|
|
|
 Re: عمري ما شفت غباء وبلادة زي الجدل الحاصل ال (Re: Haytham Ghaly)
|
القراي رجل مؤهل وكفء لهذا المنصب ولا يهمنا بأي معتقد يعتقد حتى لو كان مجوسي لا يهمنا
المهم انه وبرفقة التيم الذي سيعمل معه وفق المعايير المناسبة لوضع المناهج سيستطيع ان يخرج لنا ولابنائنا مناهج مناسبة مع بيئتنا ومع وضعنا وامكانياتنا
وسيتخرج منها ابناءنا كفاءات يشار لها بالبنان وتساهم في رفعة هذا الوطن الذي ساهم كل الاسلاميين بجميع اطيافهم في تدميره
| |
 
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: Ali Alkanzi)
|
الاخ هيثم غالي
دعني أختلف معك هنا!
هذا ليس بغباء وبلادة.
أنه جزء لا يتجزاء من المعتقدات التي يحملها معظم السودانيين، ما حدث في في موضوع تعيين الدكتور عمر القراي ده حدث بعد الثورة فقط، ولكن تاريخ السودان حافل بمثل هذها السلوك والايمان.
التفرقة في السودان على أساس الدين والعرق ليست بجديدة. وهي التي أدت الى إنقسام السودان.
| |
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: Deng)
|
ولا عمرك حتشوف
الناس دي متخيلة انو مدير المناهج ده حيقفل نفسو في مكتب ويجيب ورق واقلام ويقعد يألف الكتب !
افترض انو ده صحيح ، وقام حشاها كلها بي فيزيتها وكيميتها وجغرافيتها بافكار الجمهوريين ..
واجاز المنهج براهو كده بي جرة قلم وطبع الكتب
اها حيدرس المنهج ده وين؟ حيجيب طلبة جمهوريين واساتذة جمهوريين برضو ؟
ووين الاسرة من الموضوع ده ؟ وين الاعلام ؟ وين المجتمع المدني؟
معقول زول واحد يصطدم بالشعب كلو ويفرض عليهو منهج هم ما موافقين عليهو ؟
لكن لازم نقول انو في ناس كتيرة عارفة اي شي لكن بتصطاد في الماء العكر
وبخمو معاهم ناس تانية ما عارفة
مدير المناهج ده موظف عام ، موظف عااااااام يفترض انو بينفذ سياسة الوزارة او الدولة
في التعليم في الجزء المختص بتصميم المناهج
الوزارة دي عندها وكلاء وخبراء ووزير هم المسئولين من وضع السياسة التربوية بشكل
عام ..
قاتل الله الجهل والغرض
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: Abdullah Idrees)
|
Quote: مدير المناهج ده موظف عام ، موظف عااااااام يفترض انو بينفذ سياسة الوزارة او الدولة
في التعليم في الجزء المختص بتصميم المناهج |
ود ادريس سلامات وعوافي
اي نعم هو موظف دولة عاااادي لكن العايز يقنع ديوك الكيزان وازيالهم والمسطحين شنو؟؟؟
غايتو بصراحة الجدل الحاصل دا شي محبط جداً
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: Deng)
|
سلام عليكم أ. هيثم و ضيوفك الكرام
لحسن الحظ ان الشباب الصنعوا الثورة، أكثر وعياً
و أنفتاح ذهني و أكثر استيعاباً لطرائق تفكير أقرانهم
و فهماً للكيفية التي يدار بها العالم من حولنا. و كما نعلم
كلنا ان المستقبل لهم و ليس لغالبية المعترضين.
