التحية الحبيب قباني .. بقينا نسمع الاغاني في سودانيز أكثر من التلفزيون ما في مراعاة لناس الزمن الجميل .. كلما أفتح التلفزيون ( أجد بناتنا وأولادنا ) الفنانين الشباب هم جميلين جداً .. ولكن كل حسب عمره .. مرات الواحد يصاب بالحياء خاصة في حضور الحاجة
ما شاء الله عوض الكريم عبدالله الذاكرة تمام ومازال يحتفظ برونقه
مودتي الجميل قباني ..
11-10-2019, 05:44 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: لتحية الحبيب قباني .. بقينا نسمع الاغاني في سودانيز أكثر من التلفزيون ما في مراعاة لناس الزمن الجميل .. كلما أفتح التلفزيون ( أجد بناتنا وأولادنا ) الفنانين الشباب هم جميلين جداً .. ولكن كل حسب عمره .. مرات الواحد يصاب بالحياء خاصة في حضور الحاجة
ما شاء الله عوض الكريم عبدالله الذاكرة تمام ومازال يحتفظ برونقه
مودتي الجميل قباني ..
الحاجة دايره منك شنوتاني يا عمو .. اديتها عمرك كلو قول ليها فرقه شوية بس هههه
انبسط يا عم علي ما في زول ماخد منها شي ...
11-10-2019, 06:02 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
في احد لقاءات تلفزيون السودان مع عوض الكريم و اسرته ...
سأل مقدم البرنامج عوض الكريم عن ذكرياته و مواقف تعلم منها في الحياه ...
فقال عوض الكريم:
كنت في حفلة في بيت ناس عثمان صالح التاجر المعروف ... ووقتها كنت مالي الساحة و كل عروس تطلب طلب انو عوض الكريم يغني في عرسها ... و انا كنت فنان صغير السن لكن شايف رقبتي حاجة كبيرة ... و انا كنت الفنان الوحيد لكل الليلة ... و فجأه و انا في الصالون دخل علينا الاستاذ احمد المصطفى شايل عوده في ايدو ... سلم علينا و دخل جوه سلم على الناس بعد داك جاني و ميل علي و قال لي: انا حقيقة جيت اجامل عثمان و اهله باغنيتين و ماشي عرس في ام درمان عند ناس ابو العلا و انا اسف جدا بس ياريت تأذن لي اغني غنيتين و امشي ...!!! قال عوض الكريم الليلة ديك انا ما نمت ... احمد المصطفى يستأذني انا ؟ و قال فهمت كيف الفنان بكبر بي تواضعه ما بي طلب الناس ليهو ... ____________________________________________
رغم ان صوته مرتبط بعذابات قديمه ... لكني اعشقه ...
عندنا ودحلتنا ما أفضلوا عليك😂 عمل فيها صنديد قال يدخل يبارك ليها واقف منتظرها لما جات داخلة قعد في الكوشة أولاد الحلة شبكوا ليك قوم لما بيحكي لي قال هم ما فاهمين قايلنها حركة وتحدي لكن انا لما شفتها داخلة بالزفاف حيلي مات وكرعيني غلبنهم يشيلوني أولاد الحلة أول ما رفعوا داخ وطرش ليهم في حتتو ديك وما شارب😂😂😂
11-10-2019, 06:44 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: عندنا ودحلتنا ما أفضلوا عليك😂 عمل فيها صنديد قال يدخل يبارك ليها واقف منتظرها لما جات داخلة قعد في الكوشة أولاد الحلة شبكوا ليك قوم لما بيحكي لي قال هم ما فاهمين قايلنها حركة وتحدي لكن انا لما شفتها داخلة بالزفاف حيلي مات وكرعيني غلبنهم يشيلوني أولاد الحلة أول ما رفعوا داخ وطرش ليهم في حتتو ديك وما شارب😂😂😂
و الله يا مونتا ...
اتذكر مشيت اسلم في الكوشة ... كانت لابسة جوانتي ابيض ... مديت كف يدي ملاااان عرق ... سلمت ... و عاينت ليها و عاينت لي ... قت مبروك ... ما ردت و ما فكت ايدي ...
اييييه يا مونتا ...
