|
|
|
 Re: اخر احصائية عن شهداء وجرحي مسيرة الزحف ال� (Re: عمر التاج)
|
*الشرطة : لابلاغات جنائية في مسيرة الزحف الأخضر*
*الخرطوم : النورس نيوز*
اعلنت قوات الشرطة أن مضابطها لم تسجل اي بلاغات جنائية خلال مسيرة الزحف الأخضر التي شهدتها الخرطوم يوم السبت وأشارت إلي إنها قامت بواجبها القانوني في تأمين الممتلكات العامة والخاصة منذ الصباح الباكر وحتي لحظة انتهاء التجمعات.واشارت الشرطة في تعميم صحفي إطلع عليه مركز النورس نيوز للخدمات الصحفية يوم السبت الي ان ولاية الخرطوم شهدت تجمعات وحشود خلال صباح ونهار اليوم السبت ووصلت التجمعات الي شارع الجامعة قبالة القصر الجمهوري .
| |
 
|
|
|
|
|
|
|
 Re: اخر احصائية عن شهداء وجرحي مسيرة الزحف ال� (Re: عمر التاج)
|
بحسب تصريح الناجي عبد الله، أمير مايعرف بالمجاهدين سابقا
فإن مسيرات الكيزان ستتكرر أسبوعيا كل يوم سبت
بمعنى ان السبت سيكون زحفا اخضرا أو نجرا اخضرا من كل أسبوع
فجهزوا حالكم اذا بتريدوا..
أما الخميس فهو بالطبع محجوز المهنيين من زماااان
الناس يخمسوا مقصورين في الخيام أو في دور السينما والاندايات
و المهنيين يخمسوا في الشوارع، ماعلينا، ده يومهم وهم حرين فيه..
أها باقي الأحد والاثنين والثلاثاء والأربعاء..
طبعا الجمعة اجازة وما بنقدر نساسق في الشوارع عشان نتابع المساير..
وبقية الايام ما بتحوق في باقي الأحزاب..
نقترح ان يكون الاربعاء الانصار، لأنهم دايما بجوا في اللغة الاخيرة
و الاتحاديين أمة وسطا، نعطيهم الثلاثاء..
باقي الأحزاب والمواطنين الأحرار زينا كده اعطونا الاثنين، نمرح فيه ونتعبد ونعمل مولد بطريقتنا.
يوم الأحد نخليه شير لباقي احزاب الفكة ، الشيوعي، والبعثي، وليبرالي وحركة شعبية شمال وغرب، ولا بأس أن ينضم لهم الناس الساكت زي ناس خضر الطيب وناس اللمة زي ناس بدر الدين وناس الفتة والشية والمرارة النية، والفنانين زي ناس قباني، وانصار السنة والسلفيين وهلم جرا.. كل حزب أو جماعة ياخدوا ساعة من يوم الأحد وقبل المغرب يتلموا علي دورهم، اقصد بيوتهم..
| |
|
|
|
|
|
|
|
|
|
Re: اخر احصائية عن شهداء وجرحي مسيرة الزحف ال� (Re: عمر التاج)
|
والثابت ان حمدوك اذا خلاها مستورة كده، اقصد مطلوقة كدا..
والبرهان قعد يتفرج ساكت
وحميدتي بقى زول مدينة وبدل وما بنهر زول..
وجهاز الأمن بقى بتاع جمع معلومات ساكت، لا اعتقال لا تعذيب
والشرطة بقت مسالمة غزال، تحرس ليك مسيرتك
فمن المؤكد ان الحريات قد بسطت ورقدت هبطرش
ومن المؤكد كذلك ان الجو قلب، والناس حاتقعد تتظاهر وتتساير كل الأسبوع لا شغلة ولا مشغلة..
وتاني التنمية الا نسمع بها في نشرات الاخبار وعند اجتماع الموازنة من كل عام
| |
|
|
|
|
|
|
|
|
|
Re: اخر احصائية عن شهداء وجرحي مسيرة الزحف ال� (Re: عمر التاج)
|
مسيرة المؤتمر الوطني وصلت شارع القصر في دقائق فقط
لم تفقد كوزه عينها او يفقد كوز يده بقنابل الغاز المسيل للدموع
لم يفقد احدهم روحه برصاص القناصة
لم تلهب ظهورهم سياط الملثمين
لم يتم اعتقال بناتهم واهانتهن في تاتشرات الامن وكتائب الظل
لم يحاكم كوز في محكام الطوارئ لانه كان يحمل علم السودان كما فعلوا معنا.
كان الطريق للقصر معبدا بدماء الشهداء ونضال الثوار وتضحيات الكنداكات وصمود الاف المعتقلين من ابناء وبنات الاسر السودانية النبيله التى ربتهم بالعيش الحلال.
رغم ذلك لن يعرفوا قيمة ونعمة هذه الحريه التى اتت باغلى ثمن
فبعضهم يعتبر الحريه كفر وبعضهم يعتبرها ابتلاء عظيم.
انشرو الوعي
منقول.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عمر التاج
عمران بابكر بدري
فيس بوك
تويتر
انستقرام
يوتيوب
بنتيريست