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: نعمات عماد)
|
Quote: سلام عليكم أ. هيثم و ضيوفك الكرام
لحسن الحظ ان الشباب الصنعوا الثورة، أكثر وعياً
و أنفتاح ذهني و أكثر استيعاباً لطرائق تفكير أقرانهم
و فهماً للكيفية التي يدار بها العالم من حولنا. و كما نعلم
كلنا ان المستقبل لهم و ليس لغالبية المعترضين. |
مرحبابك نعمات بت عماد
والله يا نعمات الواحد لولا الشباب ديل كان طرشق بالمغسة
الثورة دي كانت غريبة خلاص كان فيها دروس وعبر وكم هائل من التوعية التلقائية بصورة مبالغ فيها
الشباب ديل قدرو يكتسبو كل هذا الوعي في خلال شهور الثورة دي لانهم عايشو كل لحظة فيها
لذلك الواحد مطمن تماماً على البلد بس الله يبعد عنهم عواجيز الاسلام السياسي والطائفي
غير ديل ما بتجيهم اي عوجة وربنا يحفظهم
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: Deng)
|
| Quote: التفرقة في السودان على أساس الدين والعرق ليست بجديدة. وهي التي أدت الى إنقسام السودان. |
مرحب بابك دينق
نعم لا ننكر وجود هذه الاوبئة المتفشية في المجتمع السوداني ولكن ما كانت في ما مضى بهذه السطحية التي صار يساق بها الناس
كيف يظن ذي عقل ان مدير المناهج يصمم المناهج التي توافق هواه ومعتقده ومزاجه فقط ؟؟؟؟
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: Ali Alkanzi)
|
| Quote: كيف نمارس الديمقراطية التي فدتها الرجال والنساء بدمائها وارواحها؟ |
مرحباً الكنزي
مافي حد حجر عليك ان تمارس حقك
ولكن من حقي التعليق على كل ما يكتب هنا وانا شايف انو دا غباء وهجوم مغروض بالذات من الاسلاميين بكل اطيافهم
ثم انو وين الديمقراطية البتتكلم عنها لما تحاولوا اقصاء سوداني من منصب اختير له حسب كفاءاته بحجة معتقده؟؟؟؟
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: Haytham Ghaly)
|
سلامات يا هيثم والجميع
أرجو أن تسمح لي بوضع هذا الموضوع.. الخطير في مسألة المناهج أنها وضعت لإعادة صياغة المجتمع السوداني حسب فكر الإخواسلفيين.
التقرير هنا يذكر أن كثيرا من مناهج السعودية وضعت بتأثير من الأخوان المسلمين، بجانب أثر المذهب الوهابي طبعا. السعودية وجدت نفسها مضطرة لتغيير المناهج.
ــــــــــــــــــــــــــ
واشنطن تستعجل تغيير المناهج التعليمية في السعودية
تجفيف منابع التطرف شرط ضروري لنجاح الحرب على الإرهاب، والمسيرة التطويرية تراهن على الطبيعة التحررية للشباب.
الثلاثاء 2018/03/27
إقلاع نحو آفاق أرحب
الرياض - لا يخفي المسؤولون الأميركيون، ومنذ عهد الرئيس الأسبق جورج بوش الأب، أنهم يدعمون فكرة أن تبدأ السعودية معركة حقيقية وسريعة مع المتطرفين داخل مناهج التعليم باعتبارها الفضاء الأكثر تأثيرا على عقول الطلاب، الذين تظهر الإحصائيات أنهم الأكثر تأثرا وانصياعا وراء الأفكار المتشددة، التي لا تكتفي بسلب عقولهم بل تدفعهم إلى الانضمام للتيارات المتشددة في مواطن النزاع.
ويدعم الأميركيون الإصلاحات التي تشمل مختلف القطاعات الحيوية مثل التعليم والمرأة وإدخال السياحة والترفيه من أجل كسر سيطرة الفكر المتشدد على حياة السعوديين.
وتعهد ولي العهد السعودي، الأمير محمد بن سلمان، بالمضي قدما نحو إعطاء الأوامر بالمزيد من تطوير المناهج التعليمية في المملكة عبر إعادة صياغة المناهج الدراسية وتطهيرها من ملوثات الفكر التكفيري الذي يحث على الكراهية ومناصبة العداء لقيم الحداثة والتطور.
ويأتي هذا التركيز على ضرورة تطوير المناهج الدراسية ضمن الحملة التحديثية الإصلاحية التي يقودها ولي العهد السعودي، وتشمل خيوطها العريضة وأبعادها الراهنة والمستقبلية، محاصرة كل أسباب التطرف، وملاحقتها في أوكارها وحواضنها مثل المقررات المدرسية التي من شأنها أن تكون البذرة الأولى في زرع الذهنية التكفيرية والثقافة العدائية البعيدة عن روح المجتمع وقيمه الشعبية الأصيلة.
ويذكر أن المملكة قد سبق لها أن أجرت حزمة إصلاحات في المناهج التربوية بغية تنقية الكتب المدرسية من المواد ذات المنحى المغالي إلى حد التطرف في الدروس الدينية وغيرها، وذلك عام 2005 في عهد الملك الراحل عبدالله بن عبدالعزيز، وما تزامن في تلك السنوات من نهوض لحزم دولي وإقليمي في محاصرة آفة الإرهاب، لكن هذا الأمر لم يكن كافيا وكان على المملكة أن تتبعه بجهود وبطرق أكثر دقة وشمولا، وهو ما استدركته خطة ولي العهد الحالي ضمن مسيرة التطوير والتحديث مستعينة بخبراء ومتخصصين.