11-10-2019, 07:46 PM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
اذكريني عمرك ما حتسمعها. زي ما بتطلع من عوض الكريم. صوته كان مفتاح نجاحه ....يعني لايمكن لصاحب هذا الصوت ان بفشل.. جاء للخرطوم زهو لم يكمل العشرين سنة ١٩٦٣..وطوالي وجهوهو للاذاعة ....كان عايز واحد .بس يعديهو من البوابة لانه الدخول كان صعب...والصحفي محمدالحسن هو الدخله جوة الاذاعة. اختباره الاول تتخيلوا غنا لمنو؟ لى بادي محمدالطيب اغنية(نظرة يا السمحة ام عجن) مدير الاذاعة مباشرة طلب منه الحضور ليغني على الهواء في برنامج حقيبة الفن.
11-10-2019, 10:30 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
ومدير الاذاعة كان الاستاذ محمدالعبيد ..استمتع جدا بصوت واداء عوض الكريم القادم من قرية (شكيرة) بنواحي الجزيرة..وطلب منه يقابل احمدالزبير صاحب برنامح فني اسمه اشكال والوان. وفعلا جاء غنا على الهواء ...قائد الاسطول و نظرة يا السمحة ام عجن في مقابلته للجنة اجازة الاصوات...اللجنة كانت بتتكزن من فطاحلة منهم: احمد مرجان بتاع سلاح الموسيقى وصاحب المارشات العسكرية موسى محمد ابراهيم الموسيقار وعازف ال(بيكلو)..موزع الملحمة وصاحب(ماضي الذكريات) برعي محمد دفع الله (عود) بشير عباس (عود)
الاستاذ قباني والضيوف الميامين ذكرتنا بايام جميلة ، حفلات راس السنة كانت بتكون مولعة في زمن مضى ، مشينا في نادي من الاندية لتقديم فاصل مع الراحل المقيم الاستاذ محمد وردي وكان مشارك في الحفل الاستاذ عوض الكريم كنت بسمع بيهو لكن أول مرة اشوفه ، رجل هاديء جداً ولمن يتكلم كان كلامو موزون . حقيقة سعدت جداً بذلك اللقاء
11-17-2019, 03:21 PM
خضر صيام
خضر صيام
تاريخ التسجيل: 01-10-2013
مجموع المشاركات: 134
يا سلااام و يا للروعة يا قُبة اول مرة اسمعا بريدو شديييد, في زولن ما بريد العيد انترو موبالغة التحية عبرك للاستاذ عوض الكريم و للجميلين عثمان عووضة و مونتي و احمد ياسين و استاذنا على عبد الوهاب
يا قُبة قبل سته سنوات رفعتا ليك في الموقع قعدات لاحمد المصطفى و ابو داؤود و العطبراوي واضح انو القعدة دي كانت في بيت عشة ام رشيرش ياريت ترسلا لي لانو الهارديسك الفيهو الشغل دا في بريطانيا رسلا عن طريق We Transfer على الايميل [email protected]
11-11-2019, 02:50 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10346
Quote: يا قُبة قبل سته سنوات رفعتا ليك في الموقع قعدات لاحمد المصطفى و ابو داؤود و العطبراوي
تعرف يا استاذ خضر، الراحل المقيم حسن خليفة العطبرواو ده أول فنان عزفت معاهو وكنت في الوقت داك في الصف الثاني في مدرسة عطبرة الحكومية ومعي ابنه الجميل الخلق خليفة حسن خليفة وعن طريق العطبرواي ، تعرفت على الراحل المقيم الجميل عبد العزيز داود في إفتتاح تلفزيون عطبرة شكلنا بقينا قدام خلاص
11-11-2019, 03:39 AM
محجوب البيلي
محجوب البيلي
تاريخ التسجيل: 04-19-2005
مجموع المشاركات: 2016
Quote: صوته كان مفتاح نجاحه ....يعني لايمكن لصاحب هذا الصوت ان بفشل..
جبت الزبده يا احمد ياسين ..
