|
|
|
 Re: كارثة ذهبية يا حمدوك (Re: خضر الطيب)
|
Quote:
القصة...كاملة ..لشركة التعدين
الصينيه...بكسلا
#اصحاب السكر والضغط ..يمتنعون
عن قرأة هذا التقرير ...من شاهد في قلب الحدث
#احمد جمعة
@@@@@@@@@@@@@@@@@@
ياخليفه انا وقعت عقد عمل مع هذه الشركه يوم الخميس ١٥/١١/٢٠١١والموضوع تم بالصدفة التقيت بي واحد صيني مسلم في جوازات الاجانب شاهدني شغال قال لي انا متابعك من قبيل وشغلك عجبني ممكن تشتغل معانا وشرح لي وضع الشركه وافق واشطرت عليه باني شغال في شركه نفط وماممكن اترك عملي وافق ووجه لي الدعوة ذهبت وقابلت رئيس مجلس الاداره والمدير العام وهم للعلم مالكي الشركه وإخوان اشقاء واحد اسمه لي والثاني شوان وعرضروا علي وظيفه مدير العلاقات إلعامه وافقت بي شروطي ان لا اداوم الا في حاله اكون في شغل وان لا اترك وظيفتي وراتبي الشهري اربعه مليون جنيه وعربية المدهش وافقوا فورا ومضيت العقد في احتفال كبير والله انا ماكنت مصدق لأني بعرف الصينيين كويس وللعلم ابوهم رئيس الحزب. الشيوعي الصيني في أكبر ولايات الصين ورجل مليونير يمتلك كميه من المصانع الضخمه للسيارات واللودرات وغيرها
أجروا قصر في الحي الراقي جنوب الخرطوم مقرا للشركه ايجارالشهر بي ١٢الف دولار دفعوا مقدم سنتين وهو مملوك لي مدير التصنيع الحربي في ذلك الوقت وهو يملك ثلاثه قصور مع بعض بالقرب من منزل بكري حسن صالح وصلاح قوش
المهم وقعوا الاتفاقيه مع الحكومه اتفاقية ضخمه جدا عباره عن مجلد كامل الأطراف كمال عبداللطيف وزير المعادن وعلي العوض والي كسلا كمان ده عجيب استنفع منهم والصينيين تنص علي الآتي النص للصينيين وعليهم العماله والاليات والنص الثاني بين الحكومه والولاية
احضروا كل الاليات دي من الصين ٣٥٠ بكلن و٦٠لودروكميه من. الشاحنات ومصنع كامل للذهب ادخل حجر امرق ذهب وعملوا مستشفي ومدرسه ومسجد وبوابير كهرباء لي محليه تلكوك موقع المربع وساحته ٢٠٠٠كيلو طول ٥٠وعرض ٤٠كيلو حتي الحدود الارتريه
وانا احضرت من الصين ٣٠٠عامل بي تأشيرات دخول
واستلم علي العوض شقه تمليك في الرياض وعربه لاندكروزر جديده هديه منهم
بس اكل منهم اكل تقيل وكل يوم جاي شايل دولار
عملوا اجتماع في الشركه حضروا ناس الوزاره وناس الولايه عملوا ليهم عرض للمشروع بالبروجكتر مصور بالاقمار والله العظيم الذهب تحت الارض سائل جداول وكمان يوجد معدن أغلي من الذهب اسمه المايكا بي كميات
ناس الحكومه جن جنونهم لما شافوا الكلام ده نطوا من الاتفاقيه وطالبوا بي تقليص نصيب الصينيين ده سبب الخلاف
طوالي رئيس مجلس الاداره طلب مني عمل تأشيره خروج ومعه كميه من المهندسين وسافروا وبقي اخوه
سالت لي الحصل شنو قال لي ياخساره مافي عقليه للاستثمار هنا في نهب بس بهذا اللفظ ذكر اذكر في ذاك الاجتماع في النهايه قدمت الهدايه لي كل الموجودين الوزاره علي الولايه كل واحد خمسه الف دولار وجهاز أيفون
اخوه صعب جدا قال مافي اي تنازل نحن اتفقنا والاتفاقية موجوده تنفذ هي فقط الحكومه رفضت وبعد كده وقف العمل وبدات تسفيرهم المهندسين اول ومن ثم العماله وكلهم سفرتهم بي مطار الخرطوم بقي منهم القليل حارس المعدات ورحلوا في بيت صغير في المعموره لازال موجود فيه واحد صيني والمترجم