ويبدو أن نفوذ المتشددين من رجال الدين لم ينحصر بالشكل المأمول، واستمر من هنا وهناك تأثير الفكر الإخواني الذي يتهيأ للانقضاض على الرؤوس الطرية في التعليم الابتدائي والثانوي، وهو ما تقر به الحكومة السعودية وتؤكد أنها تمضي قدما نحو معالجته وإصلاحه بشكل كامل وفعال. لكن المراقبين ينظرون بنوع من الحذر إزاء بعض التقارير المنتقدة للمناهج التعليمية في المملكة، وتحاول الفصل بين الحقيقة والمبالغة والتوظيف السياسي، خصوصا وأن ولي العهد السعودي ما انفك يكرر ضرورة الحسم والتخلص من كل رموز وأتباع ومنظري الفكر الجهادي في المملكة.
ووسط هذه الشفافية السعودية العالية في الإقرار بمواقع الخلل في المناهج التعليمية من ناحية، والعزم على المضي قدما نحو الإصلاح واجتثاث الأورام الإخوانية الخبيثة من المقررات المدرسية في المملكة، قالت هيئة رقابية حكومية أميركية إن السعودية لم تحرز تقدما يذكر في حذف المناهج الدراسية التي تحض على العنف والكراهية تجاه الأقليات الدينية وغيرها، مشجعة الرياض على معالجة هذه القضية بجدية أكبر.
جاء ذلك في دراسة جديدة لمجموعة منتقاة من الكتب المدرسية في السعودية، قالت فيها اللجنة الأميركية للحريات الدينية الدولية في بيان يوم السبت الماضي إنها قارنت 12 كتابا دينيا كانت ضمن المنهج الدراسي بالمدارس الثانوية في 2017-2018 مع نسخ من الفترة 2012-2014، وزعمت هذه الدراسة أن الكتب الحالية “لا تحتوي فقط على عدد من الفقرات المتعصبة والتحريضية، بل تحتوي كذلك على عدة فقرات يعتقد على وجه الخصوص أنها حذفت من كتب سابقة”.
وذكرت هذه اللجنة أن من أمثلة المحتويات التي وصفتها بـ”المتعصبة” في بعض المقررات التعليمية السعودية، فقرات تمجد “الجهاد” باعتباره قتالا ضد غير المسلمين وتنص على قتل المرتدين وغير المسلمين وتحذر المسلمين من مصاحبتهم.
متخصصون ومطلعون على المناهج التعليمية الجديدة في المملكة، يرون أن في هذا الحكم الكثير من المبالغة والتجني، لكنهم يقرون بأخطاء وسقطات وقعت في الماضي، ويؤكدون أن المملكة ماضية بوتيرة متسارعة نحو الإصلاح والتطهير من مخلفات السلفية.
السعوديون يعلقون آمالا كثيرة على هذه الإصلاحات التي وصفوها بالثورية والتي لا بد منها، ولا يبالون بما إذا كانت مراجعة اللجنة الأميركية تتماشى مع تقرير أصدرته منظمة هيومن رايتس ووتش، العام الماضي وقالت فيه إن مراجعة للكتب الدينية الصادرة من وزارة التعليم السعودية للسنة الدراسية 2016-2017 تحض على التعصب، فالمهم -برأي تربويين سعوديين- أن تمضي الإصلاحات في اتجاه تنظيف المناهج من كافة أشكال التطرف.
وقال مراقبون -عكس ما ذهبت إليه هذه اللجنة- بأنه قد تم إحراز تقدم على مدى الخمس عشرة سنة الماضية في إصلاح الكتب المدرسية بالمملكة حين أطلق الملك الراحل عبدالله بن عبدالعزيز عملية إصلاح للمدارس والجامعات الحكومية في 2005 في إطار إصلاحات تهدف إلى تقليص نفوذ رجال الدين وبناء دولة حديثة وتوفير فرص عمل.
وقال دانييل مارك، رئيس اللجنة الأميركية للحريات الدينية الدولية إن اللجنة تحث الكونغرس والإدارة الأميركية على إعطاء الأولوية لإصلاح الكتب الدراسية في إطار تعاونها مع السعودية، خصوصا في ضوء تقدم الحكومة في مجالات أخرى للإصلاح.