تعرف يا فنان ... انا بفتكر عوض الكريم خلق لي روحة مكان في تاريخ الأغنية السودانية صعب ان يدخل فيو فنان آخر ... ليس لعبقريته في الاداء فحسب و لكن لندرة صوته .. و الفهم كيف يوظفه تماما في اغاني و الحان خرجت كسلاسل الذهب ...
11-11-2019, 04:37 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
Quote: سلام يا أحمد يا سلام عليك وشكراً أضفت لي معرفة جديدة مشيت قوقلت البيكلو وحات جد الزنديق أول مرة أسمع بيها أتاريني قايل القصة كلها فِرِد ظمبارة
مع انك بتظهر لي انك فنان فنان كدة عارف يا حبيب ..البيكلو هي اصغر ٱلة في الاوركسترا ..لكنها الاعلى صوتا.. اسامة بيكلو من سكان الديم .. محمدالامين بجيبوا اول واحد... وفي الحفلات الجماهيرية بديهو مساحة صولو كبيرة.. وبخش معاهو في حوار بالعود...وتعال اسمع صراخ جمهور محمدالامين برضو كان مع وردي وابن البادية....والعلموا حب الالة دي هو الموسيقار الكبير استاذنا موسى محمدابراهيم
11-11-2019, 05:23 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
عرفت القلب و وجعه على انغام عوض الكريم عبد الله في سبعينات القرن الماضي ...
فهل يا ترى ...... ؟
فهل يا تُرى سيهجع القلب على أنغامه أيضا ؟
قال احسان عبد القدوس اشهر من كتب عن الحب ان في حياة كل إنسان وهم يسمى بالحبيب الاول و هو الشيئ الذي كان ان قرره بوضوح ابو تمام حينما قال : نقل فؤادك حيث شئت من الهوى .. ما الحب الا للحبيب الاولِ
و لكني ... و حيث انني من دراويش المتنبي ... أصدقه حينما قال : إعلـــق بأخر حـــب كلفت بة … لا خير فى حب الحبيب الاول
اول حب يا سادتي ليس بالتاريخ و الترتيب اول حب هو الحب الحقيقي ... متى ما وجدته ... و مهما طال بك العمر ...
11-11-2019, 06:24 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10346
يا سلام يا احمد ساطور انتو ما بتتكرروا العطبراوي فنان جميل و ملتزم يكفي بس الاسم و انا ما عارف انت ليه بقيت بعيد من الفن دا و بالمناسبة عجبتني صورتكم انت و كابلي عندنا شغل و الزميلة رفيدة يسين و الزميل لقمان احمد هي سهرة تلفزونية كاملة كنت متابع تفاصيلا مع رفيدة من امريكا قبل ستة شهور ما معروف متين يتم بثها .. لكن سهرة كبيرة بقامة كابلي ربنا يديهو و يديك الصحة و العافية
11-11-2019, 07:21 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
Quote: لاستاذ قباني والضيوف الميامين ذكرتنا بايام جميلة ، حفلات راس السنة كانت بتكون مولعة في زمن مضى ، مشينا في نادي من الاندية لتقديم فاصل مع الراحل المقيم الاستاذ محمد وردي وكان مشارك في الحفل الاستاذ عوض الكريم كنت بسمع بيهو لكن أول مرة اشوفه ، رجل هاديء جداً ولمن يتكلم كان كلامو موزون . حقيقة سعدت جداً بذلك اللقاء
حبيبنا ساطور ...
شكرا لمرورك الكريم يا ملك ...
تسعدنا مداخلاتك ...
11-12-2019, 03:35 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: يا سلااام و يا للروعة يا قُبة اول مرة اسمعا بريدو شديييد, في زولن ما بريد العيد انترو موبالغة التحية عبرك للاستاذ عوض الكريم و للجميلين عثمان عووضة و مونتي و احمد ياسين و استاذنا على عبد الوهاب
يا قُبة قبل سته سنوات رفعتا ليك في الموقع قعدات لاحمد المصطفى و ابو داؤود و العطبراوي واضح انو القعدة دي كانت في بيت عشة ام رشيرش ياريت ترسلا لي لانو الهارديسك الفيهو الشغل دا في بريطانيا رسلا عن طريق We Transfer على الايميل
و الله وعدتك يا خدر لكن الشغلة بس ...
