لأول مرة مثقف خارج موطن البقارة يكتب كلمة "جيداً جيتو"! بصورة صحيحة ..
وهذا يحتاج مني لمراجعة كتابي عن الفكاهة والحكاوي الشعبية .. لأستثناء عادل من التعميم عن المثقف السوداني الذي ظل يكتب "جيتاً جيتو" .. التى لا معى لها أو تعنى جيتو جيتو .. أي زي الزول الزعلان من زول ومحذره من المجئ .. والزول بعد داك جاء بعد التحذير .. (الكلام هنا كتير لكن خلونا نحتفي بعادل اليوم .. ونرفع عنه أسم الكوكلس .. ونستبدله بأسم ول أبا .. حتى لو موقتاً ..)
هررري عادل ... لو أي زول عنده أعتراض لهذا الحديث يرينا ما عنده.
بريمة
10-24-2019, 05:55 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
حياك الله يا بريمة ما تتوقع واحد من اهل الرجس او اهل السفاهة يجيك بي جاي المهم حقو تعرف عطبرة دي فيها كل السودان والسودانيين ورؤيتي للسودان الجديد لا تستثني احد في سودان 1يناير 1956 ولكن في اي طار يكونو اطار ديمقراطي فدرالي اشتراكي رشيد او دولة الراعي والرعية والريع والرعاع الدولة المركزية القايمة علي الايدولجيات الوافدة والمستمرة حتي الان المهم اللفة قربت والخيل الحرة تظهر في اللفة حدد العلم بتاعك مش مباري منو علم الكنداكة السريرة بت مكي ولي علم مايو وبابكر عوض الله الفرز علي هذه الاساس مفردات العامية في كل السودان واحد ومتداخلة واسمي الكردفاني في البورد هو جقود يا بريمة كردفان والاقليم الشمالي المشكلة واحدة ان فقهو وانت ذكي وانا احترم الذكاء في البورد والسودان ده عبدالرحمن عبدالله الراقي ابوهو مت الشمال وامه من كرفان شوفو صوتو مش ذى ناس الطمبور
10-24-2019, 06:55 AM
adil amin adil amin
تاريخ التسجيل: 08-01-2002
مجموع المشاركات: 39069
وهل عنوان الفيدو صحيح ست الفريق ولي بنت الفريق؟؟اغاني كرفان كلها تحرك الشجن وايضا الرمال مشتركة بينا والنخيل والدليب وقررط علي كده قول رايك في جقود هنا ذى ما عايز ومسموح ليك تقول وتنقد اي حاجة ما عاجباك او بنقولا في الستجيلات القصيرة هنا انا لايسؤني النقد ابدا ويسؤني زول واحد مسختك في البورد ده وما عارف نفسو مخستك بتاع مواضيع انصرافية اتمني ما يكون من عطبرة اطلاقا زول واحد في البورد ده بعمل لي كركم لكن سيبك منو هو في عالم نحن في عالم ..... ودي عشرة عمر في عالم سودانيز اون لاين بيتنا المدهش...قرررط بس علي كده
هسة ما مخستك تقدر تطير ذى الادروابات ديل
https://up.top4top.net/
10-24-2019, 06:59 AM
adil amin adil amin
تاريخ التسجيل: 08-01-2002
مجموع المشاركات: 39069
Quote: هذه بادرة طيبة من عادل في مسألة الفهم الثقافي للأخر .. وأتمنى أن نفهم ثقافات شعوبنا المختلفة .. ونعامل معها بجدية وأحترام.
---------------------------------------------------- ول أبا بريمة آدم بلل الشيب ، لامن افترعنا بوست بهناك عن " مجرد اختلاف سغافات " كنا نمني النفس بدخولك لتُتحِفنا بشذرات من موسوعة ترثاياتك ، طبعن ليس باعتبار أهلنا البقارة شعب مختلف ؛ بقدرما اننا وحدةٌ في تنوعٍ أو هذا ما كان يُفترض . أما عمو عادل فعن معرفة لصيقة لقيتو أكتر زول متصالحمع نفسه والآخر عشان كدا لاقي راحتو يشوت ضفاري في أي زول مقلوز ومو عاجبو.يمكن يكون دا أكبر قاسم مشترك أعظم بينتاكم أنتو الاتنين بالذات للي ما عارف.
Quote: أما عمو عادل فعن معرفة لصيقة لقيتو أكتر زولمتصالح مع نفسه والآخر عشان كدا لاقي راحتو يشوت ضفاري
حياك الله يا ود الاصيل التصالح مع نفس ومع رب العالمين بخليك متصالح مع الاخر وده تقييم محترم فعلا اشكرك عليه وعدم التصالح مع النفس يشكل ازمة للكثيرين في البورد وفي السودان خاصة ناس ثقافة القطيع خليني اديك تعريف للبوردابي الحر هنا بس الانسان الحرهو الذي ليس لديه ما يخفيه وناس عطبرة كده .... والثنائية البيني وبين بريمة دي عشرة بورد طويلة جدا جدا اطول من حبل الدهر انا احب اعدائي يكونو اذكياء وحبايبي يكونو واقعيين الشوت ضفاري هو موجهة الناس في حقل السياسة في السودان بالحقيقة وممارساتهم السياسية والتارخية وما ترتب عليها موثقة بالصور والكتب وهم يكرهون الحقيقية ويستمرون في نفس الاخطا الفادحة والمدمرة ومع المسخرة كمان انا ليس عنصري اتحدث عن اشاكلهم او الوانهم انا اكتب عن ممارساتهم وبمعايير قرانية ومفردات قرانية وادين السلوك وليس الشخص هذه قواعد الاشتباك هنا مشكلة الناس في البورد ده ليس adil amin ده منو مشكلة الناس هنا بكنب بقول شنو adil amin
10-24-2019, 08:59 AM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 14201
Quote: هذه قواعد الاشتباك هنا مشكلة الناس في البورد ده ليس adil amin ده منو مشكلة الناس هنا بكنب بقول شنو adil amin
أها ، بقى واعد اشتباكك دي ياها البتشكل قواسمي نا المشتركة معك شخصياً و لو ملاحظ بروفايلي خالي من أية معلوماتٍ شخصيةٍ عني ،غير اسمي و تفتي . طبعن بلُغة الجهويات رغم إني عارفك ما شغال بيها كتير ، إنتو مصنفين في خانة (جلابة) و ناس بريمة (غرابة) . أما نحن فشراقة لا إلى إولئك ولا إلى هؤلاء.
# و البطانة خصوصن و الجزيرة عمومن أهلنا بقولو عليها بقرة حلوب بين ثورين اذا جاعو الاتنين بتعشيهم و كان هي جاعت إلا ترقد بايتة القَوا واحدن فيهم يعشيها مافي دا كلام أهالي ساي لكن بيجسدو وجود خليط من أبناء جميع أركان البلاد بيناتنا و نحن الجهة الوحيدة الخالية من وجوج مخيمات نازحين لاننا بنستضيفم عندنا جوة بيوتنا بمبدأ( الفُقرا يتقسمو النبقة) ؛ و على غِرار ما كان يحدث بين صحابة رسول الله من المهاجرين و الأنصار و لعل قصة سيدنا عبد الرحمن بن عوف خير شاهدِ على ذلك.
# نقطة أخيرة بعدما نفط سطر: أخونا بريمة عجبتو منك (جيدن جيتو) وأنا عاجباني عندهم برضو عبارة (شِقَّيش قول ليا مروِّح) يعني إلى أين أو من أين ماشي ولا جاي. المهم العبارة مركبة من أيش شِقٍّ يمعنى: المكان الو الفج أو الطريق و إيش (ماذا) . والمعني من أي شقٍّ أو فجٍّ عميق أنت قادم أو أيةُ طريقٍ جئتَ تسلك.
10-24-2019, 09:08 AM
Deng Deng
تاريخ التسجيل: 11-28-2002
مجموع المشاركات: 52736
حياك يا ثالثة الاثافي دينق تهريج قوم عن قوم فكر الحمد الله الله جابك هنا عشان ندق بي العبار ده الدلجة في نكتة للراحل المقيم جون قرنق وهو من اذكى السياسيين السودانيين بعد الاستقلال بوصل رؤيته بي كلام بسيط جدا الانقاذ دي زمان في عز غطرستا رسلت د علي الحاج ود غازي صلاح الدين العتباني الما فادو السودان لا بطبهم ولي دينهم وقعدو يورجغو ليه الشريعة وعلي الحاج يتكلم عن الهوية الاسلامية للسودان ...قام جون قرنق قال لي علي الحاج : والله يا علي لحاج انت مفروض تكون قاعد معانا بي جاي ؟؟؟ وذهبت مثلا ول ابا بريمة ترامب ده مفروض يكون قاعد معانا في نفس الاتجاه وينسي قصة الترابي والعرب دي خالص هسة يا بريمة لا انا لا دينق ما اعداءك ابدا https://up.top4top.net/
10-24-2019, 09:57 AM
adil amin adil amin
تاريخ التسجيل: 08-01-2002
مجموع المشاركات: 39069
Quote: # و البطانة خصوصن و الجزيرة عمومن أهلنا بقولو عليها بقرة حلوب بين ثورين اذا جاعو الاتنين بتعشيهم و كان هي جاعت إلا ترقد بايتة القَوا واحدن فيهم يعشيها مافي دا كلام أهالي ساي لكن بيجسدو وجود خليط من أبناء جميع أركان البلاد بيناتنا و نحن الجهة الوحيدة الخالية من وجوج مخيمات نازحين لاننا بنستضيفم عندنا جوة بيوتنا بمبدأ( الفُقرا يتقسمو النبقة) ؛ و على غِرار ما كان يحدث بين صحابة رسول الله من المهاجرين و الأنصار و لعل قصة سيدنا عبد الرحمن بن عوف خير شاهدِ على ذلك.
اعوذ بالله ....انت من اهل العوض...بالله الحشرو عباس وين منكم؟؟ هسة بدر الدين الامير عامل لي كركم....واحس بيه ذى الحصحاص في الجذمة تجي تقول لي انت من اهل العوض وتفتخر كمان يا ورع خلاص نديك قصة عن الريح صاحبي العواليق من اهل العوض وشرق النيل خلاس القصة دي من صندوقي الاسود عن ذكريات اليمن
Quote: سيرة مدينة : الحب في زمن الدجاج
-..شوفا بتاشر لى _ يا الريح ان ما شايف حاجة - شنو ما شايف حاجة - ارى شجر يسير -بطل فلسفتك دى يا حاقد الريح من ابناء الجزيرة الخضراء..حيث يتلون الداخل الانسانى بكل الوان قوس قزح..تشكيلى بالفطرة ...يعشق الجمال اينما حل وارتحل..حتى فى هذه القرية فى سهول تهامة التى يكسوها الون الرمادى فى الغالب..الريح انيق وسلس...ويهتم بالعطور وكما قالت جدتى الحرم(الما ببقى نفسو زول مافي زول ببقي )..جئنا في بداية التسعينات الى اليمن الشقيق وكنا نحن ثلاث معلمين سودانيين..فى مدرسة القرية الاعدادية التى بنتها الكويت وهى من الحجر الجميل وسط بيوت القرية والعشش البسيطة اشبه بخضرا الدمن... انا ادرس العلوم والرياضيات الريح يدرس الاجتماعيات والانجليزى...وآدم من ابناء الغرب يدرس التربية الاسلامية والعربى... *********** - الليلة يا اخوى شاى مع الطقوس _ يعنى ما نحضر الدروس _ليه انت بتحضر ارواح..فكنا ياخ..وينو شريط عثمان حسين قام الريح بتجهيز المسجل ،وجلس العصر يحدق فى الباب البعيد ..لحظة انبثاق شقيقها الصغير مندفعا نحو المدرسة يحمل ترموس الشاى..اختطف الريح الترموس وسكب لى الشاى ما قل ودل وهو يرمقنى شرا -طبعا نوعك ده ماشى فى جاه الملوك ويلوك..الشاي ده ماليك ابدا ؟؟ - يا اخوى انت موهوم...انت مجنون ؟؟!! - خلينى اجن وازيد فى الجن وانتو السبب فى جنونى ويشير الى البيت البعيد..فجاء تعترى الريح الرعدة ويعود وهو يغنى بصوته الاجش - معالم لا نهائية حنين دفاق حنان زاخر..يا اخى الحب ليه اثر..هسع مرت بحمارها راجعة..بالله دى تمشى تحش القش وانت عامل فيها مدرس هنا - طيب ما تمشى انت تحش ليها القش _ الله...الله..لو ما الحكومة والعسكرى والوقف دقار..انت عارف لمن تمر الصباح هنا وانت منجدع نايم....بترسل لى رسائل مشفرة..وو _ الريح خلينا نحضر...انت ما تكلم المرفعين الرقد جوة ده..يعرسا ليك _ لا ..لا الشر برة وبعيد عايز الكوز ده يقيم فينى الحد..خلينا فى حالنا... استمر الحال هكذا ..الريح الانيق يجلس الصباح عند ناصية المدرسة ينتظرها عندما تمر الى المزارع....ثم يجلس العصر وينتظر عودتها الى البيت وترموس الشاى...والاسطوانة..القديمة وشرايط عثمان حسين _..شايف بتاشر لى كيف بالحيطة _ يا اخى ما شايف حاجة - عمي الدباس...دى عندنا فى الجزيرة الخضراء يا بتاع الصحراء الكبرى انت *********** لكن دوام الحال من المحال...فى هذه العصرية بالذات..بعد ان اعد الريح الكراسى فى ضل العصر...والمسجل..والريح تجاوز مرحلة عثمان حسين ودخل مرحلة الست (ام كلثوم).. وكل خميس وجمعة تفد الينا من مدينة الحديدة القمصان الانيقة والعطور والشرايط عبر جسر جوى ...اليوم الموسيقى التصويرية (امل حياتى) ..جات اللحظة المناسبة وشاهدها الريح تنساب بحمارها والذى لطالما تغزل فيه الريح وردد(ان هذا الحمار يا غبى ياخذ بعد رابع ..لانه حمارها)..دخلت البيت..ثم مضت لحظات انحبست فيها انفاس الريح...ثم مضى وقت وانفتح الباب واندفع الطفل ولكنه افزع الكلب النائم تحت عتبة الباب فعوى بشدة..وطارت الدجاجة ..من مكمن العير من الطاقة البعيدة...الدجاجة التى كانت تلوح يوميا للريح باجنحتها..بدات الاشياء تتداعى ..ترك الريح كرسيه ودخل الى المدرسة وتمدد فى سريره جوار ..ادم الذى يغط فى سبات عميق..ونفردت انا بالشاى وشريط الست وجلسة الطقوس..واتامل الدجاجة المفزوعة تعود الي مكانها العتيد وتلوح لى باجنحتها.. ****** - يا الريح ما تزعل ..تحصل فى ارقى العايلات _..... - يا اخ فى مصر فى عمارات الاحياء الشعبية ..كم شاب احب مكنسة فى بلكونة كان يظنها بنت الجيران -... - وكم شابة احبت بجامة معلقة فى البلكونة..واحيانا ثلاجة(زوج مرة الجيران) -ممممم... - الريح...ما ترد يا اخ...شنو كاضم كده - اسمع قوم فرتك...خلاص انا تانى برنامجى مع ادم..المسجد والمدرسة وبس... ابعد منى يا كج..الله يكجك ويكج الشمالية بتاعتك دى غير الكتاحة ما فيها شى .. ذهبت كل جهودى ادراج الرياح..حتى تعيد الريح الى مرحه واناقته القديمة وشرايط عثمان حسين والست وجلسة الطقوس ..وفى الماضى قالت العرب (لا عطر بعد عروس)....واصبح الريح يلبس العراقي والسروال ويسمع فقط اغانى الراحل المقيم مصطفى سيد احمد التحية لكل ابناء الجزيرة الخضراء فى اليمن...وكل الاسماء فى هذه القصة مستعارة ****** .. حكاية الريح واحدة من حكايات المعلمين السودانيين الذين جاءوا من بلادهم البعيدة من وراء بحر القلزم يحملون المصابيح .. فكان لهم ثروة كبيرة لا تقدر بثمن .. إنها حب الناس العاديين، أصحاب القلوب الذهبية المضيئة ، إنهم البسطاء في سهول تهامة وعلى امتداد السعيدة 1995
10-24-2019, 11:37 AM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 14201
Quote: اعوذ بالله ....انت من اهل العوض...بالله الحشرو عباس وين منكم؟؟ هسة بدر الدين الامير عامل لي كركم....واحس بيه ذى الحصحاص في الجذمة تجي تقول لي انت من اهل العوض وتفتخر كمان يا ورعخلاص نديك قصة عن الريح صاحبي العواليق من اهل العوض وشرق النيلخلاس القصة دي من صندوقي الاسود عن ذكريات اليمن
@ موش حشرو عباس و جبنها كمان حاجات تانيات يكطعن الوضوء عديييل. عارف مرة عمك أب عاج جانا بجاي بيقرا في أسامي الحلال اللي استقبلتو فلامن جاء في واحدة إسما الفنيسة قامغلت فيها كوجنا نزل بها لي تحت شديد فواحد م عربنا منتكل بي عكازي هنووك ناداه قاللو : لا فوق شوية يا سيدي الريس لا فوق. لكن نحن تحديدن من ضهاري رفاعة ، ود راوة الحصحاص حلاوة والخدار نقاوة و البنات لقاوة.