وفي الأسبوع الماضي، قال وزير التعليم السعودي أحمد بن محمد العيسى إن الوزارة تعمل على محاربة الفكر المتطرف من خلال إعادة صياغة المناهج الدراسية وتطوير الكتب المدرسية وضمان خلوها من منهج جماعة الإخوان المسلمين.
وأضاف أن الوزارة ستقوم “بمنع الكتب المحسوبة على جماعة الإخوان المسلمين من جميع المدارس والجامعات، كذلك إبعاد كل من يتعاطف مع الجماعة أو فكرها أو رموزها من أي منصب إشرافي أو من التدريس”.
وفي المقابل، تعهد ولي العهد السعودي الأمير محمد بن سلمان، بتقديم صورة أكثر اعتدالا للإسلام في إطار خطة شاملة للتحديث والتطوير في المملكة التي هي في الأصل ليست بعيدة ولا غريبة عن مظاهر الحياة الطبيعية الحديثة، مذكرا في مقابلة تلفزيونية بأن “السعودية الحقيقية هي ليست السعودية خلال الأربعين عاماً الأخيرة، بل السعودية في الخمسينيات والستينيات”، وأضاف الأمير السعودي الشاب “قبل عام 1979 كنا نعيش حياة طبيعية وكانت النساء يقدن السيارات”.
ويشير مراقبون ومحللون لخطابات ولي العهد السعودي إلى أنها تتميز بالثقة في القدرات الوطنية والكفاءات المحلية من جيل الشباب الذي تؤكد غالبية الدراسات أنه من أكثر الشباب العربي تفاعلا وتناغما مع الحاضر والمستقبل، وأبعده عن الأفكار السلفية والجهادية مقارنة بمحيطه الإقليمي، وفق إحصائيات ظهرت بهذا الخصوص.
وتتفق التقارير المواكبة لمسيرة التحديث والإصلاح في السعودية على أن الأمير محمد بن سلمان يؤمن بالشباب، ويعرف التعامل معه وخلق الريادة وحل المعضلات. وقد حققت السعودية قفزات استثنائية في تولي الشباب ذي الكفاءات مسؤولية الملفات المعقدة.
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: Yasir Elsharif)
|
الأخ هيثم الغالي
لك الود والتحايا الطيبات
أتفق معك في أن هذا الجدل لا معنى له ولا قيمة له
فالمناهج التربوية كما تفضلتم لها معايير وأسس توضع
بها وتطبق بها ولا تخضع لهوى شخص بعينه .... تعيين
أي شخص ذو معتقد جمهوري في مفهومي أنه يتمتع
بالنظافة والنقاء وعفة اليد وعفة اللسان والأمانة المتناهية
بعيداً عن العفن وأكل أموال الناس بالباطل وهذا مانشكو
منه ونخافه بحكم تجربة ثلاثين عاماً بالتمشدق بإسم الدين
زوراً وبهتاناً .... وفق الله كل من يتم تعيينه في أي منصب ....
| |
|
|
|
|
|
|
|
|
 Re: عمري ما شفت غباء وبلادة زي الجدل الحاصل ال (Re: بابكر قدور)
|
طرف تالت خلاف الرفض او القبول وهو (التحفظ) على اساس الخوف من استعجال الصدام مع الكيزان والسلفيين من تعيينات لشخصيات صارخه اللون الفكرى ودا بيجر لنوع من الصراع غير مطلوب فى المرحله الانتقاليه كمرحله تركيز على العمل واصلاح .
مع قناعتى انو تعيين القراى (حتى لو كان التخوف صحيح) ماممكن يحصل تاثير على ابنائنا والمجتمع من خلال موقع واحد او جهه واحده فى اطار انفتاح ديمقراطى وتكنولوجى .
المشكله الاهم انو التعيين من دون مقاومه تذكر كان ممكن لو انجز تفكيك الدوله العميقه وحسم للثوره المضاده المفروض يكون حصل من الايام الاولى لسقوط النظام البائد لولا وجود المجلس العسكرى (مسمار جحا) وتعقيدو للمشهد السياسى وغرقله مرحله الانتقال
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: Asim Ali)
|
الحبيب هيثم .. تحياتي
زمان تقريباً (3) حصص في الاسبوع
وكتاب دين فيه صور كيفية السجود والركوع .. إلخ
كان منهج عادي ..
