♧ مَرَقَ الدَّحْلَبُ يَوْماً في صِياحِ الهَاتِفينا £

؟!؟!؟!؟!

●أيها الزاحفون الخُضْرُ..
المُتباكونَ وَ لاتَ حينَ نَدامَةٍ
عَلَى حَسْرةِ اللَّبَنِ المُرَاقِ!!!

¤أَ وَ لَيْسَ هذا هُو أنْسَبُ لِسانٍ لِحالِكُم؟!
خَرَجَ الثَّعْلَبُ..يِوْماً في ثِيابِ الواعِظينا

● و جاهلٌ من ظَنَّ يَوْماً أنَّ للثَّعْلَبِ دينا

☆إنَّ شَرَّ الدَّوابِّ الجُناةِ لَرهْطُ
يَتَناكَرونَ بَعْدَ الرَّحيلِ الرحيلا

♤ لا جَرَمَ أنَّ الْخُضْرَةَ هِي الْوجْهُ الحَسَنُ
و الأَيْقونَة لشِعار هذا الدِّيْنِ الْحَنيفِ الَّذي
نُشْهِدُ الله عَلى ما في قُلوبِنا أنَّنا مَعَ نُصْرَتِه ؛
و لَكِنْ ، هَلْ بمَقْدورِ أحَدٍ أنْ يِمْنَعَ الْحِرْباءَةَ
أنْ تَتَدَثَّرَ بلَوْنِهِ ، و تَتَمَسَّحَ بِمَسوحِهِ؟!!

● ديل ناس (هي لله): أبناء البشير (المغلفة) قلوبهم
و العاملين عليها و الخامشين منها و الحق فيالرقاب.
و رئيسهم ملاحقٌ بالإدانة و خوُّانٌ للأمانة و هو مجردٌ
من كل ألقابه و نياشينه وأسباب الحصانة و لا يزالون
ينادونه بأسد أفريقيا النتر (قال إيه: تسقط يا حمدوك)
حقو ياخ تنبطحوا بس ، لحد ما يمر صرير العاصفة.

◇ زي ما الرضاعة طااااعمة..الفطامة قاسية}
________
¤ ببساطة..
● قوى الحرية والتغيير ما هى الاسقطت حكومة المؤتمر الوطنى و نظامه..
القوى دى ما كانت ومازالت الا جهة تنسيقية للحراك و موكل ليها ادارة الفترة الانتقالية و ح تخطئ وتصيب و ح تستعدل و تنتقد من الناس القدموها..
الاسقط نظام الانقاذ ملايين الشباب والشابات فى امتداد السودان من قرورة للجنينه و من حلفا لكوستى و كتير جدا رفعنا فديوهات ايام الحراك لمناطق سقدان شرق و صوارده فى اقصى الشمال وقرى ومدن بعيده طلعت بي رجالا ونسوانا وبناتا وشبابا..
مشكلة (المخلوعين والارزقية) ديل قايلين الاسقطوهم ناس الحرية والتغيير و بيظنوا معركتم مع الحرية والتغيير..
يا ما فاهم مشكلتك مع اغلب الشعب السودانى دا مع جيل من الشباب كان و مازال ما فارق معاهم يفقدوا ارواحهم زى عباس وعبدالعظيم او عيونم زى امانى او اياديهم زى المصرى طالب جامعة الخرطوم والاف المعتقلين فى السجون حتى نهار 11 ابريل..
كان همهم ومازال انه ما يشوفوكم تانى فوق راسم عشان كدا وانتو بتقتلو فيهم و تطاردوهم بالبمبان و تعفصو الناس بالتاتشرات والبكاسي فى عزاء الشهيد محجوب كان الحراك بيزيد والناس ما بتخاف بتطلع اكتر واكتر لانها عندها هدف وحيد انكم تسقطوا..
السقطوكم جيل راكب راس استمر فى الشوارع تسعه شهور متواصله وهسع بيراقب و مستعد يواصل تانى وتالت..
لو بتظنوهم غافلين تبقوا وهمانين و لو بتظنوهم خايفين تبقوا وهمانين و لو بتظنوهم يائسين من بكرا و مستعدين يقبلوا يرجعوا سفهاء وتافهين و مجرمين زيكم تبقوا وهمانين..اطلعوا الشارع واعملوا مسيرة وكوركو و اهتفوا واعرفوا انكم (محميين) بي اخلاق شباب الثورة العارفنكم واحد واحد كتائب ظل وامن شعبى وارزقية وضباط جهاز (زى انس عمر) وما سألوكم..
● هم الوفروا ليكم الحرية دى لانها شعار ثورة (حرية سلام و عدالة)..
احترموا الثورة دى وشبابا الوقفوا عزل قدام بنادقكم و دوشكاتكم و ما تراجعوا..
ديل فرسان..والفارس بيسكت عن شجاعه و بيعرف وقت تقل ادبك يعفصك و (يختك فى فتيل) برضو عن شجاعه و بي مزاجو و فى الوقت العاوزو هو...
المهم..
●أيتها الزواحف الخضراء انتم فى حمى الثورة بدون كدمول وبدون اغتصاب لبناتكم وبدون قتل لاولادكم وبدون فقء لاعينكم وبدون اسياخ فى ادباركم..
☆كتب راشد عبدالقادر:

خضر يا أخدراني . علا طبعن بعد الشر
عليك وحاش ماك الزواحف خضراوات الدمن.
ياخ عجبني تعليقك عليهم أنس أوسكار خمسة
نجوم عديل . لكن طمنتنا إلاهي يطمنك أنهم
تاني يشموها قدحة الما بيختشو على دمهم.