حاكلم منعم او ماجد يتولوا الموضوع معاي و ان شاء الله تجيك الاشياء ...
11-12-2019, 04:51 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10346
والله العظيم انا فاكر اني بحب عوض الكريم براااااااي لانو ناس زمننا كولهم تغريبا بس بيشوفو بعين "الكواكب احتفلوا بالقمر" وانا ب " عقلي انشغل بهواك والحكمة عيني لاجة ومجافية النوم يا اربعيني
يا قبة الود ساطور دا مع انو في عمرنا لكن كان من الملهمين (اول مرة اتنين قدر بعض يتلاهموا) كنا في منتصف السبعينات واخرها مرضانين بحفلات عطبرة والدامر ووردي الصغير وما ادراك حيث كان ساطور "قايد الأساطيل" اول مرة اقابله وجهالوجه في يوم "العزف المنفرد" بمسابقة الدورة المدرسة على مسرح ثانوية " بنات" عطبرة وما ادراك !
الجماعة بتاعين اللجنة مركبين النضارات القعركوباية وواحدين مخنفسين إضافة للتحرمني منك مع بناطلين الترلين وفجأة صعد الفتى النوبي ال Teen Ager , الأستاذ بتاعو رصا ليهو كل الالات المسيقية تقريبا : عود , كمان , جيتار ,اكورديون واظن الزمبارة وطلب من اللجنة ان تعطيه الفرصة لتجريبها كلها ولكن الجماعو رفضوا وقالوا عايزين حاجة واحدة فكان الاكورديون وكان الابداع المهم انا كنت مبتديء في الالة وقلت لازم اصل مستوى الزول دا من الزمن داك ولغاية امبارح اعافر ويعلم الله ما وصلت 1 على 10 طبعا هسي هو بكون في مرحلة" الأصالة" وياريت يعود لينا ويعود ذاك الالق
11-12-2019, 10:13 AM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
Quote: يا قبة الود ساطور دا مع انو في عمرنا لكن كان من الملهمين (اول مرة اتنين قدر بعض يتلاهموا) كنا في منتصف السبعينات واخرها مرضانين بحفلات عطبرة والدامر ووردي الصغير وما ادراك حيث كان ساطور "قايد الأساطيل" اول مرة اقابله وجهالوجه في يوم "العزف المنفرد" بمسابقة الدورة المدرسة على مسرح ثانوية " بنات" عطبرة وما ادراك !
الود ساطور ده انا سابي ليو دين في اواخر شتاء العام الماضي الساعة زي آخر الليل كده ...
ترهاقا الفنان العازف البارع ما دام انت درست في عطبرة وعزفت مع الفنان القامة العطبراوي فانت فنان بحق وحقيقة وضروري تكون عازف ماهر ... ..يحيى قباني انت ذواق فن بحق وحقيقة....فلك ولزوارك الأفاضل اطيب تحية والله يديكم الصحة والعافية يا ملوك النيل
Quote: ترهاقا الفنان العازف البارع ما دام انت درست في عطبرة وعزفت مع الفنان القامة العطبراوي فانت فنان بحق وحقيقة وضروري تكون عازف ماهر ... ..يحيى قباني انت ذواق فن بحق وحقيقة....فلك ولزوارك الأفاضل اطيب تحية والله يديكم الصحة والعافية يا ملوك النيل
الحمد لله بأني رجعت ليكم في المنبر إبنة عطبرة البارة والمحبة لهذه المدينة ( عطبرة ، حبي الكبير) الاستاذة بسمات الشيخ يلا يا بكري ، أدينا العمولة . ولي حكايات وطرائف مع الرحل المقيم العطبرواي عسى أن اجد الوقت للسرد . كيف تعرفت على العطبراوي ؟ وماذا كان دور العطبراوي لمسيرتي الفنية؟ كيف كانت عطبرة مدينة من الوزن الثقيل وكيف كانت قرية بقيم واخلاق أهل القرى؟
غايتو اولاد المدن ديل عليهم سماحة قوة عين .. قادر الله
زمان يا قبة نكتب الجواب ونصمملو ظرف من ورق الكراس ونرسم فيهو السهم والقلب اياه .. وندفنو في البكان المتفق عليه مع الحنان