أيام النميري توسع وزاد المنهج وخاصة في مرحلة الثانوية ( الحج والطلاق )
وشرط النجاح في الشهادة السودانية ( التربية الاسلامية )
ربما اصبحت الحصص أكثر ستة حصص في الاسبوع
البعض ليس ضد القراي .. بل في صف القراي ولكن فقط لأن الكيزان وجدوا سبب
للصراخ والضجيج والتحريض ..
حتى اذكر حبيبنا د . ياسر عمل مداخلة بأن من الأفضل أن يتعذر القراي
كنوع من التكتيك السياسي .. والسياسة لا تنفع معها الصراحة الوضوح الكامل ..
مودتي هيثم الحبيب ..
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: Asim Ali)
|
بالمناسبة يا هيثم نفس التفكير التجريمي ده ينطبق على قضية ولاء البوشي وزيرة الشباب والرياضة . .
تنظيم الدوريات مسئولية اتحاد الكورة وهي اتحادات اهلية محمية من الفيفا (الاتحاد الدولي ) . .
ولا علاقة لوزارة السباب والرياضة في اي دولة بهذا النشاط بل حتى لا تستطيع الوزارة ان تلغي او تقيم او منشط كورة . .
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: عمر سعيد علي)
|
اول ما يقولو مناهج, بخطر في بالي المناهج العلمية مثل الرياضيات و الفيزياء و علوم الكمبيوتر و انو بعد 20 سنة من الان نكون رسلنا مركبة فضائية الي كوكب المشترى (يعني نفوت ناس المريخ وهلال).
اخر شئ يخطر في بالي هو تغيير منهج الدراسات الدينية الا في اطار اعادة المنهج القديم.
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: عمر سعيد علي)
|
تحياتي هيثم غالي ...
كتب د. ياسر الشريف :-
Quote: أرجو أن تسمح لي بوضع هذا الموضوع.. الخطير في مسألة المناهج أنها وضعت لإعادة صياغة المجتمع السوداني حسب فكر الإخواسلفيين.
التقرير هنا يذكر أن كثيرا من مناهج السعودية وضعت بتأثير من الأخوان المسلمين، بجانب أثر المذهب الوهابي طبعا. السعودية وجدت نفسها مضطرة لتغيير المناهج. |
Quote: من الغباء والبلادة انو الناس تظن ان اي منصب في دولة رهين بمعتقدات وافكار الشخص الذي يتم تعيينة في هذا المنصب
في حالة القراي شايف الكيزان واعداء الجمهوريين سايقين الناس زي القطيع ويرددوا ان الرجل سيستغل منصبه في نشر الفكرة بجعلها داخل مقررات المدارس ومناهجها |
يا هيثم إنها ليست غباء ولا بلادة ... إنها حرب عقائدية ..
إذا استطاع الكيزان تغيير المنهج من الإبتدائي الي
الجامعي المشكلة شنو في إنو يكون مدير مناهج
جمهوري (معين) من سلطة داعمة له يقوم (يعين)
خبراء ومختصين من عقيدته بحكم مسؤوليته ...
وتتغير المناهج وينتشر الدين الجمهوري ....
وبعد ١٠ او ٢٠ سنة تقوم ثورة ويجي أولادنا يكتبون
نفس كلام ياسر الفوق دا بس يغيرو الاخواسلفيين
بالجمهوريين ونبدأ مشوار جديد من التلاعب بي
عقيدة الناس ...
| Quote: ياخي بزمتكم دا ما غباء؟ |
الغباء غباء هذه الحرب الضروس بين العقائديين
التي لن تجد لها مثيل في كل بلاد الدنيا ...
الواحد بقي يتمني ان يحكمه بشر ليس لهم
اية علاقة بكافة الأديان ويترك الناس بي الدين
الذي يعتقدوه ...
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: يحي قباني)
|
يا عم علي ياخ انتو كنتو بتدفعوا الجزية لحد زمن قريب ههههههههههههه
===============
يا سلام يا قباني صدقني انت زول جميل
جعلت وجهي باسماً يا جميل ..
كده أجمل مش البوست بتاع موت ( خوفتنا )
عبدالحي ده ما دنقلاوي من ناوا .. البديرية ..
تحياتي للحبيب هيثم .. مع التحية
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: علي عبدالوهاب عثمان)
|
ما دار في خلدك إنه ممكن يكون في سبب تاني ؟ ...
استعداء قطاع ضخم من السودانيين والاستهانة بهم ..
وخلق قاعدة للبلبلة ومنح الفرص المجانية ..
لازكاء جذوة الخلاف وتهييج الوضع الحالي الهش ..