# يلا هاك المربوعة دي ملطوشة من عروبنا عشان تآمن بي غزلنا في الجكس: جاتمن البِلدات ماشة تتبختر وتتمختر شايلة موليتة و لاعنكويب و في اليمين قنقر جمال تاجوجيا ناس لابُدرة لا أحمر دي لو كا شافا عم عادل كان شاغلا و صَفَّر
@ معقولة يا عمو ماك عارفني ، فعلن من أهل العوض ، شاء من شاء و أبى من أبى.شرفٌ لا ندعيه . و تهمة لا نستطيع نفيها أنتو الليل لزقتوها فينا جلابة الشمال ا لمن بدري جابكم قطر شندا و كريمي سكنتو محل التيارة بقوم و حمدوك بنوم ؛ ونحنا قبلناها بصدرٍ رحبٍ. بس مشكلتكم معانا ما متال أهلنا الغرابة لامن يجونا في أرض المحنة وفي قلب الجزيرة متواضعين ، بس إنتولامن تجونا هنا قاعدين تفترو علينا ، تقولولنا كنتو رواعية و نحنا علمناكم جكين البصل ودا صحيح لكن برضو نحنا كان ما حضناكم كان لي هسي اندفنتو في الرمال المتحركة. مرة عمنا من ا لركابية ديل جيهة جطبة الشيخ عبد الباقي كل ما نجي فوق ترعة ولا كبري يقول لينا نحنا الحفرناها و بنيناها لامن قلنالو طيب وكت ماوريتمك الجايين عشانا خلصت ما ترجعو مكان جيتو!!
10-25-2019, 04:25 AM
adil amin adil amin
تاريخ التسجيل: 08-01-2002
مجموع المشاركات: 39069
Quote: بس إنتولامن تجونا هنا قاعدين تفترو علينا ، تقولولنا كنتو رواعية و نحنا علمناكم جكين البصل ودا صحيح لكن برضو نحنا كان ما حضناكم كان لي هسي اندفنتو في الرمال المتحركة. مرة عمنا من ا لركابية ديل جيهة جطبة الشيخ عبد الباقي كل ما نجي فوق ترعة ولا كبري يقول لينا نحنا الحفرناها و بنيناها لامن قلنالو طيب وكت ماوريتمك الجايين عشانا خلصت ما ترجعو مكان جيتو!!
تمام طيب طالبو بي عودة الاقاليم القديمة ومشروع الجزيرة برجع معاها وترجع الايام الطيبة ودي اهداف البورد ده التنوير والبصيرة وابقي ذى بريمة ده زول محبة والبفوت ريدتنا بمشي برضو نفرح بي جديدو يرجع الاقليم اشمالي والخرطوم دي عودنا فيها عود مرة ..
10-25-2019, 06:03 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
عادل أنت طبعاً لا تدري أي شأن وقدر لحبيبنا ود الأصيل عندي .. يا عادل يبدو عليك ما بتقرأ لود الأصيل .. لقد أضعت نصف عمرك .. نحن بنكون نايمين نوم في بوستات وبوستات دكتور محمد عبد الله .. يا أخي ديل ناس غيروا طعم البورد مما جوا هنا ..
لازم يا عادل تحترم ول أبا ود الأصيل .. لاحظ أنا يداب بدأت أرفع عنك اسم الكوكلس .. ما تخلينا نرجع تاني ونقلب ليك ظهر المجن!
بريمة
10-25-2019, 06:23 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
والتاريخ الآخر الذي صنعه عادل، أنه تصدّر لأول مرة قوائم الكتاّب الاسفيريين في المنبر !
إلى الأمام حتى "نوبل" مرورا ب"كتارا" و"البوكر" ..
تصدق يا اسامة انا بكتب عشان لتحرر واحرر الناس الزيف بكافة ادوات الابداع ما في اجمل الحقيقة الجوئز دي كلها كوسة خلفها مافيا خليجية ودولية ايضا وسبق ان رفض جائزة نوبل برنارد شو بس قيمة الجائزة المادية تساعد الكاتب الحي في تضميد جراحات الاخرين ومثلي الاعلي في التواضع والذكاء الطيب صالح وكدي شوف مقال الناقد المحترم في مافيا الخليج الثقافية وجوائز الشيخ زايد وكتارات البهبل وبفوز من تاسس رؤايين من دول محددة فقط كانو الصومال او مورتانيا ما فهيا كتاب او مفكرين
Quote: حـــائـــط ابـــيـــض
بقلم نوري جراح ماذا عن الثقافة ؟
هل تعكس الصفحات الثقافية في الصحافة العربية حركة الثقافة فعلا ؟ هل تغطى هذه الحركة ؟ هل تقدم الجديد بما يليق من احتفاء, وتعيد مسالة النصوص التي تقادم عليها الزمن؟ هل تطرح الأسئلة الحقيقة , أسئلة الإبداع وأسئلة الحرية , أسئلة الإنسان في تطلعه الجمالي ورغبته في التعبير عن نفسه؟ هل ؟ ... وهل ؟ ... وهل ... كثيرات , وهى أسئلة بعضها يتعلق بشخصية المحرر الثقافي , وبعضها بشخصية الصحيفة أو المطبوعة وما هي مشروعها الصحفي, وبفئات القراء الذين تتوجه إليهم. ولتبدا بالقراء وصولا إلى المحرر الثقافي , هناك بين القراء من لا تشغله الأسئلة شديدة الخصوصية في الثقافة, لكنة يتطلع عبر القراءة إلى نيل شيء من المعارف والاطلاع علي التجارب ألا دبية , وتذوق شيء من الآداب والفن , وتعبير الكتابات الثقافية في المطبوعة مرشد لمثل هذا القاري . وهناك قاري مختص , ومنحاز لفكرة جمالية ولتيارات ادبية محددة , وهذا هو الأقرب إلى ( الصحيفة الثقافية ) العربية الراهنة . فهي صفحات منحازة غالبا , ونادرا ما تشكل الكتابات فيها قسما مشتركا اعظم بين الذاهب والتيارات والمدارس ألا دبية . القاري الأول ينتمي إلى (السواد الأعظم ), والقاري الثاني إلى ( النخبة ) وصحافتنا الثقافية , نخبوية بصفة عامة وفاشلة بالتالي في ان تكون صحافة ثقافية عريضة . وهذا يقودنا إلى الكلام عن علاقة الصحف والمجلات بالثقافة . فهي إلى وقت قريب كانت تتعامل مع الورقات المخصصة للثقافة تعاملها مع الصفحات الخفية المخصصة للفنون والرياضة وموضوعات التسلية والأبراج , ولم تعرف الصفحات الثقافية في الصحافيتين المهاجرة والمقيمة ازدهارا حقيقيا ألا مع مطلع التسعينيات وما رافقها من سقوط مريع لدول الأيديولوجيا الشمولية وقيام حرب الخليج الثانية , واندلاع عشرات الحروب الصغيرة حول أفكار فوكوياما, وهانتنغتون , وبرنار لويس وغيرهم ممن بشروا التاريخ بنهايته والثقافات بحروب طاحنة. وهكذا بدأت كلمة ( الثقافة ) تعبير عن نفسها عن صورة جديدة, خصوصا عندما اضطر السياسي العربي إلى استعمالها من بعد طول تجاهل وإهمال لمفرداتها الغربية , ثقافة؟ نعم . لكن المحرر الثقافي هما ابلغ تعقيد يمكن الوقوف علية في معادلة ( الصحافة الثقافية )في الوطن العربي . فهو أحيانا مثقف معقد لأنة بدا شاعرا فاشلا , أو قاصا رديئا ثم انتقل إلى الصحافة , وبالتالي فان علاقته بالنص الأدبي غير المنشور أو بالكتاب المطبوع , هي علاقة مريضة , وقد تكون ثأرية أحيانا . ولو قمنا بعملية إحصاء دقيقة لاكتشافنا أن غالبية المحررين الثقافيين العرب هم من الأدباء عموما , والشعراء بصفة خاصة . ولما كان هولاء أصحاب مواقع جمالية في الكتابة , واصحاب انحيازات أدبية , بالضرورة , تمليها عليها مواقعهم في دنيا الشعر والادب , فان مواقفهم وتحزبا تهم أو لنقل , ان النسيج الذي ينتمون إلية كشعراء وكتاب , سوف يعكس نفسة بالضرورة نفسه علي الصفحات التي يشرفون عليها . وبالتالي فان وضع المحرر الثقافي في قلعتة الأدبية, وكذلك بناءه الأخلاقي والنفسي , ومستوى ثقافته وخلفيته الفكرية كل هذا , سوف يجد ترجمات له علي صعيد عمله الصحفي . ولما كانت النزاهة الأخلاقية والفكرية من الاشياء النادرة في عالمنا المتهاوي خلقيا وفكريا فان (المحرر الثقافي) الذي يقتتل نفسه ليكون نزيها بازاء ما يختلف معه, سوف يبدو لنا , سوف يبدو لنا باستمرار شخصا مثاليا ومقاتلا من طراز القابضين علي الجمر , خصوصا إن الوسط الثقافي العربي في التسعينيات أشبه بسرك فالت فقد مديره وبات مباحا للجميع يلعبون فيه , المهرة والفاشلون , والموهوبون , والذين لم تمر الموهبة بأبوابهم . وحال الوسط الثقافي العربي يعكس نفسه علي حال الثقافية , والعكس بالعكس , هذا يفسد ذاك وذاك يعود فيفسد ما لم يفسد بعد . ويمكن القول , إجمالا , إن النزعات الجمهورية , والطائفية , والميلشياوية , والحزبية بأضيق معانيها , وكل ما تعرفه السياسة من رذائل بات يعكس نفسة علي الثقافة وصحافتها . لكن هل هذه الصورة كلها ؟ أليس هناك شيء مختلف ؟ ... بلي , ولكن نادر ندرة الأمل في امة اشبعت نفسها ياسا . ولسوف يكون لنا في الأعداد المقبلة من ( المشهد السياسي ) تحقيق شامل حول الملاحق والصفحات الثقافية العربية مع شيء من المقارنة مع الصحافتين الثقافيتين في بريطانيا و فرنسا لعل ماسوف يتبدى في هذا التحقيق يقدم صورة اكثر وضوحا.
المشاهد السياسى عدد (67)-22/6/1997
يا اسامة ناس ق ح ت ديل عايزين ناس في المرحلة دي في التلفزيون والاذاعة يقدمو ابداع جديد ومبدعين جدد عليك الله امشي السودان خلااس اعمل برنامج في التلفزيون او الاذاعة بعنوان (حائط اسود) طال ما مصر دي قاعدة في راسنا سنظل عند العرب مامبو سوداني بس
10-25-2019, 07:53 AM
adil amin adil amin
تاريخ التسجيل: 08-01-2002
مجموع المشاركات: 39069
Quote: ول أبا عادل أمين .. يصنع تأريخاً في المنبر!