والمصيبة انك مضطر تحرسو من بعيد لا بعيد لحدي ما البنية تكمل خت غداها وغسيل العدة وكنيس الحيشان الماها خمج ديك الحوش استاد بس وانت كل دا قاعد في الهجيري ومراقب تلك الوريقة الخطيرة جداً
لامن تجي ست الحسان وبكل خوف الدنيا تشيل الجواب حتى بعد داك انت قلبك يرقد في بكانو
لانو الجواب دا لو وقع في يد اي زول في الحلة انت بس تشيل بقجتك وتنجع .. وكتاااار النجعو بالسبب دا
11-13-2019, 05:26 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
سلامات يا قباني والرفاق.. انا غايتو الزول ده اصلي ما ردتو مع الاعتذار للجميع. ومؤخرا العيد ذاتو بقيت ما بريدو :( ثم بالله هيثم غالي باسمه بتاع نمرة اتنين ده طلع زول ضهاري 😅
Quote: سلامات يا قباني والرفاق.. انا غايتو الزول ده اصلي ما ردتو مع الاعتذار للجميع. ومؤخرا العيد ذاتو بقيت ما بريدو :( ثم بالله هيثم غالي باسمه بتاع نمرة اتنين ده طلع زول ضهاري
يا سلام. بالله شوف الأصوات دي ممهولة كيف!!!! دا غناء المهلة والاسترخاء .... ومساج القلب. عوض الكريم دا عندو صوت سماوي ولا يتعب في الأداء أو كأنه لا يغني ... زي عبد العزيز محمد داؤود ... يغني وكأنه منتكي في عنقريب تحت شدرة نيم عامرة. الأصوات الإلهية دي انقرضت أو كادت ... لأن عوض الكريم لسه على قيد الفانية اللعينة دي. طرب فطري ... وإطراب فطري.
أتمنيت ألقى أغنية "ما شقيتك" هنا بصوت عوض الكريم. غناها بطريقة تخليك ما تعرف تبكي ولّا تطرب ولّا تديها صرخة زي صرخة بادي محمد الطيب ديك.
11-16-2019, 01:05 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
فى السبعينات من القرن الماضى.. كانت معركة ادبية بين طه الكد و أبو امنة حامد. حول شعر عبدالله الطيب طه الكد رأيه كان ان عبد الله الطيب يعيش فى الماضى السحيق و لا ينتمى الى هذا العصر.. و ابو امنة كان يدافع عن البروف. من ضمن ما اذكره.. ان الكد جاب بيت شعر للبروف يقول فيها:
الا بلغا عنى (ليلى) و بلغ من يبلغها... فعلق الكد موجها حديثه للشاعر (عبدالله الطيب) ياخ ارفع السماعة و اضرب ليها.. شنو بلغ و بلغا وبتاع
المعركة كانت ممتعة و على صفحات الجرائد.. يا ريت واحد يدق صدره و يمشى دار الوثائق و يحولها لمادة رقمية.
11-17-2019, 07:14 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11834
تعرف يا قبّة من الفنانين الجمعتنى معاهم الطروف بين الفواصل اتنين الراحل خوجلى عثمان و استاذنا عوض الكريم المحتفى به هنا يمين الله لامن يسرحوا فى الونسة تشيل غناهم ده و ترميهو ورا ضهرك الطغا البقول عليه سيدكم مونتا ده ما خايل فوق سيدنا شيخ العرب قلنا ليهو انت طغيان قال كان انا ظغيان بقعد معاكم يا هلافيت و ضحك ضحكة مجلجلة اها عمركم فى زول شافوا بيضحك
11-17-2019, 03:06 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: الا بلغا عنى (ليلى) و بلغ من يبلغها... فعلق الكد موجها حديثه للشاعر (عبدالله الطيب) ياخ ارفع السماعة و اضرب ليها.. شنو بلغ و بلغا وبتاع
و الله محمد عثمان حضرت مناظرة في التلفزيون عن ناس بتقول في زمن العولمة و ثورة السوشيال ميديا الحاصلة الان مناهج المدارس لازم تتغير ... بمعنى ممكن العقل يفضو منه كتير بسبب حشو المناهج و يخلو المعرفه لمجرد كلكات على قوقل و غيره و يوجهو التفكير للابداع ... نظرية جديرة بالدراسة ... و النقاش كان جميل جدا ...