وإثارة فتنة الممكن يركب موجتها جهات كثيرة ..
تتربص بالحكومة المدنية ديل ما اسباب مقنعة ..
تجعل التنازل عن التعيين فيه جلب منفعة ..
حنصحى متين ياغالي متين وحنفوق متين ؟ ..
لمن يحشدوا المليونيات تاااااني في الساحات والميادين ..
ويعطلوا دولاب الدولة المدنية ويقعدوها ..
ويعلنوا انتخابات مبكرة وبمباركة أممية ..
لتهدئة الاوضاع الحتتفجر تحت اقدام الحكومة المدنية !! ..
شوف البلادة والغباء وقتها حتهديهم لي منو !! ..
البيحصل ده اسمه اندفاع ورواشة ونتائجه مش معروفة ..
أها يا مؤيدي تعيين القراي ورافعي رايات الموافقة ..
على شتارة كثير من القرارات اتحدوا زي ماعايزين ..
وخلوها تاني للطير والحرامية يجوا يحكموها ...
ــــــــــــــــــــــــــــــــــــــــــــــــــــــــــــــــــــــــــــــــــ
غايتو ماشفت زي عوارة البيكاوش ويكاور ويملا خشمو ..
ويقول ليك كل البيعترضوا هسه ديل كيزان .. خخخ ..
وين غاتس ليك زمن مااافي ......
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: جمال ود القوز)
|
Quote: جمهوري (معين) من سلطة داعمة له يقوم (يعين)
خبراء ومختصين من عقيدته بحكم مسؤوليته ...
وتتغير المناهج وينتشر الدين الجمهوري ....
|
لا يا صلاح الكلام ده ما بدخل الراس
لانك في النهاية المنهج ده حتقدمو لمعلمين سنيين مالكية ، نفس الامر ينطبق على الطلاب واسرهم
تفتكر الناس دي كلها حتقعد مغمضة عيونا وهم غلبة غالبة بدون اي نقاش وسيبوا اولادهم يقرو مقرر هم
ما مقتنعين بيهو او بعضهم بشوفو كفر عديل ؟ ، والحاجة التانية الجمهوريين
ماعندهم الزخم الكبير في الشارع السوداني عشان يدعموا اي مناهج جمهورية ، لا زخم سياسي ولا ديمغرافي
ولا عسكري ، والمفارقة انهم اكثر الطوائف الدينية تسامحا ونظافة من الناحية السلوكية .
الشي التاني منو القال انو الزول ده يدو طويلة - بحكم القانون والاختصاص- انو يقدر ينفذ اي حاجة في راسو
يعين العايز يعينو ويجيز العايز يجيزو ، وين وكيل الوزارة والوزير ومجلس الوزراء؟ جمهوريين برضو ؟
الشعب السوداني يا صلاح رمى السفاح البشير في مزبلة التاريخ ، ما حيغلبوا القراي - المفكر- اذا ثبت انو بيدعم
التوجه الفكري او الديني الشخصي بتاعو على حساب جودة وحيدة المناهج ..
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: Abdullah Idrees)
|
يا عبدالله يا ودعمي .. أعلم تماما أن الجمهوريين
ليسوا من الغباء يقومو يختو كتب أستاذهم كمنهج
ديني في المدارس والجامعات ... مثلا كفاية يزرعون
في أمخاخ تلاميذ سادسة ابتدائي إنو الدين الإسلامي
فيهو شريعتين واحدة كانت في القرن السابع وواحدة
في القرن العشرين والباقي بتلقوهو في موقع الفكرة
دوت اورج ...
دا يا عبدالله رأس جبل الجليد ... مداخلتي هنا يا
عبدالله عن الحرب العقائدية الجارية الآن في بلدنا ..
وهذا هو الخطر الأعظم الذي يتهدد وجود بلد اسمو
السودان ... اتا قايل الموضوع واقف علي السلفية
والإخوان بس ... هاك كلام أستاذنا وكاتبي المفضل
والجمهوري القح ... الرجل الجميل المهذب جمال
المنصوري في لحظة صفاء :-
Quote: إذا تنازلت اليوم، فغدا سيقومون باعادة احراق كتب الأستاذ/ محمود في معرض الخرطوم، وسوف نعود الى عهد نميري، وموضوع الإستتابة، أو الإعدام، نحن وحدنا واجهنا الهوس الديني، لإإذا كنا تقاعسنا غداة اعدام الأستاذ/ فهاهي الفرصة قد عادت الينا لنقدم انفسنا قرابين للدين اولا والسودان ثانيا، وللمظلومين ثالثا..
