سلام عليكم ابريش العلم والعمله الوطنيه كرموز من رموز سياده الوطن نضم اليها مثلا الدستور الدائم والنشيد الوطنى هى رموز مفروض تكون تاريخيه ولما يتم الاتفاق عليها ووضعها موضع التنفيذ بعد معالجه كثير من التفاصيل الهامه وعوده العافيه للوطن . وكن مهدد بالفتن طمعا من جيران الاقليم والتمزق وعمله متهاويه فى بئر الدولار السحيق واراء متشاكسه حول هويه واضحه للدوله يتم التعبير عنها فى دستور دائم ونشيد وطنى يعكس قيم الدستور وتنوع البلد . لايمكن لشخص منهك ومريض فى مرحله العلاج يتم الباسو ازىاء جديده ليمشى بها بين الناس قبل ان نضمن تعافيه وسعيه بين الناس فى قوه . هكذا حال السودان ورموز سيادته المذكوره اعلاه تحياتى
11-21-2019, 08:32 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
علم الجابون ومعكوس الازرق تحت والاخضر فوق يا علي وهسة العلم بتاع مايو ده برضه مقلبن مع فلسطين والامارات والكويت طيب مش ممكن يكون كده تهم حاجة الثلاثة الالوان دي بس https://up.top4top.net/
11-23-2019, 04:31 PM
Abureesh Abureesh
تاريخ التسجيل: 09-22-2003
مجموع المشاركات: 30182
مرحب بالجميع الاخ عاصم.. عارف تساؤلاتك دى كلها جوابها مفتاحه العلم القديم. اولا العلم القديم لم يفرضه دكتاتور بحرة قلم بعد تحالف مع جمال عبدالناصر ثانيا العام القديم يحسم جدل الهوية و يعيدنا دولة سودانية افريقية و هذه ما نحن فى الحقيقة ثالثا الجنيه القديم يعيد السودان الى اصله الافريقى ايضا عن طريق مناداة الماضى.. ثم يكشف الأطنان و الشاحنات المليئة بترليونان الجنيهات الانقاذية التى كانت تطبع رب رب رب بدون أدنى غطاء.
و للاخ عادل اقول لا حاجة للف العلم فهو مختلف عن علم الجابون.
تحياتى للجميع.
11-24-2019, 01:00 PM
adil amin adil amin
تاريخ التسجيل: 08-01-2002
مجموع المشاركات: 36971
Quote: و للاخ عادل اقول لا حاجة للف العلم فهو مختلف عن علم الجابون.
تحياتى للجميع.
اكيد طبعا بس نكسر الدش في ايدي العروبين بتاعين مثلث الحمدي ديل من هسة والصورة في بروفايلي هسة توضح الفرق بين الوعين والعلمين اما اقتصاد الكعوك ده كمان داير ليه معالجاات جذرية عشان يرجع الجنيه العزيز عليك الله شوف المحن دي كل نفط الجنوب الماتو بسببو 2000000 جنوبي و1000000 نوباوي عشان يمر الانبوب انتهي وين ؟؟؟
https://up.top4top.net/
هسة ناس حمدوك ديل ما بقرو جرائد خليجية هو دولية ولي شنو ويهرولو كل يوم كلمو النائب العام بي الوثيقة دي جريدة المدينة والانتدبنت لو رجعت ال64 مليار دي بنك السودان الجنيه السوداني ببقى =6 دولار
يااخ ناس ق ح ت المغرورين ديل لو داير تساعدهم ما عايزين يساعدو نفسهم وراسين اعلام لحدي هسة للاسف
11-24-2019, 03:41 PM
ABDALLAH ABDALLAH ABDALLAH ABDALLAH
تاريخ التسجيل: 08-26-2007
مجموع المشاركات: 7628
التحيه لك أخى العزيز أبو الريش نمشى نيويورك ما نقابلك تزور أنت واشنطن ما نتقابل. بخصوص العلم أتفق معك تماماً فى المطالبة بعلم الإستقلال لأن علم نميرى هذا تشويه لنضال الجيل والذى كافح من أجل الإستقلال . أما العمله السودانيه يا حبيب , بنك السودان والذى يصدر العمله تم خرابه وتدميره . عندما كان بنك السودان ملتزم بإتفاقية برايتون الدوليه وتطبع له شركة دولورو العمله السودانيهكان الجنيه السودانيه يعادل 12 ريال سعودى ويعادل 3.75 دولار أمريكى ...طبعاً فى ذلك الزمن لا وجود للريال القطرى أو الدرهم الأماراتى ........ الله يجازى اللى كان سبب فى هذا الدمار . شايف أخونا حسين جنقول إستقال .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
Asim Ali
جمال ود القوز
علي عبدالوهاب عثمان
adil amin
ABDALLAH ABDALLAH
فيس بوك
تويتر
انستقرام
يوتيوب
بنتيريست