وبعد كده سافر لي
تتخيلوا إنّو كنت بمشي ادفع في زاره المعادن سنويا أربعين الف دولار واربعين الف يورو ضريبه ارض وبدفع مائه يورو لكل صيني قادم للبلد او عاوز اقامه
وأي خطاب اطلع منهم لو كشف واحد فيه عشره أشخاص بدفع الف يورو وبعد ده لسه طمعانيين
وده في الاتفاقيه مافي وكمان ندفع ضرائب للأفراد
ياخي الاليات الحكومه شالت نصها وزعتها في المحليات للخريف والباقي بقي مرمي في الخلاء وهم لما عرفوا الكلام. ده قدموا شكوه عن طريق الخارجية الصينيه وابلغت السودانيه ولسه الجرجره شغاله
بالنسبه لي موضوع الجبل المذكور هم كسروهو لانه تحته ذهب كثير وجابوا كميه من للوزاره لعمليه الفحص
نحن قدمتا شكوي لي مكتب العمل والتأمين الاجتماعي لحفظ حقوقنا لأننا لأزلنا في الخدمه
وننتظر نشوف
هذه هي قصه شركه كسلا للتعدين |
| |
  
|
|
|
|
|
|
|
|
Re: كارثة ذهبية يا حمدوك (Re: adil amin)
|
Quote:
كلام خطير
منو غير حميدتي و اعوان النظام المسموح ليهم بتصدير الذهب؟ |
شفت يا خضر المشكلة دي لا بحلها حمدوك ولا حميدتي والانقلاب ده اصلا دعمتو دول محددة مستفيدة من نهب الموارد في لاقاليم الستة وراهم البنك الدولي وكفاية تمثيل علي الشعب السوداني
والحل كتبناه هنا وفي كل الاسافير
1- تفعل المحكمة الدستورية والمراجع العام
2- تلغي الولاياات ترجع الاقاليم الخمسة ويحكما ابناها بالديمقراطية والفدرالية والانتخابات الحقيقية وتكون كل الثروات في الاقاليم تحت اشراف حاكم الاقليم وبرلمان الاقليم كده بنقطع رجل الضباع دي دون احراج بدل نباري نخب المركز المبتزلة دي
الدول دي ما بتحترم نفسا اذا انتو في ق ح ت ما احترمتو نفسكم وخليوتو المجاملات اللذجة لها
وهي مصر والسعودية والامارات وقطر وتركيا
يتحرك المراجع العام و يشوف نوع طبيعة استثمارات هذه الدول في السودان من الان
ياخ دي حتي البشر اشترتهم لحروبا الخاسرة في اليمن ولييا
https://up.top4top.net/
و ثورة لو ثورة كرامة فعلا تزحنا من الناس ديل العالم فيه 190 دولة غيرهم بحترمو السودان
ثروة ما يحرسا نظام ديمقراطي فدرالي اشتراكي رشيد وشعب واعي ومحكمة دستورية بنهنبا البنك الدولي وادواته الرخيصة في المنطقة
وكويس يا خضر بتوثق بوستاتك كويس عشان تقطع الطريق امام حكامات حمدوك ومفروض قضية الذهب دي تطرح في الاعلام السوداني علي الملا عشان الشعب يعرف ثراواتو بتمشي وين والبنهبا منو
اعلام ق ح ت ساقط في السبعة مواد والمجموع
انت وياسر الشريف عملكم موثق ومجود في البورد وده الاعلام بتاع المرحلة
| |
|
|
|
|
|
|
|
|
|
Re: كارثة ذهبية يا حمدوك (Re: adil amin)
|
Quote: القصة...كاملة ..لشركة التعدين
الصينيه...بكسلا |
يا عادل
اذا كان هذا الشخص هو من كتب هذا الكلام
يجب ان يتم القبض عليه و التحقيق معه
و مراجعة كل الاستثمارات الصينية في السودان
| |
|
|
|
|
|
|
|
|
|
Re: كارثة ذهبية يا حمدوك (Re: خضر الطيب)
|
| Quote: منو غير حميدتي و اعوان النظام المسموح ليهم بتصدير الذهب؟ |
دي مسؤولية مدني عباس مدني وزيرة التجارة وغيرهم من الوزراء
حميدتي ليس له منصب في هذه الحكومة.