نكون او لانكون |
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: Salah Zubeir)
|
هيثم الغالي
وضيوفك الكرام
ليكم التحية والتقدير،
خصوصا اخونا صلاح الزبيرQuote:
هاك كلام أستاذنا وكاتبي المفضل
والجمهوري القح ... الرجل الجميل المهذب جمال
المنصوري في لحظة صفاء : |
جميل جدا يا صلاح انو اكون كاتبك المفضل، والأجمل لمن تكون في حاجة ما وقعت ليك كويس تقوم تسأل كاتبك المفضل قاصد شنو بي كلامك ده ؟
Quote: إذا تنازلت اليوم، فغدا سيقومون باعادة احراق كتب الأستاذ/ محمود في معرض الخرطوم، وسوف نعود الى عهد نميري، وموضوع الإستتابة، أو الإعدام، نحن وحدنا واجهنا الهوس الديني، لإإذا كنا تقاعسنا غداة اعدام الأستاذ/ فهاهي الفرصة قد عادت الينا لنقدم انفسنا قرابين للدين اولا والسودان ثانيا، وللمظلومين ثالثا..
نكون او لانكون |
الحقيقة ما كنت متوقع من شخص يعتبرني كاتبو المفضل، ويكون ما فاهمني بقول في شنو؟
من باب حسن النية والتماس العذر لأخيك، يبدو انك صغير السن ولم تعاصر الأحداث التي عصفت بالجمهوريين في العام 1985 عشيةإعدام الأستاذ محمود، عشان كده ح اذكرها ليك عشان تقدر توسع دائرة الرؤية الى ابعد من محاولة اثبات التهمة التي تريد أن تلصقها بالجمهوريين:
اعدام الأستاذ جري توصيفه على لسان مقال وحال كل المخالفين للأستاذ/ محمود بنه تقرب الى الله وده معنى كلمة (قرابين) الوردت في المداخلة، وبالمناسبة عشان فكرك ما يودي ويجيب في العبارات التانية ادخل ليك مباشرة في التفصيل، في اليوم داك والأيام التالية، كان معظم الجمهوريون معتقلون في سجون النظام، وجرت استتابتهم جميعا وهم في السجن يعني كده بالبلدي عبارة (تقاعس) في المداخلة بالضرورة لها دلالة محددة، وبعبارة اخرى محلية خالص انو كان قدام المساجين ديل خيارين لا ثالث لهما:
1- رفض الإستتابة والإصرار على مواقفهم ومواجهة الموت ( وده بالضرورة كان ح يغير الخارطة السياسية والدينية والإجتماعية للقطر بصورة جذرية)
2- القبول بمبدأ الإستتابة لأسباب قدرها الذين قبلوا بالإستتابة (وده من وجهة نظري هو التقاعس)
نجي لعبارة (نكون أو لا نكون) ودي عبارة جاءت بالصورة دي أو بعبارات اخري تؤدي لنفس المعنى علي لسان كثير من الأنبياء، والفالاسفة وعلى سبيل المثال عبارة السيد/ المسيح المشهورة (ليس بالخبز وحده يحى الإنسان) يعني بدون فكر ومباديء وقيم يتمسك بيها الإنسان تبقى حياتو ما فيها فائدة.. ولا انت شايف غير كده؟
الحاجة التانية دي:
Quote: يا عبدالله يا ودعمي .. أعلم تماما أن الجمهوريين
ليسوا من الغباء يقومو يختو كتب أستاذهم كمنهج
ديني في المدارس والجامعات ... مثلا كفاية يزرعون
في أمخاخ تلاميذ سادسة ابتدائي إنو الدين الإسلامي
فيهو شريعتين واحدة كانت في القرن السابع وواحدة
في القرن العشرين والباقي بتلقوهو في موقع الفكرة
دوت اورج ...
|
انا افهم انك تكون معارض للفكر الجمهوري، وفي نفس الوكت تكون موضوعي، وتنتقد الجمهوريين بوقائع ثابتة، لأنو الجمهوريون موجودون في المجتمع السوداني، اما انك تلجأ للتخمين والإحتمالات للتدليل بإمكانية حدوث ما تريد اثباته فده مامر علينا قبل كده، احتمال يكون في مجال هندسة الكهرباء والله اعلم.