11-17-2019, 03:43 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: تعرف يا قبّة من الفنانين الجمعتنى معاهم الطروف بين الفواصل اتنين الراحل خوجلى عثمان و استاذنا عوض الكريم المحتفى به هنا يمين الله لامن يسرحوا فى الونسة تشيل غناهم ده و ترميهو ورا ضهرك الطغا البقول عليه سيدكم مونتا ده ما خايل فوق سيدنا شيخ العرب قلنا ليهو انت طغيان قال كان انا ظغيان بقعد معاكم يا هلافيت و ضحك ضحكة مجلجلة اها عمركم فى زول شافوا بيضحك
محظوظ يا جلي ...
للاسف ما اتشرفت بالكلام معاهم ...
اللهم عوض الكريم بس في صيوان البكا داك و بعدها طبعا في حفلات كتيرة ...
و الله بختك ...
الجلسات الزي دي لا تعوض ... انا جلست مع زيدان كتير رحمه الله و مع عثمان حميده ( تور الجر ) و عمنا عثمان عوض الله في منزل آل حمدتو في اواخر السبعينات جلسات غناء ساحر ...
11-18-2019, 01:23 AM
نادر الفضلى
نادر الفضلى
تاريخ التسجيل: 09-19-2006
مجموع المشاركات: 7022
أنا ما عارف شديييد دى قصة مع السودانيين شنو، قبل شوية كنت فى بوست لغوى وردت فيه حب شديييد .. عذاب شدييد .. شنو كده روعتو شديييد .. وشديد شدة !
يا قبانى كتار دخلوا محتفيين بإعترافك بس ما قادرين يسوا سواتك، أنت لسان حالهم
وفوق راى عن كلام أحسان عبد القدوس والمتنبى بتاع و لكني ... و حيث انني من دراويش المتنبي ... أصدقه حينما قال : إعلـــق بأخر حـــب كلفت بة … لا خير فى حب الحبيب الاول
أنا بفتكر أروع وأخير حب عندما أول حب يعود بعد زمن ويتجدد ويصبح آخر حب فالجمع بين الأول والأخير قمة سعادة ومشاعر الحب! الأول شغل تعليمى بتاع هواة عشان كدة الجرسة والرجفة .. أما الأخير فبعد نضج وخبرات يمكن بالإنجليزية أعبر أحسن Amateur and Mature فبجمع الأول مع الأخير بيكون وصل قمة الحب (القناعة المطلقة)
* بالمناسبة بادى أحمد الطيب من نفس حلة عوض الكريم عبد الله
11-18-2019, 04:39 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
بتسمع عن وردي الصغير...عبداللطيف وصلاح كوستي وعمر خليل..تبع مصطفى سيداحمد ومنهم من يقلد الجابري. .وعثمان حسين. وزيدان.. بل وابوداؤود. ذات نفسه.. وفي من يقلد عبدالوهاب الصادق ومحمداحمد عوض وبتكون اصوات المقلدين - بكسر اللام- شبيهة بالاصل لدرجة ما لكن لايمكن يجي صوت شبيه باي درجة لصوت عوض الكريم عبدالله هو الغناء دا انتوا قايلنوا ساهل؟ هسي جرب غني اي اغنية بتلقى نفسك انت وصوتك ( فلات) يعني مسطح بفتح التاء. شىء محير ..الغناء او الملام عبارة عن مرور الهواء بين الحبلين الصوتيين الايمن والايسر في الحنجرة..وبحصل تقارب واهتزاز وبنقوم نسمع الصوت لمن في حالة عوض الكريم دا..في امتداد للصوت ودفء ووضوح غير طبيعي
11-18-2019, 08:36 PM
Shinteer
Shinteer
تاريخ التسجيل: 09-04-2002
مجموع المشاركات: 2525
Quote: سلام يا قبابينو. ياخي لو عندك تسجيل لأغنية "ما شقيتك" بصوت عوض الكريم عبدالله، عليك الله أرميها هنا. مبالغة المبالغات ياخي.