| |
|
|
|
|
|
|
|
|
|
Re: كارثة ذهبية يا حمدوك (Re: منتصر عبد الباسط)
|
وقحت القحط السجمانة دي ما عندها أي استراتيجية
ولم تستمع لأي نقابات ولا جمعيات اقتصادية
قبل يومين اجمعت بموظف في مؤسسة البترول
قالي مافي مسؤول اجتمع بينا وعينو لينا رؤساء جدد
ما عارفين أي حاجة وبسألونا عن أبجدات العمل.
| |
|
|
|
|
|
|
|
|
|
Re: كارثة ذهبية يا حمدوك (Re: منتصر عبد الباسط)
|
أهم ابجدية في العمل الذي ينهض بالاقتصاد
هو التعامل المباشر مع المواطنين المنتجين في مجال الزراعة
أو الصناعة أو التعدين دون وسطاء وطفيليين
بتزليل كل الصعاب دون قيود لا داعي لها
فهذا هو الذي يدفع بعجلة الاقتصاد
لأنه بدون ذلك سيزداد الفقير فقراً والغني غنا
والغني الذي يتطفل على موائد الفقراء سيكون أكبر معول
من معاول هدم الاقتصاد السوداني .
| |
|
|
|
|
|
|
|
|
|
Re: كارثة ذهبية يا حمدوك (Re: منتصر عبد الباسط)
|
يرجعو اقتصاد المؤسسات الكان قاعد من زمن الانجليز ومشت فيه الانقاذ بالاستيكة من30 يونيو 1989
العايز يرجع الاقتصاد المحترم والاشتراكي السوداني يمشي في الانقاذ بي الاستيكة مش بمشطا بي قملا ويجدع قملة وينسي قملة بطريقة شالو السيدة وخلو حرم
الزول في الفيدو ده شرح الطريقة الصحيحة للتعدين بتاع لذهب وقال المكان الطبيعي لذهب السودان هو البنك المركزي وليس دبي وروسيا
1- مؤسسة التعدين
2- مؤسسة البترول
3- مؤسسة تسويق الماشية واللحوم
4- مؤسسة الصمغ السوداني
وايضا تفعيل مكتب المراحع العام -ناس القلم الاخضر
ود ناس ق ح ت ديل ما بعملو لانهم جزء من لعبة قرود السيرك الامريكي الخمسة مصر والسعودية والامارات وقطر وتركيا وحمدوك طمنهم علي مصالحهم المبتزلة في السودان بدل يواجهم بيها
| |
|
|
|
|
|
|
|
|
|
Re: كارثة ذهبية يا حمدوك (Re: adil amin)
|
عادل يا دفعة العافية درجات
الحكومة الحالية حكومة مناوله
خلينا نكون منطقيين و واقعيين
حكومة ليها شهور قليلة يا عادل
و لا واحد فيهم كان وزير قبل كده
الضغط عليهم مافي صالحنا ولا في صالح البلد
صبرنا على زبالة الكيزان تلاتين سنة
غالبنا نصبر على الحكومة دي تلاتة سنوات؟
| |
|
|
|
|
|
|
|
|
|
Re: كارثة ذهبية يا حمدوك (Re: خضر الطيب)
|
Quote: عادل يا دفعة العافية درجات
الحكومة الحالية حكومة مناوله
خلينا نكون منطقيين و واقعيين
حكومة ليها شهور قليلة يا عادل
و لا واحد فيهم كان وزير قبل كده
الضغط عليهم مافي صالحنا ولا في صالح البلد
صبرنا على زبالة الكيزان تلاتين سنة
غالبنا نصبر على الحكومة دي تلاتة سنوات؟ |
يا اخوي نخلي اللف والدوران المشروع الحقيقي لتفكيك الانقاذ جابتو الحركة الشعبية 2005-2010 وديل جدعو وعملوحقهم وما عندهم رؤية ولا مشروع في فلان وعلان مالي و مالكم