عنوان كبير يا بريمة ترامب....ان شاء الله ينتقل الي السودان الحقيقي ايضا
وقصة اميرة مع الحوثيين لذيذة عنها شريط مسحت بالخليجيين الارض وقالت ليهم يجيبو جنود سودانيين ليه وطبعا استخدمت اسلحة الدمار الشامل ضد السعوديين والخليجيين واليمنيين جابوها كمتضامنة سودانية مع اليمن وكان بحذفو كلاما الشين لكن عجبت اليمنيين شديد بعدين دينق ده الجابو شنو ما عارف ده اجتماع سري ولي شنو ؟؟ اميرة دي نجمتي المفضلة في السوشال ميديا بس اخر شريط بكت علي صلاح بن البادية بكا شديد بس مع اغنية حب الاديم اميرة دي اصدق من كرور كثير في االبورد وفي السودان ومن ناس ق ح ت ديل ذاتهم ما مهم تكون بتعبر كيف المهم يكون عندك موقف
10-25-2019, 07:29 AM
adil amin adil amin
تاريخ التسجيل: 08-01-2002
مجموع المشاركات: 39069
عادل أنت طبعاً لا تدري أي شأن وقدر لحبيبنا ود الأصيل عندي .. يا عادل يبدو عليك ما بتقرأ لود الأصيل .. لقد أضعت نصف عمرك .. نحن بنكون نايمين نوم في بوستات وبوستات دكتور محمد عبد الله .. يا أخي ديل ناس غيروا طعم البورد مما جوا هنا ..
لازم يا عادل تحترم ول أبا ود الأصيل .. لاحظ أنا يداب بدأت أرفع عنك اسم الكوكلس .. ما تخلينا نرجع تاني ونقلب ليك ظهر المجن!
بريمة
انا مش قلت ليك انت بليد لكنك اذكى زول في البورد برضه ود الاصيل ده برضو نحن دافننو سوا وفي عمل ابداعي مشترك بينا في البورد والرفس هنا ريد بس ,,,, واهلنا الشايقية بقوبو كترت الريد دعي وقميد خلي شايقي يترجما ليك في ام ريكا القاعد فهيا دي ياخ ود الاصيل ايدتو نفحة من الصندوق الاسود في اليمن اظنو ما قراها... انا ما عندي عداوات شخصية في البورد ده دي قصة ثانية عن اصحابي اهل العوض
صديقي دعنا نسميه "زين العابدين" من ابناء الجزيرة الخضراء جمعتنا رفقة طيبة في زمن اليمن السعيد في وزارة التربية اليمنية مع ذلك الشعب النفيس في سهول تهامة ..كان واسع الثقافة وايضا شخصية جذابة احبه اليمنيين لدرجة انهم اردو يوما ان يرشحوه في الانتخابات في تلك الايام الخوالي مع زخم الوحدة اليمنية في ساعة سليمانية في المقيل ..اذكر عندما تم الاستغناء من المعلمين السودانيين في اليمن بطريقة البنك الدولي الفريدة" الاستغناء غير المدروس" للشعب اليمني الظريف حب استنثائي للسودانيين واخبرني احد المدرسين السوريين الخبثاء" اعمل حسابك قيل لنا "اذا اليمنيين احبو شخص(..) واذا بغضوه(قتلوه) .. التقينا في صنعاء واخبرني انه في طريقه لقطاع التعليم للبحث عن شهادته الجامعية الاصلية في الارشيف .. توجهت معه الى قطاع التعليم واخبرني انه سيتحفني بغداء فاخر اذا عثرت على ملفه في الارشيف بين الشهادات المهولة التي عبرت عن مدرسين سودانيين كانوا في اليمن لعقود وضعوا بصماتهم في الارض والانسان عبر العصور من ايام القدال في غيل باوزير* في حضرموت .. مضيت معه ودخلنا مع المسؤل اليمني للارشيف ولا ادري لماذا حسي الامني جذبني الى كومة ملفات كانت تقبع في الركن ومدت يدي اليها وبدات اقلبها وبرز اسم صديقي بخط واضح جميل في احداها واخرجت الشهادة وقد ادهشني رغم السنين الطوال لتي اعرفه فيها ان يكون من خريجين جامعة المدينة المنورة قسم اللغة العربية ..اخبرني لذلك كان حريص للبحث عنها لأنه عائد الى السودان ولن يجد فرصة ثانية لزيارة السعودية لاستخراج شهادات من جديد تملكه فرح شديد ووعدني بغداء فاخر في مطعم الشلال ثم مقيل في لوكاندة ابناء ريمة الذين يحبهم وقد لبث فيهم سنين عددا وقد فعل.. جلسنا بعد الغداء والترحيب الحار من ابناء ريمة له نرشف الشاي وبدا يحكي لي عن سنوات دراسته في لسعودية وكيف كان يحتفي به زملاؤه السعوديين ويكرموه غاية الاكرام ولكم دعوه في بيوتهم الفارهة وهو ابن قرية صغيىرة في ضواحي المناقل التي تسمى بأسماء شيوخها والقبة العتيدة التي تقف في تخومها واخبرني انه تفاجا قبل عام من التخرج ان احد اصدقاءه السعوديين الواسع الثراء قرر النزول معه السودان للتعرف على امه وابيه وفصيلته التي تأويه ..واسقط في يده !! قال "بديت افكر في أقاربي الأثرياء في الخرطوم ومن الشباب من يمتلك سيارة قدر المقام ...وكيف يجهز له برنامج سياحي ينحصر في الخرطوم و الامكان التي "تفتح النفس " بين شارع النيل والسكة الحديد..قاعة الصداقة والمتحف الوطني وكازينو الشباب وجاءه صديقه فعلا في الاجازة وبدا معه هذه البرنامج المترف والباهظ التكاليف ولكن صديقه فجاءه في امتعاض "تكفى يا زين العابدين ..انا مش واتي اشوف الخرطوم!! ..ابغى اشوف امك وابوك وبلادك".. قال لي زين العابدين " والله بعد داك. .دقت ساعة الحقيقية. طبقت ليك السعودي تحت اباطي لموقف باصات الجزيرة في السوق العربي ..وهناك مع كتح الغبار والحر والباصات المعدلة من اللواري البتعمل فلايت المكتوب فيها سلسلة القرى ديك "الحليلة ...طابت عبدالمحمود..الحشرو عباس ..التكلة وهلمجرا ..الباصات بالبتملا الخرطوم ايام الانتخابات وحزب الامة ...وصاحبك اتحشر معاي في البص وغادرنا الخرطوم وصديقي سعيد جدا بالرحلة ..ومسكنا شارع مدني وفتنا الكاملين وبعد داك دخلنا جهة المناقل ..بيني وبينك الدنيا كانت خريف وفي الغيوم اشكال روائع تزهل المثال ذى ما قال الكابلي ومع الرزاز وسرب من طير البقر عمل لفة فوقنا واصوات الطبيعة والطيور...ولمن ظهرت الخضرة للنهائية لحقول القطن والزيفة ديك ونسائم عابقة بي اريج القطن ..السعودي انذهل وبدا يهذى "يا سلااام يا زين شوف هذه الجنة والله ..ليش تبغى تخليني بس في الخرطوم ؟!!... " كانت الخضرة مذهلة فعلا ووصلنا القرية وصادف زواج احد اقربائي ايضا واستقبله الناس بالزغاريد وأدخلته البيت وتعرف على ابي وامي وجلس عندنا سبعة يوم حضر العرس ...شربناه مريسة بي تحت تحت كده وزورناه حولية الشيخ(ع) وغرق في الوجد مع الذكر والذاكرين " وبعد داك رجعنا الخرطوم وسافر ولمن رجعت السعودية السنة الاخيرة للتخرج لقيتو قاشر ليك بي بمشروع الجزيرة في السودان والمعلومات القالا ليه ابوي الانصاري عن السيد عبدالرحمن واخبر الجميع بالرحلة المذهلة حيت لا عين رات ولا اذن سمعت ولا خطر في قبل بشر من فصيلة الصحراويين ..واضحى الجميع يريد زيارة السودان ...ومضت تلك الايام الطيبة .. ومضى زين العابدين ايضا وترك اليمن وبقيت وحدي في الساحل الغربي لليمن اتنسم نسمة قادمة من خلف بحر القلزم من الوطن..ومدينة الحديدة التي الفنها سنين عددا زاهية ومشرقة اليوم تتضور جوعا ومرضا وقصفا ورائحة الحرب الكريهة تعبق في المكان في وجوه الناس الصابرة والمكدودة ... وان اردد في نفسي الجريحة " شوف كنا فين ؟وصرنا فين؟ ...اليمن فين ؟والسعودية وين؟ قطر وين ؟والامارات وين؟ وسوريا وين؟ والعراق وين ؟ ومصر وين؟ والسودان وين؟ ...واتساءل" يا نسمة يا جاية من الوطن بتقولي لي ..ايام زمان ..هل يرجعن ؟؟"...
10-25-2019, 07:59 AM
adil amin adil amin
تاريخ التسجيل: 08-01-2002
مجموع المشاركات: 39069
Quote: نقطة أخيرة بعدما نفط سطر: أخونا بريمة عجبتو منك (جيدن جيتو) وأنا عاجباني عندهم برضو عبارة (شِقَّيش قول ليا مروِّح) يعني إلى أين أو من أين ماشي ولا جاي. المهم العبارة مركبة من أيش شِقٍّ يمعنى: المكان الو الفج أو الطريق و إيش (ماذا) . والمعني من أي شقٍّ أو فجٍّ عميق أنت قادم أو أيةُ طريقٍ جئتَ تسلك.
ايوه يا اصيل بس شق يش دي في الشمالية ايضا مفردة عامية واصلا كردفان وشمال السودان في مشتركات كثيرة اهمها درب الاربعين ووداي الملك والمقدم بعدين الفنان عبدالرحمن عبدالله ده ابوه جلابي شايقي وامو بقارية مش عاطل عن المواهب ذى بريمة وحميدتي ودي اغنية شق يش
ما عارف المقطع ده في هنا ضي اللمبة خلوني مصنقر جنبا ولي فوق ضل البرندة *** نحن نقول ضو اللمبة وفي الغرب بقولو الضي هكذا
10-25-2019, 12:51 PM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 14201
[QUOTE٣] عادل أنت طبعاً لا تدري أي شأن و قدر لحبيبنا ود الأصيل عندي .. يا عادل يبدو عليك ما بتقرأ لود الأصيل.. لقد أضعت نصف عمرك.
------------------------------ ♤ تعرف ي بريمة أنا لامن دقشت البنابر دي جيتا باحث عن التراث و أخونا النذير حجازي كان طالب لنا بمكتبة؛ لكن طلبو اتلحس( برمشة عين ألعدوك يا حنين). فلقيت ضالتيفيك، و ما صدقت. فرغم عيشتك في أُم رَيْكا، لكن بنفس نقاء البوادي لم تخصم منك حضارة العم سام يسوم شيئاً ؛ كالمَخِيط يُغمَسُ في المُحيط ؛ فلا يخرج منه بقطرة.
♤ لسان حالي معاك تلقاه في لحن لزولنا أبو عركي؛ بس غلبني أنزلو فيديو: جسمي(انتحل)..كيف العمل..لو كنتَ تبعُد.. في زُحل..أو يوم بقيت قمر التمام لا بد يوم ليك أصل. فداعي ليك من قلبي دعوة كان رموها في النار ما تحرَق و لا عتسوها في بحرن دميرة، ما تغرَق؛و لا جدعوها في سوق الخلا ما تسرَق.
♤ يلا، بمناسبة فرية عَبَّار أخونا دينق، عندي ليك درامة على جنب: مرة نتنونس في جزارة حلتنا معانا عمي البَلَّال قام ؛ ختف حلقوم الضبيحة و كب فوقو شوية من بول الأَتِّي(العَتِّي) و داير يديه لهاتو؛ طرَّاه أيام المزَّات؛ لكن ود بتو شافنا خجل لكزو رماه جدعو منو. عمنا زعل و عاند و يلا واصل يحكلي لينا ذكريات جاهليتم الأولى. قاللي : يا ولدي زمان الناس حُنان ، كنا نمرق بحميرنا ضِحَي، الشمش دي عودين حربة(يعني:حين ترمِض الفِصال*)؛ شايلين سوق ود رعية. ننزلنا كل زول عبارين تلاتة لامن تبقي الشمش سَكَّتْ عِمَي (يعني صَكَّت عَمِيٍّ*)، نكحتن نرقدلهن بغادي لامن ندَّشي(سورج) ساه؛ و نقوللو :(أرقد آعيش أنا جرابك)؛ و المِرقِّش(مرطب) شوية بشربلو قزازة كرستال(عصير تمر ) . أها وكتين لي العِصَير كدي نبقى قالبين متراوحين نفقد مربط حميرنا نلقاهن عاملات عصيان بالنظر؛ قدرما نسج و نلج فيهن يغلبنا نركبن ؛ كلما نشبح نقع بهناك. يلا نقعد ننهم في الشيخ عوض الجيد: يابوي الشيخ عوض الجيد، يا تور عفينا الشين هووي تلحقني و تفزعني تجي تركبني. و في النهاية لامن نكري لينا لوري تيمس يشحنَّنا بي حميرنا النفر بي فريني أب قريش؛ و العادم المِلِّينة بكيللو ملوة فتربتة ولا دُخُن.
آسف جدن لعادتنا ااسيئة في التطويل؛ و نؤجل شرح مفردات الخلا لعمو عادل و لو في أفندية جو يتاوقو ؛ لامن نخصص لها مداخلة براها.
10-25-2019, 02:17 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
ول أبا ود الأصيل .. عليك الله أكتب .. نحن قراءك .. بنقرأ وممتنين .. أنا أحب الأنسان الذي يكون لديه ركيزة .. أنت راكز في توظيف لهجتنا السودانية بعيداً عن ضجيج المدن .. أنظر ول أبا علي عبد الوهاب .. الأرتاوي .. وكلمة آرتاوي تعنى سكان الجذر بالدنقلاوية .. وعلي رغم أنه أشتغل بالسياسية كثيراً في الأيامات الأخيرة .. لكن مرات مرات برجع للتراث .. علي راكز .. وما تنسوا ول أبا بابكر قدور .. وول أبا كبر .. ناس أثروا المنبر ثراء رهيب. ولاحظ أنا مخانق عادل دائماً .. لماذا؟ عادل صاحب رؤية .. لكن رؤيته فيها ما يشوبها .. عشان كده أستاذ أسامة الخواض برضو خاشي معي في اللعبة دي .. بعد سنين ونحن نعافر في عادل، الأن عادل قارب أن يخرج برؤية متسقة لسودان الغد .. وول أبا كبر أول من لاحظ أن عادل يحمل مشروع سودان متكامل .. رغم أني أري أن قول ول أبا كبر فيه مجاملة .. عادل عنده جغمسة كتيرة ما واقعة لي ..
