|
|
|
 Re: السجون السودانية (Re: Hasheem Karouri)
|
الاصلاحيه، وحسب ما اعلم، هي كانت تاؤي الاطفال القصر، لكن اصلاحية ناس كبار دي اول مره اسمع بيها.
لصغار السن، كانت لتاهيلهم، علي الاقل يتعلموا صنعه.
هسي البشير ده يتعلم شنو؟
| |
 
|
|
|
|
|
|
|
|
Re: السجون السودانية (Re: Hasheem Karouri)
|
في احدي القنوات، في برنامج اسمو سجين في الغربه، سجونهم مؤهله في الاساسيات، فيوجد مقصف، وتوجد ساحة للرياضة.
في السجون السودانية لا اعتقد يوجد ذلك.
تفتقر للكثير حسب علمي.
| |
|
|
|
|
|
|
|
|
|
Re: السجون السودانية (Re: Hasheem Karouri)
|
السلام عليكم
عنف البادية هو وصف لما جري من احداث بعد حركة
يوليو حيث تمت التصفيات ودفن الجميع في منطقة الحزام
الأخضر ، الان الجميع يحن لذاك العنف وهذا بؤس ما بعده بؤس.
أطالب باصلاح السجون السودانية وقبلها ان نتخلي عن روح الانتقام
والتشفي ونبدأ في بناء البلد .
أشكر القاضي الصادق عبدالرحمن الذي اصدر حكماً تحدي به طرق
تفكيرنا .
| |
|
|
|
|
|
|
|
|
|
Re ur: السجون السودانية (Re: muntasir)
|
فعلاً muntasir
الان فقط عليه ان يجلس ويفكر فيما حدث وأتمني
ان لا يكون ما يستخلصه ( وحدس ما حدس )
اما تدميره للبلد انساناً وموارد فأمر يحتاج اصلاحه الي
عزم ورؤية
| |
|
|
|
|
|
|
|
|
|
Re: Re ur: السجون السودانية (Re: Hasheem Karouri)
|
منقول والعهده على الراوي . .
Quote: .بمناسبة استقبال وداد في سجن النساء بأمدرمان
قامت إدارة سجن أمدرمان للنساء بتقديم طلب تركيب حمام افرنجي بمواصفات خاصة وذلك لخدمة النزيلات اللايئ يواجهن صعوبة في استخدام الحمام العربي التقليدي، وتم التعليق على الطلب بأنه مستعجل، وقد شهد سجن امدرمان قبل يومين حركة دؤوبة، حيث قام رجل أعمال موالي للنظام السابق بالتبرع بكل التحسينات المطلوبة، وشمل ذلك الانارة والدهان وتحسين الطعام كما قام الدعم السريع برش البعوض وانتشال الضفادع من البرك .
ويبدو ان السجون السودانية اول من استفاد من الثورة المدنية حيث تحسنت أوضاعها بشكل ملحوظ على الرغم ان وسائل الإعلام لا تهتم بتغطية هذا الإنجاز ، وتحسنت ايضا معاملة النزلاء بسبب وجود المعتقلين الكيزان، وأصبح رؤية سيارات البرادو المظللة وهي تقف أمام بوابات السجون من الأمور المألوفة.. ودخل المحشي والطعام الصحي سجن كوبر، وشوهدت سيارات تابعة لشركة دال وهي تنزل حمولتها من المياه الصحية المعبأة. ويساور السجناء القلق ان يؤدي إطلاق سراح معتقلي النظام السابق الي العودة إلى نظام الخدمات السابق ووقف التحسينات الجارية.
مصائب قوم عند قوم فوائد. |
| |
|
|
|
|
|
|
|
|
|
Re: Re ur: السجون السودانية (Re: Hasheem Karouri)
|
| Quote: قامت إدارة سجن أمدرمان للنساء بتقديم طلب تركيب حمام افرنجي بمواصفات خاصة وذلك لخدمة النزيلات اللايئ يواجهن صعوبة في استخدام الحمام العربي التقليدي، وتم التعليق على الطلب بأنه مستعجل، وقد شهد سجن امدرمان قبل يومين حركة دؤوبة، حيث قام رجل أعمال موالي للنظام السابق بالتبرع بكل التحسينات المطلوبة، وشمل ذلك الانارة والدهان وتحسين الطعام كما قام الدعم السريع برش البعوض وانتشال الضفادع من البرك . |
الاخ / عمر سعيد
كلام غريب والله ، ولماذا لم يقم بهذه الاصلاحات ، قبل ان تشرف السيدة / وداد ؟
في النهاية السجن ، سجن .، حتي لو كان في قصر .
يجب ان تتذوق الذلة والمهانة ، مثل ماذلوا الشعب السوداني 30 عاما .
