|
Re: خط انابيب مياه عطبرة/بورتسودان 2 مليون دو� (Re: النصرى أمين)
|
يعملو مشروع قومي لتوصيل مياه النيل لشرق وغرب السودان. يفتحو حساب بنكي معروف وخاضع للمراجع العام. يدعو كل السودانيين بالتبرع للحساب دا بكل وسائل التحويل المعروفة داخل وخارج البلد حتى ممكن ينسقو مع الهيئة القومية للاتصالات يفتحو طرق زي "تحويل الرصيد" لتوصيل القروش للحساب البنكي دا.
ويبدا التنفيذ ويتبابعو مع المواطنين الحاصل واحدة واحدة
وما أظن في سوداني ح يقصر لو شاف انه تبرعه ولو بجنيه ح يعمل حاجة وح يتعاملو معاه بشفافية
وبالاضافة لتبرعات المواطنين ممكن ادارة المشروع تشوف كل السبل الممكنة لدعم ميزانية المشروع من كل البنود المتاحة قانونياً من الأموال الداخلية والخارجية.
| |
|
|
|
|
|
|
Re: خط انابيب مياه عطبرة/بورتسودان 2 مليون دو� (Re: Mustafa Eisa)
|
يا استنارة ما في حاجة اسمها فشلت في مجال تحلية مياه البحر مع انتاج الكهرباء . تكون الفشلت العلاقة الادارية ما بين الكهرباء والمياه وفصلوا كل واحدة براها . يعني حا يوقفوا انتاج الكهرباء والمياه ؟طبعا لا هي اكفأ العمليات الهندسية وتسمى عملية الانتاج المزدوج حيث يتم انتاج الكهرباء بواسطة البخار ويتم استخدام البخار نفسه بعد ذلك لانتاج المياه اذا فهي عملية مضمون نجاحها
| |
|
|
|
|
|
|
Re: خط انابيب مياه عطبرة/بورتسودان 2 مليون دو� (Re: Salah Zubeir)
|
محمد الشيخ
كيف يا هندسة.. تقول: "حيث يتم انتاج الكهرباء بواسطة البخار ويتم استخدام البخار نفسه بعد ذلك لانتاج المياه"
صححنى لو غلطان.. و الكلام الفوق دا غير ممكن فيزيائيا.. و يسمى perpetual machine .. إلا لو كانت الالة الأساسية تشتغل بالبنوين او الديزل أو كهرباء خارجية. لكن من دقنو و أفتللو دى ما تمشى مع الفيزياء. حتى لو دورت و إشتغلت حتقيف بعد شوية عشان فى فاقد نتيجة عوامل كتيرة أنت أدرى بها..
| |
|
|
|
|
|
|
Re: خط انابيب مياه عطبرة/بورتسودان 2 مليون دو� (Re: Abureesh)
|
Quote: صححنى لو غلطان.. و الكلام الفوق دا غير ممكن فيزيائيا.. و يسمى perpetual machine .. إلا لو كانت الالة الأساسية تشتغل بالبنوين او الديزل أو كهرباء خارجية. لكن من دقنو و أفتللو دى |
انا فهمت قصدك يا أبو ريش "و هو ينطبق على المثال التالي: ندور توربين ننتج منو كهرباء وبعدين بالكهرباء ذاتها ندور التوربين تاني " وهو يتعارض مع قوانين ال THERMODYNAMICS طبعا الموضوع هنا مختلف خالص
الاقصدو انا تقوم بإدخال بخار بضغط عالي (مثلا 70 بار) على توربين بخاري لعمل شغل وبدل ان تكثف البخار وتعيده والذي تدنى ضغطه وحرارته
تقوم باستخدامه لتسخين الماء وتحليته وبالتالي رفع كفاءة الدورة والنوع دا بنسميه ال BACK PRESSURE TURBINE والتقليدي اسمو CONDENSING TURBINE
| |
|
|
|
|
|
|
Re: خط انابيب مياه عطبرة/بورتسودان 2 مليون دو� (Re: MOHAMMED ELSHEIKH)
|
دا يا ابو الريش رسم مبسط لفكرة الاستفادة من العادم بتاع توربين الغاز الولّد الكهرباء في تسخين المياه اللازمة للتحلية
عموما عملية التحلية التقليدية بصفة عامة تعتبر من الوسائل قليلة الكفاءة باعتبار استهلاكها الكبير للطاقة و النواتج العادمة من تركيز ملحي, ويقتصر استخدامها على الاماكن التي لاتوجد بدائل ميسورة لتوفير مياه عذبة فيها, لذا ظهرت عدة طرق لرفع الكفاءة منها اقرانها بمحطات توليد الطاقة كالمثال اعلاه , أمّا النموذج الأمثل فاستخدام الطاقات المتجددة كالرياح و الطاقة الشمسية و حتى طاقة حركة الامواج و التيارات البحرية بالنسبة لمشروع مياه (وطاقة) بورتسودان نحتاج لحل يناسب وضعنا و ممكن يتكوّن من أكثر من طريقة ومصدر مختلف.
| |
|
|
|
|
|
|
Re: خط انابيب مياه عطبرة/بورتسودان 2 مليون دو� (Re: النصرى أمين)
|
Quote: الحل نجر خرطوش طويل يسحب موية النيل . |
يا نصري الامور الهندسية و المشاريع الكبرى لا يتم حسمها بالطريقة دي لازم دراسة ومقارنة تكلفة الانشاء بكل تفاصيلها (بما فيها تعويضات الاراضي التي سيمر فيها المشروع) والتغلب على المشاكل الطبوغرافية و غيرها من تفاصيل التفاصيل و دراسة تكاليف التشغيل (مضخات و كهرباء و خلافه) و الصيانة ثم تقارنها بتكلفة انشاء محطة تحلية و طاقة و ايضا تعمل حساب موسمية نهر عطبرة و متوسط كمية الماء الممكن يديك ليها في السنة.
| |
|
|
|
|
|
|
Re: خط انابيب مياه عطبرة/بورتسودان 2 مليون دو� (Re: النصرى أمين)
|
كتب سيف الدين بابكر من الفيسبوك
سيف الدين بابكر توصيل الماء إلى الميناء الوحيد الواقع في (الجزء المفيد) من السودان هو من أسهل المشاريع وأقلها تكلفة. فالمشكلة لا تكمن في التمويل أو التقنيات، بل المشكلة تكمن في أن آل صهيون لن يسمحوا بتوصيل ماء النيل إلى الشرق العربي بأجمعه وليس شرق السودان فحسب. لن يسمحوا بتوصيل ماء النيل من أبوحمد أو من أتبرة أو من بربر إلى بورتسودان لأن هذا يعني توصيل الماء إلى العرب بأجمعهم في الجزيرة العربية ودول الخليج العربي وهذا ما لن يسمح به آل صهيون بمعاونة الأفارقة السود والأوروبيون والأمريكان البيض بل والصين والروس الصفر. فجميعهم يرمون العرب بقوس واحدة، فالنيل قد أصبح ملكية خاصة لآل صهيون يبيعون ماءه عما قريب إلى العالمين. فمتى يفقه المسلمون في بلاد النيلين وهم عطشى؟
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|