وحتى تكون في ال "سيف سايد" خلي بينك وبين عادل مساحة .. ما يضربك في الأنكل! .. لاحظت بكسر فينى سنين .. وأنا حالف جنسيات عادل .. البنية والزرقاء والوردية .. ديل .. البقسم بيهم الشعب السوداني إلي ناس "كعب أخيل" وناس أخرين قريعتي راحت إلا ينقيهم من مشروعه القومي .. حتى أخليه.
بريمة
10-25-2019, 02:19 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
Quote: عادل شيف سودانوي يخلط بين مكونات عديدة غير متجانسة تحت شعار:
"بنحب من بلدنا ما برّا البلد" ههههه
ويقدّم لنا -بمثابرته التي تصل حد "العكلتة" ، الطائفية بروح الفانيليا والأناناس ههههه
قد تغفر له سودانويته الصادقة بعضاً من كبائرة المنهجية ههههههه
عاش ابو هاشم وعبدالعزيز الحلو...و لن ازيد الطبخة السودانية احسن من الكشري المصري الهريتونا بيه بعد الاستقلال بالانقلابات الناصرية والاخوان المسلمين والبعثية والشيوعية والسلفية والله دي ادرب ويكة ما يلايقهم وكلهم ذى الزفت لو بي ماركة ق ح ت او ديباجة قديمة الجبهة المعادية للاستعمار عليك الله منتظر ناس هبي هبي يا كتوبر 1964 ايتام مايو 1969 وبابكر عوض الله ديل يرجعو ليك ايام زمان
10-25-2019, 02:37 PM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 14201
Quote: ود الاصيل ده برضو نحن دافننو سوا وفي عمل ابداعي مشترك بينا في البورد والرفس هنا ريد بس ,,,, واهلنا الشايقية بقولو كترت الريد دعي وقميد خلي شايقي يترجما ليك في ام ريكا القاعد فهيا دي ياخ ود الاصيل ايدتو نفحة من الصندوق الاسود في اليمن اظنو ما قراها... انا ما عندي عداوات شخصية في البورد ده دي قصة ثانية عن اصحابي اهل العوض. [/QUOTE ...................................... ♤ الريد دعي و غميد أنا بفسرا ليك؛ زي قولتنا" أدعي على جناي و بكره البقول يامين". و الله دا شكلو فعلن زي اجتماع مغلق. خسوسن إتا ي عمو عادل من يومي القبِلت التحدي إنني أتتلمذ على يديك و أنا في حالة تصيد مع قصب سبق الإصرار لعفو خواطرك ، و هي تأتي علي عواهنها هكذا؛متل عطسة زول شحيح في سوق العناقريب و التشاشة، منع من خروجها ضيق ذات شرايينه من شدة البُخل و الجلودية.إذن لازم تلحقني بالصندوق الأسود فعلن فاتتني ؛ و حكاية أهل العوض مع صاحبك الريح استلمناها و ح ننزل فيها (لقف ) .
10-25-2019, 03:13 PM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 14201
Quote: وحتى تكون في ال "سيف سايد" خلي بينك وبين عادل مساحة .. ما يضربك في الأنكل!
♤ تصدق ، كتير قاعد يديني في الأنكل لكن باكلافي اللُّباد ساي؛ لاني فهمتو . و بصراحة كل القلتو و ح أفضل أقولو في حقه لا يؤخذ به، لكونه من عي رضا كليلةٍ. أصلن ماك عارف سبب ريدتنا دي ما جات إلا بعد شكلة ليها ضل.قمت يوم اتشوبر افترعت لي بوست خرمجة في أمور السياسة و كنت مسميه "غلفاء و شايلة موسا تطهر" و تاني غيرتو ل"تيس الحلبة" و أظن موسي بالغلت زي الهبشت ليها حتة في ملاين حساسة. فجاني عمك محمبك قاللي: " أوعك يا أغلف" فقلتلو : اسمعني جاي، تقديراً لعامل الخوة و السن ، أنا ح أفوِّتا ليك المرة دي و بس ؛ لكن لو كررتها معاي ح تشوف مني وش لو عاينت لي فرد مرة تاني ما أظن تتنيها. لكن ،طلع جنتلمان فعلن و ندمني على خشونتي معاه؛ و يلا من ديك وعييك.
10-25-2019, 06:10 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
----------------------------------- أستاذ أسامة الخواض ... يا أخي دموعي كملو .. من الضحك ... ههههههاي هههاي! ول أبا ود الأصيل .. عادل لو كان معنا في أمريكا .. ممكن نقولوا بتاع "كراك" .. الكلمة دي بعرفها العبار دينق .. عادل يمشي عديل وفجأة يقتل فيك ملف لما الغبار يلوي فيك .. هههاي ..
أنا من شدة تكرار عادل قربت أحفظ حاجاته كلها عن ظهر قلب .. لا يمل ولا يكل من تكرارها .. الفيديوهات بتاعتو أختصرت لي حاجات كتيرة ومهمة ... عادل رجل موسوعي .. أنت عارف كل واحدة من الكوكتيلات بتاعتو دي متعمق فيه جداً ..
الأمريكان أصلاً ما زي دا .. تخصصك واحد وبتموت فيه دقيق سوسة كما يقول البقارة .. المتعة في أنك تقدر تشوف عادل كيف يحاول يولف ما بين هذه التناقضات .. أنا ما عندي أي شك أستاذ أسامة الخواض حدد موقفه أن عادل لا يستطع التوليف بين التناقضات .. ودا تحدي كبير أمام عادل ... غايتو الله يعينه.
بريمة
10-25-2019, 06:15 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
بريمة الكابوي الأمريكي العربي د.عادل امين بيقول "المهم تعرف ان عطبرة دي فيها كل السودان و السودانيين " ما يصنع تاريخ في المنبر كيف. وشكرا عادل وبريمة العربي الكابوي
10-25-2019, 11:56 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
اها عجبتك يا اغلف ولي لا ....نحن كبرنا واتحلجنا وانت ورع صغير ...امشي اللعب بي غادي اعمامك ديل كانو كعبين في جالهيلتهم الاولي زمن جوز الجمام ثلاثة فردات... والله لو ما الفكرة الجمهورية وصداقتا هذبتنا كان ذى بريمة ده ما يركز معاي يوم واحد بس في البورد ده
10-26-2019, 03:59 AM
adil amin adil amin
تاريخ التسجيل: 08-01-2002
مجموع المشاركات: 39069
Quote: بريمة الكابوي الأمريكي العربي د.عادل امين بيقول "المهم تعرف ان عطبرة دي فيها كل السودان و السودانيين " ما يصنع تاريخ في المنبر كيف. وشكرا عادل وبريمة العربي الكابوي
حياك يا بسمات قال البردوني تقدس سره يا مصطفي يا كتابا من كل قلب تالف ويا زمانا سياتي يمحو الزمان المزيف
ما في شي من عندي ده كلام اهل الطريق وهم اربعة بس في الشريحة التحت دي وغيرهم زبد فقط لم يذهب جفاء https://up.top4top.net/
بريمة ده داير سمكرة شوية لحدي نرجعو ضبط المصنع ويبقى سوداني عديل او يمشي يجاور مع اهله في الحجاز ديل ناس جابهم الدرب ساكت
10-26-2019, 03:47 AM
adil amin adil amin
تاريخ التسجيل: 08-01-2002
مجموع المشاركات: 39069
Quote: ودي فرصة .. ندعو عادل أن يحول التسجيلات إلي فيديوهات .. ح تجيب ليهو دخل مادي ونحن نستفيد.
بريمة
قامت عليك الكوزنة واالجري ورا القروش وتحويل اي حاجة وسيلة انتاج ...امشي خت الدفاننو سوا في امازون وشيل العايد كلو ...اصلو نوعك ده كان ما فضحو لي دينق ما بقعد في الواطا انا مثلي الاعلي الحركة الشعبية الاصل وواذاعتا بس الكنت بسمعا مع جدي عبدالله الامين في رمال بلدنا زمان وفي صحاري اليمن في سنوات الانقاذ العجاف وبتعتقد الاذاعة احسن مليون مرة من التلفزيون والنت
وهسة من وحي البوست وعمتنا ماما اميرة نزل ليك المحاضرة دي اسمعا كويس واتعظ الشعار بتاع جقود طبعا ما مهم انت قاعد وين المهم قعد تعمل شنو
10-26-2019, 03:55 AM
adil amin adil amin
تاريخ التسجيل: 08-01-2002
مجموع المشاركات: 39069
Quote: أنا من شدة تكرار عادل قربت أحفظ حاجاته كلها عن ظهر قلب .. لا يمل ولا يكل من تكرارها .. الفيديوهات بتاعتو أختصرت لي حاجات كتيرة ومهمة ... عادل رجل موسوعي .. أنت عارف كل واحدة من الكوكتيلات بتاعتو دي متعمق فيه جداً ..
الأمريكان أصلاً ما زي دا .. تخصصك واحد وبتموت فيه دقيق سوسة كما يقول البقارة .. المتعة في أنك تقدر تشوف عادل كيف يحاول يولف ما بين هذه التناقضات .. أنا ما عندي أي شك أستاذ أسامة الخواض حدد موقفه أن عادل لا يستطع التوليف بين التناقضات .. ودا تحدي كبير أمام عادل ... غايتو الله يعينه.
بريمة
العيب ليس في ما اكتبو وكلو اب تو ديت وسوداني 100 العيب في مخك من الاساس انت كوز سابق والخواض شيوعي سابق .... هو صفيحة مريسة وانت سعن روب مشكلة السودان ان اختصرتها في العلمين في صور البروفايل ...انت وعيت امشي بجي غيرك لي مدرسة جقود عشان يوعي عليك الله كيزان وشيوعيين دي شنو القاشرين لينا بيها في القرن21 والله الازمة فيكم بس انتو ما واعين بيها ودي ذاتا مشكلة بعدين انا ما معحب بي ام ريكا بتاعتك دي ا البرستيج بتاعي كونقوشي صيني وفي الدامر الاعدادية كان ملقبني ماو يعني انت مدرسة في البورد وانا مدرسة والامر لازام يتستمر بينا (طيزين في لباس) حتي يقضي الله امرا كان مفعولا بس انت سعن روب وانا جقود البشبه روحي
10-26-2019, 06:28 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
Quote: بريمة الكابوي الأمريكي العربي د.عادل امين بيقول "المهم تعرف ان عطبرة دي فيها كل السودان و السودانيين " ما يصنع تاريخ في المنبر كيف. وشكرا عادل وبريمة العربي الكابوي
عادل، نحن مجتهدين معه عشان يستعدل .. يدكم معانا .. تتذكري حملة جورج بوش الأبن no child left behind .. دي قصتنا مع عادل .. كوكتيلات* عادل مطبوخة طبخة مكوجنة ..
--------------------------------- * حقوق الملكية خاصة بالأستاذة أسامة الخواض ..
بريمة
10-26-2019, 07:13 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
ول أبا أحمد يسن .. قالوا الما بعرفك يقول عدس .. وأنت تبر خالص مصفي .. شوف لما قلت ليكم خلوا مسافة بينكم وبين عادل .. بكتل فيكم ملف في أقرب لفه .. شوف الأتي:
Quote: قامت عليك الكوزنة واالجري ورا القروش وتحويل اي حاجة وسيلة انتاج …
الزول كاتبين عنه صنع تأريخ .. مجاملة ساكت ما في؟ أو يأجل الدواس؟ .. يداوسك وأنت تثني عليه .. شعور ساكت ما عنده .. حرب اليمن شبكت لي عشقتي في رأسه، نسوي شنو دا قدرنا مع منبر بكري. بعدين أنت ما حضرت زمن شقيقته .. تصدق، تحلف تقول الناس لا يلتقوا في الجد ال 50 .. دكتورة نجاة، الله يطراها بالخير .. أول أنسان في السودان يحس بالظروف التي نحسها نحن في مواقع البقارة وقفت معنا وقفة فارسة بكل تجرد .. لو عايز ترجع تقرأ ليها أسمها في المنبر دكتور بيان .. هي التي دافعت عن، بل أوصلت لنا فكرة مهمة في المنبر هي الفصل ما بين الكاتب والنص .. عند دكتورة نجاة النص مخلوق قائم بذاته .. وبالتالي يمكننا محاكمة النصوص دون التعرض لشخص الكاتب .. تمتلك دكتورة بيان ناصية قلمها، عندها authority كبيرة .. وهى تعلن نواياها مسبقاً "أنا اليوم لابسة الكبك" .. يوم داك خصومها إلا يجروا من الدواس .. straight shooter
حسي صحبك عادل، نسأله هل قرأ لك أي شيئ .. ؟ هل ملم بمواهبك الثرة التي تتحفنا بها في فهمك لموسيقي الحزام السوداني من غرب أفريقيا إلي أثيوبيا وإرتيريا ..؟ عادل كمان أناني ما بقرأ .. شوف نحن نقرأ له .. أمثال أستاذ الخواض تلقاه يوم ما قرأ له شيئ .. أنا تعلمت من دكتورة بيان كيف نفرق بين النص القائم بذاته والكاتب .. الأن أستطيع محاكمة النص وفكرته ومضوعه .. دون الهجوم غير المؤسس علي الناس .. شوف عادل طوالي شبك في ول أبا ود الأصيل يا "أغلف" ... عليكم النبي دي حالة!