بالنسبه لها ، اقامتها ستكون طوووويلة في سجن النساء .
تحياتي عمر ،،
| |
|
|
|
|
|
|
|
|
|
Re: Re ur: السجون السودانية (Re: عمر سعيد علي)
|
| Quote: عفواً يا Hasheem Karouri دخلنا بدون تحية . . |
ولا يهمك ابوعمير .
جميع السجون في السودان تحتاج تأهيل ، فهي مثلها مثل غيرها من التركة المدمرة التي تركها لنا نظام المخلوع . الذي تفنن في دمار وهلاك البلاد ، ولم يسلم من ذلك حتي البشر .
تحياتي ،،،
| |
|
|
|
|
|
|
|
|
|
Re: Re ur: السجون السودانية (Re: عمر سعيد علي)
|
الراكز هاشم كاروري
تحياتي يا ملك
| Quote: هسي البشير ده يتعلم شنو؟ |
يتعلم من الأيام :)
غايتو انا لو كنت في مكان العمبلوق المخلوع دا كنت انتحرتا
الراجيهو كتبر دي ضربة البداية .. يقعد بس في ... في الاصلاحية
| |
|
|
|
|
|
|
|
|
|
Re: Re ur: السجون السودانية (Re: خضر الطيب)
|
المك. الاكرم. خضر لك التحيه
والله راجيه جنس شئ ، الراجل ده تاني مابالساهل يشوف الشمس.
راجيه بلاغات بالكوم، معظمها حكمها اعدام.
البشير وعرفنا قصتو، باقي التانيين ديك، وانا داير اشوف فيهم يوم ( نافع، علي سجمان، والمتعافن، وغيرهم من السجم والرماد)
غايتو بحضروا اصلاح السجون، تحاول الحكومة المدنية تظبطها ليهم
| |
|
|
|
|
|
|
|
|
|
Re: Re ur: السجون السودانية (Re: Hasheem Karouri)
|
مستر كوبر لما جا يسلم سجن كوبر الحاكم قال ليه كيف نعرف انه ده سجن مرعب قال ليهم بسيطة جيبو كلب وجوعوه وعطشوه يومين داخل منتصف السجن ففعلوا قام قال ليهم جيبو طشت مليان لبن ونص خروف مزبوح ومسلوخ ختو في صينية وختوهم في نص حوش السجن وافتحوا الابواب كلها وفكوا الكلب شوفوه بيعمل شنو اها فكوا الكلب ثواني وصوف بره للشارع لحدي اسا ما عارفنوا وصل وين ...
سجن كوبر مرعب جدا
تدخل من اول باب تحس بانقطاعك عن الدنيا لما يتقفل خلفك باب طوله اربعة او خمسة امتار تمشي شوية تاني يتقفل بعدك باب وهكذا خمسة ابواب ضخمة طوالي بجيك احساس انت في الآخرة طلعت من الدنيا خلاس ويوم ما تخرج منه بتكون محتاج ثلاثة او اربعة شهور عشان تتوازن تاني في الحياة وفي ناس تاني ما بيرجعوا طبيعيين نهائي الناس بتتكلم عن الزنازين بتاعته ودي دنيا الله لا دخل فيها زول غايتو في حوشها الضيق البفكوك فيها دقائق تصلي فيهم كل اوقات اليوم مرة واحدة نقشت اسمي مع المع اسماء سودانية في حجار السور اي شخصية سياسية وزعيمة تخطر على بالكم سمعتوا بيها عاملة توقيع بالنحت على حجر السور من الداخل حا تقولوا لي انت الدخلك شنو فيها ما مهم المهم دخلت كوبر وابوي دخل كوبر وكنت في نفس زنزانته بس الفارق الزمني 40 سنة واربعين استفهام وتلاتة محاكمات ضد الدولة في تلاتة دول مختلفة بسبب زول هسي فيها ساهم اني اكون هناك والاغرب سأحاول اخراجه ان سنحت لي الفرصة برغم ضعفي الشديد والمتلاشي فهو رد دين
| |
|
|
|
|
|
|
|
|
|
Re: Re ur: السجون السودانية (Re: توفيق عيسى مكي)
|
الامير . توفيق . لك التحية
| Quote: مستر كوبر لما جا يسلم سجن كوبر الحاكم قال ليه كيف نعرف انه ده سجن مرعب قال ليهم بسيطة جيبو كلب وجوعوه وعطشوه يومين داخل منتصف السجن ففعلوا قام قال ليهم جيبو طشت مليان لبن ونص خروف مزبوح ومسلوخ ختو في صينية وختوهم في نص حوش السجن وافتحوا الابواب كلها وفكوا الكلب شوفوه بيعمل شنو اها فكوا الكلب ثواني وصوف بره للشارع لحدي اسا ما عارفنوا وصل وين . |
ههههه ، طبعا سجن كوبر رهيب ، يوازي سجن غوانتامو . خصوصا للاحكام الطويلة .
