|
|
|
 Re: حاجة مذعجة تضغط على اسم عضو فى البورد بالغ (Re: النصرى أمين)
|
في الكروم ممكن تحذف أي صفحة دخلتها من browser history من غير ما تحذف باقي الhistory
هسه أنا فتحت البروفايل بتاعك إسمك بقى احمر وحذفتو ورجع اسمك عادي
وبالمناسبة فتحت البروفايل بتاعك وقفلتو بدون ما أقراهو
عارفك كوز  وساكن كالغري البيرتا وبتجي ماشي للشغل بجنب الcemetry البتخاف منها ديك
بروفايلك فيهو معلومات إضافية؟
| |
 
|
|
|
|
|
|
|
|
Re: حاجة مذعجة تضغط على اسم عضو فى البورد بالغ (Re: Asim Ali)
|
يا حافظ ..المشكلة تكون ضغطت على اسم العضو قبل فترة و لا تعرف اليوم بالتحديد.
معنى كلامك ده ؛ بمجرد الضغط على اسم العضو يجب الذهاب فورا للبراوزر و حذف صفحة العضو .
مثلا انا ضغطت على اسمك قبل اسبوع او كذا ...صعب جدا اقعد افتش اليوم داك عشان احذف صفحتك من البراوزر.
بعدين وبالمناسبة ؛ قبل يومين فكرت ارفع البوست بتاع محرقة الجثامين لانى كل يوم بمر عليها و اصلا ما شفت دخان طالع
| |
|
|
|
|
|
|
|
|
Re: حاجة مذعجة تضغط على اسم عضو فى البورد بالغ (Re: Asim Ali)
|
نعم يا عاصم احتمال المتصفح المخفى incognito
يلبى احتياجاتك لكن عندنا هنا سرعة الانترنت ممتازة جدا و سرعة تحميل الصفحة ليست
مشكلة مالم يكون فى إشكالية فى سيرفر بكرى ابوبكر.
مرات لمن اكون داير to mess with Google advertising بقوم اكتب فى قوقل سلعة
غريبة و شاذة و بعد داك اضحك كيف إعلانات السلعة دى فى كل مكان خاصة الفايسبوك .
بعدين من ناحية فنية ...ال cookies فى المتصفح تساعد فى نحميل الصفحة بسرعة.
| |
|
|
|
|
|
|
|
|
|
Re: حاجة مذعجة تضغط على اسم عضو فى البورد بالغ (Re: Asim Ali)
|
ابدا ؛ ال cookies فى متصفح الجوال ما خطرة ..
احتمال خطورتها الوحيدة الدعاية والإعلان .
الخطر الجد فى التطبيقات الكتيرة فى الجوال ..
نعظم هذه التطبيقات تشترط ان يكون ليها access لكل معلوماتك فى الجوال...
ياخ الفلاش العفين ده داير يعرف قائمة أصدقاءك ز مكالماتك و كل شي عنك.
نعمل شنو ؟ مجبرين نديهم تصديق للتجسس علينا
| |
|
|
|
|
|
|
|
|
|
Re: حاجة مذعجة تضغط على اسم عضو فى البورد بالغ (Re: النصرى أمين)
|
يا ما مولانا حافظ، من يوم عرفت انك ما مولانا حقيقي وزول طبي،
بقيت أشوف كتاباتك مرحة جداً
مع انو الدكاترة زي القضاة والمحامين
بايخين
يا نصري، شكل بوستاتك بديني إيحاء انك تقاعدت،
عارفك ما وصلت سن التقاعد،
بس البوستات بتديني الإيحاء دا
أعفي لي لو كلامي غلط
| |
|
|
|
|
|
|
|
|
|
Re: حاجة مذعجة تضغط على اسم عضو فى البورد بالغ (Re: النصرى أمين)
|
والله يا ابوبكر لسه ما اتقاعدت لكن أرنو للتقاعد.
انا شغال فى هيئة حكومية ، شغل ساهل ؛ محركة ساى بدون مسؤوليات ، سبعة ساعات فى اليوم .
باقى اليوم كله قاعد فى الانترنت (ما عندى اى نشاطات إجتماعية/ لا بمشى لزول لازول بجينى)
لكن راقد لى فوق راى و متوقع ان شآء الله الامور تظبط الشهور القادمة و نرجع للسودان.
السبب التانى لنوع هذه البوستات انه انا من الناس التى وضعت ثقتها
فى الحكومة دى ؛ يفترض اسكت و اتركهم يشتغلوا و احاسبهم بعد فترة معقولة بالنجاحات او الإخفاقات. يعنى ما ممكن ياخ حكومة ليها شهرين و الناس تنق فى كل حاجة كل يوم.
ادو الناس دى فرصة ؛ شوفوا حياتكم ، خلوهم يشتغلوا بصمت بدون ملاوزات يومية.
ياخ لو حمدوك قح الناس تقوم و تقعد .. ناس عجيبة .
ده سبب البوستات غير السياسية
| |
|
|
|
|
|
|
|
|
 Re: حاجة مذعجة تضغط على اسم عضو فى البورد بالغ (Re: جلالدونا)
|
يا جلالدونا
الحقيقة مرة..
فى ناس هنا لا اطيقهم و لا أطيق بوستاتهم و لا مداخلاتهم .
و متاكد فى ناس تحمل نحوى نفس الشعور.. يكرهوا ميتين صليبى زاتو.
عادى ..
لمن واحد من المكجنهم ديل يصرخ فى وجهى بلونه الاحمر كل مرة افتح المنبر
تبقى حاجة مذعجة و تستحق فتح بوست .
و عادى ممكن تفط البوست ده و تفط كل بوستاتى
مع التحية
| |
|
|
|
|
|
|
|
|
|
Re: حاجة مذعجة تضغط على اسم عضو فى البورد بالغ (Re: Mahjob Abdalla)
|
اتخايل لى المشكلة فى إستعمال كلمة (إلعن) قبل صليب او ميتين .
بدون كلمة إلعن لا اظن انها سب دين.
يعنى لمن حسين خوحلى قال (قفلو ميتينا) لم يقصد إل*ن دينا والا النيران كان ولعت فيه.
مصطلح تانى (طلع صليبى) مثلا الزول ده جننى طلع صليبى بمعنى عذبنى و اتعبنى هل معناها سب الصليب .
I don't know man
| |
|
|
|
|
|
|
|
|
|
Re: حاجة مذعجة تضغط على اسم عضو فى البورد بالغ (Re: امتثال عبدالله)
|
الظاهر عليك يا محمد عبدالله احد تلاميذ فصول محو الأمية 😂
زمان قبل عشرات السنين كنا عفاريت التكنولوجية فى البورد ده .لكن القطر فاتنا دلوقت.
بقينا زى الناس الدرسو بالانجليزي فى الثانوى العام .يعرف انجليزى لكن لا يجيده.
شكرا يا امتثال و نعشم الحكومة ما تخيب رجانا .
لغاية دلوقت انا راضى بنسبة 85%
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Hafiz Bashir
Asim Ali
أبوبكر عباس
جلالدونا
Mahjob Abdalla
محمد عبد الله الحسين
فيس بوك
تويتر
انستقرام
يوتيوب
بنتيريست