بريمة
10-26-2019, 08:25 PM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 14201
Quote: ود الاصيل ..الاغنية الطلبتها( جسمي انتحل)ها عجبتك (يا اغلف) ولي لا ....نحن كبرنا واتحلجنا وانت ورع صغير ...امشي اللعب بي غادي اعمامك ديل كانو كعبين في جالهيلتهم الاولي زمن جوز الجمام ثلاثة فردات... والله لو ما الفكرة الجمهورية وصداقتا هذبتنا كان ذى بريمة ده ما يركز معاي يوم واحد بس في البورد ده
--------------------------- ♤ شكرن يا عمو و كان(للغلفة) عافيها ليك؛ نبزة مجروحة لأنها من حبيب"دي الدنيا طولا سنين و راها بس جاريبن حبيبي قول آمين نعيشا نحنا اتتين برانا..أصبر خليك يا حبيب و أفضل معايا قريب..دا الماضي اسمو الكان و أنت ليا حبيب برانا".
♤ بالمناسبة اللحن دا دندنة لزيدان رايحة مني و بطلب من أخوي الموسيقار احمد ياسن يفتشا يقلعا لي سما واطة.
♤ نرجع لكلام أهلي الشوايقة "الريد دعى و غميد" منتهى البلاغة. و فسرناها ليك يا عمو؛ لكن تاني ما وريتنا رايك.
♤ يا كبر ياخي ما أطربتنا و أبهجتنا لامن جهجهتنا ظاطو. و الله بعد انجنعت تب للرقاد تاوقت لقيت طلتك البهية و قد تجشمت كل هذا العناء لتعيدنى بالحنين القهقرى سنين و دنين ضو ئية هي عمر بحثي بلا طائل عن مقطوعة تحفة منمنة؛ فضلت أدندن بيها و أنا بذاكر في حنتوب، و لا خالط في جميلة و مستحيلة؛ و برضو و أنا طلبة شايل قدح مونة و بناول الطين؛ و لا أنا كمساري على خط القماير ، و لا بالذات و أنا في الحمام مع (حي وووب) بالجردل؛ و حتى لامن أجر النم مع البطانية لي اللو لاي. ♤ معليش، التسجيل قديم متقطع شوية. و لكن بركة في اللمتنا في عضما بس؛ و أنا بالجد ممتن ليك حتى تستغيث.
10-27-2019, 02:11 AM
Kabar Kabar
تاريخ التسجيل: 11-26-2002
مجموع المشاركات: 18547
صديقنا وحبيبنا دفع الله ود الأصيل..اطرب الله سنك يا قريبي..! طبعا حناكيش كتيرة ح تزرنا في حكاية طرب السن دي..! نوم بي راحتك يا دفع الله ، ولمن تصحى بتلفى الونسة الفاتتك..! البوست شكلو.. Open mind يعني الناس تتونس ساكت يا قريبي.. عارف يا دفع الله..حاجة ، ناسنا في امسودان ح تستغرب ليها كتير،..انو حبيبنا ول ابا عادل امين من ناس الدلنج ، والدلنج دي محطة عابرة في حسابات ول ابا بريمة..!!..حاجة غريبة ، يا دفع الله؟؟ زمان يا دفع الله ، ايام هدهدة زيدان ابراهيم بتاعة (برانا)..في الدلنج كان عندنا تقليد في الأعياد (يعني الأعياد الإسلامية مثلا) بتكون في مباراة بين منتخب الدلنج ومنتخب كادقلي ( لو متذكر الكورة السودانية :الدلنج منها ناس فتحي فرج الله ، واستاذنا الخلوق النور استرليني ، وناس تانية كتيرة يا دفع الله..!!).. اها في الدلنج عندنا مشجع مشهور للغاية ، وهو عم توفيق عليه السلام (توفيق من اهلك النوبة الدلنج يا دفع الله..!!)..في ذات مباراة مع ناس كادقلي(ناس بريمة)..ناس كادقلي انتصروا على ناس الدلنج 2/1..ولأول مرة في حياتي يا دفع الله اعرف فقه تجميل الهزيمة وتحويلها لإنتصار..عم توفيق قال لينا: يا اخوانا ناس كادقلي ديل متسبلين ساكت..هسع نقوم نغلبهم ، باكر يتمردوا لينا في السهلة..!! كتر خيرك يا دفع الله ود الأصيل..من جملة فضايل هذا الخيط ، وتداخلك وونساتك هنا..اول مرة اعرف حكاية نديهة ابونا عوض الجيد (تور عفينا الشين)..ولمن سمعتها من ناس عقد الجلاد في اواخر الثمانينات من القرن المنصرم ، كنت بغالط ناس الخرطوم (تور عفين) كيف يعني..؟؟؟! تور العفينا (العفينة) تور جاموس..وكده الفكرة وقعت لي يا دفع الله..بريمة وعادل امين يحتوهو قرض مش مشكلة..ولكن على قول اهلك في دارفور: مرافعين كن اتداوسو ياهو بخت ارنب..!! ياخي دندنة زيدان في حكاية (برانا)..ده مشروع انثروبولوجيا ثقافية عديييل يا دفع الله..! بالمناسبة يا بريمة..مرة قريت كلام لأخونا دفع الله الأصيل عن تشنوا اجيبي..خلاني اشتري رواية تشنوا اجيبي (الأشياء تتداعي) تلاتة مرات..!!بس اوعك تقول لدفع الله عن الحاجة دي..! بالجد الذ بوست يا بريمة..!! كبر
10-27-2019, 03:07 AM
adil amin adil amin
تاريخ التسجيل: 08-01-2002
مجموع المشاركات: 39069
Quote: بعدين انا ما معحب بي ام ريكا بتاعتك دي ا البرستيج بتاعي كونقوشي صيني وفي الدامر الاعدادية كان ملقبني ماو يعني انت مدرسة في البورد وانا مدرسة والامر لازام يتستمر بينا (طيزين في لباس) حتي يقضي الله امرا كان مفعولا بس انت سعن روب وانا جقود البشبه روحي
التحية للزوار الجدد العزيز كبر وناس الدلنج وزيدان ابراهيم الاصيل واصلو يا جماعة قواعد الاشتباك محددة بيني وبين بريمة واي بوست يفتحو بريمة عني ده منطقة علميات معدة سلفا وبستخدم فيها كل اسلحة الدمار الشامل عشان كده (العفش داخل البص علي مسؤلية صاحبه) والامر بقى بيني وبين بريمة صراع دولي الان \ امريكا (بريمة تارمب )×الصين جقود جن بينق https://up.top4top.net/ الزول داير يجيب لينا البنك الدولي وامريكا تتلاوط في السودان ... وانا ارفض ذلك والراس بي الراس والرجال تموت متوافية
10-27-2019, 03:27 AM
adil amin adil amin
تاريخ التسجيل: 08-01-2002
مجموع المشاركات: 39069
ود الاصيل بعدين لمن رفعت شعار سودانيز اون لاين بيتنا الشعار ده عميق جدا ..الزول في بيتو بقعد ام فكو وحين تضعون ثيابكم في الظهيرة وثلاث عوارت لكم *** الشفع ذى ناس ود الاصيل ديل يمشو جنب الحيط بس بعدين كلمة غلف الدارجة السودانية موجودة في القران بمعني بعيد جدا (87) وَقَالُوا قُلُوبُنَا غُلْفٌ ۚ بَل لَّعَنَهُمُ اللَّهُ بِكُفْرِهِمْ فَقَلِيلًا مَّا يُؤْمِنُونَ (88) المزعلاك دي كلمة قرانية اما الكلمة الحقيقة ليها في البيوليجي المرتبطة بالاعضاء الجنسية هي غرل او اغرل تعني غير مختون,,, هسة احسن ليك يا تا غلفة القلب والعياز بالله ولي الثانية (التحت ) المعدات ؟؟..
وجل مصطلحاتي في البورد قرانية ذى اهل الرجس جماعة بريمة واهل السفاهة جماعة الخواض عشان تقوم بمفعولها السحري وتهريهم هري وتخليك هم يجدعو العفن ... الكيزان والسلفيين والشيوعيين والبعثيين والناصريين مشاريع الصرف الصحي دي كلها ويرجعو سودانيين صميم ذى وحيد القرن بس و ونرجع تاني لي عبدالوهاب الصادق كلام الحب كلو قلتوهو بس كلامي الانا الما عرفتوه من 2001 ولحدي 2019 في سودانيز اون لاين بيتنا الزول البحرقو كلامي في البورد ده الزول الحي لانه هنا في ناس جثث ميتين...وقلوبهم غلف فعلا ... وانت ليس منهم
فكني لي بريمة سعن الروب ده اوسيه اول حاجة...ده راقد في المصحة بتاعة جقود ام 100 سرير وهسة في 99 سرير فاضي لتانيين هنا بجو براهم يرقدو يتعالجو ...
في بوستات فيها قصص وثقافية برضه في البورد ممكن تتفسح فيها ذى ما عايز وتفككا وتعيد وتركيبا من جديد بطريقتك البديعة مع ام احمد .. وضاير نفسك من مناطق العمليات ...عشان ما تكتلك نيران صديقة شوف حفيف الاجنحة البوست ده فيه قصة بزلت فيها جهود جبارة جدا لوضع دارونية العودة من بلاد الاغتراب المر ...
10-27-2019, 03:37 AM
adil amin adil amin
تاريخ التسجيل: 08-01-2002
مجموع المشاركات: 39069
Quote: عارف يا دفع الله..حاجة ، ناسنا في امسودان ح تستغرب ليها كتير،..انو حبيبنا ول ابا عادل امين من ناس الدلنج ، والدلنج دي محطة عابرة في حسابات ول ابا بريمة..!!..حاجة غريبة ، يا دفع الله؟؟
حياك الله يا كبر اردم الجنجودي المحلوج بريمة ..جابو الدرب (جنسية بنية ) ودي محرقاه شديد وعايز يقعد في راسنا نحن النوبة مسمار النص والمنهم كل قبائل السودان متفرعة تجي جدادة برة تتفرعن علي جددة جوة ذى ترامب السفيه ده
https://up.top4top.net/
بالله شوف جقود الهندي الاحمر ده سمخ كيف؟؟يشبه جدي حسن موسي وحكمة ربك مشلخ شايقي والله عندنا مثل في كوش ,,,الغنماية الغريبة قدت الزريبة وده فعلا الحصل للسودان من الوافدين في الهامش والمنبتين في المركز وبقينا لا طعم ولا لون ولا رائحة وخارطة معاقة حركيا ولاصحينا عاجبنا الصباح ولا نمنا غتانا العشم
وهسة انا مع موسي هلال بس والصحوة بس ... جنجويدي بعقل ويا بريمة الا تبقى حركة شعبية شمال الاصل حتين اعترف بيك في البورد ده ...
10-27-2019, 03:55 AM
Kabar Kabar
تاريخ التسجيل: 11-26-2002
مجموع المشاركات: 18547
كتر خيرك حبيبنا ول ابا عادل امين.. الرجال بتموت متوافية ..دي يا قريبي دايرة مفسر قاموس وجيز..عشان بسمات تكون معانا في الصورة..! يخرب مطنكم يا عواجيزهو..وحاة الله انا صغنوني يا بسمات..!! وعشان ما تحرجونا كتير يا عادل ودفع الله الأصيل..عشان ما تحرجونا مع حبيبنا الجميل ول ابا احمد ياسين..!! انتا قايل شنو يا عادل..هسع لو صاحبك كبر لاقي (ست الفريق) تقول شنو يا عادل؟..والله صحي يا عادل..!! المعلمة ، يا احمد يسن ودفع الله ود الأصيل، وهي الأجمل مكانة من ست الفريق..!! هل تصدق يا احمد يسن ، المعلمة عليها السلام ، كانت حاجة ماشة في الأرض..حاجة قاعدين يشوفوها ناس صاحبك كبر..والله صحي يا احمد يسن..!! ولمن اشتغلت الإلزامية (الماعارفها سيدنا عدل امين..) في مدارس ابي زبد الثانوية يا احمد يسن..لاقيت شاعر اغنية (المعلمة)..بكينا في تلك اللحظة يا احمد يسن..بكينا شديد يا قريبي..!! بكينا لحظة شاعر كتب كلمة ، وفجأة لاقي ليهو زول عارف تلك اللحظة..!!..بيني بينك يا احمد يسن ، استاذنا شاعر المعلمة..ما كان متصور وجود مناجيه وولاد حرام زي ناس كبر ويقوموموا يدوهو تفاصيل المعلمة ، تلك التي كتب عنها قبل عشرات السنين..! شفت امسودان دي جميلة ككيف يا احمد يسن..؟؟؟!! شرحوا يا دفع الله ود الأصيل: ناس كبر شافوا ست الفريق ، شافوا المعلمة..وحاجات تانية كمان يا دفع الله وعمو عادل امين..!! كبر
10-27-2019, 04:21 AM
adil amin adil amin
تاريخ التسجيل: 08-01-2002
مجموع المشاركات: 39069
الجابك شنو يا اسامة منطقة عمليات...ضيم حلوة ...اما ما بوزع زهور لعزالي في البورد اطلاقا ضرب في النخرة بس ...وتنقطع محل رقيقة قالو زمن حظر التجول بداية الانقاذ 1989 واحد من السواري والجيش لفي متشرد نايم في برندات السوق العربي شاتو بي البوت قال ليه قوم راقد هنا ليه قال ليه ارقد وين ؟ قال ليه ما سمعت بي حظر التجول؟؟ قال ليه عليك الله البتجول فينا هسة منو https://up.top4top.net/
انت الجابك شنو هنا ؟؟؟
10-27-2019, 04:58 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20885
ما بين كبر و ودالاصيل والمعلمة وست الفريق ما بين القمرة وعذابات المهجر ..ووعثاء الطريق... دا كلام احمد ربشة شكيت وبكيت بكيت وشكيت......دي الحالة البدخلك فيها كبر وهو في تلكم البلاد الباردة ...ولكن يرسل لك دفء بعمر قلبك ويفتح مسام احساسك وزهوك وعارفو مابجي فاضي ان سودانا دا ياما فيهو ....ويامافيهو..وبس كفى...هسي انا النقارة شغالة في راسي دا
10-27-2019, 05:51 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: كتر خيرك يا دفع الله ود الأصيل..من جملة فضايل هذا الخيط ، وتداخلك وونساتك هنا..اول مرة اعرف حكاية نديهة ابونا عوض الجيد (تور عفينا الشين)..ولمن سمعتها من ناس عقد الجلاد في اواخر الثمانينات من القرن المنصرم ، كنت بغالط ناس الخرطوم (تور عفين) كيف يعني..؟؟؟!تور العفينا (العفينة) تور جاموس..وكده الفكرة وقعت لي يا دفع الله..بريمة وعادل امين يحتوهو قرض مش مشكلة..ولكن على قول اهلك في دارفور: مرافعين كن اتداوسو ياهو بخت ارنب..!!ياخي دندنة زيدان في حكاية (برانا).. ده مشروع انثروبولوجيا ثقافية عديييل يا دفع الله..!بالمناسبة يا بريمة..مرة قريت كلام لأخونا دفع الله الأصيل عن تشنوا اجيبي.. خلاني اشتري رواية تشنوا اجيبي (الأشياء تتداعي) تلاتة مرات..!!بس اوعك تقول لدفع الله عن الحاجة دي..! بالجد الذ بوست يا بريمة..!! كبر
بالمناسبة قبال نغرِّق لجوة ، لسان حالي شخصياً مع البوست دا كمن يصحو مردداً: من يعثننا من قبرنا المُندثر ليردَّ عليً روحي. و لو أتقفل ولا اتهكر ممكن تجينا نفسيات عديل كدا.