ادناه مقال منقول لاحد الاطباء ، ومشاهداته في سجن كوبر :
مشاهد من داخل سجن كوبر
اصابتني الدهشة وانا استمع لصديق لي يحدثني عن زيارته لسجناء الانقاذ في سجن كوبر... مصدر دهشتي ان صديقي الطبيب من الاطباء الذين لا تشغلهم السياسة كثيرا لذلك كان كلامه مجرد من أي غرض او تشفي .... فقد تم اصدار اوامر له بتفقد حالة احد السجناء لإصابته بحالة اكتئاب حادة .....وجاء وصفه للسجن والسجناء كالاتي ( هذه اول مرة ادخل فيها لسجن كوبر فكنت اراه من الخارج بأسواره العالية وحوائطه المكسوة بطبقة الاسمنت من الخارج تشعر بالهيبة عندما تمر بجانبه... لكن عندما دخلت من البوابة الرئيسية اصابتني الدهشة وانا ارى المبنى من الداخل تكسوا جدرانه الجالوص المتهالك ووضع عليه كمية مبعثرة من مخلفات الزجاج لمنع السجناء من تسلق الجدران وعليه ايضا كمية اخرى من فرش الاسنان و(المساويك) المنظر كئيب جدا بالإضافة لوصولي للسجن وقت غروب الشمس كانت الاضاءة بالون الاصفر الضعيف وقد وجدت صعوبة في المشي لان الارض كانت مملوه بمخلفات الزجاج وعلب الصلصة والتونة وكثير من العلب الاخرى الفارغة تتخللها حفر مملوه بمياه الصرف الصحي والإمطار.....كان المشي داخل حوش السجن اشبه بالمشى داخل كوشة كبيرة... اسفل الحوائط كمية كبيرة من اواني الغسيل مسندة على الحوائط الجالوصية المتهالكة سالت العسكري مرافقي في الزيارة لماذا كل هذه الاواني فرد علي قائلا ( يعني السجناء ديل نجيب ليهم مكوجية يغسلوا ليهم هدومهم دي ولاشنو... نحن بندي كل واحد (طشت) ونصف صابونه او (بروة) كل اسبوع لغسل ملابسهم )... الغرف كانت اشبه بالكهوف اضاة ضعيفة لا تهويه سوى منور واحد في الاعلى ارضية ترابية تشبه ارضية الحوش الخارجي ..... وجدت السجناء معظمهم خارج غرفهم مستندين على اسوار السجن... بصعوبة تبينت على عثمان وعبدالرحيم محمد حسين اما نافع فقد كان يجلس القرفصاء واضعا يديه على هامه رأسه كأنه استقبل خبرا مفجعا ...
قمت بالكشف على السجين الذي تم استدعائي من اجله وبعدها دخلت الى غرفة مأمور السجن لاكتب وصفة طبية للسجين
وفجأة سمعت اصوات كبيرة تأتي من خارج الغرف وعندما نظرت من نافذة مأمور السجن رأيت منظرا لا انساه في حياتي.... كل المساجين يصبون الماء على اواني الغسيل (الطشاطة) وبداء كلهم في الغسيل في سرعة واستعجال وهمه وعندما سالت مرافقي العسكري لماذا كل هذه العجلة رد قائلا (تبقت ساعة واحدة ونطفي الانوار علشان كدة الكل يحاول ان يغسل ملابسه بسرعة)....عبدالرحيم محمد حسين كان يغسل بهمة شديدة رغم انه كان يغسل من غير استعمال نظارته مما جعل الماء يتطاير من (الطشت) لوجوه مجاوريه على عثمان ومأمون حميدة وكمال عبدالقادر وكيل وزارة الصحة
لايستطيع أي احد ان يتعرف على مساجين الانقاذ بسهولة فقد تغيرت اشكالهم كثيرا وكان اعمارهم زادت 50 عام بالاضافة ان وجوههم يكسوها سواد شديد رغم عدم وجود اشعة شمس تدخل غرفهم....
تنفست الصعداء وانا اخرج من سجن كوبر رغم اني قضيت فيه اقل من ساعتين فقد احسست انها عام كامل
انتهى كلام صديقي ....
رغم اني من اشد الناس كرها لاهل الانقاذ وكنت اتمنى ان اراهم داخل السجون الا انني بعد وصف صديقي لسجن كوبر لم اعد ارغب في رويتهم داخل السجن او خارجه.....
د. هشام الاصم
م2/12/2019
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Hasheem Karouri
عمر سعيد علي
خضر الطيب
توفيق عيسى مكي
فيس بوك
تويتر
انستقرام
يوتيوب
بنتيريست