى كل السودان، و ليست فقط الخيارى او كردفان.
و بالمناسبة لو عملية التجنيس سليمة و قانونية، فإن الأفارقة أقرب لنا من المصريين. لأننا أفارقة و كما قلت يذوبون فى المجتمع و هذا هو المطلوب. فى الدول الاوروبية و امريكا من لا يذوب فى
المجتمع يتوجسوا منه خيفة,, و يراقب.. و قد يطرد. بالعكس المصريون لا يمكن أن يذوبوا فى المجتمع السودانى. و لن يصلنا منهم سوى التعالى و التكبر، و ان المالك فاروق كان ملك مصر و السودان.
تحياتى
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Abureesh
AMNA MUKHTAR
علي عبدالوهاب عثمان
دينق عبد الله
HAIDER ALZAIN
Shinteer
فيس بوك
تويتر
انستقرام
يوتيوب
بنتيريست