ف مرحبنبك و مسهلنبك المبجل أخوي كبر ، راجياً ان أكون وفِّقتُ في قراءته صاح. فحياك الغمامُ و يا لحديثك من قولٍ فصلٍ وما هو بالهزل و أغلى اسمٍ على أنبل مسمى،
# فما كل هذا الاندياح معنا بقوامٍ سمهريٍّ، گما ملأى السنابل تنثني لنا بقطوفها دانيةً ، بينما الفارغات رؤوسهُنَّ شوامخُ ؟!
[} هذا و نحن أضيافُ هجعةٍ على مائدةٍ عامرةٍ وأنت ربُّ المنزل الرفيع العماد الكثير الرماد إذا ما شتى؟! إذ حري بنا، من وحي وقع قدميك دافئتين لتجملان للفرح ممشى عبر ساحاتي ، فلا أروع و لا أمتع، ثم بحق رب السماء و الذي بيننا ، أقول: أما كان حرياً بنا لندعوك ، بل لنضع {بقجة} الترحال على أعتابگ ، لنمدَّ هاء السَّكتِ حين دعائك حتى نلملم خطاوي الشوق عن أجفانك. كي نتدانى قيدَ أُنملةٍ ، يا أخاً كريماً و ابنَ أخ كريمٍ، لتنفحنا و لو بغيض من فيض حنانك.. و ليبقى عبق أنفاسك بوحاً رصيناً، و عوناً لصيقاً على العطاء و كسراً لجمود جليد الفرقة و درءاً لموجة تثاؤب عاتية نراها آخذةً بتلابيب هذا الجمع الذي هو منبرُ من لا منبرَ له؟!!
[} صراحة، لا أدري ماذا نقول ؟ إن كان حقاً مما يشرفني أم تُراه مما يدهشني أن تثير مجادعاتي المستحية هنا و هناك، هكذا حراكاً كذوبعة في قعر فنجان لقراءة ظنوني، أو كغبار النور ما يلبث أن يذهب مع فقاقيع رغوة حين ينفخها طفلٌ قرير العين، ثم ينطلق يلاحقها في همبريب عراءٍ طلقٍ؛ فلا يظفر منها بشيء، إلا كباسط گفيه إلى بخار الماء ليبلغ به فاه و ما هو ببالغه.
[} شكراً جميلا لأريحيتك أيها البارع الفارع و أنت تشرع لنا بطينات و أذينات قلبٍ بحجم قبضة يدٍ على جمر البقاء هنا، لكنه كبيرٌ بحيث نعوّل عليه كثيراً ليسع العالم بأسره، دونما فرزٍ و لا تمايُزٍ تحيُّزاً إلى فئة او تحرفاً لقتالٍ . و معاً للخروج في مليونيةٍ حاشدةٍ لنطالب بإعادة القلب ليضخ الدمِّ مدراراً في عروقنا كحرازات جافاها هطل المطر.
[}إذاً ، قرب تعال و ما تبتعد ،فإنه لا يزال لدينا معك الشئ الكثير المثير من طلاوة البوح الشفيف إليك يا حبيب. و نحن هنا كما سبق ورفعنا شعارنا غير مرةٍ :هنا گحروف الهجاء ، بحيث لا يتغةول حرفٌ ع لى مخرج آخر؛ بقدر ما نتكامل لتشگيل جملةٍ مفيدةٍ..
# بالنسبة لتور عفينة الشين هو فعلن جدنا الشيخ عوض الجيد سليل الخوالدة الذين يشكلون ضلعاً واحداً ضمن حيشاني التلاضتة . و اسمها أصلن/ عُوفينا ( أي: شُفينا من أسقامنا). وقد ورد ت كما تعلم في نص لمحمد طه القدال (ود حليوة) . ثم لك أن تُلاحظ جمع الضدين بين (حليوة و عفينة).
# أما تشنوا أتشيبي و أشاؤه القابلة للتداعي بأقل هبشة ! ( Things Fall Apart). فقد أوردناه في سياق مقاربةٍ أدبيةٍ في ما يشبه التناصَّ بينها و بين نص آخر لسابيبن عثمان عن فلنكات خط السكك الحديد بين داكار و باماكو (تومبكتو) بعنوان ( Les bouts de bois de Dieu - Ousmane Sembène) و كذا مقاربةٍ مع مجرزة(عنبر جودة) لصلاح أحمد إبراهيم والذي أظنك أتحفتني يوماً بمداخلة بديعة في بوست لنا سابقٍ عن (إزميل فدياسَ و روحاً عبقرية) و ضل الدليب أريح سكن . فالكلام معاك يا كبر ذو تفاريعَ و شجونٍ عديدةٍ و شأني معك كشأن ابن يوشع و موسى و عصاه ، تلك التي لم يقل إنه يتوكؤ عليها و لديه فيها مآربُ أخرىإلا لمجرد إطالة أمد القاء و لله و أولي ا لعزم من رسله المُثُل العليا.
10-27-2019, 09:55 AM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 14201
Quote: ما بين كبر و ودالاصيل والمعلمة وست الفريق ما بين القمرة وعذابات المهجر ..ووعثاء الطريق... دا كلام احمد ربشة شكيت وبكيت بكيت وشكيت......دي الحالة البدخلك فيها كبر وهو في تلكم البلاد الباردة ...ولكن يرسل لك دفء بعمر قلبك ويفتح مسام احساسك وزهوك وعارفو مابجي فاضي ان سودانا دا ياما فيهو ....ويامافيهو..وبس كفى...هسي انا النقارة شغالة في راسي دا
هو الصراحة أسعورنا إنو الةواد لقى روحو بين ذواقتين عبارة عن طودين عظيمين موسوعيين بعالم الموسيقى.(كبر و أحمد ياسين) بس خسمناك يا ود ياسين لو معاك تسجيل أنضفن لزيدان في(برانا) تتحفنا بيه و ينوبك عنا ثوابٌ. لأنك ما عارف فعل السحر الذي تفعلها بي شخصياً الدندنة دي.؛ و كنت خايف يتوه ععنا أثرها بعد عينٍ مثل واحدة تانية يوم العندليب اكتفى بنسبتها إلى شاعرةٍ من أحدى العائل السودانية المحافظة وذلك بناء على رغبتها في البقاء في طي ثنايا الكتمان. لتبقى رائعة ( هايَ و سعدك) بعد رحيله ( يتيمة الأبوين)
10-27-2019, 11:07 AM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 14201
Quote: ود الاصيل بعدين لمن رفعت شعار سودانيز اون لاين بيتنا الشعار ده عميق جدا ..الزول في بيتو بقعد ام فكو وحين تضعون ثيابكم في الظهيرة وثلاث عوارت لكم *** الشفع ذى ناس ود الاصيل ديل يمشو جنب الحيط بس بعدين كلمة غلف الدارجة السودانية موجودة في القران بمعني بعيد جدا (87) وَقَالُوا قُلُوبُنَا غُلْفٌ ۚ بَل لَّعَنَهُمُ اللَّهُ بِكُفْرِهِمْ فَقَلِيلًا مَّا يُؤْمِنُونَ (88) المزعلاك دي كلمة قرانية اما الكلمة الحقيقة ليها في البيوليجي المرتبطة بالاعضاء الجنسية هي غرل او اغرل تعني غير مختون,,,هسة احسن ليك يا تا غلفة القلب والعياز بالله ولي الثانية (التحت ) المعدات ؟؟..
يعني مصر يا عمو ، تختني ما بين شاخصَيْ خيارين أحلاهماً أشد وطأً وأضل سبيلاً .فإما غَلَفة القلوب والعياذةُ بالله و كمان بدليل القران و السُّنة ؛ و يا إمتن كما غلفة منظقة الأحراش و( الدَّعَت ) الواقعة ما بين الركبتن و الحبل السُّرِّي على غرارإبداعات أدب عمنا الطيب صالح ؛ في قلة الأدب . عمومن مضطرين نقبل التانية على مضض ٍ و أمرنا لله ، على الأقل دي يكمن نلقى ليها تصريفة عند الضرورات اللائي يُبِحْنَ المحظورات مسلن بكفكفة أكمام (الاكِنَّة) ليفقهوه و ما إلى هنالك.فغايتو كلو من خشم حبيب حلاتو زي مدغ الزبيب.
10-27-2019, 12:15 PM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 14201
اندياح جميل في البوست .. لكن أنتبهوا أنا كتبت البوست من خلال حقيقة مجردة .. هي كتابة عادل لكلمة "جيداً جيتو" .. وهنا فرقت ما بين ما كتب عادل .. وشخصية عادل كوكتيلات .. أها أنظروا الأتي ..
Quote: اردم الجنجودي المحلوج بريمة ..جابو الدرب (جنسية بنية ) ودي محرقاه شديد وعايز يقعد في راسنا نحن النوبة مسمار النص والمنهم كل قبائل السودان متفرعة تجي جدادة برة تتفرعن علي جددة جوة ذى ترامب السفيه ده
!! أنتظر بس .. أنا ما كـلب بنبح في عقر داره .. أنت عارفني أنا محل بحقص ليك .. ذكرتني بصحبي أحمد "كردان" .. من أبناء الحمر .. أحمد تعليمه بسيط في حدود الثانوي .. وحينما تضيق به الغربة يأتينى في المنزل والمدام وأحد أصدقائي من أم درمان .. يحبون أن يكونوا صامتين في حضرة أحمد .. وبعد ما يذهب أحمد يقوموا علي الضحك والونسات عن الغرابة .. ذات يوم كنت أحكي لأحمد عن الهمباته (وهنا نرسل تحية حارة لبرنامج فرح الغبش والفارس ودمسيخ .. في إحد حلقاته جاب لينا همباتي أصلي مارس الهمبته بنفسه) .. وفي أثناء الحكي قلت لأحمد أمسك أهل حلتنا بالهمباتي وحينما جاء خالي حسن الدبيلوك .. ورأي الهمباتي علي طول تعرف عليه .. فقال له بأسمه فلان تسوي الهمبته في أهلي وأنا وأنت أولاد كاس .. الهمباتي يعرف شراسة خالي، خرج الخال وطلب عشرة سيطان من شجرة الليون المجاورة ويخلوه هو والهمباتي مدة ساعة .. علي بال تصل السيطان، الهمباتي كمل الولولة ونكت كل أسرار البقر وين وعند من .. وهكذا .. هناك ونستنا فتحت وتدخل أحمد كردان وقال لي ذات مرة جاءنا رجل يركب جمل بشاري جميل .. وقد أستضافه الوالد .. والقصة لأحمد كردان .. فقال وقد نوي والدي بسرقة الجمل ليلاً لكن الرجل كان نابهاً .. فعرف السر وقال أنا ماشي مشوراي طويل .. فركب جمله وهم بالمغادرة .. فأخذ والدي عصا غليظة ثم تبعه .. هناك قامت المدام وقام صحبي من أبناء أم درمان .. وكل منهم دخل غرفة .. وأنا أسمع شيئ مثل الأنسان الذي ينتحب بكاءً فأمشي لهم فإذا بهم كل واحد واضع مخدة في فمه وقد أحمرت عيونهم من الدموع .. يذهب أحمد وتخرج المدام وصديقي أم درماني .. "طلع أبوه همباتي" .. وأنا أقول لهم الهمبته صنو الفروسية .. زول ما فارس لا يمارس الهمبته .. ولنا في ود ضحوية .. الهمباتي الجعلي المغوار تراث ثر في الفروسية ..
شفت يا عادل دا حا يحصل ليك .. أنا ح أقطع ليك الطريف في لفة في خلا غفر كما حصل في قصة أبليس وأهل سدوم .. أحسن تمشي عديل وتصلح معاي .. زمان لما يكون عندنا كورة وعايزين نشجعوا أولادنا دكتور أمين سنجك ودكتور أسامة عباس .. نقولوا "أنا الشمباتي وفي الشمباتي غاباتي" .. الشمباته رجال الجامعة .. بطبق فيك الشعار دا .. والزمن كفيل بذلك .. أنت عنيد وما داير تسمع لكلام الناس ..
بريمة
10-27-2019, 04:49 PM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 14201
♤ سلام بريمة يا رايع.. جفيتني و أنا ضايع تعال لي£ و مرحبنبك و مسهلنبك في منطقة عملياتنا نحن. لكونو ود ضحوية و رفيقو طه الضرير (البطحاني) دا زولنا تب و سِرُّ اللَّقب أنه لكونه أعشَى كان يتعرف مضارب الكارفقط عن طريق كروفة التربة . و أكثر ما مارسو الهمبتة فيبطانة أب علي المترامية من حنك رفاعة اب سن من جبل اللبايتور و إت مصبح لا عند ريرة و الصُفية و أم رهو على ضفاف اللتبراويو تباري شمالاً لاعند المصب ماراً بديار بني جعل و الفادنية.