لعيونك يا شنتير ... و قبابينو دي يمين ما سمعتها لي عشرات السنين هههه
كتب الصديق الأستاذ احمد الامين أحمد : ( "هذه الاغنيه كلمات خضرحسن سعد من شعراءالخرطوم ولحن حسن عطيه لكن حسن الهاوى اعجب باللحن وكلمات الاغنيه فتنازل له حسن عطيه منه رغم انه يؤديها بصوره افضل منه ويبدوان ا لهاوى رد الجميل باحسن منه فتنزل لحسن عطيه عن اغنيه محبوبى لاقانى التى لحنها لذات الشاعر تقريبا... كلمات الاغنيه تشف عن تجربه حزينه تعرض لها شاعرها الحساس وغالبا زواج من احب باخر هذه العاده القبيحه فى المجتمع السودنى الذى يكبح الحب بحكم الاعراف وخراب الذاكره وقسوه القلب ويبدوان شاعرها عانى جراء ذلك فيما تبقى من عمره بل لعله اصابه داء الشاعر إدريس جماع بدرجه اقل رغم انه من خيره شباب جيله الذى واكب الحركه الوطنيه وقد كتب اغنيه وطنيه شهيره تغنى بهاحسن عطيه كثيرا هى"طال الليل على المسافر" فى ذم الاستعمار ونشدان الاستقلال وسعدت بسماعى لها بحنجره اسماعيل عبدالمعين بمصاحبه مزهر فقط... فى برنامج كتاب الفن الذى كان يقدمه ابوالعزائم ما شقيتك فسمعناها خلاف الحسن سليمان عند اكثر من حنجره اشهرها مصطفى سيداحمد وقبله حمدالريح لكن يسعد كثيرامن يسمعها عند ملحنهاحسن عطيه برفقه عوده القديم"..)
ما شقيتك وانت الشقيتني راعي نص الهوى والغرام ما جفيتك وانت الجفيتني ما نسيتك وانت النسيتني في بحور الحب كم رميتني وكؤس الصد كم سقيتني بخضم الهوى كم بديتني بخيالك لو كان لفيتني تحي صبا ترعى الزمام خدو ماسة والثغيرو مبسم حسن يوسف وعفاف مريم نغمة المزمار لو تكلم زينة الازمان لو تكتم الدرر تنساب لو تبسم حكم جار البي لو يقسم اسلم العشاق للاحكام حظى اسود من كحل عينه دثرونى من سهم عينه زملونى من در نغيمه ..... اذكريني ثم اذكريني واصليني ثم اهجريني ذكريني شوقي وحنيني اوعديني ثم امطليني اذكريني ثم ارشفيني قبلة معسولة ارشفيني الودااع ياا مصدر فنونى الودااع ياا منبع انينى الوداع .... الوداع حبيبي الوداع
11-19-2019, 03:03 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
داير تعرف كيف بغني عوض الكريم عبدالله وكيف اي حرف بطلع منغم..ومدوزن ...وصوته المليان دفء ...ونفسو الطويل اسمع اداءه في ( في رونق الصبح البديع) محمدبشير عتيق قوم ياحمام حي الغمام أنا لي فيك شوق وإهتمام ...
أسمعني من شدوك صدي ... أهو دا الربيع أقبل بدا ...
على الرياض مرت يدا ... وشاها بي قطر الندي ....
فى رونق الصبح البديع ... صحت الورود فى كل روض
وتبسم الزهر البديع .....
اسمع حرف الالف حتى ولو مقصور بجي طالع كيف
11-20-2019, 04:44 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: داير تعرف كيف بغني عوض الكريم عبدالله وكيف اي حرف بطلع منغم..ومدوزن ...وصوته المليان دفء ...ونفسو الطويل اسمع اداءه في ( في رونق الصبح البديع) محمدبشير عتيق قوم ياحمام حي الغمام أنا لي فيك شوق وإهتمام ...
أسمعني من شدوك صدي ... أهو دا الربيع أقبل بدا ...
على الرياض مرت يدا ... وشاها بي قطر الندي ....