انا بطرح ليهم البدائل الواضحة والواقعية وهم في العنظزة الفاضية في البورد وفي السودان
الزمن بس بفرز منو البلهث مع الحزب الخالف واعادة تدوير الفشل ومنو البحمل مشروع تحول ديمقراطي حقيقي ومؤسس بي الدستور والمحكمة الدستورية
بالله بلد بي حالا تختزلا في حميدتي وحمدوك
يا خ وثيقة الاستقلال طلعت 1953 بواسطة حزب الامة والناس دخلت انتخابات 1954 طلعو الانجليز و80% من الشعب الذكي كانو اميين رمز الشجرة والقطية وانتويا الشيوعيين والكيزان مطلعين دينا لحدي هسة لي شنو ؟؟؟
امسكو الدرب ومن محل وقفت الحركة الشعبية او تمشو مذبلة التاريخ قريب جدا جدا
| |
|
|
|
|
|
|
|
|
|
Re: كارثة ذهبية يا حمدوك (Re: الطيب عبدالرازق النقر)
|
Quote: يا عادل
اذا كان هذا الشخص هو من كتب هذا الكلام
يجب ان يتم القبض عليه و التحقيق معه
و مراجعة كل الاستثمارات الصينية في السودان |
يا خضر
قلنا مؤسسات العدالة الشاملة وتجفيف الفساد هي
1- المحكمة الدستورية الفاعلة وال مراجع العام واعادة نظام المؤسسات
- الاعلام الحر والمسؤل الذي يعرض القضايا لي الشعب مش الغتغتة
3- اعادة الاقاليم ويحكما ابناءه عشان يحرسو الموارد دي ويشوفو المركز \ه بوديها وين
عشان كده رؤية الحركة الشعبية ما عاجباهم
مبروك الصورة الجديدة فكيتنا كم علم مايو 1969 باقي بس تزينا بي علم الاستقلال
| |
|
|
|
|
|
|
|
|
|
Re: كارثة ذهبية يا حمدوك (Re: الطيب عبدالرازق النقر)
|
| Quote: الدهب الوصل ماليزيا كم طن ؟ |
بالله يا خضر شوف انت جبت فيديو جيد جدا وخطير في شان السودان وشوف البتحاور معاك منو في بورد فيه 5000 عضو
وبرضه تقول لي الطيارة عندها بوري ...يموتو الشباب في السوان عشان يبقى التراب والعفن بتاع مايو 1969 ويونيو 1989
خلي الزول ده يورينا ال64 مليار دي قاعدة وين وداها الكعوك ده وين؟؟
https://up.top4top.net/
وخلي اي زول هنا ساقط ورخيص ومباري حميدتي وشركاته الوهمية يكلمو كان عايز يبقى سوداني حر
1- يطلق سراح موسي هلال اول حاجة ويتعتذر لقبيلة المحاميد
2- يرجع الجنود اليمن وليبيا وفي سودانيين عندهم مخ بحلو مشكلة اليمن وليبيا
3- يجيب بن زايد وبن سلمان يبنو طوالي 10000 قرية نموذجية لي 2000000 نازح في دار فور مقابل ال300 طن ذهب المنهوبة
وروسيا تعمل سكة حديد في كل دارفور ايضا
دي السياسة ودي السياسيين الحريصين علي االسودان والسودانيين
والواضح ما فاضح
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
خضر الطيب
adil amin
منتصر عبد الباسط
Ahmed Yassin
الطيب عبدالرازق النقر
فيس بوك
تويتر
انستقرام
يوتيوب
بنتيريست