♤ فشايف الكوع زي حِمى. فبدل نجخم نعابن و لا نسوي شغل المديدة حرقتني خلني نمرقبكم من المود بنادرة عن همباتتنا:
♤ فعلى طاري النهب المصلَح و كارات الهمبتة. دي واحدة من أيام ناسطه الضرير و الطيب ود ضحوية ، أخوها همباتي شِفت يختف السوسيو من مخالب الحدية و يقلع الكحل من قعر ود العين. أها أختو بغرانة منو و مندرعة فوقو كلما تشوفو تقوللو : همبتك يتحدسوبا النسفي البلد و البلدين، لكن ماك نافعنا بي شيء ، كيفن، عاد مالك أكان يومسقت وليدي بريقِع دا معاك تعلمو لي الهمبتة، دحين ما قالو الجنا خال. علا لكنالجنا زاتو فارس، سمعا و كلاما ما عجبو زي حسَّ بيه فيهو ليه نقيصة.
♤فيوم خالو دا عندو كتلة في بلدن غادي طيرو عجمي، فقام سارب هجعة و ساق معاهو ود اختو . الشاافع مردوف ورا خالو لكن أتاريه راقدلو فوق رأيَن كُتُر. أها في الدرب نوخو نزلو قالو ياخدولم هجسة لامن يقرب تلت الليل في الهزيع الأخير. أها و كت دايرين ينشغو تاني ، عمك مشى حفيان على بتُّقتن(شدرة ) قريبة و كجر هدومو و صنقر يتسيَّر. أها قوم إتا شافع الجن تدِّبى براحة، وتشيلفردة مركوب خالك و راح عاقبو بي وراهو ختاها ليه تحتو بدون ما يحسسو. خلى الخال لامن قضى غردو تب و رمى فيها متقلاتو و الجنا من حيسو سحب فردة المركوب مليانة الشيء بي جَرُّو ختفو و ركب الجمل الاصهب و قام مكربت راجع شايل أمو ؛ مشى خت ليهاالبشارة قداما ، الولية سكلبت: سجمي ، دا شنو دا؟! قاللها : يُمة دي فسحة أخوك الدياراهويعلمني ليك السرقة أناو د أبوي عَشَرة. سمح وينو خالك: قاللها : خليه ،بجيك بي كرعينو حفيان و ماشي كداري بعد مسيرة يومين و ضحوة. و بعدين تعالي خليهو تاني يجي يعلم ليك ( بريقع) اليتيم على البكا.
Quote: اندياح جميل في البوست .. لكن أنتبهوا أنا كتبت البوست من خلال حقيقة مجردة .. هي كتابة عادل لكلمة "جيداً جيتو" .. وهنا فرقت ما بين ما كتب عادل .. وشخصية عادل كوكتيلات .. أها أنظروا الأتي ..
وفعلا ده مبلغك من العلم ...العيب لا زال في مخك يا كوز الصفرة وليس ما اكتب السياسة علم والفهم اقسام كلام يا عوض دكام انا لقيت العنوان كبير قلت الكوز السابق وعي ...جيت لقيتك في هذيانك وضلالك القديم ماسك في كلمتين استذكرت مقولة ابي حنيفة الشهيرة وجا خامسة الاثافي في البورد اسامة الخواض في الدعم السريع للبورد عشان يساعدك وداير يتفنن وقع اتجنن..قال بكتب بالانجليز قال امشي القسم الانجليزي بس في سودانيز اون لاين شوف منو الاثري البورد بي غادي بريمة شنو العايز تختو مع النسور\ قبل نغسلو ستة مرات والسابعة بي التراب انت لحدي هسة ما من اهل الطريق اهل الذكر والفكر وترقد سنة كاملة في المصحة لحدي ما تثبت انك وعيت وبقيت حركة شعبية الاصل...غير كده بس وهسة ركز في الدفننو سوا في امازون ونجزوا كويس وتعال اتفشخر بيه هنا بعدين صناعة التاريخ اي زول بصنع تاريخ في المنبر طال ما بكتب هنا البعض بكون تاريخ مجلل بالعار وبكون عنده سوابق وعشان كده قلنا عايزين محكمة دستورية في البورد ونعمما الي السودان كمان مش قلت ليك شعاري في البورد شعار الحمار بنجامين في انيمال فارم donkeys always live long
10-28-2019, 03:53 AM
adil amin adil amin
تاريخ التسجيل: 08-01-2002
مجموع المشاركات: 39069
أنت كاتب باللغة الانجليزية "حينما اقول كاتب أعني "كاتب كاتب" وليس أي كلام..
وعادل كاتب بالعربية..
تجربة الكتابة بالعربية معروفة سلفا عواقبها الكارثية، في أمة لايقرأ فقراؤها بسبب الفاقة، ولايقرأ أغنياؤها بسبب لاأعرفه..
المهم:
كيف تقيِّم تجربة كتابتك بالانجليزية من حيث الرواج والاهتمام النقدي بها إلخ..؟؟؟
شكارتا حنانتا ولن ازيد امشي القسم الانجليز المهجور في البورد وشوف كان تلقي الورل ده بي غادي ... قاعدين في امريكا حاصل فارغ ساكت لا انتو اهل ذكر ولا فكر انا بستفيد من بوستات الاخوان الجمهوريين وهم اعلي وعي وصل ليه السودان بعد الاستفلال وعايزين تتونسو في البورد ومرتاحين انا قسمت الناس اثنين بس في البورد وفي السودان الناس المع العدوان علي اليمن بالمشاركة اوالصمت الرخيص في ايي مكان في العالم الناس المع الشعب اليمني قلبا وقالبا حتي لو نفر واحد والحمدالله الله مد في عمرنا حتي جاء المحك واتخذنا موقف ذى المحجوب من حروب اليمن المؤلمة والموقف تحول الي رواية والرواية موجودة وقراها الكثير هنا وفي الاسافير وارئي في مصر او العرب هو نفس راي الناقد الفلسطيني نوري جراج النزلناه ليك وانتو ضاربين الضل وعايزن تتونسو في غربتكم التي يضجر من نفسه فيها الضجر واحسن تسمعو المحاضرة في البوست ده هي (10) دقائق ووجزء من العلاج الجديد للنخبة السودانية وادمان الفشل الشيوعيين والكيزان حرب وسخة خمسة سنة 2015-2019 وانتو لا موقف ولا رؤية والجنجويد اهل بريمة بموتو موت الضان ..والناس في شنو وبريمة والحسانية في شنو https://up.top4top.net/
10-28-2019, 03:58 AM
adil amin adil amin
تاريخ التسجيل: 08-01-2002
مجموع المشاركات: 39069
Quote: أها في الدرب نوخو نزلو قالو ياخدولم هجسة لامن يقرب تلت الليل في الهزيع الأخير. أها و كت دايرين ينشغو تاني ، عمك مشى حفؤان على (بتُّقتن) قريبة و كجر هدومو و صنقر يتسيَّر. أها قوم إتا شافع الجن إدِّبى براحة، شيل فردة مركوب خالك و أعقبو بي وراهو ختاها ليه تحتو بدون ما يحسسو. خلى الخال لامن قضى غردو تب و رمى فيها متقلاتو و الجنا من حيسو سحب فردة المركوب ختفو و ركب الجمل و قام مكربت راجع شايل أمو ؛ مشى ختاه ليها البشارة قداما سكلبت: سجمي ، دا شنو دا قاللها: ي فسحة أخوم الدياراهو يعلمني ليك السرقة أ ناو د أبوي عَشَرة، سمح وينو خالك : قاللها :خليه ، بجيك بي كرعينو حفبان و ماشي كداري بعد مسيرة يومين و ضحوة. ورعدين تعالي خليهو تاني يجي يعلم لؤك ( بريقع) اليتيم على البكا.
ههههاي ... والله متعة .. !! .. الضرير يبدو لي بطحاني .. لو صحت ذاكرتي .. طلع الشافع ود فأر حفار .. يا ول أبا الكوع حمي حق شنو؟ .. أنتظر وح تكتشف أشياء كثيرة وجميلة في عادل .. لكن شفت قهوة ول أبا بابكر قدور .. قهوة أكلموني، لازم تقلي عادل قلي حتى يطلع أجمل ما عنده ..
بريمة
10-28-2019, 04:59 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
Quote: كيف تقيِّم تجربة كتابتك بالانجليزية من حيث الرواج والاهتمام النقدي بها إلخ..؟؟؟
نحن في الغرب .. في مجال الكتابة نتعامل بحاجة أسمها ال nitche .. أي الوسط الثقافي الذي تستهدفه بالكتابة .. لازم تكن ملم بثقافة تلك المجموعة ومستواها التعليمي .. أيضاً محتاج تفهم الجيل الذي تريد أن توصل له المعلومة .. مثل جيل الألفية the millennial generation لا يقرأ أي شيئ عن الشعوب الأخرى ولا يهتم بثقافاتها .. وبالأحري ليس له أي إهتمام ثقافي .. ديل ناس ميديا ومعلومة سريعة .. وقع الحياة بالنسبة لهم سريعاً، جيل يقدس المادة والكسب السريع والمشاهير وأفلام الخيال العلمي والفنتازيا .. أما الجيل الذي يقرأ في الغرب هو ما يسمي بال the boom generation وهذا هو جيل مواليد الستينات .. هذا جيل يقرأ بنهم مبالغ فيه ويريد أن يفهم كل كبيرة وصغيرة في العالم وفي أي بقعة .. جيل يحاول الأمساك بكل خيوط اللعب .. وهناك الساسة وما يسمون بال the political junkies ذي ما تقول هواة سياسيين، هناك شريحة مقدرة تقرأ أدب الرحلات .. لو أقتصرنا حديثنا علي هذه الأجيال .. ما يقرؤن لي هم الطبقة المتوسطة التعليم في ال the boom generation .. الغريبة هذا الشريحة لا تمارس النقد .. بل تجديد الأسئلة .. والتقصي عن صحة المعلومة ودقتها .. وعلي العموم، الأمريكان يقرأون ويكتبون بلغة مستوي الثانوي العالي (ويتحدثون عامية متدنية جداً في مستواها النحوي) .. جرايد مثل الواشنطن بوست وأمثالها لا تتخطي مقرر الثانوي العالي .. الساسة وهواة السياسة يحبون كتابات abstract ديل ما عايزين أي حشو في الكتابة .. ويبحثون عن أفكار وتصورات وكتابات نقدية ولغة رصينه .. هناك مراكز الأبحاث والدراسات Think tanks هؤلاء يبحثون عن خبراء في جميع مجالات الحياة .. وينشرون كتبهم في دوريات وكده لكن عايزنك تكون متمكن شديد.
بالنسبة لي المثقف السوداني لا يقرأ كتب في هذا الظرف بالذات في الغرب .. بل كل الشعب يمارس العمل السياسي .. وعايز يصل للمعلومة بأسرع طريقة .. عن طريق النت والميديا ..
في وجهة نظري كل الوسائط الورقية إلي زوال .. جرايد، كتب وغيرها .. لكن البديل الألكتروني هو النهج السائد .. بالنسبة لي التجربة مفيدة للتعريف بالبقارة والسودانيين .. لكن مادياً، أمازون مكاوشه علي كل شيئ ..
أمازون أشترت createspace وحولتها إلي kindle .. ولم تضف حتى الأن اللغة العربية في النشر الورقي .. لكن أضافتها في الكندل .. لكن أجهزة الكندل لم تقم بعد بتفعيل اللغة العربية .. بمعنى أخر النشر بالعربي متوقف في هذه اللحظة.
بريمة
10-28-2019, 06:14 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
فات علي أن أذكركم بأن أمازون صارت تستهدف مراكز كثافة القراء، بالنسبة للغة المعينة، في توزيع الكتب .. بمعنى لا يهمها أن تكون الكتب بالعربية في أمريكا .. لكن نفس الكتب تجدها في الشرق الأوسط .. وهذا جاء لسببين .. الأول يقلل تكاليف ترحيل الكتاب .. والثاني عرض الكتاب في السوق المناسب له .. مثلاً كتابي عن تراث الشاي .. غالباً ما يأتي لمن يطلبه من بريطانيا أو الهند .. حالياً أمازون لديها 21 موقع للتوزيع حول العالم .. ربما 28 موقع .. وإذا لم تختار امكنة النشر .. هم سيختارون لك .. وممكن يكونوا أوف بوينت من مواقع قراء الكتاب .. مما يقلل فرص الكتاب في التوزيع.
بريمة
10-28-2019, 11:03 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11850
"جيدا جيتو " مسموعة جدا في نواحينا التي يأتيها السيل بخور أبو جداد من نواحي "كردفال" *
السيد عادل أمين يعجبني اخلاصك للفترة التي قضيتها باليمن
Quote: Sam City Nightmares Mr. Adil.A.A.Alamin
before done and sun rise Mosques call foe prayers Frightened barking dogs Tear the silence All over the city of Sam and Sana'a Hissing of disgusting plane and roaring of missiles Of shameful Mission named" Firm Storm" and gale The gamblers of Satanic Rolliet play their games of love and hate The solemn doom and death take some and leave some Oh Allah the merciful and kind keep me alive to witness this Hell half of the story never been told To help Yemen to survive.
