|
|
|
 Re: *** ياجماعة خلونا نسمح لى ثوار السودان بال� (Re: احمد حمودى)
|
مظاهرات لبنان تمت تغطيتها من جميع القنوات اللبنانية ونحنا غطيناها باللايفات
المتظاهرون اللبنانيون يحملون يافطات تحى الثوار السوادنيين
طبعا وجبات المتظاهرين اللبنانيين بقلاوة وكنافة وباسطات طبعا الحاجات دى يموتوا فيها هيئة علماء السلطان السودانية
وخاصة شيوخ الضلال والفتنة والتكفييرن
| |
 
|
|
|
|
|
|
|
|
Re: *** ياجماعة خلونا نسمح لى ثوار السودان بال� (Re: ترهاقا)
|
| Quote: ياجماعة خلونا نسمح لى ثوار السودان بالصبة فى بيروت عشان النقاهة وكدة |
تحياتي أحمد ....
الأولوية للذهاب إلي لبنان من عضوية المنبر
المغتربة الذين كانو حضورا وصبوها طوال
شهر رمضان حسب علمي هم :-
١ :- أبو الريش ...
٢ :- صلاح الزبير ...
شوفو لينا اتنين تلاته من اولاد التأمين
والتفتيش بالزوق معاهم اتنين بتاعين
لايفات وتذكرتي وتذكرة دسيس علي أنا ....
| |
|
|
|
|
|
|
|
|
|
Re: *** ياجماعة خلونا نسمح لى ثوار السودان بال� (Re: علاء سيداحمد)
|
واحد قال كنت بتابع الاحتجاجات اللبنانية
ولمن شعرت انو المدام وصلت حولت على حرب اليمن
عالم جبانات بشكل
================
الحبيب الأمير بدرالدين .. تحياتي
الحركات دي مع اغنيات ( انصاف مدني وندى القلعة .. إلخ )
خطير وجميل يا أمير ..
دي حالة عامة ..
يعني كده أحياناً وخاص ( بالجلاكين )
صدقني إنت زول رائع ..
شكراً حبيبنا حمودي .. تحياتنا .. ما في واحدة لابسة فستان ( تي شيرت ) بدون أكمام
| |
|
|
|
|
|
|
|
|
|
Re: *** ياجماعة خلونا نسمح لى ثوار السودان بال� (Re: محمد عبد الله الحسين)
|
ياعلى عبدالوهاب
امس قلت للمدام ماشى احضر مبارة برشلونة
مع اصحابى قالت لى المبارة منقولة من بيروت
شلت مفتاح السيارة وتخارجت من سكات
=================
الحبيب الامير .. خليت البوست أحلى .. اليوم الكفيل على سفر
نتفرغ للبوست ..
اللبنانيين حتى في الحرب ( أيام الحرب الاهلية ) يقتلوا بعضهم برقة وزوق
لا تجد رأس منفجر أو بطن مفتوح .. طلقة في مكان خفي .. وتجد الميت آخر تسريحة شعر
وأناقة .. حرام ده شعب غريب ..
==================
قلت ليها برشلونة .. آه يا مسي ..
نحن ناس ضواحي الدنيا لسع بدري علينا برشلونة
صدقني يا الامير بدر خليت البوست أجمل ..
وين باقي الاحباب ( العروبيين ) ..
شكراً الحبيب حمودي .. خلي بالك على الامير لا يغادر البوست ..
| |
|
|
|
|
|
|
|
|
|
Re: *** ياجماعة خلونا نسمح لى ثوار السودان بال� (Re: خضر الطيب)
|
محمد عبدالله الحسين وعلى عبدالوهاب
ياخى تبا لكم على قول بشاشة
احتجاجاتكم ياها دسيس مان وصبة واسفلت ولا الزنديق
عمر دفع الله البرسم لينا فى جعبات عبدالحى
والجنجويد وكتايب الظل والموت فى الشوارع
بتذكر لمن جبنا حميد الدوحة عام ١٩٩٦ كان لاول
مرة يشوف الايتى ام مشين كنت اقود السيارة معنا
صديقنا مسعود محمد على وقتها كان مسعود استاذ
اللغة الانجليزية بجامعة قطر قبل هجرته لامريكا قام
مسعود قالى يابدر وقف لى عند اقرب صراف آلى قمت
وقفت وحميد براقب في المشهد شاف مسعود مشى على
حيطة وقف جمبها دخل بطاقة الحيطة قامت ادتو قروش
قام حميد ضحك ولعن حميد وقال المساكين فى السودان
حميد يغنى ليهم حيطة تتنطا وتفلع فى قفا الزول البنها وهم
عارفين هنا فى قطر الحيطة بتدى قروش انا يومين بضحك
| |
|
|
|
|
|
|
|
|
Re: *** ياجماعة خلونا نسمح لى ثوار السودان بال� (Re: بدر الدين الأمير)
|
الحبيب بدرالدين الامير ..
ايامك جميلة بإذن الله ..
حميد ومصطفى سيداحمد والنور عثمان أبكر
وغيرهم إنت محظوظ يا الامير ..
حميد الله يرحمه زول تربال أصيل
كلما أقرأ أشعاره يرجعني للبلد زمان ( الترابلة والرواويس)
عندي كتاب أتمنى أن يتم طباعته قريباً ( قراءة نوبية في شعر حميد )
تعرف يا الامير حميد أشعر بني آدم في تاريخ الشعر السوداني
تحيايت الامير الحبيب
التحية لحمودي على البوست الجميل
| |
|
|
|
|
|
|
|
|
|
Re: *** ياجماعة خلونا نسمح لى ثوار السودان بال� (Re: علاء سيداحمد)
|
التحية للشعب اللبنانى فى تظاهراته السلمية مطالباً بالتغيير للافضل
الشعب اللبنانى شعب متحضر ولكنه أيضاً شعب جسور صعب الميراس
تشهد له الحرب اللبنانية فى سبعينيات القرن الماضى التى إستمر لسنوات
عديدة أدهشت المراقبين فى كيفية تحمل هذا الشعب لويلات الحروب
اليوم يخرج الشعب اللبنانى مستلهماً سلمية الثورة السودانية التى أشعلت
فتيل الثورات السلمية فى بعض دول العالم ويبدو أن آثرها سينتشر.
ملاحظة أن كنداكات لبنان أيضا يقدن الهبة السلمية .. فقد بلشن (بدأن)
النضال .. التعابير تتشابه .. سلمية .. وتعبير طابور خامس يدلاً عن
مندسين أو أمنجية .. ونبذ الطوائف والمنداة بمساواة بين المواطنين
بعيدا عن الإنتماء الطائفى .. شعارات متقدمة فى واقع تركيبة
حكم ديمقراطى مقننة فيها أدوار الطوائف المسيحية والمسلمة!
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
احمد حمودى
ترهاقا
Salah Zubeir
بدر الدين الأمير
علاء سيداحمد
علي عبدالوهاب عثمان
محمد عبد الله الحسين
أبوبكر عباس
خضر الطيب
فيس بوك
تويتر
انستقرام
يوتيوب
بنتيريست