يا سيدي الجمهوريون سوانيون موجودون في السودان منذ نشأتهم فيهم كثير من معلمي المراحل الدارسية المختلفة، هل سمعت يوم من اي حد انو اثناء تدريس الحصص الدراسية قام بشرح فكرة الأستاذ/ محمود محمد طه.. لو عندك توثيق لحادثة زي دي يبقى كلامك موضوعي، غير كده ده مجرد افتراض مقصود به التشويش، وأنا اربأ بك أن تكون من هؤلاء..
على فكرة يا صلاح
نحن ما قاعد نعرض الفكرة الجمهورية لأبناءنا في المنازل عشان ينشأوا احرار يختارون من الدين ما يشاؤون، وبنرسلهم ليكم في مدارسكم وبيدرسوا نفس مناهجكم، وبعضهو اختار أن يكون سلفيا، وبنتعايش معاه عادي، بيهمنا انو يكون صادق في اختياره..
مع وافر الإحترام
| |
|
|
|
|
|
|
|
|
|
Re: عمري ما شفت غباء وبلادة زي الجدل الحاصل ال (Re: جمال المنصوري)
|
صباح الخير علي غالي والجميع ...
وخصوصا أستاذي جمال ...
اسمح لي أناديك جمال كدا حاف ...
وكل الأوصاف الوصفتك بيها في مداخلتي السابقة
هي فعلا ما أحسه تجاهك ... ما حا تتصور كمية المتعة
الذهنية التي وفرتموها لي بسجالاتك مع عزيزنا محمد
الزبير ....
كدي نتفق انو الكوت بتاعك الجبتو أنا هنا مكتوب
بي لغة عربية رصينة ويستطيع محدود القدرات أن
يستوعب ما ترمي إليه .. وليس عيبا أن تدافع عن
ما تعتقد ...
| Quote: من باب حسن النية والتماس العذر لأخيك، يبدو انك صغير السن |
ههههه يا جمال يا اخوي إلتمس لي عذر تاني
لأنو سنة ١٩٨٥ فبراير أنا إستقبلت أول مولود
لي واليوم أنا جد لي بنتو من ١١ سنة ...
العايز اقول ليك إنو لم يكن لدي الوقت الكافي
أثناء دراستي او في حياتي العملية لمتابعة
أنبياء القرن العشرين ماركس ولينين وحسن
البنا وسيد قطب ومحمود محمد طه والترابي
والهدية ومن قبلهم أئمة الدواعش ابن تيمية
ومحمد عبدالوهاب ... صدقني لو قتا ليك لم
أقرأ كتاب واحد لهؤلاء الأنبياء الذين في رأي
أضرو بالدين أكثر مما افادوهو ...
يا جمال بقية مداخلتك تذكرني بالتاريخ الإسلامي
المليء بالدماء والدموع والذي فرق بين حاملي راية
لا إله إلا الله وجعلهم طوايف متناحرة ...
| Quote: انا افهم انك تكون معارض للفكر الجمهوري، وفي نفس الوكت تكون موضوعي، وتنتقد الجمهوريين بوقائع ثابتة، لأنو الجمهوريون موجودون في المجتمع السوداني، اما انك تلجأ للتخمين والإحتمالات للتدليل بإمكانية حدوث ما تريد اثباته فده مامر علينا قبل كده، احتمال يكون في مجال هندسة الكهرباء والله اعلم. |
طبعا هندسة الكهرباء لا علاقة لها بما نحن فيه لكن
الرسالة وصلت وأظن الإجابة موجودة فوق للكوت
بتاع الكهربا دا مباشرة ...
يا جمال الدعوة لي أي دين معلوم إنها بتم بي كل
السبل ... والمثال الأنا خمنتو أو وضعتو كاحتمال
وارد وممكن زي ما المريض بيدوهو كبسولات للعلاج
ويتدرج في بلعها كذلك الدين ممكن يدوهو كبسولات
زي الكبسولة الانا ذكرتها وبعد هضمها يرزعو بالتانية ..
العايز اقولو إنو الجمهوريين لم يتوقفوا أبدا عن الدعوة
إلي دينهم وبالتي هي أحسن ... لكن الله غالب علي أمره ..
تحياتي
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Ali Alkanzi
Deng
Abdullah Idrees
نعمات عماد
Yasir Elsharif
بابكر قدور
Asim Ali
علي عبدالوهاب عثمان
عمر سعيد علي
Mahjob Abdalla
Salah Zubeir
يحي قباني
جمال ود القوز
ABUHUSSEIN
Abureesh
جمال المنصوري
فيس بوك
تويتر
انستقرام
يوتيوب
بنتيريست