يلا بعد دا فصي فصي
10-28-2019, 03:30 PM
adil amin adil amin
تاريخ التسجيل: 08-01-2002
مجموع المشاركات: 39069
جيد حسمت سعن الروب وصفيحة المريسة من القسم الانجليزي في البورد بالله كوز الصفرة ده في الجامعة لو كان بدمن اركان الجمهوريين زينا كان وعي فعلا وقاعد مقابل الصفرة لحدي ما تخرج من جامعة الخرطوم ومباري لترابي لحدي هسة وعامل فيها منظراتي في البورد وعملني والمريض وهو الطبيب المعالج شفت المحن دي لكن نسوي شنو بريمة ده احسن عدو في البورد وذى ما قال المتنبي من نكد الدنيا علي الحر ان يجد عدوا له ليس له من صداقته بد وهسة اعتقد الاغنية دي تنسابكم الاثنين
10-28-2019, 03:46 PM
adil amin adil amin
تاريخ التسجيل: 08-01-2002
مجموع المشاركات: 39069
Quote: في وجهة نظري كل الوسائط الورقية إلي زوال .. جرايد، كتب وغيرها .. لكن البديل الألكتروني هو النهج السائد .. بالنسبة لي التجربة مفيدة للتعريف بالبقارة والسودانيين .. لكن مادياً، أمازون مكاوشه علي كل شيئ ..أمازون أشترت createspace وحولتها إلي kindle .. ولم تضف حتى الأن اللغة العربية في النشر الورقي .. لكن أضافتها في الكندل .. لكن أجهزة الكندل لم تقم بعد بتفعيل اللغة العربية .. بمعنى أخر النشر بالعربي متوقف في هذه اللحظة.بريمة
الكتابة بي اللغة العربية كسودانيين ما مشكلة ولا يعني العرب اطلاقا خارج جغرافيا السودان ضيعنا وقتنا من العرب ديل من الخطا الاستراتيجي الارتكبو الازهري وحشر السودان في العالم العربي الفاقد البوصلة الفكرية والسياسية والثقافية الذى يحز في نفسي لماذا لا يقرا السودانيين انفسهم ما يكتبه المبدعين السودانيين هسة نحن في اليمن نسحب الروايات السودانية بي دي اف ونقراها في المقايل والحمدالله علي نعمة الانترنتوهسة خنق فطس وكلفتة كده وامكانيات معدومة ختيت ديوان شعر انجليزي في موقع امازون زمان للغربيين والسودانيين في امريكا والاتحادالاوربي مشكلتهم شنو ديوان شعر بالانجليزيوالقحة ولا صمة الخشم ليه يا بريمة ما قرهو حتي العاملين فيها ناس كوش في امريكا ؟؟؟ معقول زول شايل علم مايو 1969 وبابكر عوض الله في امريكا لحدي الليلة في ثورة انيمال فارم دييقدر يقدر هذا الجهد المبذول ؟؟في سنوات الحصاد المر ليعادل القبح الانقاذي الذى شمل كل مكان وجانا في اليمن في شكل جنود مرتزقة
أشكرك استاذ بريمة على الشرح الوافي الكافي الضافي الشافي لوضع القراءة في الغرب ووسط اهلنا في الغرب.
وواضح جدا انك ملم بشكل دقيق بما يدور في ذلك المجال.
أما عن الآتي كما ورد في مداخلتك القيّمة :
Quote: أمازون أشترت createspace وحولتها إلي kindle .. ولم تضف حتى الأن اللغة العربية في النشر الورقي .. لكن أضافتها في الكندل .. لكن أجهزة الكندل لم تقم بعد بتفعيل اللغة العربية .. بمعنى أخر النشر بالعربي متوقف في هذه اللحظة.
يبدو أن المسألة مرتبطة بانعدام كتلة معتبرة من القرّاء ، وعشان كدا إلى الآن عصر التنوير لم يتم ..
لابد من طبقة واسعة تؤمن بالأفكار التنويرية، وإلا فالمصير المأساوي "تفكك المجتمعات وانهيارها" كما يبدو الآن:
فشل الطبقة السياسية المسيطرة، وانعدام البديل التنويري..
هل نشيل الفاتحة؟؟
اديها صنّة، ربما ....
10-29-2019, 03:53 AM
adil amin adil amin
تاريخ التسجيل: 08-01-2002
مجموع المشاركات: 39069
برضه احسن تجاوب في ملايين السودانيين في امريكا وفي اوروبا وفي كل المهاجر وفي اعمال باللغة الانجليزية هل يقرا السودانيون ما يكتبه السودانيون ؟؟ رائي في مصر والعرب الذين يكرسون للهزيمة والاحساس بالدونية ثابت ومن حشر السودان والسودانيين في جامعة الدول العربية وتحت جذم المصريين ويفصلو السياسي والمثقف السوداني علي مقاس جذمتهم ومن افسد المجتمع السوداني هو اهل الرجس الكيزان والسلفيين ومن افسد الثقافة في السودان هم اهل السفاهة من عوانس صدام حسين وعبدالناصر والشيوعين الفاقدين البوصلة المتحالفين معاهم لحدي هسة وبعدين الامبريالية الصهيونية العالمية المستعبدة الشعب الامريكي والغرب واذنابهم في العالم الثالث لا تترجم الادب الحر الذى يدعو الي القيم بل ينشرو الرويات التي تسيء للاسلام والشعر ايضا ويملعو الكاتب الفاشل بي جوائز الخليج وفقط شوف ما حصل لباتريس لوممبا ؟ نحن ما بنولول زيكم وننظر ساكت اهم حاجة تتخذ موقف عشان يكون لحياتك معني في الغرب او اي مهجر واحسن تسمع التسجيل في البوست قبل تشوفو **** قلت في التسجيل يجب علي ناس الخليج يحيو مجلة حضارة السودان بتاعة الاسطورة السيد عبدالرحمن المهدي لتهتم بالثقافة ((السودانية)) بثلاث لغات عربي انجليزي فرنسي ولا حياء لمن تنادي طلبت من د حيدر ابراهيم نقل مركزه من القاهرة الي جوبا وبرضو نشوف وصل وين https://up.top4top.net/
ثورة ق ح ت الفالصو دي ..الفيها اتعرفت لا حامل فكري محترم ذى بتاع محمود محمد طه وجون قرنق ولا مشروع سياسي واضح ذى الحزب الجمهوري والحركة الشعبية شمال الاصل لافين صينية ساكت ومحلوجين ذى بريمة
10-30-2019, 03:17 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
"جيدا جيتو " مسموعة جدا في نواحينا التي يأتيها السيل بخور أبو جداد من نواحي "كردفال" *
.. هذا عندي يندرج تحت الظن الحسن .. شمال كردفان لا تعرف "جيداً جيتو" .. هذه المفردة تقع في حزام السافنا الفقيرة وجزء من السافنا الغنية ..حدودها الشمالية في مدينة الأبيض .. وجنوباً حتي تخوم بحر العرب وأعالي النيل .. وشرقا حتى النيل الأبيض .. غرباً إلي شرق نيجريا .. أما أهل شمال كردفان .. يقولون مرحبا .. هوّد (تعال قرب أو ادخل لي جوه)، شقيش وتعنى مأين أين؟ أو إلي أين؟ ..
والله أعلم.
بريمة
10-30-2019, 04:15 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
أستاذ أسامة، أمريكا فقيرة جداً في القراءة بغير الأنجليزية .. ولازم تكن Native أو تجيد أسلوب خطابهم اليومي .. مثلاً لو أخذنا كلمة مثل Garbage .. في معناها اللغوي تعنى القمامة .. في أوروبا تستعمل بهذا المعنى .. في أمريكا نستعمل كلمة Trash .. بدلاً عنها .. لكن كلمة garbage في أمريكا تسعمل في معناها المجازي idiomatic .. مثلاً عادل كتب كتير .. أنا ممكن أقول عليه كله garbage .. اللغة العربية نفسها مليئة بال dialects .. السودانية والمغربية والمصرية وووو ..
Quote: يبدو أن المسألة مرتبطة بانعدام كتلة معتبرة من القرّاء ، وعشان كدا إلى الآن عصر التنوير لم يتم ..
لابد من طبقة واسعة تؤمن بالأفكار التنويرية، وإلا فالمصير المأساوي "تفكك المجتمعات وانهيارها" كما يبدو الآن:
فشل الطبقة السياسية المسيطرة، وانعدام البديل التنويري..
هل نشيل الفاتحة؟؟
اديها صنّة، ربما ....
أنا نصيحتي أن الناس تترجم كتبها إلي الأنجليزية .. وما الأنجليزية العضم ديك .. لغة فيها بلاغة .. مثلاً حبيبنا الأديب الأريب عثمان محمد صالح .. تحس في نصوصه النثرية .. سرد أدبي رصين .. دائماً ناس أمازون يوفورن مترجمين محترفين لكن غاليين .. أبحثوا عن النشء السوداني في الغرب ممكن يساهم في الترجمة وبكلفة أقل ..
في أمريكا النت بتاعنا يستعمل الجيل الخامس للشبكات تسمي 5G .. مثلاً شركة "أبيل" تستعمل 5G وشركة سامسونج في التلفونات الحديثة ... لكن نحن شبكات ال 5G موصلة عندنا في كل منزل .. تخش النت وتنزل الكتاب بسرعة ما تتخيلها .. وهذا التكنولوجيا عليها سباق محموم .. وسوف تعم العالم في خلال 2-3 سنوات .. ح تساعد في تحميل الكتب من أي بقعة موصلة بالأنترنت بنفس السرعة التى نشاهدها هنا في أمريكا .. نحن هنا تركنا السينما إلا في حالات أفلام جديدة ولم تنزل في الشبكة بعد .. هناك تشخيص وعمليات جراحية تجري من علي البعد في المناطق الريفية في أمريكا .. وهناك شركات كتيرة شغالة في الترجمة .. لكن أنا لا أستعمل أي من هذه الشركات أو المترجمين .. أستعمل مترجم grammarly .. بكل سهولة يوريك كل الأخطاء العامة .. والجمل الناقصة وعييييك .. في أول مرة ممكن يدوك أشتراك مجاني .. لكن نهاية المطاف بطالبوك بأشتراك .. أنا أكتب الكتاب وأنقحه بنفسي أثم أشترك مدة شهر واحد فقط ب 20 دولار .. وأراجع الكتاب نحوياً بهذا البرنامج ..
لا شك عندي أن العالم سوف يكون أكثر أستنارة من اليوم في غضون ثلاثة سنوات .. وحتى التحويلات المالية سوف تنهد حواجزها .. جاييكم حاجة أسمها Libra .. وهى مسودة دستور لتغيير المعاملات المالية علي وجه البسيطة .. وال facebook ضمن لجنة عالمية يطورون في هذه التكنولوجي وبالأمس الكنغرس الأمريكي أبدي تحفظات ضد التكنولوجي وطالب زكربيرج صاحب الفيس بأستيضاح .. ويبدو سوف يمر القرار .. لكن أمريكا كأنها محاولة المكاوشة علي المحاولة وفصل خطها بعيداً عن العالمية .. حتى يحتفظوا بالريادة .. المطلوب مننا نحن الكتاب الذين نكتب بغير الأنجليزية إعادة النظر .. وتحويل حتى لو جزء من الكتاب (مخلص) إلي الأنجليزية ح يفيد كثير جداً ..
بريمة
10-30-2019, 04:24 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
أها التسجيل رائع .. لكن الخطأ الأسترتيجي .. محتاج لشرح زيادة .. لأن الكلمة دي غريبة شوية .. هناك خطأ وخطأ فادح ... لكن أستراتيجي يعنى خطأ مخطط له ..؟؟!! .. عادل، هوووي أنت فاطي سطر ولا شنو؟
بريمة
10-30-2019, 04:36 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32652
أستاذ أسامة، هنا وصلة "دار الحكمة" في منطقة واشنطن دي سي .. نحن نسمي هذه المنطقة ب "المترو أريا" .. لو أنت موجود معنا هنا في أمريكا ضع الكتب في هذه المكتبة .. هذا أكثر محل يعمه السودانيون .. وفيها كتب سودانية مقدرة .. كل كتب الطيب صالح .. وفيها كتب و مصادر عربية مترجمة من كتب المستشرقين .. ومراجع عربية نادرة.
http://www.alhikmabookstore.com/http://www.alhikmabookstore.com/ .. ما أظنهم قاعدين يطبعوا لكن بتعاملوا مع المطابع لتوفير الكتاب العربي ..
بريمة
10-31-2019, 04:58 AM
adil amin adil amin
تاريخ التسجيل: 08-01-2002
مجموع المشاركات: 39069
أها التسجيل رائع .. لكن الخطأ الأسترتيجي .. محتاج لشرح زيادة .. لأن الكلمة دي غريبة شوية .. هناك خطأ وخطأ فادح ... لكن أستراتيجي يعنى خطأ مخطط له ..؟؟!! .. عادل، هوووي أنت فاطي سطر ولا شنو؟
بريمة
الخطا الاستراتيجي هو الذى تظهر اثاره الفادحة والمدمرة علي المدى البعيد ويضلل اصحابه الناس بي مفردة ابتلاءات احيانا الخطا الاستراتيجي الوصلنا الحضيض الان هي سلسلة اخطا مستمرة كمان لحدي هسة 1- حشر السودان في جامعة الدول العربية بواسطة الازهري 1957 والتبعية الذليلة للمصالح المصرية حتي الان وعدم احترام ثقافة الاخرين في الوطن =الجنوبيين 2- عدم احترام الفدرالية في كرؤية للجنوبيين والاستاذ محمود 1955 اسس دستور السودان وعدم احترام اتفاقية اديس ابابا 1973 ونيفاشا 2005 لحدي الان
3-الخطا الاسترتيجي الفادح الذى ستشظهر اثاره في مقبل الايام ارسال الجنود مرتزقة في حرب الابادة في اليمن التي يقف خلفها البنك الدولي دلالانه في المنطقة كل الانقلابات 1958 و1969 و1989 رجس مقصود من عمل المخابرات الاقليمية والدولية لذلك هم ليسو برئيين من يقفون خلفها هم حثالة وانا استخدم الالفاظ التي تصفهم وتشبهم تماما ولازالو مستمرين في نفس الكار الرخيص 1- اهل الطريق الختمية والانصار والجمهوريين والحركة الشعبية 2- اهل الرجس الكيزان والسلفيين 3- اهل السفاهة الشيوعيين والبعثيين والناصريين والادلة موجودة وموثقة وصفتهم من عين سلوكهم
10-31-2019, 05:11 AM
adil amin adil amin
تاريخ التسجيل: 08-01-2002
مجموع المشاركات: 39069
خليني اجن وازيد في الجن وانت السبب في جنوني يا بريمة انت الان بس عندك حلين احلاهما مر اما تبقى حركة شعبية شمال او جمهوري غير كده ما بتنفع معنا في السودان نسحب الجنسية البنية العندك دي من مخلاية بابو نمر وتعال سائح امريكي بس او امشي جاور في السعودية الواضح ما فاضح قصة الجنسية المحرقاك دي ما جبتها انا يا كوز الصفرة ..جابوهها الانجليز البصنعو الطائرة الاير باص وضيعنا مصر البتصنع الكشري بالانقلابات من 1957 تحت شعار السودان للسودانيين يمشي الترابي يديها الغنوشي وعمر عبدالرحمن وكل حثالات وارهابيين الارض ليه ؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Biraima M Adam
adil amin
دفع الله ود الأصيل
Deng
osama elkhawad
Ahmed Yassin
Kabar
MOHAMMED ELSHEIKH
فيس بوك
تويتر
انستقرام
يوتيوب
بنتيريست