ألقت السلطات السودانية فجر (الاثنين) القبض على العقيد م. يوسف عبد الفتاح الشهير بـ(رامبو) عقب خروجه من مسجد المسرة بالصافية. وكشف مصدر يجاور عبد الفتاح في السكن لـ(تاسيتي نيوز) عن أن الاعتقال تم عبر عربات دفع رباعي (تاتشرات) يمتطيها افرادا يرتدون زيا مدنيا بمعية بعض من يرتدون الزي الرسمي. متوقعا أن يكون الاعتقال تم على ذمة عدد من القضايا المرفوعة ضده من وزيرة الشباب والرياضة، واستدرك: على الرغم من ذلك كان يمكن اعتقاله أو القاء القبض عليه بشرطة عادية حتى لا يتم تأويل الامور.
وشغل يوسف منصب نائب معتمد الخرطوم في بدايات انقلاب المخلوع فضلا عن العديد من المناصب في المؤتمر الوطني أو في الدولة أخرها (ترقية السلوك الحضري).
ده كمان معتقلنو لشنو !!وسمعنا ، والعهدة على الراوي ، إنه كان رجل نزيه وكان بينزل الشارع بنفسه وينظف الشوارع ويزرع الزهور ، حتى أن البعض قال أن العاصمة في عهده عندما كان حاكم الخرطوم أصبحت زي باريس ...بس اوع يكون بعد داك بقى من لصوص نظام اللصوص والحرامية ووجدوا عنده الملايين زي الحرامية ألفي القائمة السوداء اللافة في الواتساب ...
11-11-2019, 04:59 PM
Elhadi Elhadi
تاريخ التسجيل: 01-06-2003
مجموع المشاركات: 9958
يا امتثال انا زمااااان زمااااااان سمعت بأنه لبع ليهو ١٠ مليون دولار و كمان ما تنسي المدينة الرياضية المدينة الرياضية دي و العهدة لىةال اوي كان مفروض تكون جاااااااهزة من يوم ما أن وزير الشباب والرياضة الناس ديل بطونهم غرييييقة و لقمتهم ماااااااااكنة شفتي ليك كوز نزيه ما تشوفي فلقة الصلاة دي البدا الصلاة فيهم قبل اسبوعين تكون الصلاة فلقتو علي اليمين ابوي شيخ طريقة الله يرحمه بصلي اكتر من ٨٠ سنة لمن مات اثر الصلاة بنشوفو في الركب و عضم كرعينو محل الجلوس ديل كلهم تجار دين و ناس قحت فكوا الناس ديل سااااي و يشيلوا و يكون في لجان التحقيق لمتين الله اعلم انا مستغرب زي رامبو دا يمسكوه متأخر ليه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
Elhadi
فيس بوك
تويتر
انستقرام
يوتيوب
بنتيريست