فى رونق الصبح البديع ... صحت الورود فى كل روض
وتبسم الزهر البديع .....
اسمع حرف الالف حتى ولو مقصور بجي طالع كيف
كان ما ناسي يا احمد اعتقد عندي ليها تسجيل بديع بفتشو اليوم ان شاء الله
11-20-2019, 09:19 PM
Shinteer
Shinteer
تاريخ التسجيل: 09-04-2002
مجموع المشاركات: 2525
Quote: لعيونك يا شنتير ... و قبابينو دي يمين ما سمعتها لي عشرات السنين هههه
قبابينو دي أنا ما سمعتها من زول ... لكن بعد عرفتك من مدني السنّي، بعد ما قريت ليك قصة كلبة أولاد عبد الحي ... رفعت الكلفة وقلت أناديك بهذا اللقب، والحمد لله ما غلّط عليك. مدني كانت مرتع الصبا المتأخر (لم أولد فيها لكن درست شوية في مدني الشرقية الابتدائية ... جنب الملجة، يا حليل الملجة قالوا شالوها وخلوا دارها خراب. وبعد زمن من التنقّل درست في حنتوب ... وفي حنتوب الجميلة كنا كل يوم خميس في حفلة (زمن محمد بخيت، وعصام محمد نور كان شافع، ومولانا المادح صديق سرحان، وصديق متولي ... الخ. دا غير رحلاتنا من حنتوب لأم بارونا وجزيرة الفيل. جزيرة الفيل دي أول مرة عملنا فيها رحلة من مدرسة حنتوب كان معانا واحد طالب شرّامي من المناقل ... بعد وصلنا هناك وقعدنا هو غطس ما عرفناه مشى وين. والله رجع يمكن بعد تلاتة ساعات ومعاه جردل مريسة، زبدها يتقطّع. أنا طبعاً ما شربت معاهم ولا شيء أو كما قال). نرجع لأغنية ما شقيتك وحسن سليمان ومن غنوها من بعده. كان عوض الكريم أول زول استمع ليه بيغني "ماشقيتك بعد حسن سليمان"، لكن في سنة 1995 كنت في القاهرة في الجامعة الأمريكية ... وعندي أصدقاء قليلين للغاية للغاية ... من الجنسين. وكنت قررت مغادرة الجامعة الأمريكية ... في منحة أحسن. واحدة سودانية من أصدقائي أهدت لي شريط كاسيت وسخان وسخ السنين ... ومحروق شوية كدا بنار في واحدة من زواياه. قلت ليها دا شنو؟ قالت لي والله لقيتو واقع في السودان واستمتعت ليه وجبتو معاي القاهرة والشريط دا بيغني فيه حمد الريح بالعود فقط ... يعني ما تسجيل إذاعة. أخدت الشريط "يا قبابينو" ومشيت شغّلتو في مسجل تعبان كان عندي. أنا ما لاقاني صفاء زي صفاء التسجيل داك ... ما فيه ولا شخشخة. وفيه أغنية "ما شقيتك" ... آمنت بالله من أداء حمد الريح للأغنية دي (يمكن صاحبة الشريط ليها أثر برضو). لكن والله أداء حمد الريح كان أبدع مما تصورت ... وأخدت معاي الشريط إلى حيث ذهبت خارج مصر وأفريقيا برمّتها ... وبقيت بستمع ليه كلما راق لي المقام واشتقت للأحباب، ولِمِن أهدت لي شريط الكاسيت المهمل داك، حياها الغمام أين ما كانت. انقطع الوصال بسبب طول البِعاد.بالمناسبة ... في شيء مهم: عوض الكريم عبد الله أحياناً يغني الأغنية وهو ما عارف كلماتها أو معانيها أو نطقها ... لكن حمد الريح قلّ أن يخطئ في مرامي وألفاظ الكلمات. لكن كلهم موهوبين موهبة إلهية واضحة. مع إنو في ناس بتكره حمد الريح دا كراهية العمى. أنا ما بكرهو خالس خالس ... وخسوساً في أغنية ما شقيتك:الله يديك ألف عافية. نحن في حاجة للغناء الموهَّط دا لأننا كنّا موهّطين في ترابنا.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة